գործ No ԵԱՔԴ /0109/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Ա.Մկրտչյանի
քարտուղարությամբ` Մ.Հայրապետյանի
մասնակցությամբ`
մեղադրող` Ա.Աղայանի
ամբաստանյալ` Ռ.Թոքմաջյանի
պաշտպան` Հ.Բաղդասարյանի




2010թ. օգոստոսի 25-ին, դատարանում, դռնբաց դատական նիստում, քննեց քրեական գործն ըստ մեղադրանքի Ռոբերտ Թոքմաջյանի, ծնված 29.08.1963թ., ք. Գյումրի, ազգությամբ հայ, ՀՀ քաղաքացի, միջնակարգ կրթությամբ, գտնվում է փաստական ամուսնական հարաբերությունների մեջ, նախկինում դատված` 16.10.2006թ. Շիրակի մարզի առաջին ատյանի դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 4-րդ կետով դատվածությունը չմարված, չի աշխատում, գրանցված է ք. Գյումրի Շերամի 2-րդ թաղ. 1-4 ա շենք 4-րդ բնակարան:
Մեղադրվում է ՀՀ քրեական օրենսգրքի 177-րդ հոդվածի 3-րդ մասի 3-րդ կետով:


Պ Ա Ր Զ Ե Ց


1.Գործի դատավարական նախապատմությունը.

2010թ. մայիսի 31-ին Քանաքեռ-Զեյթուն քննչական բաժնի քննիչի կողմից ՀՀ քրեական օրենսգրքի 177-րդ հոդվածի 2-րդ մասի 4-րդ կետի հատկանիշներով հարուցվել է թիվ 14115310 քրեական գործը:
2010թ. մայիսի 31-ին Ռոբերտ Թոքմաջյանը ձերբակալվել է:
2010թ. հունիսի 3-ին Ռոբերտ Թոքմաջյանիը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 4-րդ կետով և խափանման միջոց է ընտրվել կալանավորումը:
2010թ. հունիսի 30-ին Ռոբերտ Թոքմաջյանին առաջադրված մեղադրանքի ծավալը փոփոխվել է և նոր մեղադրանք է առաջադրվել 177-րդ հոդվածի 3-րդ մասի 3-րդ կետով:
2010թ. հուլիսի 22-ին թիվ 14115310 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:


2.Գործի փաստական հանգամանքները.

Նախաքննության մարմինն ամբաստանյալ Ռոբերտ Թոքմաջյանին մեղադրանք է առաջադրել հետևյալ արարքի համար.
2010թ. մայիսի 23-ին ժամը 15:00-ի սահմաններում Երևան քաղաքի Կոմիտաս 45 հասցեում գտնվող ՙՄեգա Սպորտ՚ սպորտային պարագաների խանութի մոտով անցնելիս նկատելով, որ խանութի ներսում գտնվող սեղանին առկա է բջջային հեռախոս և նկատելով, որ խանութի նշված հատվածում ոչ ոք չկա` գողություն կատարելու դիտավորությամբ մտնելով ներս գաղտնի հափշտակել է նույն խանութի վաճառողուհի Քրիստինե Մկրտչյանին պատկանող ՙՍամսունգ Ե-250՚ տեսակի բջջային հեռախոսը, որի արժեքը կազմում է 20.000 ՀՀ դրամ գումար, և ամիջապես հեռացել` Քրիստինե Մկրտչյանին պատճառելով 20.000 ՀՀ դրամի գույքային վնաս:


3.Ապացույցների հետազոտում.


Դատաքննության ժամանակ ամբաստանյալ Ռոբերտ Թոքմաջյանն ըստ էության պնդել է նախաքննության ընթացքում տված իր ցուցմունքն այն մասին, որ ինքը նախկինում 8 անգամ դատապարտվել է դիտավորյալ հանցագործությունների համար, ինչպես նաև դատապարտվել է հափշտակություններ կատարելու համար, որոնցից վերջինը` 16.10.2006թ. Շիրակի մարզի առաջին ատյանի դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 4-րդ կետով: 2010թ. մայիսի 23-ին ժամը 15:00-ի սահմաններում Երևան քաղաքի Կոմտաս 45 հասցեում գտնվող ՙՄեգա Սպորտ՚ սպորտային պարագաների խանութի մոտով անցնելիս նկատելով, որ խանութի ներսում գտնվող սեղանին առկա է բջջային հեռախոս, վստահ լինելով, որ ոչ ոք չկա մտել է ներս, գողացել է սեղանի վրա դրված ՙՍամսունգ Ե-250՚ տեսակի բջջային հեռախոսը, դուրս է եկել խանութից և շտապ հեռացել: Բջջային հեռախոսը պահել է իր մոտ` տեղադրելով 098-53-71-42 հեռախոսաքարտը, անձամբ օգտագործել է և, երբ 30.05.2010թ. ոստիկանության աշխատակիցների կողմից բերման է ենթարկվել ոստիկանության Մալաթիայի բաժին, նրա անձնական խուզարկության ընթացքում հայտնաբերվել և առգրավվել է իր կողմից գողացված ՙՍամսունգ Ե-250՚ տեսակի բջջային հեռախոսը:

Գ/թ 28-30, 48, 71

Ամբաստանյալի կատարած հանցանքը, բացի նրա կողմից տրված ցուցմունքներից հիմնավորվել է նաև գործով ձեռք բերված հետևյալ ապացույցներով.

Տուժող Քրիստինե Վլադիմիրի Մկրտչյանի` նախաքննության ժամանակ տված ցուցմունքով այն մասին, որ ինքը աշխատում է ՙՄեգա Սպորտ՚ սպորտային պարագաների խանութում, որպես վաճառողուհի:
23.05.2010թ. ժամը 15:00-ի սահմաններում` ինքը խանութի ընդհանուր սրահի սեղանի վրա թողնելով իրեն պատկանող ՙՍամսունգ Ե-250՚ տեսակի սև գույնի բջջային հեռախոսը, գնացել է խանութի մյուս վաճառասրահը: Վերադառնալով նկատել է, որ վերը նշված բջջային հեռախոսը բացակայում է և հասկացել է, այն գողացել են: Թե ում կողմից էր գողացվել բջջային հեռախոսը, ինքը տեղեկություն չի ունեցել: Դեպքի մասին անմիջապես ոստիկանությանը չի դիմել, քանի որ գողացված հեռախոսի արժեքը մեծ չի եղել, և ոստիկանության Մալաթիայի բաժնում կատարված հանցագործության մասին հաղորդում է տվել 30.05.10թ.-ին:
Գ/թ 15-16, 20
Ամբաստանյալ Ռ.Թոքմաջյանին մեղսագրվող հանցավոր արարքը հիմնավորվել է նաև.

գ Ամբաստանյալ Ռ.Թոքմաջյանին անձնական խուզարկության ենթարկելու մասին արձանագրությամբ, համաձայն որի 30.05.2010թ. ոստիկանության Մալաթիայի բաժնում Ռ.Թոքմաջյանը ենթարկվել է անձնական խուզարկության, որի ընթացքում նրա մոտ հայտնաբերվել է Ք.Մկրտչյանին պատկանող ՙՍամսունգ Ե-250՚ տեսակի բջջային հեռախոսը:

Գ/թ 4

գ Ոստիկանության Մալաթիայի բաժնում կատարված Ռ.Թոքմաջյանի անձնական խուզարկությամբ առգրավված և ոստիկանության Արաբկիրի քննչական բաժնում գործով իրեղեն ապացույց ճանաչված ՙՍամսունգ Ե-250՚ տեսակի բջջային հեռախոսի առկայությամբ:

Գ/թ 4

գ Քննչական փորձարարություն կատարելու մասին արձանագրությամբ, համաձայն որի ամբաստանյալ Ռ.Թոքմաջյանը մատնացույց է արել Երևան քաղաքի Կոմիտասի 45 հասցեում գտնվող ՙՄեգա Սպորտ՚ սպորտային պարագաների խանութը և հայտարարել, որ այդ խանութի ներսում գտնվող սեղանի վրայից է գողացել ՙՍամսունգ Ե-250՚ տեսակի բջջային հեռախոսը, որից հետո 30.05.2010թ. բերման է ենթարկվել ոստիկանությանՄալաթիայի բաժին, որտեղ կատարված անձնական խուզարկության ընթացքում ՙՍամսունգ Ե-250՚ տեսակի բջջային հեռախոսը հայտնաբերվել և առգրավվել է իր մոտից:

Գ/թ 49-50

գ Ապրանքագիտական հմ. 411-ապ. եզրակացությամբ, համաձայն որի փորձաքննությանը ներկայացված ՙՍամսունգ Ե-250՚ տեսակի բջջային հեռախոսի շուկայական միջին արժեքը, առկա ապրանքային վիճակի հաշվառմամբ 23.05.2010թ. դրությամբ գնահատվում է 20.000 /քսան հազար/ դրամ:

Գ/թ 56-57

գ 14.07.2010թ.ՙՂ.Տելեկոմ՚ ՓԲԸ-ի կողմից ստացված վերծանումները, համաձայն որի ՙՍամսունգ Ե-250՚ տեսակի բջջային հեռախոսի մեջ 24.05.2010թ. օգտագործվել է 098-537-124 բջջային հեռախոսաքարտը, որը ձևակերպված է Ռ.Թոքմաջյանի քրոջ` Կարինե Թոքմաջյանի անունով և ըստ Ռ.Թոքմաջյանի ցուցմունքի վերջինս տվյալ հեռախոսաքարտը իրեն նվիրել է:

Գ/թ 78-148

գ Շիրակի մարզի առաջին ատյանի դատարանի 16.10.2006թ. դատավճիռը, որի հիման վրա Ռ.Թոքմաջյանը հանցավոր է ճանաչվել ՀՀ քրեական օրենսգրքի 177 հոդվածի 2-րդ մասի 4-րդ կետով նախատեսված հանցագործության կատարման համար և դատապարտվել է ազատազրկման 2 տարի ժամկետով:
Գ/թ 61-62
4.Դատարանի իրավական վերլուծությունները.


Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռոբերտ Սերյոժայի Թոքմաջյանին ՀՀ քրեական օրենսգրքի 177 հոդվածի 3-րդ մասի 3-րդ կետով առաջադրված մեղադրանքը հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 3-րդ մասի 3-րդ կետի հատկանիշներին:
Արարքի քրեաիրավական որակումը ճիշտ է:
Ամբաստանյալ Ռոբերտ Թոքմաջյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև անձը բնութագրող տվյալները:
Ամբաստանյալ Ռոբերտ Թոքմաջյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի համար:
Հաշվի առնելով գործի կոնկրետ հանգամանքները, դատարանը ամբաստանյալ Ռոբերտ Թոքմաջյանի կողմից հանցանքն ալկոհոլի ազդեցության տակ կատարելը պատասխանատվությունը ծանրացնող հանգամանք չի դիտում:
Կատարած արարքի համար ամբաստանյալ Ռոբերտ Թոքմաջյանը ենթակա է քրեական պատասխանատվության և պատժի:
Նկատի ունենալով, որ տուժող Քրիստինե Մկրտչյանը քաղաքացիական հայցի պահանջ չի ներկայացրել, դատարանն այդ հարցը համարում է լուծված:
Ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը



Վ Ճ Ռ Ե Ց


Ռոբերտ Թոքմաջյանին մեղավոր ճանաչել ՀՀ քրեական օրենսգրքի 177-րդ հոդվածի 3-րդ մասի 3-րդ կետով և նրա նկատմամբ պատիժ նշանակել ազատազրկում 4 (չորս) տարի ժամկետով:
Պատժի սկիզբը հաշվել Ռոբերտ Թոքմաջյանի ձերբակալման օրը` 31.05.2010թ.:
Պատիժը պետք է կրի ՀՀ ԱՆ համապատասխան քրեակատարողական հիմնարկում:

Ռոբերտ Թոքմաջյանի նկատմամբ ընտրված խափանման միջոցը` կալանավորումը թողնել անփոփոխ:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: