գործ N ԵԱՔԴ/0102/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահող դատավոր Լ.Ավետիսյան
դատական նիստերի քարտուղար Ե.Կարապետյան
մեղադրող Լ. Մանուկյան
պաշտպան Ա. Ջուվանովա

2010թ. հոկտեմբերի 21-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
1. Ռոբերտ Ավետիքի Ամիրխանյանի, ծնված 28.03.1939թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուսնալուծված, խնամքին ոչ ոք, նախկինում չդատված, բնակվել է Երևան քաղաքի, Ա.Արմենակյան փողոցի 197 հասցեում /ծերանոց ինտերնատ/, մեղադրվում է ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով, 4-րդ մասով և 268 հոդվածի 2-րդ մասի 1-ին և 2-րդ կետերով, արգելանքի տակ է 2010թ. մարտի 19-ից,
2. Միքայել Գուրգենի Մանուկյանի, ծնված 15.04.1953թ., Սևան քաղաքում, ազգությամբ հայ, ՀՀ քաղաքացի, ութամյա կրթությամբ, 2-րդ խմբի հաշմանդամ, ամուսնալուծված, խնամքին ոչ ոք, նախկինում չդատված, չի աշխատել, բնակվել է Երևան քաղաքի, Ավան 1 թաղ. 1/10 շենքի թիվ 33 բնակարանում, մեղադրվում է ՀՀ քրեական օրենսգրքի 266 հոդվածի 1-ին և 4-րդ մասերով, 268 հոդվածի 2-րդ մասի 1-ին և 2-րդ կետերով, արգելանքի տակ է 2010թ. մարտի 17-ից,
3. Համլետ Մերուժանի Պետրոսյանի, ծնված 20.03.1965թ., Արագածոտնի մարզի Ձորափ գյուղում, ազգությամբ հայ, ՀՀ քաղաքացի, միջինակարգ մասնագիտական կրթությամբ, ամուսնացած, խնամքին ոչ ոք, նախկինում դատված` 20.08.2003թ. դատապարտվել է ՌԴ քրեական օրենսգրքի 229 հոդվածի 3-րդ մասով 6 տարի ժամկետով ազատազրկման, ազատվել է 2007թ. օգոստոսին, չի աշխատել, հաշվառված է Երևան քաղաքի, Կուրղինյան 23 շենքի թիվ 15 բնակարանում, բնակվում է Արագածոտնի մարզի Ձորափ գյուղում, մեղադրվում է ՀՀ քրեական օրենսգրքի 268 հոդվածի 1-ին մասով և 266 հոդվածի 4-րդ մասով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց
1.Գործի դատավարական նախապատմությունը.
2010թ. մարտի 17-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 268 հոդվածի 1-ին մասի և 266 հոդվածի 4-րդ մասի հատկանիշներով հարուցվել է թիվ 09106410 քրեական գործը:
2010թ. մարտի 20-ին Միքայել Գուրգենի Մանուկյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266 հոդվածի 1-ին և 4-րդ մասերով, 268 հոդվածի 2-րդ մասի 2-րդ կետով, նրա նկատմամբ որպես խափանման միջոց ընտրվել է կալանավորումը:
2010թ. մարտի 20-ին Աշոտ Վաղարշակի Շարաֆյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266 հոդվածի 4-րդ մասով, 268 հոդվածի 2-րդ մասի 2-րդ կետով, նրա նկատմամբ որպես խափանման միջոց ընտրվել է կալանավորումը:
2010թ. մարտի 22-ին Ռոբերտ Ավետիքի Ամիրխանյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով և 268 հոդվածի 2-րդ մասի 1-ին և 2-րդ կետերով, նրա նկատմամբ որպես խափանման միջոց ընտրվել է կալանավորումը:
2010թ. մարտի 24-ին Համլետ Մերուժանի Պետրոսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով և 266 հոդվածի 4-րդ մասով, նրա նկատմամբ որպես խափանման միջոց է ընտրվել ստորագրություն չհեռանալու մասին:
2010թ. հունիսի 22-ին որոշում է կայացվել թիվ 09106410 քրեական գործի նյութերով Աշոտ Վաղարշակի Շարաֆյանի կողմից առանց իրացնելու նպատակի խոշոր չափի 0,2228 գրամ չոր քաշով ացետիլացված ափիոն տեսակի թմրամիջոց և 22 մլ ծավալով պրեկուրսոր հանդիսացող քացախաթթվի անհիդրիդ ապօրինի ձեռք բերելու և իր` Երևան քաղաքի Ծատուրյան փողոցի թիվ 34/2 տանը ապօրինի պահելու փաստի առթիվ ՀՀ քրեական օրենսգրքի 268 հոդվածի 2-րդ մասի 2-րդ կետով և 266 հոդվածի 4-րդ մասով հարուցել նոր քրեական գործ, առանձնացնել առանձին վարույթում` շնորհելով 09113210 համարը:
2010թ. հունիսի 30-ին որոշում է կայացվել թիվ 09106410 քրեական գործի նյութերով անհայտ անձի կողմից, գործով չպարզված հանգամանքներում, Ռոբերտ Ավետիքի Ամիրխանյանին խոշոր չափի 6,23 գրամ հաստատուն քաշով ափիոն տեսակի թմրամիջոց, զգալի չափի` 0.0573 գրամ հաստատուն քաշով ացետիլացված ափիոն տեսակի թմրամիջոց և 0,25 մլ պրեկուրսոր հանդիսացող քացախաթթվի անհիդրիդ ապօրինի իրացնելու փաստի առթիվ` ՀՀ քրեական օրենսգրքի 266 հոդվածի 2-րդ մասի 2-րդ կետով և 266 հոդվածի 4-րդ մասով հարուցել նոր քրեական գործ, առանձնացնել առանձին վարույթում` շնորհելով 09113510 համարը:
2010թ. հունիսի 30-ին Ռոբերտ Ավետիքի Ամիրխանյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով, 4-րդ մասով, 268 հոդվածի 2-րդ մասի 1-ին և 2-րդ կետերով, ընտրված խափանման միջոցը մնացել է անփոփոխ:
2010թ. հուլիսի 01-ին Միքայել Գուրգենի Մանուկյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 266 հոդ. 1-ին և 4-րդ մասերով, 268 հոդվածի 2-րդ մասի 1-ին և 2-րդ կետերով, ընտրված խափանման միջոցը մնացել է անփոփոխ:
2010թ. հուլիսի 16-ին թիվ 09106410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալներ Ռոբերտ Ավետիքի Ամիրխանյանին, Միքայել Գուրգենի Մանուկյանին և Համլետ Մերուժանի Պետրոսյանին մեղադրանքներ է առաջադրել հետևյալ արարքների համար.
Ռոբերտ Ամիրխանյանը գործով չպարզված հանգամանքներում, իրացնելու նպատակով, ապօրինի ձեռք է բերել խոշոր չափի 4.61 գրամ ափիոն տեսակի թմրամիջոց, որից զգալի չափի` 0.26 գրամ հաստատուն քաշով ափիոն տեսակի թմրամիջոցը 2010թ. մարտ ամսին վաճառելու եղանակով ապօրինի իրացրել է Միքայել Գուրգենի Մանուկյանին: Մնացած` խոշոր չափի 4.35 գրամ հաստատուն քաշով ափիոն տեսակի թմրամիջոցը 2010թ. մարտի 17-ին, վաճառելու եղանակով, կրկին անգամ, ապօրինի իրացրել է Միքայել Մանուկյանին և ընդհանուր 4.61 գրամ ափիոն տեսակի թմրամիջոցի իրացման դիմաց նույն օրը Միքայել Մանուկյանից ստացել է 90.000 ՀՀ դրամ գումար:
Բացի այդ, Ռոբերտ Ամիրխանյանը, կրկին անգամ, գործով չպարզված հանգամանքներում, առանց իրացնելու նպատակի ապօրինի ձեռք է բերել խոշոր չափի` 1.62 գրամ հաստատուն քաշով ափիոն տեսակի թմրամիջոց, զգալի չափի` 0.0573 գրամ հաստատուն քաշով ացետիլացված ափիոն տեսակի թմրամիջոց և 0,25 մլ պրեկուրսոր հանդիսացող քացախաթթվի անհիդրիդ և դրանք ապօրինի պահել է իր բնակության վայր հանդիսացող, Երևան քաղաքի Ա.Արմենակյան փողոցի 197 հասցեում գտնվող ծերանոց-ինտերնատի 302 սենյակում, որոնք 18.03.2010թ. խուզարկությամբ հայտնաբերվել են ոստիկանության Քանաքեռ-Զեյթունի բաժնի աշխատակիցների կողմից:
Միքայել Մանուկյանը 2010թ. մարտ ամսին, իրացնելու նպատակով, Ռոբերտ Ավետիքի Ամիրխանյանից ապօրինի ձեռք է բերել զգալի չափի` 0,26 գրամ հաստատուն քաշով ափիոն տեսակի թմրամիջոց, որն իր մոտ նախապես ապօրինի պահած, պրեկուրսոր հանդիսացող 0,5 մլ ծավալով քացախաթթվի անհիդրիդի հետ միասին, 2010թ. մարտի 17-ին, ժամը 12-ի սահմաններում, Երևան քաղաքի Նոր-Նորքի 5-րդ զանգվածում, 20.000 ՀՀ դրամով վաճառելու եղանակով ապօրինի իրացրել է Համլետ Մերուժանի Պետրոսյանին:
Նույն օրը ժամը 15-ի սահմաններում գնացել է Երևան քաղաքի Արմենակյան փողոցի 197 հասցեում գտնվող ծերանոց տուն-ինտերնատ և այնտեղ բնակվող Ռոբերտ Ավետիքի Ամիրխանյանից, կրկին անգամ, առանց իրացնելու նպատակի, ապօրինի ձեռք է բերել խոշոր չափի 4,35 գրամ հաստատուն քաշով ափիոն տեսակի թմրամիջոց` Ռ.Ամիրխանյանին վճարելով ընդհանուր 90.000 ՀՀ դրամ գումար` 0,26 և 4,35 գրամ ափիոն տեսակի թմրամիջոցների համար:Դրանք իր կողմից նախկինում ապօրինի ձեռք բերած զգալի չափի 2,30 գրամ հաստատուն քաշով մարիխուանա տեսակի թմրամիջոցի, խոշոր չափի 0,665 գրամ մաքուր քաշով ացետիլացված ափիոն տեսակի թմրամիջոցի և պրեկուրսոր հանդիսացող 11,9 գրամ ծավալով քացախաթթվի անհիդրիդի հետ միասին, առանց իրացնելու նպատակի ապօրինի պահել է իր մոտ, որոնք էլ 2010թ. մարտի 17-ին հայտնաբերվել են նրա մոտ` ոստիկանության աշխատակիցների կողմից կատարված անձնական խուզարկությամբ:
Համլետ Պետրոսյանը 2010թ. մարտի 17 ին, ժամը 12-ի սահմաններում, Երևանի Նորքի 5-րդ զանգվածում, 20.000 ՀՀ դրամով իր ծանոթ Միքայել Գուրգենի Մանուկյանից, առանց իրացնելու նպատակի, ապօրինի ձեռք է բերել և իր մոտ պահել զգալի չափի 0,26 գրամ հաստատուն քաշով ափիոն տեսակի թմրամիջոց և պրեկուրսոր հանդիսացող 0,5 մլ ծավալով քացախաթթվի անհիդրիդ, որոնք 2010թ. մարտի 17-ին հայտնաբերվել են նրա մոտ` ոստիկանության աշխատակիցների կողմից կատարված անձնական խուզարկությամբ:
3.Ապացույցների հետազոտում.
Առաջադրված մեղադրանքում նախնական քննության ընթացքում Ռոբերտ Ավետիքի Ամիրխանյանն իրեն մեղավոր է ճանաչել մասնակի և հայտարարել է, որ ապօրինի պահել է միայն ներարկիչով ափիոն տեսակի թմրամիջոցի լուծույթ: Միաժամանակ հրաժարվել է ցուցմունքներ տալուց և որևէ փաստաթուղթ ստորագրելուց:
Դատական քննության ժամանակ Ռոբերտ Ամիրխանյանը ցուցմունք տվեց, որ ինքը ճանաչում է Միքայել Մանուկյանին` տարիներ շարունակ նրա տանը բնակվելու կապակցությամբ և գտնվել են մտերիմ փոխհարաբերությունների մեջ: Համլետ Պետրոսյանին չի ճանաչել: Մարտի 17-ին ծերանոցի դռան մոտ երկու քաղաքացի իր անունը հարցնելուց հետո իրեն տարել են ոստիկանություն: Այնտեղ տեսնելով Միքայելին ասել է. ՙայ կեղտոտ, համ լավություն ես անում, համ բռնել ես տալիս՚: Նա էլ իրեն վատություն անելու համար ասել է, որ ինքն էլ նրան թմրադեղ է վաճառել:
Ամբաստանյալ Ռոբերտ Ամիրխանյանը հայտնեց, որ ծերանոց ինտերնատի թիվ 302 սենյակում կատարված խուզարկությամբ , իր բաճկոնի գրպանից հայտնաբերել են երկու դատարկ ներարկիչներ, փոքր պահարանի դարակից` դատարկ ներարկիչներ և հաշիշանման նյութը: Պահարանում կախված բաճկոնի գրպանից հայտնաբերել են մեկ ներարկիչ` նյութով: Արձանագրությունը կազմել են և իրենք բոլորը ստորագրել են այն: Իր կարծիքով արձանագրությունը սխալ է կազմված, քանի որ իր անկողնու մեջ թմրանյութ չի եղել և այն գցել են ոստիկանության աշխատակիցները: Ինքն իրեն մեղավոր է ճանաչում ներարկիչի համար, որի մեջ թմրադեղ կար, որն ինքը պետք է օգտագործեր: Իրացման նպատակ ինքը չի ունեցել և Միքայել Մանուկյանին ինքը թմրանյութ չի վաճառել:
Առաջադրված մեղադրանքում նախնական քննության ընթացքում Միքայել Գուրգենի Մանուկյանն իրեն մեղավոր է ճանաչել մասնակի և ցուցմունք տվել այն մասին, որ 2010թ. մարտի 17-ին Համլետ Պետրոսյանին 20.000 ՀՀ դրամով վաճառել է 0,26 գրամ քաշով ափիոն տեսակի թմրամիջոց և 0,5 մլ ծավալով պրեկուրսոր հանդիսացող քացախաթթվի անհիդրիդ: Նշել է, որ այդ թմրանյութը, ինչպես նաև իր մոտից հայտնաբերված 4,35 գրամ քաշով ափիոն տեսակի թմրամիջոցը գնել է ոչ թե Ռոբերտ Ամիրխանյանից, այլ Մհեր անունով մի անձնավորությունից, ում հետ ծանոթացել է պատահական և այլևս չի տեսել:
Դատական քննության ժամանակ Միքայել Մանուկյանը ցուցմունք տվեց, որ Ռոբերտ Ամիրխանյանն իրեն թմրանյութ չի վաճառել, ինքն է նրան հյուրասիրել որպես հիվանդ մարդու: Երբ իրեն տարել են ոստիկանության բաժին, ինքը խաբել է, ասելով որ Ռոբերտ Ամիրխանյանն է իրեն թմրանյութ վաճառել: Ռոբերտն ասել է ՙհամ դեղ ես բերել, համ բռնել ես տալիս՚, ինքն էլ դրանից բարկացել է և ասել. ՙդու էլ դեղ ես ծախել ինձ՚:
Մ.Մանուկյանի պատճառաբանություններն անհիմն են և մտացածին, հետապնդում են քրեական պատասխանատվությունից խուսափելու, նախաքննությանը շեղելու նպատակ և հերքվում են հետևյալ ապացույցներով.
որպես կասկածյալ և մեղադրյալ հարցաքննվելու ժամանակ տված իր ցուցմունքներով այն մասին, որ 2010թ. մարտ ամսին Ռոբերտ Ավետիքի Ամիրխանյանից, ով բնակվում էր Նորքի ծերանոցում, գնել է 0,26 գրամ ափիոն տեսակի թմրամիջոց: 2010թ. մարտի 17-ին իրեն զանգահարել է իր ծանոթ Համլետ Պետրոսյանը և հարցրել, թե կարող է արդյոք իրեն թմրանյութ վաճառել: Պայմանավորվել են հանդիպել Նոր-Նորքի 5-րդ զանգվածում: Ժամը 12-ի սահմաններում ԳԱԶ 3110 մակնիշի տաքսի ավտոմեքենայով, որի վարորդի անունը Արթուր Գևորգյան է գնացել է Նոր-Նորքի 5-րդ զանգված և 0.26 գրամ քաշով ափիոն տեսակի թմրամիջոցը ներարկիչով, 0.5 մլ պրեկուրսոր հանդիսացող քացախաթթվի անհիդրիդը 20.000 ՀՀ դրամով վաճառել է Համլետ Պետրոսյանին: Այնուհետև, նույն օրը` ժամը 15-ի սահմաններում, գնացել է Նորքի ծերանոց և կրկին անգամ այնտեղ բնակվող Ռոբերտ Ամիրխանյանից գնել է 4.35 գրամ քաշով ափիոն տեսակի թմրամիջոց և դրա, ինչպես նաև նախկինում վերցրած 0.26 գրամ ափիոն տեսակի թմրամիջոցի համար Ռոբերտ Ամիրխանյանին վճարել է 90.000 ՀՀ դրամ գումար: Այնուհետև գնացել է Ավանում գտնվող իր բնակարան, որտեղից բերման է ենթարկվել ոստիկանության Քանաքեռ-Զեյթունի բաժին, որտեղ կատարված անձնական խուզարկությամբ իր մոտից հայտնաբերվել են Ռ.Ամիրխանյանից գնած ափիոն տեսակի 4.35 գրամ քաշով թմրամիջոցը, իր կողմից պատրաստած ացետիլացված ափիոն տեսակի թմրամիջոցը, մարիխուանա տեսակի թմրամիջոցը և 11.9 մլ պրեկուրսոր հանդիսացող քացախաթթվի անհիդրիդը: Նշել է, որ այդ ամենը պահել է իր մոտ` թմրամիջոց պատրաստելու և շահույթ ստանալու նպատակով վաճառելու համար, քանի որ այլ ապրուստի միջոց չի ունեցել, ինչպես նաև` իր անձնական օգտագործման համար: Մ. Մանուկյանը հայտնել է, որ իր մոտից հայտնաբերված ացետիլացված ափիոնը ինքն է պատրաստել, որի մի մասը քսել է իր մոտից հայտնաբերված շերեփի ներսի պատերին: Իր մոտից հայտնաբերված մարիխուանա տեսակի թմրամիջոցը քաղել է տարբեր հողամասերից, որոնց տեղերը չի հիշում, իսկ պրեկուրսոր հանդիսացող քացախաթթվի անհիդրիդն իր մոտ եղել է երկար ժամանակ և չի հիշում, թե կոնկրետ որտեղից է ձեռք բերել: Մ.Մանուկյանը իր ցուցմունքը պնդել է նաև Ռ.Ամիրխանյանի հետ առերես հարցաքննության ժամանակ:
Առաջադրված մեղադրանքում Համլետ Մերուժանի Պետրոսյանն իրեն մեղավոր է ճանաչել լիովին և տվել խոստովանական ցուցմունքներ այն մասին, որ 2010թ. մարտի 17-ին զանգահարել է Միքայել Մանուկյանին և ասել, որ գումար ունի և ցանկանում է թմրանյութ գնել: Սկզբում պայմանավորվել են հանդիպել Նոր-Նորքի շուկայի մոտ: Որոշ ժամանակ անց Միքայել Մանուկյանը զանգահարել է իրեն և ասել, որ կարող են հանդիպել Նոր-Նորքի 5-րդ զանգվածում գտնվող կոշիկի ֆաբրիկայի մոտ: Ժամը 12-ի սահմաններում պայմանավորված վայրում իրեն է մոտեցել ՙԳԱԶ 3110՚ մակնիշի ավտոմեքենա, այդ մեքենայից իջել է Միքայել Մանուկյանը և մոտենալով իրեն տվել է 0.26 գրամ քաշով ափիոն տեսակի թմրամիջոց և ներարկիչով 0.5 մլ պրեկուրսոր հանդիսացող քացախաթթվի անհիդրիդ: Այդ ամենի դիմաց ինքը Միքայել Մանուկյանին տվել է 20.000 ՀՀ դրամ գումար: Դրանից որոշ ժամանակ անց բերման է ենթարկվել ոստիկանության Քանաքեռ-Զեյթունի բաժին, որտեղ կատարված անձնական խուզարկությամբ իր մոտից հայտնաբերվել են Միքայել Մանուկյանից 20.000 դրամով գնած 0.26 գրամ քաշով ափիոն տեսակի թմրամիջոցը և ներարկիչով 0.5 մլ պրեկուրսոր հանդիսացող քացախաթթվի անհիդրիդը:
Ամբաստանյալներին առաջադրված մեղադրանքը, բացի նրանց ցուցմունքներից հիմնավորվել է գործով ձեռք բերված հետևյալ ապացույցներով.
Վկա Արմինե Սամվելի Ավագյանի նախնական քննության ընթացքում տված և դատաքննության ժամանակ հետազոտված ցուցմունքնով այն մասին, որ աշխատում է Նորքի ծերանոց տուն-ինտերնատում` որպես բուժքույր: 2010թ. մարտի 18-ին ոստիկանության աշխատակիցներն իրեն և Լյուբա Պետրոսյանին հրավիրել են որպես ընթերակա մասնակցելու Ռ.Ամիրխանյանի թիվ 302 սենյակի խուզարկությանը: Խուզարկության ընթացքում աթոռի վրա դրված բաճկոնի գրպանից հայտնաբերվել են փայլուն թղթի մեջ փաթաթված մուգ կանաչավուն զանգված, դեղահաբ: Պահարանի բաճկոնի գրպանից հայտնաբերվել են 3 մլ ներարկիչ` դեղնակարմրավուն հեղուկով, փայլուն թղթի մեջ թութունի կանաչավուն զանգված, ներարկիչներ: Կախիչի բաճկոնից և պահարանի դարակից հայտնաբերվել են օգտագրոծված ներարկիչներ: Սենյակի մահճակալի վերմակի տակից հայտնաբերվել է 3 կտոր մուգ շագանակագույն զանգված: Ռ.Ամիրխանյանը հայտարարել է, որ հայտնաբերվածն իրենն է: Խուզարկությամբ հայտնաբերվածը փաթեթավորվել, կնիքվել և առգրավվել է ոստիկանության աշխատակիցների կողմից:
Նույնաբովանդակ ցուցմունք է տվել նաև գործով վկա, մյուս ընթերակա Լյուբա Պավելի Պետրոսյանը:
Վկա Գևորգ Արամի Ավագյանի ցուցմունքով այն մասին, որ 2010թ. մարտի 17-ին ոստիկանության աշխատակիցների կողմից հրավիրվել է մասնակցելու որպես ընթերակա մի քաղաքացու անձնական խուզարկությանը: Բացի իրենից մասնակցել է նաև մեկ այլ ընթերակա: Խուզարկվողի անունը Համլետ Պետրոսյան էր, ում կաշվե բաճկոնի գրպանից հայտնաբերվել է թղթի մեջ փաթաթված շագանակագույն զանգված և ներարկիչ: Այդ ամենը փաթեթավորվել և կնիքվել է:
Վկա Արթուր Ավագի Գևորգյանի նախնական քննության ընթացքում տված և դատարանում հետազոտված ցուցմունքով այն մասին, որ ճանաչում է Միքայել Մանուկյանին շուրջ 4 տարի: Նրա հետ ծանոթացել է ավտոկանգառում, որտեղ կանգնեցրել է իր մեքենան: 2010թ. մարտի սկզբներին հանդիպել է Մ.Մանուկյանին և ասել է, որ ժամանակ առ ժամանակ իր անձնական մեքենան որպես տաքսի է օգտագործում: Վերջինս վերցրել է իր հեռախոսահամարը և ասել է, որ տաքսի անհրաժեշտ լինելու դեպքում իրեն կդիմի: 2010թ. մարտի 17-ին Մ.Մանուկյանը զանգահարել է իրեն և ասել է, որ իրեն մեքենա է հարկավոր: Մ.Մանուկյանին վերջինիս տանից մեքենայով տարել է Նոր-Նորքի 5-րդ զանգվածում գտնվող կոշիկի ֆաբրիկայի մոտ, որտեղ Մ.Մանուկյանը դուրս է եկել մեքենայից և հեռացել, իսկ ինքը մնացել է մեքենայի մեջ: Քիչ անց Միքայելը վերադարձել է և նորից նստել իր մեքենան, որից հետո գնացել են Նորքի ծերանոց: Ինքը կրկին մնացել է մեքենայի մեջ, իսկ Մ. Մանուկյանը մտել է ծերանոց և քիչ անց վերադարձել: Այնուհետև ինքը Մ. Մանուկյանին տեղափոխել է նրա տուն: Նշել է, որ չի տեսել, թե Մ.Մանուկյանը Նոր-Նորքի 5-րդ զանգվածում և Նորքի ծերանոցում ում հետ է հանդիպել: Ինքը թմրանյութեր չի օգտագործում և չի իմացել, որ Միքայել Մանուկյանը թմրանյութեր է օգտագործում և վաճառում: Նշել է, որ նախկինում նույնպես Միքայել Մանուկյանին տարել է Նորքի ծերանոց:
Ամբաստանյալներ Ռոբերտ Ամիրխանյանի, Միքայել Մանուկյանի, Համլետ Պետրոսյանի կատարած հանցանքը հիմնավորվել է նաև գործով ձեռք բերված հետևյալ ապացույցներով.
17.03.2010թ. կատարված Համլետ Մերուժանի Պետրոսյանի անձնական խուզարկության արձանագրության համաձայն, Հ.Պետրոսյանի կաշվե սև գույնի բաճկոնի ձախ գրպանից հայտնաբերվել է ՙGrand Tobacco՚ ծխախոտատուփի թղթի մեջ փաթաթված մոտ 0.4 գրամ քաշով ափիոնանման մուգ շագանակագույն զանգված, 2 մլ ներարկիչ, որի մեջ առկա էր մոտ 0.5 մլ սուր հոտով թափանցիկ հեղուկ: Հ.Պետրոսյանը հայտարարել է, որ ափիոնանման մուգ շագանակագույն զանգվածը հանդիսանում է ափիոն տեսակի թմրամիջոց, իսկ հեղուկը` անհիդրիդ, որոնք պատկանում են իրեն:
17.03.2010թ. կատարված Միքայել Գուրգենի Մանուկյանի անձնական խուզարկության արձանագրությամբ, համաձայն որի Մ.Մանուկյանի բաճկոնի վերևի աջ գրպանից հայտնաբերվել են վանդակավոր թղթի մեջ փաթաթված մոտ 2 գրամ մարիխուանանման դեղնականաչավուն զանգված, փայլաթիթեղի մեջ փաթաթված մոտ 1 գր քաշով մարիխուանանման դեղնականաչավուն զանգված, փոլիէթիլենային ցելաֆոնի մեջ մոտ 4.4 գրամ քաշով ափիոնանման մուգ շագանակագույն զանգված, փայլաթիթեղի մեջ փաթաթված մոտ 0.4 գրամ քաշով ափիոնանման մուգ շագանակագույն զանգված, ցելաֆոնի մեջ փաթաթված թվով 27 սպիտակ գույնի դեղահաբ, բաճկոնի ծոցագրպանից հայտնաբերվել են Մ.Մանուկյանի AE0531511 սերիայի անձնագիրը, մեկ հատ 20.000 թղթադրամ, մեկ հատ 5.000 թղթադրամ: Բաճկոնի ներքևի ձախ գրպանից հայտնաբերվել են մեկ հատ 2.5 մգ մեկանգամյա օգտագործման ներարկիչ, որի մեջ եղել է մոտ 1 մգ թափանցիկ սուր հոտով հեղուկ, թվով 4 հատ 2 մգ մեկանգամյա օգտագործման ներարկիչներ, որոնց մեջ եղել է մոտ 2 մ գ սուր հոտով սպիտակ հեղուկ, 2 հատ 3 մգ մեկանգամյա օգտագործման ներարկիչներ, որոնց մեջ առկա էր մոտ 2 մլ սուր հոտով թափանցիկ հեղուկ: Ձեռքի դեղին գույնի պոլիէթիլենային փաթեթի մեջից հայտնաբերվել են թղթետուփ, որի մեջ եղել էին 3 հատ 2մլ մեկանգամյա օգտագործման ներարկիչներ, որոնց մեջ առկա էր մոտ 2 մլ սուր հոտով թափանցիկ հեղուկ, մեկ հատ 20մլ ներարկիչ, որի մեջ առկա էր մոտ 5 մլ սուր հոտով թափանցիկ հեղուկ, 2 հատ 3 մլ մեկանգամյա օգտագործման ներարկիչներ, որոնց մեջ առկա էր մոտ 1 մլ սուր հոտով թափանցիկ հեղուկ, թվով 9 հատ օգտագործված մեկանգամյա դատարկ ներարկիչներ, որոնցից 20 մլ-ոց ներարկիչի ասեղի ծայրին առկա է եղել շագանակագույն հետքերով բամբակյա խծուծ, թվով 7 հատ ներարկիչի ասեղներ, որոնցից մեկի վրա առկա է եղել շագանակագույն հետքերով բամբակյա խծուծ, մեկ հատ չօգտագործված ներարկիչ իր ասեղով: Ցելաֆոնի մեջից հայտնաբերվել են շերեփ` ափիոնանման մուգ շագանակագույն հետքերով, 8 կոճակ դեմիդրոլ, 8 կոճակ ցիտրամոն տեսակի դեղահաբեր, փայլաթիթեղի մեջ հայտնաբերվեց մոտ 0.2 գր քաշով չոր զանգված: Մ. Մանուկյանը հայտարարել է, որ ափիոնանման զանգվածները հանդիսանում են ափիոն տեսակի թմրանյութ, դեղնականաչավուն զանգվածները կանեփ տեսակի թմրանյութ, ներարկիչի մեջ առկա սուր հոտով հեղուկները հանդիսանում են անհիդրիդ, դեղահաբերը հանդիսանում են դեղամիջոցներ և այդ ամենը պատկանում է իրեն: Վերը նշվածը առգրավվել, փաթեթավորվել և կնիքվել է:
18.03.2010թ. կատարված Ռոբերտ Ավետիքի Ամիրխանյանի բնակության վայր հանդիսացող Երևան քաղաքի Ա.Արմենակյան 197 հասցեում գտնվող ծերանոց տուն-ինտերնատի 302 սենյակում կատարված խուզարկության արձանագրության համաձայն, սենյակի աթոռի վրա դրված կապույտ բաճկոնի գրպանից հայտնաբերվել է փայլուն թղթի մեջ փաթաթված մոտ 0.3 գրամ քաշով մուգ կանաչավուն զանգված, մեկ հատ վարդագույն դեղահաբ: Պահարանի սև գույնի բաճկոնի գրպանից հայտնաբերվել են 3 մլ ներարկիչ ասեղի հետ, որի մեջ եղել է 2 մլ դեղնակարմրավուն հեղուկ, փայլուն թղթի մեջ փաթաթված մոտ 0.2գր քաշով մարիխուանանման զանգված, մեկանգամյա օգտագործման ներարկիչի ասեղի պատյան, որի մեջ եղել է թափանցիկ հեղուկ, մեկ հատ 2 մլ օգտագործված ներարկիչ: Սենյակի կախիչից կախված բաճկոնից հայտնաբերվել է 2մլ-ոց օգտագործված ներարկիչ: Սենյակի պահարանի դարակից հայտնաբերվել են 2 և 3 մլ-նոց 2 հատ օգտագործված ներարկիչներ: Մահճակալի վերմակի տակից հայտնաբերվել է մոտ 1.8 գրամ քաշով 3 կտորից մուգ շագանակագույն ափիոնանման զանգված: Ռ.Ամիրխանյանը հայտարարել է, որ հայտնաբերվածը հանդիսանում է թմրանյութ, պատկանում է իրեն և իր անձնական օգտագործման համար է:
17.03.2010թ. դատաքիմիական փորձաքննության թիվ 142Ք եզրակացության համաձայն, Համլետ Պետրոսյանի անձնական խուզարկությամբ հայտնաբերված և փորձաքննությանը ներկայացված 0,26 գրամ հաստատուն քաշով նյութը հանդիսանում է ափիոն տեսակի թմրամիջոց: Փորձաքնությանը ներկայացված ներարկիչի մեջ առկա 0,5 մլ ծավալով հեղուկը հանդիսանում է քացախաթթվի անհիդրիդ: Քացախաթթվի անհիդրիդը հանդիսանում է պրեկուրսոր:
19.03.2010թ. դատաքիմիական փորձաքննության թիվ 153Ք եզրակացության համաձայն, Ռոբերտ Ամիրխանյանի բնակության վայր հանդիսացող Ա.Արմենակյան 197 հասցեում գտնվող ծերանոց ինտերնատի թիվ 302 սենյակի խուզարկությամբ հայտնաբերված և փորձաքննությանը ներկայացված ընդհանուր 1,62 գրամ հաստատուն քաշով նյութը հանդիսանում է ափիոն տեսակի թմրամիջոց: Փորձաքննությանը ներկայացված ներարկիչում առկա 1,5 մլ ծավալով շագանակագույն հեղուկը հանդիսանում է ացետիլացված ափիոն տեսակի թմրամիջոցի լուծույթ, որում ացետիլացված ափիոնի չոր քաշը կազմում է 0,0573 գրամ: Փորձաքննությանը ներկայացված ներարկիչի ասեղի կափարիչում առկա 0,16 մլ ծավալով թույլ դեղնավուն թափանցող լուծույթը հանդիսանում է հերոյին տեսակի թմրամիջոցի լուծույթ, որում հերոինի չոր քաշը կազմում է 0,003 գրամ: Փորձաքննությանը ներկայացված 0,08 գրամ քաշով նյութը հանդիսանում է չորացված մարիխուանա տեսակի թմրամիջոց:
19.03.2010թ. դատաքիմիական փորձաքննության թիվ 155Ք եզրակացության համաձայն, Միքայել Մանուկյանի անձնական խուզարկությամբ հայտնաբերված և փորձաքննությանը ներկայացված 1,65 գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց: Փորձաքննությանը ներկայացված ընդհանուր 0,75 հաստատուն քաշով խառնուրդը հանդիսանում է 0,65 գրամ քաշով չորացված մարիխուանա տեսակի թմրամիջոցի և 0,15 գրամ քաշով թութունի մասնիկների խառնուրդ: Փորձաքննությանը ներկայացված ընդհանուր 4,35 /4,05 գրամ և 0,3 գրամ/ գրամ հաստատուն չոր քաշով նյութը հանդիսանում է ափիոն տեսակի թմրամիջոց: Փորձաքննությանը ներկայացված թվով 13 ներարկիչներում առկա ընդհանուր 11,9 /6 մլ, 0,5 մլ, 0,5 մլ, 0,4 մլ, 0,4 մլ, 0,4 մլ, 0,4 մլ, 0,5 մլ, 0,5 մլ, 0,5 մլ, 0,5 մլ, 0,4 մլ և 0,9 մլ/ մլ ծավալով հեղուկը հանդիսանում է քացախաթթվի անհիդրիդ: Քացախաթթվի անհիդրիդը հանդիսանում է պրեկուրսոր:
08.04.2010թ. դատաքիմիական փորձաքննության թիվ 10-0723 եզրակացության համաձայն, Միքայել Մանուկյանի անձնական խուզարկությամբ հայտնաբերված և փորձաքննությանը ներկայացված <ՀՀ ոստիկանության Երևան քաղաքի վարչության Քանաքեռ-Զեյթունի բաժին. Ծրարների համար Nօ> կլոր կնիքի դրոշմով ամրակնքված փաթեթում առկա յուրահատուկ հոտով, շագանակագույն մանրեցված 0,439 գրամ մաքուր քաշով զանգվածը, շերեփի ներքին մակերևույթին առկա յուրահատուկ հոտով շագանակագույն 0,226 գրամ մաքուր քաշով նյութը իրենցից ներկայացնում են ացետիլացված ափիոն: 3 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում, 3 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում, 20 մլ-ի համար նախատեսված <DISCARD AFTER USE> գրառումով մեկանգամյա օգտագործման ներարկիչում, ասեղի վրա առկա շագանակագույն նյութի հետքերով բամբակյա խծուծում, 10 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում, 5 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում, ասեղի, որի վրա առկա դարչնագույն բամբակյա խծուծում, առկա են ացետիլացված ափիոնին բնորոշ հետքեր:
08.04.2010թ. դատաքիմիական փորձաքննության թիվ 10-0722 եզրակացության համաձայն, Ռոբերտ Ամիրխանյանի բնակության վայր հանդիսացող Ա.Արմենակյան 197 հասցեում գտնվող ծերանոց ինտերնատի թիվ 302 սենյակի խուզարկությամբ հայտնաբերված և փորձաքննությանը ներկայացված 3 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում և 2 մլ-ի համար նախատեսված <DISCARD AFTER USE> գրառումով մեկանգամյա օգտագործման դատարկ ներարկիչում առկա են ացետիլացված ափիոնի հետքեր: 2 մլ-ի համար նախատեսված <DISCARD AFTER USE VM> գրառումով մեկանգամյա օգտագործման ներարկիչում առկա 0,25 մլ ծավալով հեղուկը իրենից ներկայացնում է քացախաթթվի անհիդրիդ:
24.03.2010թ. տոքսիկոքիմիական փորձաքննության թիվ 0200 եզրակացության համաձայն, 18.03.2010թ. Համլետ Մերուժանի Պետրոսյանի մեզի փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր:
24.03.2010թ. տոքսիկոքիմիական փորձաքննության թիվ 0202 եզրակացության համաձայն, 18.03.2010թ. Ռոբերտ Ավետիքի Ամիրխանյանի մեզի փորձանմուշում հայտնաբերվել են ափիոնի խմբի թմրամիջոցների թմրալկալոիդներ:
24.03.2010թ. տոքսիկոքիմիական փորձաքննության թիվ 0203 եզրակացության համաձայն, 18.03.2010թ. Միքայել Գուրգենի Մանուկյանի մեզի փորձանմուշում հայտնաբերվել են կանաբիսի և ափիոնի խմբի թմրամիջոցների թմրալկալոիդներ:
Միքայել Մանուկյանի 077-32-24-16 և Համլետ Պետրոսյանի 077-74-98-80 հեռախոսահամարների ելքային և մուտքային հեռախոսազանգերի վերծանումներով, դրանց զննության արձանագրությամբ և նշված վերծանումները այլ ապացույց ճանաչելու որոշմամբ, որոնցով հիմնավորվել է, որ 17.03.2010թ. Մ.Մանուկյանn իր 077-32-24-16 հեռախոսահամարով բազմիցս հեռախոսակապ է հաստատել Ռ.Ամիրխանյանի 055-39-03-28 և Հ.Պետրոսյանի 077-74-98-80 հեռախոսահամարների հետ:
2010թ. հունիսի 30-ի իրեղեն ապացույց ճանաչելու և քրեական գործին կցելու մասին որոշման համաձայն` թիվ 09106410 քրեական գործով Համլետ Պետրոսյանի անձնական խուզարկությամբ նրա մոտից հայտնաբերված զգալի չափի 0,26 գրամ հաստատուն քաշով ափիոն տեսակի թմրամիջոցը, 2 մլ-ոց ներարկիչով 0,5 մլ ծավալով պրեկուրսոր հանդիսացող քացախաթթվի անհիդրիդը, Միքայել Մանուկյանի անձնական խուզարկությամբ նրա մոտից հայտնաբերված 1) զգալի չափի 2,30 գրամ հաստատուն քաշով մարիխուանա տեսակի թմրամիջոցը, 2) խոշոր չափի 4,35 գրամ հաստատուն քաշով ափիոն տեսակի թմրամիջոցը, 3) թվով 13 ներարկիչներով ընդհանուր 11,9 մլ ծավալով պրեկուրսոր հանդիսացող քացախաթթվի անհիդրիդը, 4) խոշոր չափի 0,665 գրամ մաքուր քաշով ացետիլացվածափիոն տեսակի թմրամիջոցը, 5) ացետիլացված ափիոն տեսակի թմրամիջոցի հետքերով 2 հատ 3 մլ, 1 հատ 10 մլ, 1 հատ 5 մլ <DISCARD AFTER USE> գրառումներով մեկանգամյա օգտագործման դատարկ ներարկիչները, 6) ացետիլացված ափիոն տեսակի թմրամիջոցի հետքերով 1 հատ 20 մլ ներակիչը, որի ասեղի վրա նույնպես առկա է ացետիլացաված ափիոն տեսակի թմրամիջոցի հետքերով բամբակյա խծուծը, 7) ացետիլացված ափիոն տեսակի թմրամիջոցի հետքերով ասեղը, որի վրա առկա է ացետիլացված ափիոն տեսակի թմրամիջոցի հետքերով բամբակյա խծուծը, Ռոբերտ Ամիրխանյանի բնակության վայր հանդիսացող Երևան քաղաքի Արմենակյան փողոցի 197 հասցեում գտնվող ծերանոց տուն-ինտերնատի թիվ 302 սենյակի խուզարկությամբ հայտնաբերված 1) 1,62 գրամ հաստատուն քաշով ափիոն տեսակի թմրամիջոցը, 2) 3 մլ-ոց ներարկիչով 1,5 մլ ծավալով ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է զգալի չափի 0,0573 գրամ, 3) ներարկիչի կափարիչով 0,16 մլ ծավալով հերոյին տեսակի թմրամիջոցի լուծույթը, որում հերոյինի չոր քաշը կազմել է 0,003 գրամ, 4) 0,08 գրամ քաշով չորացված մարիխուանա տեսակի թմրամիջոցը, 5) 2 մլ ներարկիչով 0,25 մլ ծավալով պրեկուրսոր հանդիսացող քացախաթթվի անհիդրիդը, 6) ացետիլացված ափիոն տեսակի թմրամիջոցի հետքերով 1 հատ 3 մլ-ոց և 1 հատ 2 մլ-ոց <DISCARD AFTER USE> գրառումներով մեկանգամյա օգտագործման դատարկ ներարկիչները, ճանաչվել են իրեղեն ապացույց և կցվել քրեական գործին:
Նշված իրեղեն ապացույցները դատաքննության ընթացքում զննության ենթարկելու վերաբերյալ արձանագությամբ:
Դատարանը գտնում է, որ գործով անթույլատրելի և ոչ վերաբերելի ապացույցներ չկան:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռոբերտ Ավետիքի Ամիրխանյանին առաջադրված մեղադրանքը ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով, 4-րդ մասով, և 268 հոդվածի 2-րդ մասի 1-ին և 2-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերի, 4-րդ մասի, և 268 հոդվածի 2-րդ մասի 1-ին և 2-րդ կետերի հատկանիշներին և արարքների որակումը ճիշտ է:
Ամբաստանյալ Միքայել Գուրգենի Մանուկյանին առաջադրված մեղադրանքը ՀՀ քրեական օրենսգրքի 266 հոդվածի 1-ին և 4-րդ մասերով, 268 հոդվածի 2-րդ մասի 1-ին և 2-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 266 հոդվածի 1-ին և 4-րդ մասերի, 268 հոդվածի 2-րդ մասի 1-ին և 2-րդ կետերի հատկանիշներին և արարքի որակումը ճիշտ է:
Ամբաստանյալ Համլետ Մերուժանի Պետրոսյանին առաջադրված մեղադրանքը ՀՀ քրեական օրենսգրքի 268 հոդվածի 1-ին մասով, 266 հոդվածի 4-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 268 հոդվածի 1-ին մասի, 266 հոդվածի 4-րդ մասի հատկանիշներին և արարքի որակումը ճիշտ է:
Ամբաստանյալներ Ռոբերտ Ավետիքի Ամիրխանյանի, Միքայել Գուրգենի Մանուկյանի, Համլետ Մերուժանի Պետրոսյանի նկատմամբ պատիժ նշանակելիս, դատարանը հաշվի է առնում նրանց կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Ռոբերտ Ամիրխանյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա նախկինում դատված չի եղել:
Ամբաստանյալ Ռոբերտ Ամիրխանյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Միքայել Գուրգենի Մանուկյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա նախկինում դատված չի եղել, երկրորդ խմբի հաշմանդամ է /զրկված է ձախ ձեռքից/:
Ամբաստանյալ Միքայել Մանուկյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Համլետ Պետրոսյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա աջակցել է հանցագործությունը բացահայտելուն և հանցագործության մյուս մասնակիցներին մերկացնելուն, հանցանքն ընդունել և զղջում է կատարածի համար:
Դատարանը որպես ամբաստանյալ Համլետ Պետրոսյանի պատասխանատվությունը և պատիժը ծանրացնող հանգամանք դիտում է հանցանքը կատարելու ռեցիդիվը:
Կատարած արարքների համար ամբաստանյալներ Ռոբերտ Ավետիքի Ամիրխանյանը, Միքայել Գուրգենի Մանուկյանը, Համլետ Մերուժանի Պետրոսյանը ենթակա են քրեական պատասխանատվության և պատժի:
Դատարանը, հաշվի առնելով Ռոբերտ Ամիրխանյանի կատարած արարքների հանրության համար վտանգավորության աստիճանը և բնույթը, նրա անձը, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266 հոդվածի 2-րդ մասի սանկցիայով նախատեսված է պատիժ ազատազրկման ձևով, ՀՀ քրեական օրենսգրքի 268 հոդվածի 2-րդ մասի սանկցիայով նախատեսված է պատիժ ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով և 268 հոդվածի 2-րդ մասի 1-ին և 2-րդ կետերով կատարած արարքների համար պատիժներ պետք է նշանակել ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասով կատարած արարքի համար` տուգանքի ձևով:
Դատարանը քննության առնելով ամբաստանյալ Ռոբերտ Ավետիքի Ամիրխանյանի նկատմամբ լրացուցիչ պատիժ կիրառելու հարցը, գտնում է, որ նպատակահարմար չէ ՀՀ քրեական օրենսգրքի 266 հոդվածի 2-րդ մասի սանկցիայով նախատեսված լրացուցիչ պատիժը` գույքի բռնագրավում կիրառելը:
Ռոբերտ Ամիրխանյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածով սահմանված` պատիժները լրիվ գումարելու կանոնով, որը նա պետք է կրի:
Դատարանը, հաշվի առնելով Միքայել Մանուկյանի կատարած արարքների հանրության համար վտանգավորության աստիճանը և բնույթը, նրա անձը, պատասխանատվությունը և պատիժը մեղմացնող հանգամանքները, ծանրացնող հանգամանքի բացակայությունը, ինչպես նաև այն, որ ՀՀ քրեական օրենսգրքի 266 հոդվածի 1-ին մասի, 268 հոդվածի 2-րդ մասի սանկցիաներյով նախատեսված է պատիժ ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 266 հոդվածի 1-ին մասով, 268 հոդվածի 2-րդ մասի 1-ին և 2-րդ կետերով կատարած արարքների համար պատիժ պետք է նշանակել ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասով կատարած արարքի համար` տուգանքի ձևով: Միքայել Մանուկյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածով սահմանված` պատիժները լրիվ գումարելու կանոնով, որը նա պետք է կրի:
Դատարանը, հաշվի առնելով Համլետ Պետրոսյանի կատարած արարքների հանրության համար վտանգավորության աստիճանը և բնույթը, նրա անձը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 268 հոդվածի 1-ին մասի և 266 հոդվածի 4-րդ մասի սանկցիաներով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով: Համլետ Պետրոսյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածով սահմանված` պատիժները լրիվ գումարելու կանոնով, որը նա պետք է կրի:
Դատարանը գտնում է, որ Ռոբերտ Ամիրխանյանից պետք է բռնագանձել դատաքիմիական փորձաքննության համար վճարվելիք գումարը` 82 440 ՀՀ դրամը (հիմք` փորձագետի 2010թ. ապրիլի 8-ի թիվ 10-0722 եզրակացությանը կից հաշիվ-ապրանքագիր հանդիսացող հանձնման-ընդունման արձանագրություն):
Դատարանը գտնում է, որ Միքայել Մանուկյանից պետք է բռնագանձել դատաքիմիական փորձաքննության համար վճարվելիք գումարը` 137 400 ՀՀ դրամը (հիմք` փորձագետի 2010թ. ապրիլի 8-ի թիվ 10-0723 եզրակացությանը կից հաշիվ-ապրանքագիր հանդիսացող հանձնման-ընդունման արձանագրություն):
Դատարանն անդրադառնալով իրեղեն ապացույցների տնօրինման հարցին, գտնում է, որ իրեղեն ապացույց ճանաչված` Համլետ Պետրոսյանի անձնական խուզարկությամբ նրա մոտից հայտնաբերված զգալի չափի 0,26 գրամ հաստատուն քաշով ափիոն տեսակի թմրամիջոցը, 2 մլ-ոց ներարկիչով 0,5 մլ ծավալով պրեկուրսոր հանդիսացող քացախաթթվի անհիդրիդը, Միքայել Մանուկյանի անձնական խուզարկությամբ նրա մոտից հայտնաբերված 1) զգալի չափի 2,30 գրամ հաստատուն քաշով մարիխուանա տեսակի թմրամիջոցը, 2) խոշոր չափի 4,35 գրամ հաստատուն քաշով ափիոն տեսակի թմրամիջոցը, 3) թվով 13 ներարկիչներով ընդհանուր 11,9 մլ ծավալով պրեկուրսոր հանդիսացող քացախաթթվի անհիդրիդը, 4) խոշոր չափի 0,665 գրամ մաքուր քաշով ացետիլացվածափիոն տեսակի թմրամիջոցը, 5) ացետիլացված ափիոն տեսակի թմրամիջոցի հետքերով 2 հատ 3 մլ, 1 հատ 10 մլ, 1 հատ 5 մլ <DISCARD AFTER USE> գրառումներով մեկանգամյա օգտագործման դատարկ ներարկիչները, 6) ացետիլացված ափիոն տեսակի թմրամիջոցի հետքերով 1 հատ 20 մլ ներակիչը, որի ասեղի վրա նույնպես առկա է ացետիլացաված ափիոն տեսակի թմրամիջոցի հետքերով բամբակյա խծուծը, 7) ացետիլացված ափիոն տեսակի թմրամիջոցի հետքերով ասեղը, որի վրա առկա է ացետիլացված ափիոն տեսակի թմրամիջոցի հետքերով բամբակյա խծուծը, Ռոբերտ Ամիրխանյանի բնակության վայր հանդիսացող Երևան քաղաքի Արմենակյան փողոցի 197 հասցեում գտնվող ծերանոց տուն-ինտերնատի թիվ 302 սենյակի խուզարկությամբ հայտնաբերված 1) 1,62 գրամ հաստատուն քաշով ափիոն տեսակի թմրամիջոցը, 2) 3 մլ-ոց ներարկիչով 1,5 մլ ծավալով ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է զգալի չափի 0,0573 գրամ, 3) ներարկիչի կափարիչով 0,16 մլ ծավալով հերոին տեսակի թմրամիջոցի լուծույթը, որում հերոինի չոր քաշը կազմել է 0,003 գրամ, 4) 0,08 գրամ քաշով չորացված մարիխուանա տեսակի թմրամիջոցը, 5) 2 մլ ներարկիչով 0,25 մլ ծավալով պրեկուրսոր հանդիսացող քացախաթթվի անհիդրիդը, 6) ացետիլացված ափիոն տեսակի թմրամիջոցի հետքերով 1 հատ 3 մլ-ոց և 1 հատ 2 մլ-ոց <DISCARD AFTER USE> գրառումներով մեկանգամյա օգտագործման դատարկ ներարկիչները պետք է հանձնել ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնին` հարուցված թիվ 09113510 քրեական գործին կցելու համար:
Դատարանը գտնում է, որ գործով այլ ապացույց ճանաչված և քրեական գործին կցված` Միքայել Մանուկյանի 077-32-24-16 և Համլետ Պետրոսյանի 077-74-98-80 հեռախոսահամարների ելքային և մուտքային հեռախոսազանգերի վերծանումները` 13 թերթից, պետք է պահել քրեական գործի հետ միասին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360 հոդվածներով դատարանը

Վ Ճ Ռ Ե Ց

Ռոբերտ Ավետիքի Ամիրխանյանին մեղավոր ճանաչել ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով, 4-րդ մասով և 268 հոդվածի 2-րդ մասի 1-ին և 2-րդ կետերով:
ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով նրան դատապարտել ազատազրկման հինգ (5) տարի ժամկետով` առանց գույքի բռնագրավման, ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով` ազատազրկման մեկ (1) տարի ժամկետով, ՀՀ քրեական օրենսգրքի 266 հոդվածի 4-րդ մասով` տուգանքի հարյուր հազար (100.000) ՀՀ դրամի չափով:
ՀՀ քրեական օրենսգրքի 66 հոդվածի հիման վրա` նշանակված պատիժները լրիվ գումարելու սկզբունքով, Ռոբերտ Ավետիքի Ամիրխանյանի նկատմամբ վերջնական պատիժ նշանակել ազատազրկում վեց (6) տարի ժամկետով` առանց գույքի բռնագրավման և տուգանք հարյուր հազար (100.000) ՀՀ դրամի չափով:
Պատժի սկիզբը հաշվել 2010թ. մարտի 19-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Ռոբերտ Ավետիքի Ամիրխանյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Միքայել Գուրգենի Մանուկյանին մեղավոր ճանաչել ՀՀ քրեական օրենսգրքի 266 հոդվածի 1-ին և 4-րդ մասերով, 268 հոդվածի 2-րդ մասի 1-ին և 2-րդ կետերով:
ՀՀ քրեական օրենսգրքի 266 հոդվածի 1-ին մասով նրան դատապարտել ազատազրկման երեք (3) տարի ժամկետով, ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով` ազատազրկման մեկ (1) տարի ժամկետով, ՀՀ քրեական օրենսգրքի 266 հոդվածի 4-րդ մասով` տուգանքի հարյուր հազար (100.000) ՀՀ դրամի չափով:
ՀՀ քրեական օրենսգրքի 66 հոդվածի հիման վրա` նշանակված պատիժները լրիվ գումարելու սկզբունքով, Միքայել Գուրգենի Մանուկյանի նկատմամբ վերջնական պատիժ նշանակել ազատազրկում չորս (4) տարի ժամկետով և տուգանք հարյուր հազար (100.000) ՀՀ դրամի չափով:
Պատժի սկիզբը հաշվել 2010թ. մարտի 17-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Միքայել Գուրգենի Մանուկյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Համլետ Մերուժանի Պետրոսյանին մեղավոր ճանաչել ՀՀ քրեական օրենսգրքի 268 հոդվածի 1-ին մասով և 266 հոդվածի 4-րդ մասով:
ՀՀ քրեական օրենսգրքի 268 հոդվածի 1-ին մասով նրան դատապարտել կալանքի երկու (2) ամիս ժամկետով, ՀՀ քրեական օրենսգրքի 266 հոդվածի 4-րդ մասով` տուգանքի հարյուր հազար (100.000) ՀՀ դրամի չափով:
ՀՀ քրեական օրենսգրքի 66 հոդվածի հիման վրա` նշանակված պատիժները լրիվ գումարելու սկզբունքով, Համլետ Մերուժանի Պետրոսյանի նկատմամբ վերջնական պատիժ նշանակել կալանք երկու (2) ամիս ժամկետով և տուգանք հարյուր հազար (100.000) ՀՀ դրամի չափով:
Պատժի սկիզբը հաշվել դատավճռի կատարման օրվանից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Համլետ Մերուժանի Պետրոսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Ռոբերտ Ավետիքի Ամիրխանյանից հօգուտ ՀՀ պետական բյուջեի, որպես դատական ծախս, բռնագանձել 82 440 ՀՀ դրամ:
Միքայել Գուրգենի Մանուկյանից հօգուտ ՀՀ պետական բյուջեի, որպես դատական ծախս, բռնագանձել 137 400 ՀՀ դրամ:
Դատավճիռն օրինական ուժի մեջ մտնելուց հետո, իրեղեն ապացույց ճանաչված, Համլետ Պետրոսյանի անձնական խուզարկությամբ նրա մոտից հայտնաբերված զգալի չափի 0,26 գրամ հաստատուն քաշով ափիոն տեսակի թմրամիջոցը, 2 մլ-ոց ներարկիչով 0,5 մլ ծավալով պրեկուրսոր հանդիսացող քացախաթթվի անհիդրիդը, Միքայել Մանուկյանի անձնական խուզարկությամբ նրա մոտից հայտնաբերված 1) զգալի չափի 2,30 գրամ հաստատուն քաշով մարիխուանա տեսակի թմրամիջոցը, 2) խոշոր չափի 4,35 գրամ հաստատուն քաշով ափիոն տեսակի թմրամիջոցը, 3) թվով 13 ներարկիչներով ընդհանուր 11,9 մլ ծավալով պրեկուրսոր հանդիսացող քացախաթթվի անհիդրիդը, 4) խոշոր չափի 0,665 գրամ մաքուր քաշով ացետիլացվածափիոն տեսակի թմրամիջոցը, 5) ացետիլացված ափիոն տեսակի թմրամիջոցի հետքերով 2 հատ 3 մլ, 1 հատ 10 մլ, 1 հատ 5 մլ <DISCARD AFTER USE> գրառումներով մեկանգամյա օգտագործման դատարկ ներարկիչները, 6) ացետիլացված ափիոն տեսակի թմրամիջոցի հետքերով 1 հատ 20 մլ ներակիչը, որի ասեղի վրա նույնպես առկա է ացետիլացաված ափիոն տեսակի թմրամիջոցի հետքերով բամբակյա խծուծը, 7) ացետիլացված ափիոն տեսակի թմրամիջոցի հետքերով ասեղը, որի վրա առկա է ացետիլացված ափիոն տեսակի թմրամիջոցի հետքերով բամբակյա խծուծը, Ռոբերտ Ամիրխանյանի բնակության վայր հանդիսացող Երևան քաղաքի Արմենակյան փողոցի 197 հասցեում գտնվող ծերանոց տուն-ինտերնատի թիվ 302 սենյակի խուզարկությամբ հայտնաբերված 1) 1,62 գրամ հաստատուն քաշով ափիոն տեսակի թմրամիջոցը, 2) 3 մլ-ոց ներարկիչով 1,5 մլ ծավալով ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է զգալի չափի 0,0573 գրամ, 3) ներարկիչի կափարիչով 0,16 մլ ծավալով հերոին տեսակի թմրամիջոցի լուծույթը, որում հերոինի չոր քաշը կազմել է 0,003 գրամ, 4) 0,08 գրամ քաշով չորացված մարիխուանա տեսակի թմրամիջոցը, 5) 2 մլ ներարկիչով 0,25 մլ ծավալով պրեկուրսոր հանդիսացող քացախաթթվի անհիդրիդը, 6) ացետիլացված ափիոն տեսակի թմրամիջոցի հետքերով 1 հատ 3 մլ-ոց և 1 հատ 2 մլ-ոց <DISCARD AFTER USE> գրառումներով մեկանգամյա օգտագործման դատարկ ներարկիչները հանձնել ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնին` հարուցված թիվ 09113510 քրեական գործին կցելու համար:
Այլ ապացույց ճանաչված` Միքայել Մանուկյանի 077-32-24-16 և Համլետ Պետրոսյանի 077-74-98-80 հեռախոսահամարների ելքային և մուտքային հեռախոսազանգերի վերծանումները` 13 թերթից, պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ