գործ No ԵԱՔԴ 0100/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Ա.Մկրտչյանի
քարտուղարությամբ` Մ.Հայրապետյանի
մասնակցությամբ`
մեղադրող` Դ.Կարապետյանի
ամբաստանյալ` Մ.Պետրոսյանի
պաշտպան` Մ.Փիլիպոսյանի



2010թ. օգոստոսի 18-ին, դատարանում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Մուշեղ Պետիկի Պետրոսյանի, ծնված 27.05.1957թ. Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, նախկինում դատապարտված 02.06.2008թ. Երևանի քրեական դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և 235-րդ հոդվածի 1-ին մասով 2 տարի ազատազրկման, ազատվել է 24.06.2009թ. ՀՀ Ազգային Ժողովի 19.06.2009թ. համաներման որոշմամբ, չի աշխատում, մշտական բնակության վայր չունի:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և 235-րդ հոդվածի 1-ին մասով:



Պ Ա Ր Զ Ե Ց



1.Գործի դատավարական նախապատմությունը.



2010թ. հունիսի 16-ին ՀՀ ոստիկանության ՔԳՎ Երևանի քննչական վարչության Արաբկիրի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և 235-րդ հոդվածի 1-ին մասի հատկանիշներով հարուցվել է թիվ 09112910 քրեական գործը:
2010թ. հունիսի 16-ին Մուշեղ Պետրոսյանը ձերբակալվել է:
2010թ. հունիսի 18-ին թիվ 09112910 քրեական գործին միացվել են 09123409, 09101610 և 09154910 քրեական գործերը:
2010թ. հունիսի 19-ին Մուշեղ Պետրոսյանը ներգրավվել է որպես մեղադրյալ ՀՀ քրեական օրենսգրքի 177-րդ հոդվածի 2-րդ մասի 3-րդ, 4-րդ կետերով, 235-րդ հոդվածի 1-ին մասով և նրա նկատմամբ որպես խափանման միջոց է ընտրվել կալանավորումը:


2010թ. հուլիսի 14-ին թիվ 09112910 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:


2.Գործի փաստական հանգամանքները.



Նախաքննության մարմինն ամբաստանյալ Մուշեղ Պետրոսյանին մեղադրանք է առաջադրել հետևյալ արարքի համար.
Մուշեղ Պետիկի Պետրոսյանը մեղադրվում է այն արարքի համար, որ նախկինում գողություն կատարելու համար դատապարտված լինելով ազատազրկման, դատվածությունը չմարված, կրկին անգամ, 2009 թ. դեկտեմբերի կեսերին գիշերը ցանկապատի վրայով ապօրինի մուտք է գործել Լեփսիուսի 6ա շենքի հարակից` Քանաքեռ ՙՎերին Այգիներ՚ կոչվող հողատարածքում գտնվող Վազգեն Սարգսյանին պատկանող, այգի և այնտեղից գաղտնի հափշտակել ՙՍոնիա՚ ֆիրմայի հեռուստացույց, Վ.Սարգսյանին պատճառել զգալի չափերի 70.000 ՀՀ դրամ գույքային վնաս:
Այնուհետև, կրկին անգամ, 2010թ. հունվարի վերջերին, ցանկապատի վրայով ապօրինի մուտք է գործել Սամսոն Գիշյանին պատկանող, ֆանարջյան 81 տան բակ, որից հետո մետաղյա խողովակով կոտրել է նշված տան խորդանոցի դռան կախովի փականը, մուտք գործել ներս գաղտնի հափշտակել 2 հատ փայտե հարթիչ, 1 հատ ակոսահան հարթիչ և 1 հատ սղոց` Ս.Գիշյանին պատճառել զգալի չափերի 40.000 ՀՀ դրամ գույքային վնաս:
Դրանից հետո, կրկին անգամ 2010թ. մայիսի վերջերին, գիշերը Զ.Սարկավագի 32 հասցեում գտնվող թիվ 159 դրոցի խոհանոցի պատուհանի ապակին հանելու միջոցով ապօրինի մուտք է գործել ներս և այնտեղից գաղտնի հափշտակել 44.000 ՀՀ դրամ ընդհանուր արժողության մեկ հատ ապակե ծաղկաման և թիվ 159 մանկապարտեզին պատկանող 40.000 ՀՀ դրամ արժողության 3 հատ մետաղյա կաթսա:
Բացի այդ, 1991-1993թթ. ընթացքում, Ղարաբաղյան պատերազմի ժամանակ ապօրինի կերպով ձեռք է բերել ռազմամթերք հանդիսացող 3 հատ գործարանային արտադրության 9 մմ տրամաչափի /9x18 ՊՄ/ ատրճանակային մարտական փամփուշտներ, դրանք պահել Զեյթունի գերեզմանատանը, քարի տակ, իսկ 2010թ. հունիսի 15-ին կրել է իր տաբատի գոտու վրա, նույն օրը հայտնաբերվել են նրա անձնական խուզարկության ժամանակ:



3. Արագացված դատական քննություն .




Մինչև դատաքննությունն սկսելն ամբաստանյալ Մուշեղ Պետրոսյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Մ.Փիլիպոսյանը:
Մեղադրող Դ. Կարապետյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:




4.Դատարանի իրավական վերլուծությունները.


Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մուշեղ Պետիկի Պետրոյանին առաջադրված մեղադրանքը` ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և 235-րդ հոդվածի 1-ին մասով հիմնավորված է: Նրա կողմից կատարած արարքը համապատասխանում է ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերի և 235-րդ հոդվածի 1-ին մասի հատկանիշներն: Արարքի քրեաիրավական որակումը ճիշտ է:
Տուժող Սուսաննա Ավագյանը քաղաքացիական հայցի պահանջ չի ներկայացրել և հրաժարվել է իրեն պատճառված վնասի հատուցումից:
Տուժողներ Վազգեն Սարգսյանը և Սամսոն Գիշյանը, որպես հանցագործության հետևանքով պատճառված վնասի փոխհատուցում համապատասխանաբար ներկայացրել են 70.000 /յոթանասուն հազար/ և 40.000 /քառասուն հազար/ ՀՀ դրամ քաղաքացիական հայցի պահանջ:
Մուշեղ Պետրոսյանի նկատմամբ պատիժ նշանակելիս, դատարանը հաշվի է առնում կատարած արարքի հանրության համար վտանգավորության աստիճանը և բնույթը, ինչպես նաև անձը բնութագրող տվյալները, այդ թվում պատասխանատվությունը և պատիժը մեղմացնող կամ ծանրացնող հանգամանքները:
Ամբաստանյալ Մուշեղ Պետրոսյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար:
Ամբաստանյալի պատասխանատվությունը և պատիժը ծանրացնող հանգամանք դատարանը չի արձանագրել:
Ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը






Վ Ճ Ռ Ե Ց


Մուշեղ Պետիկի Պետրոսյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և 235-րդ հոդվածի 1-ին մասով:
ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով Մուշեղ Պետրոսյանի նկատմամբ պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
ՀՀ քրեական օրենսգրքի 235-րդ հոդվածի 1-ին մասով Մուշեղ Պետրոսյանի նկատմամբ պատիժ նշանակել ազատազրկում 6 /վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոներով` ազատազրկման ձևով նշանակված պատիժները լրիվ գումարելու միջոցով Մուշեղ Պետիկի Պետրոսյանի նկատմամբ վերջնական պատիժ նշանակել ազատազրկում 3 /երեք/ տարի ժամկետով:
Մուշեղ Պետրոսյանի նկատմամբ նշանակված պատիժը կրելու սկիզբը հաշվել 2010թ. հունիսի 16-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Մուշեղ Պետիկի Պետրոսյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Մուշեղ Պետրոսյանի տնտեսությունից և անձնակ վաստակից հօգուտ տուժող Վազգեն Սարգսյանի բռնագանձել 70.000 (յոթանասուն հազար) ՀՀ դրամ, որպես հանցագործությամբ պատճառված վնասի փոխհատուցում:
Մուշեղ Պետրոսյանի տնտեսությունից և անձնական վաստակից հօգուտ տուժող Սամսոն Գիշյանի բռնագանձել 40.000 (քառասուն հազար) ՀՀ դրամ, որպես հանցագործությամբ պատճառված վնասի փոխհատուցում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով: