գործ No ԵԱՔԴ /0096/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Ա.Մկրտչյանի
քարտուղարությամբ` Մ.Հայրապետյանի
մասնակցությամբ`
մեղադրող` Ս. Գրիգորյանի
ամբաստանյալ` Մ.Կոկոնյանի
տուժող` Հ .Սիմոնյանի

2010թ. օգոստոսի 2-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
Միհրան Հարությունի Կոկոնյանի, ծնված 14.11.1960թ., Արարատ քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, նախկինում չդատված` գրանցված և բնակվում է Երևան քաղաքի Գոգոլի փող. 5-րդ շենք 9-րդ բնակարանում:
Մեղադրվում է ՀՀ քրեական օրենսգրքի 258-րդ հոդվածի 2-րդ մասով:

Պ Ա Ր Զ Ե Ց

1.Գործի դատավարական նախապատմությունը.

2010թ. հունիսի 10-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 258-րդ հոդվածի 2-րդ մասի հատկանիշներով հարուցվել է թիվ 09112410 քրեական գործը:
2010թ. հունիսի 28-ին Միհրան Կոկոնյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2010թ. հուլիսի 7-ին թիվ 09112410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. հուլիսի 13-ին քրեական գործը վարույթ է ընդունվել և դատական քննությունը նշանակվել է 2010թ. օգոստոսի 2-ին:
Այսպիսով, Միհրան Հարությունի Կոկոնյանը մեղադրվում է ՀՀ քրեական օրենսգրքի 258-րդ հոդվածի 2-րդ մասով:
2.Գործի փաստական հանգամանքները.
Նախաքննության մարմինն ամբաստանյալ Միհրան Հարությունի Կոկոնյանին մեղադրանք է առաջադրել հետևյալ արարքի համար.
Միհրան Կոկոնյանը 2010թ հունիսի 02-ին ժամը 23:00-ի սահմաններում, Երևան քաղաքի Գոգոլի փողոցի 5-րդ շենքի բակում, ալկոհոլ օգտագործած վիճակում, հասարակական կարգը կոպիտ կերպով խախտելու դիտավորությամբ, շուրջ 30 րոպե հայհոյանքներ է տվել Գոգոլի փող. 5-րդ շենքի բնակիչների հասցեին, կոպիտ կերպով խախտել է հասարակական կարգը, բացահայտ անհարգալից վերաբերմունք է դրսևորել հասարակության նկատմամբ, որը զուգորդվել է նույն շենքի բնակիչ Համբարձում Սիմոնյանի նկատմամբ բռնություն գործադրելով, այն է` վերջինիս խնդրանքին դադարեցնել հայհոյանքները, Մ.Կոկոնյանը շարունակել է հայհոյանքներ տալ ու ձեռքերով հարվածներ է հասցրել Հ.Սիմոնյանին` վերջինիս պատճառել առողջության թեթև վնասի հատկանիշներ չպարունակող մարմնական վնասվածք:

3.Ապացույցների հետազոտում.
Նախաքննության փուլում Միհրան Կոկոնյանն իրեն մեղավոր է ճանաչել լիովին և ցուցմունք տվել այն մասին, որ 2010թ. հունիսի 2-ին ժամը 20:00-ի սահմաններում ՙԵրևան Սիթի՚ սուպերմարկետից գնել է երկու շիշ 0.5 լիտր տարողության օղի, այնուհետև փողոցում այն մենակ օգտագործելուց հետո մոտ երկու ժամ անց գնացել է բակ և ալկոհոլի ազդեցության տակ սկսել է բակում հայհոյանքներ տալ շենքի բնակիչների հասցեին: Որոշ ժամանակ անց բակ է դուրս եկել նույն շենքի բնակիչ Համբարձում Սիմոնյանը և փորձել հանգստացնել իրեն, սակայն ինքը ավելի բարձր է սկսել հայհոյանքներ տալ, ինչպես բնակիչների, այնպես էլ Հ.Սիմոնյանի հասցեին, որից հետո ձեռքերով հարվածել է Հ.Սիմոնյանի կրծքավանդակին և բազկի շրջաններին: Երբ Հ.Սիմոնյանը հետ է գնացել որպեսզի հարվածը նրան չդիպչի` ինքը կորցրել է հավասարակշռությունը և դեմքի վրա ընկել է գետնին: Դրանից հետո իր մայրը եկել է ու իրեն տարել է տուն: Մ.Կոկոնյանը միժամանակ նշել է որ եղել է հարբած վիճակում և զղջացել կատարածի համար:
Ամբաստանյալ Միհրան Կոկոյանը դատական քննության ընթացքում հայտարարեց որ իրեն մեղավոր չի ճանաչում և համաձայն չէ ներկայացված մեղադրանքի հետ նշեց, որ ինքը ոչ մեկի չի հայհոյել չի հարվածել, խուլիգանություն չի կատարել, միայն եղել է հարբած վիճակում:
Ամբաստանյալ Միհրան Կոկոնյանին ՀՀ քրեական օրենսգրքի 258-րդ հոդվածի 2-րդ մասով առաջադրված մեղադրանքը դատաքննությամբ հիմնավորվեց ներքոհիշյալ ապացույցներով:
Տուժող Համբարձում Սիմոնի Սիմոնյանը նախաքննության ընթացքում տված ցուցմունքով այն մասին, որ 2010թ. հունիսի 2-ին ժամը 23:00-ի սահմաններում, երբ ինքը ընտանիքի հետ միասին գտնվել է տանը իրենց շենքի բակից լսել է հայհոյանքների ձայներ: Նայել է պատուհանից և տեսել, որ իր հարևան Միհրան Կոկոնյանն է: Դուրս է եկել բակ ու տեսնելով, որ նա ալկոհոլի ազդեցության տակ է, փորձել է վերջինիս հանգստացնել, սակայն Մ.Կոկոնյանը շարունակել է տալ հայհոյանքներ, և իր շենքի բնակիչների հասցեին ու սկսել է ձեռքերով հարվածել իր կրծքավանդակի և թևերի շրջաններին: Երբ ինքը հետ է գնացել որպեսզի Մ.Կոկոնյանը իրեն չհարվածի, վերջինս կորցրել է հավասարակշռությունը և ընկել է գետնին: Ընկնլուց հետո նորից շարունակել է հայհոյանքներ, մինչև որ նրա մայրը եկել և նրան տարել է տուն: Միջադեպը տևել է մոտ 30 րոպե:
Տուժող Հ.Սիմոնյանը դատաքննության ժամանակ տվեց նույնաբովանդակ ցուցմունք և կրկնեց նախաքննության ընթացքում տված ցուցմունքները:
Վկաներ Անդրանիկ Յազերյանը, Արտակ Մկրտչյանը և Էլվիրա Թովմասյանը ինչպես նախաքննության, այնպես էլ դատաքննության ընթացքում ցուցմունք տվեցին այն մասին, որ 2010թ. հունիսի 2-ին ժամը 23:00-ի սահմաններում Մ.Կոկոնյանը հարբած վիճակում կատարել է խուլիգանություն, հայհոյանքներ է տվել շենքի բնակիչներին, ձեռքով հարվածել է տուժող Հ.Սիմոնյանին և խանգարել է շենքի բնակիչների հանգիստը:
Մ.Կոկոնյանին մեղսագրվող հանցավոր արարքը հիմնավորվել է նաև Սվետլանա Պետունցի, Մովա Մարտիրոսյանի և Իշխան Դավթյանի նախաքննական ցուցմունքներով այն մասին, որ իրոք, ամբաստանյալ Մ.Կոկոնյանը 2010թ. հունիսի 2-ին ժամը 23:00-ի սահմաններում ք.Երևան Գոգոլի 5-րդ շենքի բակում կատարել է խուլիգանություն, որի ընթացքում տվել է հայհոյանքներ և շուրջ 30 րոպե խանգարել է շենքի բնակիչների հանգիստը:
Ամբաստանյալին մեղսագրվող արարքը հիմնավորվել է նաև քրեական գործով ձեռք բերված հետևյալ ապացույցներով.
Դատաբժշկական փորձաքննության թիվ 1354 եզրակացությամբ այն մասին, որ Հ.Սիմոնյանի մարմնական վնասվածքը` աջ բազկի շրջանի արյունազեղման ձևով հասցվել է բութ, կոշտ առարակայով, հնարավոր է նշված ժամկետում և առողջության թեթև վնասի հատկանիշներ չի պարունակում:
Սթափության վիճակի զննության թիվ 266 արձանագրության համաձայն Մ.Կոկոնյանի մոտ հայտնաբերվել է ալկոհոլային հարբածություն:
Դատարանը գտնում է, որ գործով անթույլատրելի և ոչ վերաբերելի ապացույցներ չկան:

4.Դատարանի իրավական վերլուծությունները.

Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Միհրան Կոկոնյանին առաջադրված մեղադրանքը ՀՀ քրեական օրենսգրքի 258-րդ հոդվածի 2-րդ մասով հիմնավորված է: Նրա կողմից կատարած արարքը համապատասխանում է ՀՀ քրեական օրենսգրքի 258-րդ հոդվածի 2-րդ մասի հատկանիշներին և արարքի քրեաիրավական որակումը ճիշտ է:

Ամբաստանյալ Միհրան Կոկոնյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա նախկինում դատված չի եղել:
Դատարանն արձանագրում է նաև որ գործով բացակայում են ամբաստանյալի պատասխանատվությունը և պատիժը մեղմացնող օրենքով նախատեսված հանգամանքները:
Ամբաստանյալի պատասխանատվությունը և պատիժը ծանրացնող հանգամանք է դիտվում հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Միհրան Կոկոնյանը ենթակա է քրեական պատասխանատվության և պատժի:
Դատարանը, հաշվի առնելով, որ պատժի նպատակներն ապահովելու համար առավել խիստ պատիժ նշանակելու անհրաժեշտությունը առկա չէ, գտնում է, որ ամբաստանյալի նկատմամբ պատիժ պետք է նշանակել կալանքի ձևով:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ և 365-րդ, 369-373-րդ հոդվածներով, դատարանը

Վ Ճ Ռ Ե Ց

Միհրան Հարությունի Կոկոնյանին մեղավոր ճանաչել ՀՀ քրեական օրենսգրքի 258-րդ հոդվածի 2-րդ մասով և նրան դատապարտել կալանքի 2 ամիս ժամկետով:
Միհրան Հարությունի Կոկոնյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան: