Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ռ. Խաչատրյան
պաշտպան Ռ. Սիրեկանյան
տուժող Վ. Հայրապետյան

2010թ. օգոստոսի 26-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Արման Լևոնի Ավետիսյանի, ծնված 15.04.1980թ., Երևան քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուրի, խնամքին ոչ ոք, նախկինում չդատված, հանդիսանում է ՙ1.500.000+1՚ Հայրենիք-Սփյուռք մշակույթային կամուրջ՚ ՀԿ հիմնադիր նախագահ, հաշվառված է Երևան քաղաքի Ռոստովյան փողոցի 13 տանը, բնակվում է Երևան քաղաքի Վարդաշեն 3-րդ փողոցի 4-րդ տանը, մեղադրվում է ՀՀ քրեական օրենսգրքի 258 հոդվածի 2-րդ մասով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց
1.Գործի դատավարական նախապատմությունը.
2010թ. մարտիի 11-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 258 հոդվածի 2-րդ մասի հատկանիշներով հարուցվել է թիվ 09105710 քրեական գործը:
2010թ. հունիսի 14-ին նախնական քննության մարմնի որոշմամբ թիվ 09105710 քրեական գործով Վահագն Վահանի Հայրապետյանի նկատմամբ քրեական հետապնդում չի իրականացվել` նրա արարքում հանցակազմի բացակայության պատճառաբանությամբ:
2010թ. հունիսի 17-ին Արման Լևոնի Ավետիսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258 հոդվածի 2-րդ մասով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2010թ. հունիսի 28-ին թիվ 09105710 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ Արման Լևոնի Ավետիսյանին մեղադրանք է առաջադրել հետևյալ արարքի համար.
Արման Ավետիսյանը 2010թ. մարտի 01-ին, ժամը 2315-ի սահմաններում, Երևան քաղաքի Դ.Անհաղթի փողոցի թիվ 10 հասցեում գործող ՙԵվրոպական՚ ակադեմիայի դիմաց գտնվող քաղաքային տրանսպորտի կանգառում, շուրջ 10-15 րոպե տևողությամբ, դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ, բարձրաձայն անհասցե հայհոյանքներ է տվել, որի ընթացքում բռունցքով հարվածել է հասարակական կարգը խախտելու համար նրան դիտողություն կատարող Վահագն Վահանի Հայրապետյանի ձեռքին` բռնություն գործադրելով վերջինիս նկատմամբ:
3. Արագացված դատական քննություն .
Մինչև դատաքննությունն սկսելն ամբաստանյալ Արման Ավետիսյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ռ.Սիրեկանյանը:
Արագացված քննություն կիրառելուն չառարկեց նաև տուժող Վ.Հայրապետյանը:
Մեղադրող Ռ.Խաչատրյանը մեղադրական եզրակացությունում դատական քննության արագացված կարգի կիրառմանն առարկել է, սակայն դատական քննության ժամանակ փոխեց իր դիրքորոշումը և արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արման Լևոնի Ավետիսյանին առաջադրված մեղադրանքը ՀՀ քրեական օրենսգրքի 258 հոդվածի 2-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 258 հոդվածի 2-րդ մասի հատկանիշներին և արարքի որակումը ճիշտ է:
Ամբաստանյալ Արման Ավետիսյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, ինչպես նաև տուժողի խնդրանքն ամբաստանյալի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արման Ավետիսյանը ենթակա է քրեական պատասխանատվության և պատժի:
Դատարանը, հաշվի առնելով, որ պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ ամբաստանյալի նկատմամբ պատիժ պետք է նշանակել տուգանքի ձևով:
Նկատի ունենալով, որ տուժող Վահագն Հայրապետյանը հրաժարվել է քաղաքացիական հայց ներկայացնելուց, դատարանը գտնում է, որ այդ հարցը պետք է համարել լուծված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753-3754 հոդվածներով, դատարանը

Վ Ճ Ռ Ե Ց

Արման Լևոնի Ավետիսյանին մեղավոր ճանաչել ՀՀ քրեական օրենսգրքի 258 հոդվածի 2-րդ մասով և նրան դատապարտել տուգանքի հարյուր հազար (100.000) ՀՀ դրամի չափով:
Արման Լևոնի Ավետիսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժող Վահագն Հայրապետյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ