Գործ Հ ԵԱՔԴ 0082/01/10

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ք.Երևան 16 հուլիսի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ.ՂԱԶԱՐՅԱՆ
Քարտուղարությամբ` Լ. Դավոյանի
ՄԱՍՆԱԿՑՈՒԹՅԱՄԲ`
Մեղադրող` Լ. Մանուկյան
Պաշտպան՝ Հ. Դավթյան

Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Կամո Միշայի Խաչատրյանի,ծնված 28.07.1978թ. ք. Երևանում
հայ,ՀՀ քաղաքացի,ֆիզիկապես առողջ,ութամյա կրթությամբ,
զինապարտ,ամուրի,խնամքին ոչ ոք,չի աշխատում,դատվածու-
թյուն չունեցող,հաշվառված բնակվում է ք. Երևան,Որմնադիր-
ների 1-ին փողոցի 59 տանը:
Կալանքի տակ է 07.04.2010թ.-ից:
Մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով:
Ամբաստանյալ Կամո Խաչատրյանին մեղադրանք է առաջադրվել այն բանի համար,որ նա 2010թ. ապրիլի 6-ին,ժամը 15:00-ի սահմաններում,առանց իրացնելու նպատակի,գործով չպարզված անձից ապօրինի ձեռք է բերել,իր անդրավարտիքի գրպանում պահել խոշոր չափի` 0,44525 գրամ քաշով ացետիլացված ափիոն տեսակի թմրամիջոց,որը հայտնաբերվել է վերջինիս անձնական խուզարկությամբ ոստիկանության աշխատակիցների կողմից` Կոմիտաս պողոտայից բերման ենթարկելուց հետո:
Քրեական գործը մեղադրական եզրակացությամբ ուղարկվել է դատարան 02.07.2010թ:
Մինչև դատաքննությունը սկսվելն ամբաստանյալ Կամո Խաչատրյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննությունն անցկացնելու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Կամո Խաչատրյանը կատարել է ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված արարք,որի համար պետք է ենթարկվի քրեական պատասխանատվության և պատժի ու այն պետք է կրի:
Ամբաստանյալ Կամո Խաչատրյանի նկատմամբ պատիժ նշանակելիս,պատժի տեսակն ու չափը որոշելիս,դատարանը հաշվի է առնում նրա կատարած հանցագործության հանրության համար վտանգավորության աստիճանն ու բնույթը,նրա անձը բնութագրող տվյալները,պատասխանատվությունն ու պատիժը մեղմացնող և ծանրացնող հանգամանքները:
Որպես անձը բնութագրող հանգամանքներ դատարանը հաշվի է առնում այն,որ նա տվել է խոստովանական ցուցմունքներ,զղջում է կատարածի համար:
Մեղմացնող և ծանրացնող հանգամանքներ դատարանը չի արձանագրում:
Նկատի ունենալով,որ դատանարկոլոգիական փորձագիտական թիվ 161/10 եզրակացության համաձայն Կամո Խաչատրյանը տառապում է ափիոնային թմրամոլությամբ և հարկադիր բուժման կարիք ունի,որի համար հակացուցումներ չկան,ուստի ՀՀ քրեական օրենսգրքի 97 հոդվածի համաձայն,նրա նկատմամբ պետք է կիրառել բժշկական բնույթի հարկադրանքի միջոց:
Քննության առնելով ամբաստանյալի նկատմամբ ընտրված խափանման միջոցի հարցը,դատարանը գտավ,որ այն պետք է թողնել անփոփոխ մինչև դատավճռի օրինական ուժի մեջ մտնելը:
Քննության առնելով իրեղեն ապացույցների տնօրինման հարցը,դատարանը եկավ համոզման,որ իրեղեն ապացույց ճանաչված,դատարանում գտնվող 0,44525 գրամ քաշով ացետիլացված <ափիոն> տեսակի թմրամիջոցը և բամբակյա խծուծները,պետք է ոչնչացնել:
Ամբաստանյալ Կամո Խաչատրյանին պատկանող,դատարանում գտնվող, ժամացույցն ու բջջային հեռախոսը,պետք է վերադարձնել նրան:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 375-3 հոդվածներով, դատարանը

Վ Ճ Ռ Ե Ց

Կամո Միշայի Խաչատրյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով և դատապարտել ազատազրկման 1 /մեկ/ տարի 6 /վեց/ ամիս ժամկետով,որը պետք է կրի ՀՀ ԱՆ համապատասխան ՔԿՀ-ում:
Պատժի սկիզբը հաշվել 07.04.2010թ.-ից:
Պատիժը կրելու ընթացքում Կամո Խաչատրյանի նկատմամբ ՀՀ քրեական օրենսգրքի 97 հոդվածի համաձայն կիրառել բժշկական բնույթի հարկադրանքի միջոց` ափիոնային թմրամոլության դեմ :
Խափանման միջոց` կալանավորումը` թողնել անփոփոխ մինչև դատավճռի օրինական ուժ ստանալը:
Գործով իրեղեն ապացույց ճանաչված,դատարանում գտնվող 0,44525 գրամ քաշով ացետիլացված <ափիոն> տեսակի թմրամիջոցը և բամբակյա խծուծները,ոչնչացնել:
Ամբաստանյալ Կամո Խաչատրյանին պատկանող ժամացույցն ու բջջային հեռախոսը, վերադարձնել նրան:
Դատավճիռը կարող է բողոքարկվել ՀՀ Վերաքննիչ քրեական դատարանին հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:




ԴԱՏԱՎՈՐ՝ Կ.ՂԱԶԱՐՅԱՆ