գործ N ԵԱՔԴ/0078/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ.Ավետիսյան
դատական նիստերի քարտուղար Ե.Կարապետյան
մեղադրող Լ.Մանուկյան
պաշտպան Կ.Շախմուրադյան
տուժող Ս.Մինասյան

2010թ. օգոստոսի 20-ին, Երևան քաղաքում, դռնբաց դատական նիստում, արագացված դատաքննության կարգով քննելով քրեական գործն ըստ մեղադրանքի Լալա Անդրանիկի Մանուկյանի, ծնված 23.09.1957թ., Արագածոտնի մարզի Շղարշիկ գյուղում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, երկրորդ խմբի հաշմանդամ, ամուսնացած, խնամքին ոչ ոք, նախկինում չդատված, չի աշխատում, առանց հաշվառման բնակվում է Երևան քաղաքի Յան-Ռայնիսի փողոցի 11 շենքի թիվ 2 բնակարանում, մեղադրվում է ՀՀ քրեական օրենսգրքի 178 հոդվածի 2-րդ մասի 2-րդ կետով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց
1.Գործի դատավարական նախապատմությունը.
2010թ. ապրիլի 19-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթուն քննչական բաժնում ՀՀ քրեական օրենսգրքի 178 հոդվածի 2-րդ մասի 2-րդ կետի հատկանիշներով հարուցվել է թիվ 09108710 քրեական գործը:
2010թ. հունիսի 12-ին Լալա Անդրանիկի Մանուկյանին մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 2-րդ կետով և որպես խափանման միջոց է ընտրվել ստորագրություն չհեռանալու մասին:
2010թ. հունիսի 18-ին թիվ 09108710 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. հունիսի 18-ին քրեական գործն ընդունվել է վարույթ և նշանակվել դատաքննության 2010թ. հուլիսի 08-ին:
2.Գործի փաստական հանգամանքները.
Նախաքննության մարմինն ամբաստանյալ Լալա Անդրանիկի Մանուկյանին մեղադրանք է առաջադրել հետևյալ արարքի համար.
Լալա Մանուկյանը 2008թ. ապրիլ-մայիս ամիսների ընթացքում Սևակ Սամվելի Մինասյանի կնոջ հոր` Թորոս Ասատրյանի` Երևան քաղաքի Կովկասյան փողոցի 19 տան վերաբերյալ դատարանում առկա քաղաքացիական գործը փաստաբանների միջոցով շահելու պատրվակով Ս.Մինասյանի վստահությունը չարաշահելու եղանակով վերջինիցս հափշտակել է 6500 ԱՄՆ դոլար գումար` Ս.Մինասյանին պատճառելով խոշոր չափ հանդիսացող 2.009.945 ՀՀ դրամին համարժեք 6500 ԱՄՆ դոլարի գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Լալա Մանուկյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Կ.Շախմուրադյանը:
Մեղադրող Լ.Մանուկյանը դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Լալա Անդրանիկի Մանուկյանին առաջադրված մեղադրանքը` ՀՀ քրեական օրենսգրքի 178 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 2-րդ կետի հատկանիշներին և արարքի որակումը ճիշտ է:
Լալա Մանուկյանի նկատմամբ պատիժ նշանակելիս դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, վատառողջ է, 2009 նոյեմբերի 4-ից ճանաչվել է երկրորդ խմբի հաշմանդամ, հանցագործությամբ պատճառված վնասը դատարանում մասնակիորեն վերականգնվել է:
Ամբաստանյալի պատասխանատվությունը և պատիժը ծանրացնող հանգամանքներ չկան:
Նկատի ունենալով, որ ամբաստանյալ Լալա Անդրանիկի Մանուկյանը հանցանքը կատարել է 2008թ. ապրիլ-մայիս ամիսների ընթացքում, դատարանը գտնում է, որ ամբաստանյալի նկատմամբ պետք է կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը, համաձայն որի պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց:
Նկատի ունենալով, որ տուժող Սևակ Մինասյանը խնդրեց հանցագործությամբ պատճառված վնասի վերաբերյալ քաղաքացիական հայցը քննության չառնել և իրեն իրավունք վերապահել հետագայում քաղաքացիական դատավարության կարգով առանձին քաղաքացիական հայց ներկայացնելու համար, դատարանը գտնում է, որ նրան պետք է իրավունք վերապահել քաղաքացիական դատավարության կարգով քաղաքացիական հայց ներկայացնելու համար:
Դատարանը քննության առնելով Լալա Անդրանիկի Մանուկյանի անշարժ և շարժական գույքի վրա, 2010թ. հունիսի 12-ի որոշմամբ դրված կալանքի հարցը, գտնում է, որ կալանքը պետք է թողնել անփոփոխ, մինչև քաղաքցիական դատավարության կարգով տուժողին պատճառված նյութական վնասի հատուցման հարցի լուծումը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Լալա Անդրանիկի Մանուկյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 2-րդ կետով և նրան դատապարտել ազատազրկման երկու (2) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Լալա Անդրանիկի Մանուկյանին ազատել պատժի կրումից:
Լալա Անդրանիկի Մանուկյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Լալա Անդրանիկի Մանուկյանի անշարժ և շարժական գույքի վրա, 2010թ. հունիսի 12-ի որոշմամբ, դրված կալանքը թողնել անփոփոխ, մինչև քաղաքացիական դատավարության կարգով տուժողին պատճառված նյութական վնասի հատուցման հարցի լուծումը:
Տուժող Սևակ Մինասյանին իրավունք վերապահել քաղաքացիական դատավարության կարգով առանձին քաղաքացիական հայց ներկայացնելու համար:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ