գործ N ԵԱՔԴ 0075/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Ա.Աղայանի
ամբաստանյալ` Ա.Գրիգորյանի
պաշտպան` Գ.Ազարյանի
տուժող` Ա.Նուբարյանի


2010թ. հունիսի 23-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Արտավազդ Օնիկի Գրիգորյանի, ծնված 20.12.1962թ., Տավուշի մարզի Դիլիջան քաղաքում, ազգությամբ հայ, ՌԴ քաղաքացի, բարձրագույն կրթությամբ, ամուսնացած, խնամքին ոչ ոք, ֆիզիկապես առողջ, չի աշխատում, նախկինում չդատված, հաշվառված է ք.Մոսկվա, Կոշիրսկոյե մայրուղի 9 շենք 4 ենթաշենք թիվ 66 բնակարանում, ժամանակավորապես բնակվում է ք.Դիլիջան, Հակոբջանյան փողոց 86 տանը, մեղադրվում է ՀՀ քրեական օրենսգրքի 258 հոդվածի 2-րդ մասով,

Պ Ա Ր Զ Ե Ց

1.Գործի դատավարական նախապատմությունը.
2010թ. փետրվարի 18-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 258 հոդվածի 2-րդ մասով և 185 հոդվածի 1-ին մասով հարուցվել է թիվ 14106110 քրեական գործը:
2010թ. մարտի 22-ին Արտավազդ Օնիկի Գրիգորյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258 հոդվածի 2-րդ մասով, նրա նկատմամբ հայտարարվել է հետախուզում և որպես խափանման միջոց ընտրվել կալանավորումը:
2010թ. ապրիլի 19-ին Արտավազդ Գրիգորյանը հայտնաբերվել է և նրա նկատմամբ որպես խափանման միջոց թողնվել է կալանավորումը:
2010թ. մայիսի 19-ին Արտավազդ Գրիգորյանի նկատմամբ որպես խափանման միջոց ընտրված կալանքը փոխարինվել է 200.000 ՀՀ դրամ գրավով:
2010թ. հունիսի 08-ին թիվ 14106110 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. հունիսի 08-ին քրեական գործն ընդունվել է վարույթ և նշանակվել դատական քննության 2010թ. հունիսի 22-ին:
2.Գործի փաստական հանգամանքները.
Նախաքննության մարմինն ամբաստանյալ Արտավազդ Օնիկի Գրիգորյանին մեղադրանք է առաջադրել հետևյալ արարքի համար.
Արտավազդ Գրիգորյանը 2010թ. հունվարի 21-ին, ժամը 2000-ի սահմաններում, Երևան քաղաքի Ա.Խաչատրյան փողոցի 18 շենքի 1-ին մուտքի 5-րդ հարկի աստիճանահարթակում, շուրջ 10 րոպե տևողությամբ կոպիտ կերպով խախտելով հասարակական կարգն ու բացահայտ անհարգալից վերաբերմունք ցուցաբերելով հասարակության նկատմամբ վիճաբանել է Արսեն Նուբարյանի հետ, որի ընթացքում վերջինիս հասցեին բարձրաձայն լկտի հայհոյանքներ տալով ձեռքերով ծեծել է Արսեն Նուբարյանին` պատճառելով թեթև վնասի հատկանիշներ չպարունակող մարմնական վնասվածքներ: Արսեն Նուբարյանը հեռացել է իր բնակարան, փակել մուտքի դուռը, որից հետո Արտավազդ Գրիգորյանն իջնել է հիշյալ շենքի բակ և շարունակելով իր խուլիգանական գործողությունները, հայհոյանքներ տալով Արսեն Նուբարյանի հասցեին, քարով հարվածել ու կոտրել է վերջինիս պատկանող ՙՄերսեդես E-220՚ մակնիշի 06 ՕԼ 897 պետհամարանիշի ավտոմեքենայի հետին ապակին և վնասել ավտոմեքենայի արտաքին ծածկը` Արսեն Նուբարյանին պատճառելով զգալի չափերի` 241.000 ՀՀ դրամի գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Արտավազդ Գրիգորյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Գ.Ազարյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
3.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արտավազդ Օնիկի Գրիգորյանին առաջադրված մեղադրանքը ՀՀ քրեական օրենսգրքի 258 հոդվածի 2-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 258 հոդվածի 2-րդ մասի հատկանիշներին և արարքի որակումը` ճիշտ է:
Ամբաստանյալ Արտավազդ Գրիգորյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արտավազդ Օնիկի Գրիգորյանը ենթակա է քրեական պատասխանատվության և պատժի:
Դատարանը, հաշվի առնելով, որ պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ ամբաստանյալի նկատմամբ պատիժ պետք է նշանակել տուգանքի ձևով:
Ամբաստանյալ Արտավազդ Գրիգորյանի կողմից քաղաքացիական հայցը կամավոր ընդունելու պայմաններում, դատարանը գտնում է, որ Արտավազդ Գրիգորյանի դեմ ներկայացված Արսեն Աշոտի Նուբարյանի քաղաքացիական հայցի պահանջը պետք է բավարարել և Արտավազդ Գրիգորյանից հօգուտ Արսեն Աշոտի Նուբարյանի, որպես հանցագործությամբ պատճառված վնաս, պետք է բռնագանձել 241.000 ՀՀ դրամ, քանի որ այն չի հակասում օրենքին և չի վերաբերում այլ անձանց իրավունքներին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց


Արտավազդ Օնիկի Գրիգորյանին մեղավոր ճանաչել ՀՀ քրեական օրենսգրքի 258 հոդվածի 2-րդ մասով և նրան դատապարտել տուգանքի երկու հարյուր հազար (200.000) ՀՀ դրամ գումարի չափով:
Արտավազդ Գրիգորյանի նկատմամբ ընտրված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, 200.000 (երկու հարյուր հազար) ՀՀ դրամ գրավի գումարը վերադարձնել Արտավազդ Օնիկի Գրիգորյանին:
Արտավազդ Օնիկի Գրիգորյանից հօգուտ Արսեն Աշոտի Նուբարյանի բռնագանձել 241.000 (երկու հարյուր քառասունմեկ հազար) ՀՀ դրամ, որպես հանցագործությամբ պատճառված նյութական վնասի հատուցում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակաման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ