գործ No ԵԱՔԴ 0066/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Հ. Սարգսյանի
ամբաստանյալ` Մ. Թումիկյանի
պաշտպան` Հ.Ղուկասյանի

2010թ. հունիսի 29-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Միսակ Վահանի Թումիկյանի, ծնված 18.05.1948թ. Երևան քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ֆիզիկապես վատառողջ, ամուսնացած, խնամքին ոչ ոք, աշխատել է ՙԲնակչության հատուկ սպասարկում՚ ՓԲ ընկերությունում, որպես ՙԶեյթուն-Քանաքեռ՚ և ՙԱվան՚ գերեզմանատների վարիչ, նախկինում չդատված, հաշվառված և բնակվել է Երևան քաղաքի Մալխասյանց փողոցի 1 շենքի թիվ 9 բնակարանում, մեղադրվում է ՀՀ քրեական օրենսգրքի 200 հոդվածի 3-րդ մասով,

Պ Ա Ր Զ Ե Ց
1.Գործի դատավարական նախապատմությունը.
2010թ. ապրիլի 15-ին ՀՀ ԿԱ ԱԱԾ քննչական վարչության կողմից ՀՀ քրեական օրենսգրքի 200 հոդվածի 3-րդ մասի հատկանիշներով հարուցվել է թիվ 58205510 քրեական գործը:
2010թ. ապրիլի 17-ին Միսակ Վահանի Թումիկյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 200 հոդվածի 3-րդ մասով, նրա նկատմամբ որպես խափանման միջոց է կիրառվել կալանավորումը:
2010թ. մայիսի 6-ին նախաքննական մարմնի որոշմամբ Բորիս Արտյոմի Աղաջանյանի նկատմամբ քրեական հետապնդում չի իրականացվել` նրա գործողություններում հանցակազմի բացակայության հիմքով:
2010թ. մայիսի 17-ին թիվ 58205510 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. մայիսի 17-ին քրեական գործը վարույթ է ընդունվել և նշանակվել դատական քննության 2010թ. հունիսի 09-ին:
2.Գործի փաստական հանգամանքները.
Նախաքննության մարմինն ամբաստանյալ Միսակ Վահանի Թումիկյանին մեղադրանք է առաջադրել հետևյալ արարքի համար.
Միսակ Թումիկյանը հանդիսանալով ՙԲնակչության հատուկ սպասարկում՚ փակ բաժնետիրական ընկերության Երևան քաղաքի ՙԶեյթուն-Քանաքեռ՚ գերեզմանատների վարիչ, այսինքն առևտրային կազմակերպության կառավարչական գործառույթներ իրականացնող ծառայող, 2007թ. դեկտեմբերի 30-ից իր իրավասությանը հանձնված Երևանի ՙԱվան՚ գերեզմանատան տարածքում գերեզմանի տեղ հատկացնելու համար, Երևան քաղաքի բնակիչ Բորիս Աղաջանյանից պահանջել և 2010թ. ապրիլի 15-ին անձամբ ստացել է 316.000 ՀՀ դրամին համարժեք 800 ԱՄՆ դոլար գումար, որը վերցնելուց անմիջապես հետո բռնվել է ՀՀ ԱԱԾ աշխատակիցների կողմից:
3. Արագացված դատական քննություն .
Մինչև դատաքննությունն սկսելն ամբաստանյալ Միսակ Թումիկյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Հ.Ղուկասյանը:
Մեղադրող Հ.Սարգսյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Միսակ Վահանի Թումիկյանին առաջադրված մեղադրանքը ՀՀ քրեական օրենսգրքի 200 հոդվածի 3-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 200 հոդվածի 3-րդ մասի հատկանիշներին և արարքի որակումը ճիշտ է:
Ամբաստանյալ Միսակ Վահանի Թումիկյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, տառապում է ՙշաքարային դիաբետ՚ հիվանդությամբ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Միսակ Թումիկյանը ենթակա է քրեական պատասխանատվության և պատժի:
Դատարանը, հաշվի առնելով Միսակ Թումիկյանի կատարած արարքի հանրության համար վտանգավորության աստիճանը և բնույթը, նրա անձը, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
Դատարանն անդրադառնալով իրեղեն ապացույցների տնօրինման հարցին, գտնում է, որ իրեղեն ապացույց ճանաչված և քրեական գործին կցված` թղթադրամների վրայից վերցված բամբակյա խծուծով փոշին /փաթեթ 1/, Մ.Թումիկյանի աջ ձեռքի ափից և միջնամատից բամբակյա խծուծով վերցված փոշին /փաթեթ 2/, բամբակյա խծուծով քիմիական փոշին և մատիտի նմուշը` քերվածքի և բեկորների ձևով /փաթեթ 3/ պետք է պահել քրեական գործի հետ միասին:
ՀՀ ԱԱԾ օպերատիվ ստորաբաժանմանը ՀՀ ԱԱԾ ֆինանսաբյուջետային վարչության կողմից տրամադրված թվով 8 հատ 100 դոլար անվանական արժեքով ԱՄՆ թղթադրամները, հետևյալ սերիա-համարներով` HB72402964K, HB79333051H, HG09784878B, CB20547404F, FH30854854A, HL83117794E, FH30862554A, HE75757415B, որոնք ի պահ են հանձնված ՀՀ ԱԱԾ ֆինանսաբյուջետային վարչությանը պետք է թողնել ՀՀ ԱԱԾ տնօրինությանը:
Դատարանը գտնում է, որ գործով այլ ապացույց ճանաչված և քրեական գործին կցված` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից տրված 08.04.2010թ. որոշման հիման վրա Մ.Թումիկյանի նկատմամբ 09.04.2010թ., 10.04.2010թ., 11.04.2010թ., 12.04.2010թ. և 15.04.2010թ. արտաքին և ներքին դիտման օպերատիվ-հետախուզական միջոցառումների ժամանակ կատարված ձայնագրություններով 5 հատ լազերային սկավառակները վերծանման տեքստերի հետ` բաղկացած 27 էջից և տեսաձայնագրություններով 5 հատ լազերային սկավառակները պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753-3754 հոդվածներով, դատարանը

Վ Ճ Ռ Ե Ց

Միսակ Վահանի Թումիկյանին մեղավոր ճանաչել ՀՀ քրեական օրենսգրքի 200 հոդվածի 3-րդ մասով և նրան դատապարտել ազատազրկման մեկ (1) տարի ժամկետով:
Պատժի սկիզբը հաշվել 2010թ. ապրիլի 15-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Միսակ Թումիկյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված` թղթադրամների վրայից վերցված բամբակյա խծուծով փոշին /փաթեթ 1/, Մ.Թումիկյանի աջ ձեռքի ափից և միջնամատից բամբակյա խծուծով վերցված փոշին /փաթեթ 2/, բամբակյա խծուծով քիմիական փոշին և մատիտի նմուշը` քերվածքի և բեկորների ձևով /փաթեթ 3/ պահել քրեական գործի հետ միասին:
ՀՀ ԱԱԾ օպերատիվ ստորաբաժանմանը ՀՀ ԱԱԾ ֆինանսաբյուջետային վարչության կողմից տրամադրված թվով 8 հատ 100 դոլար անվանական արժեքով ԱՄՆ թղթադրամները, հետևյալ սերիա-համարներով` HB72402964K, HB79333051H, HG09784878B, CB20547404F, FH30854854A, HL83117794E, FH30862554A, HE75757415B, որոնք ի պահ են հանձնված ՀՀ ԱԱԾ ֆինանսաբյուջետային վարչությանը թողնել ՀՀ ԱԱԾ տնօրինությանը:
Այլ ապացույց ճանաչված` Մ.Թումիկյանի նկատմամբ 09.04.2010թ., 10.04.2010թ., 11.04.2010թ., 12.04.2010թ. և 15.04.2010թ. արտաքին և ներքին դիտման օպերատիվ-հետախուզական միջոցառումների ժամանակ կատարված ձայնագրություններով 5 հատ լազերային սկավառակները վերծանման տեքստերի հետ` բաղկացած 27 էջից և տեսաձայնագրություններով 5 հատ լազերային սկավառակները պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ