ԵԱՔԴ/0062/01/10






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«17» հունիսի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Ն.Ղազարյան
մեղադրող Ռ.Խաչատրյան

դռնբաց դատական նիստում քննեց քրեական գործն ըստ մեղադրանքի`
Հրաչիկ Սերգեյի Աղեկյան` ծնված 1952 թվականի սեպտեմբերի 21-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, դատվածություն չունեցող, հաշվառված է Երևան քաղաքի Վարշավյան փողոցի 2-րդ շենքի 5-րդ բնակարանում: Մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով, արգելանքի տակ է 2010 թվականի մարտի 19-ից:
1. Գործի դատավարական նախապատմությունը.
2010 թվականի մարտի 19-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ թիվ 09124009 քրեական գործի նյութերով ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 09106610 քրեական գործը:
2010 թվականի մարտի 22-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ թիվ 09106610 քրեական գործով Հրաչիկ Սերգեյի Աղեկյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
2010 թվականի մայիսի 3-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ թիվ 09106610 քրեական գործով Հրաչիկ Սերգեյի Աղեկյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:

2010 թվականի մայիսի 3-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ թիվ 09106610 քրեական գործի նյութերով ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 09110010 քրեական գործը:
2010 թվականի մայիսի 7-ին Հրաչիկ Սերգեյի Աղեկյանի վերաբերյալ քրեական գործը մեղադրական եզրակացությամբ ուղարկվել է Դատարան:
Հրաչիկ Սերգեյի Աղեկյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն արաքների համար, որ նա 2010 թվականի մարտի 13-ին` ժամը 15:00-ի սահմաններում, Երևան քաղաքի Մյասնիկյան պողոտայում գտնվող կամրջի մոտ ազգությամբ պարսիկ մի անձից 20.000 ՀՀ դրամով, առանց իրացնելու նպատակի, ապօրինի ձեռք է բերել ափիոն տեսակի թմրամիջոց և պրեկուրսոր հանդիսացող քացախաթթվի անհիդրիդ, որի մի մասը ներարկվելու եղանակով օգտագործել է, իսկ մնացած` զգալի չափի 0.44 գրամ հաստատուն քաշով ափիոն տեսակի թմրամիջոցը, խոշոր չափի 0.979 գրամ հաստատուն քաշով ացետիլացված ափիոն տեսակի թմրամիջոցը և 16մլ ծավալով պրեկուրսոր հանդիսացող քացախաթթվի անհիդրիդը ապօրինի պահել է իր` Երևան քաղաքի Վարշավյան փողոցի 2-րդ շենքի 5-րդ բնակարանում, որոնք էլ 2010 թվականի մարտի 18-ին հայտնաբերվել է նրա նշված բնակարանի խուզարկությամբ:
2. Ապացույցների հետազոտում և գնահատում.
Դատական քննության ընթացքում ամբաստանյալ Հրաչիկ Աղեկյանը առաջադրված մեղադրանքում իրեն մեղավոր ճանաչեց և ցուցմունք տվեց այն մասին, որ թմրամիջոց սկսել է օգտագործել է ձերբակալվելուց մոտ 2 ամիս առաջ: 2010 թվականի փետրվարի 2-ին երթուղային տաքիով Նոր Նորքից իջնելու ճանապարհին` Բուսաբանական այգու մոտ, ինքը նկատել է, որ մի մեքենա է փչացել: Քանի որ ինքը վարորդ է, մոտեցել է այդ մեքենային, որպեսզի օգնի: Այդ մեքենայում եղել են պարսիկներ, ովքեր այդ ժամանակ ափիոն տեսակի թմրամիջոց են օգտագործել: Ինքը նրանցից խնդրել է իրեն տալ ափիոն տեսակի թմրամիջոց, իսկ նրանք դրա դիմաց իրենից պահանջել են 20.000 ՀՀ դրամ: Ինքը նրանց տվել է 20.000 ՀՀ դրամ, իսկ նրանք իրեն տվել են պոլիէթիլենային տոպրակի մեջ փաթեթավորված մեկ գրամից պակաս ափիոն տեսակի թմրամիջոց, քացախաթթվի անհիդրիդ, շերեփ, բամբակ և ներարկիչներ: Ինքը վերցրել է դրանք և եկել տուն: Ձեռք բերած թմրամիջոցի մի մասն ինքն օգտագործել է: Իր բնակարանում կատարված խուզարկության ժամանակ ինքը ոստիկաններին պահանջով նրանց է տվել խուզարկության արձանագրությանում նշված բոլոր իրերը:
Ամբաստանյալ Հրաչիկ Աղեկյանը նախնական քննության ընթացքում` 2010 թվականի մարտի 19-ին, որպես կասկածյալ, ցուցմունք է տվել այն մասին, որ վերջին անգամ ինքն այդ պարսիկից ափիոն տեսակի թմրամիջոց և անհիդրիդ ձեռք է բերել 2010 թվականի մարտի 13-ին` ժամը 15:00-ին սահմաններում Ավանի կամրջի տակ:
Վկա Լազար Սարիկբեկյանը դատական քննության ընթացքում ցուցմունք տվեց այն մասին, որ աշխատանքի գնալու ժամանակ` ժամը 07:00-07:30-ի սահմաններում, Երևան քաղաքի Վարշավյան փողոցում` Հրաչիկենց շենքի դիմաց, ոստիկաններն իրեն հրավիրել են, որպես ընթարակա մասնակցել Հրաչիկի բնակարանի խուզարկությանը: Ոստիկանների հետ, բացի իրենից, եղել է ևս մեկ երիտասարդ: Իրենք ոստիկանների հետ մտել են սենյակներ, որտեղ ոստիկանները, որոնողական գործողությունների արդյունքում, Հրաչիկի բաճկոնի գրպանից, տաքացուցիչի միջից, լվացարանի տակից հայտնաբերել են փայլուն թղթերով փաթեթավորված նյութեր և ներարկիչներ: Այնուհետև հայտնաբերված առարկաները փաթեթավորվել են և կնքվել:
Վկա Վլադիմիր Ղազարյանը նախնական քննության ընթացքում ցուցմունք է տվել այն մասին, որ 2010 թվկականի մարտի 18-ին` ժամը 07:30-ի սահմաներում, ինքը Երևան քաղաքի Վարշավյան 2-րդ շենքի մոտով գնալիս է եղել աշխատանքի, երբ իրեն մոտեցել են ոստիկանության աշխատակիցները և հրավիրել որպես ընթերակա մասնակցել Երևան քաղաքի Վարշավյան փողոցի 2-րդ շենքի 5-րդ բնակարանում կատարվող խուզարկությանը: Իրենից բացի որպես ընթերակա հրավիրված է եղել ևս մեկ անձ: Խուզարկվող բնակարանի տերը եղել է Հրաչիկ Աղեկյանը: Իր և մյուս ընթերակայի ներկայությամբ այդ բնակարանի շքամուտքում կախված բաճկոնի գրպանից հայտնաբերվել է մոտ 0.5 գրամ ափիոնանման զանգված, մոտ 5.8մլ դեղնակարմանվուն հեղուկով լցված ներարկիչ: Նույն բնակարանի ննջասենյակի տաքացուցիչի միջից հայտնաբերվել է փայլուն թղթի մեջ փաթեթավորված մոտ 0.2 գրամ նյութ, իսկ խոհանոցի լվացարանի տակից` մուգ շագանակագույն հետքերով շերեփ, երկու ներարկիչի ասեղ` բմաբակյա խծուծներով, թղթերի մեջ փաթեթավորված մոտ 0.2 գրամ, 0.4 գրամ և 0.2 գրամ նյութեր, շագանակագույն հետքերով երեք բամբակյա խծուծներ, մոտ 9մլ հեղուկով լցված տասնութ ներարկիչներ, 7մլ հեղուկով լցված 20մլ ծավալով ներարկիչ և ինը դատարկ ներարկիչներ: Ննջասենյակի պահարանի վրայից հայտնաբերվել է էլեկտրական փոքր կշեռք: Իր ներկայությամբ նշված իրերը փաթեթավորվել և կնքվել են: Հրաչիկ Աղեկյանը հայտարարել է, որ ողջ հայտանաբերվածը պատկանում է նրան:
Խուզարկություն (առգրավում) կատարելու մասին 2010 թվականի մարտի 18-ի արձանագրության համաձայն` Հրաչիկ Սերգեյի Աղեկյանի` Երևան քաղաքի Վարշավյան փողոցի 2-րդ շենքի 5-րդ բնակարանի խուզարկությամբ հայտնաբերվել և առգրավվել է փայլուն թղթի մեջ փաթաթված մոտ 0.5 գրամ քաշով մուգ շագանակագույն ափիոնանման զանգված, 10մլ ծավալով մեկանգամյա օգտագործման ներարկիչ, որի մեջ առկա է եղել մոտ 5.8մլ դեղնակարմրավուն հեղուկ, փայլուն թղթի մեջ փաթաթված մոտ 0.2 գրամ քաշով մուգ շագանակագույն նյութ, մուգ շագանակագույն հետքերով շերեփ, ներարկիչի երկու ասեղ, որոնց վրա առկա է եղել մուգ շագանակագույն հետքերով բամբակյա խծուծներ, թղթի մեջ փաթաթված մոտ 0.2 գրամ քաշով նյութ, փայլուն թղթի մեջ փաթաթված մոտ 0.4 գրամ քաշով նյութ, փայլուն թղթի մեջ փաթաթված մոտ 0.2 գրամ քաշով նյութ, շագանակագույն հետքերով բամբակյա երեք խծուծներ, 2մլ ծավալով մեկանգամյա օգտագործման 18 ներարկիչներ, որոնց մեջ առկա է եղել սուր հոտով, թափանցիկ մոտ 9մլ հեղուկ, 20մլ ծավալով մեկանգամյա օգտագործման 1 ներարկիչ, որի մեջ առկա է եղել սուր հոտով, թափանցիկ մոտ 7մլ հեղուկ, օգտագործված վիճակում 20մլ ծավալով մեկանգամյա օգտագործման 5 ներարկիչ, օգտագործված վիճակում 5մլ ծավալով մեկանգամյա օգտագործման 3 ներարկիչ, օգտագործված վիճակում 10մլ ծավալով մեկանգամյա օգտագործման 1 ներարկիչ և «mini scale» (մինի սքեյլ) գրառմամբ ձեռքի էլեկտրական կշեռք:
Փորձագետի 2010 թվականի մարտի 19-ի թիվ 152Ք եզրակացության համաձայն` փորձաքննության ներկայացված 0.44 գրամ հատատուն քաշով 1 կտոր նյութը հանդիսանում է ափիոն տեսակի թմրամիջոց, փորձաքննության ներկայացված 10մլ ծավալով ներարկիչում առկա 5.8մլ ծավալով հեղուկը հանդիսանում է ացետիլացված ափիոն տեսակի թմրամիջոցի լուծույթ, որում ացետիլացված ափիոնի հասատուն քաշը կազմում է 0.319 գրամ, փորձաքննության ներկայացված թվով 19 մեկանգամյա օգտագործման համար նախատեսված ներարկիչներում առկա ընդհանուր 16մլ հեղուկը հանդիսանում է քացաքխաթթվի անհիդրիդ: Քացախաթթվի անհիդրիդը հանդիսանում է պրեկուրսոր: Ափիոն և ացետիլացված ափիոն տեսակի թմրամիջոցները պատրաստվում են տնայնագործական եղանակով:
Փորձագետի 2010 թվականի մարտի 24-ի թիվ 0199 եզրակացության համաձայն` Հրաչիկ Սերգեյի Աղեկյանի 2010 թվականի մարտի 18-ի մեզի փորձանմուշում հայտնաբերվել են կանեբիս և ափիոն խմբի թմրամիջոցի թմրալկալոիդներ:
Փորձագետի 2010 թվականի ապրիլի 10-ի թիվ 175Ք եզրակացության համաձայն` փորձաքննության ներկայացված մուգ շագանակագույն նյութի կտորներից և բամբակյա մասնիկներից կազմված զանգվածներից անջատված ընդհանուր 0.66 (0.14 գրամ, 0.15 գրամ, 0.12 գրամ, 0.25 գրամ) գրամ հաստատուն քաշով նյութը հանդիսանում է ացետիլացված ափիոն տեսակի թմրամիջոց: Փորձաքննության ներկայացված երկու «BD» (ԲԴ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 5մլ ծավալներով ներարկիչներում, բամբակյա խծուծներում, շերեփում և ասեղների վրա առկա են ացետիլացված ափիոն տեսակի թմրամիջոցի հետքեր: Փորձաքննության ներկայացված մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 10մլ ծավալներով ներարկիչներում և էլեկտրոնային կշեռքի վրա առկա են ափիոն տեսակի թմրամիջոցի հետքեր: Փորձաքննության ներկայացված մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «DISCARD AFTER USE PROTOS» (ԴԻՍՔԱՐԴ ԱՖԹԵՐ ՅՈւԶ ՊՐՈՏՈՍ) գրառմամբ 20մլ և մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ ծավալներով ներարկիչներում թմրամիջոցի հետքեր չեն հայտնաբերվել:
Իրեղեն ապացույց ճանաչելու և քրեական գործին կցելու մասին 2010 թվականի մայիսի 3-ի որոշման համաձայն` Հրաչիկ Աղեկյանի բնակարանի խուզարկությամբ հայտնաբերված զգալի չափի 0.44 գրամ հատատուն քաշով ափիոն տեսակի թմրամիջոցը, 10մլ ծավալով ներարկիչում առկա 5.8մլ ծավալով ացետիլացված ափիոն տեսակի թմրամիջոցի լուծույթը, որում ացետիլացված ափիոնի հասատուն քաշը կազմում է խոշոր չափի 0.319 գրամ, չորս թղթե կտորների մեջ լցված ընդհանուր խոշոր չափի 0.66 գրամ հաստատուն քաշով ացետիլացված ափիոն տեսակի թմրամիջոցը, 19 մեկանգամյա օգտագործման ներարկիչում առկա ընդհանուր 16մլ ծավալով պրեկուրսոր հանդիսացող քացաքխաթթվի անհիդրիդը, ացետիլացված ափիոն տեսակի թմրամիջոցի հետքերով երկու «BD» (ԲԴ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 5մլ ծավալներով ներարկիչները, բամբակյա խծուծները, շերեփը և ասեղները, ափիոն տեսակի թմրամիջոցի հետքերով մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 10մլ ծավալներով ներարկիչները և էլեկտրոնային կշեռքը, առանց թմրամիջոցի հետքերի մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «DISCARD AFTER USE PROTOS» (ԴԻՍՔԱՐԴ ԱՖԹԵՐ ՅՈւԶ ՊՐՈՏՈՍ) գրառմամբ 20մլ և մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ ծավալներով ներարկիչները ճանաչվել են իրեղեն ապացույց և կցվել քրեական գործին:
Ձերբակալման 2010 թվականի մարտի 19-ի արձանագրության համաձայն` 2010 թվականի մարտի 19-ին` ժամը 19:30-ին, Հրաչիկ Սերգեյի Աղեկյանը ձերբակալվել է:
Կալանավորումը որպես խափանման միջոց ընտրելու մասին միջնորդությունը քննելու մասին 2010 թվականի մարտի 22-ի որոշման համաձայն` Հրաչիկ Սերգեյի Աղեկյանի նկատմամբ որպես խափանման միջոց ընտրվել է կալանավորումը, կալանավորման սկիզբը հաշվվել է 2010 թվականի մարտի 19-ից:
ՀՀ ոստիկանության ինֆորմացիոն կենտրոնի պահանջագրի համաձայն` Հրաչիկ Սերգեյի Աղեկյանը նախկինում դատապարտված չի եղել:
ՀՀ ԱՆ «Նուբարաշեն» քրեակատարողական հիմնարկի պետի 2010 թվականի հունիսի 15-ի թիվ 40/18-8-3274 գրության համաձայն` ՀՀ ԱՆ «Նուբարաշեն» քրեակատարողական հիմնարկի կալանավոր Հրաչիկ Սերգեյի Աղեկյանը 2010 թվականի մարտի 24-ից ստացիոնար բուժում է ստանում հիմնարկի թոքախտաբանական բաժանմունքում «ձախ թոքի վերին բլթի ինֆիլտրատիվ տուբերկուլյոզ, ԹԿԲ-բացասական» ախտորոշմամբ: Բուժման ընթացքում կալանավոր Հրաչիկ Աղեկյանի մոտ նկատվում է դրական տեղաշարժ:
3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Հրաչիկ Սերգեյի Աղեկյանը 2010 թվականի մարտի 13-ին` ժամը 15:00-ի սահմաններում, Երևան քաղաքի Մյասնիկյան պողոտայում գտնվող կամրջի մոտ ազգությամբ պարսիկ մի անձից 20.000 ՀՀ դրամով, առանց իրացնելու նպատակի, ապօրինի ձեռք է բերել ափիոն տեսակի թմրամիջոց և պրեկուրսոր հանդիսացող քացախաթթվի անհիդրիդ, որի մի մասն օգտագործել է, իսկ մնացածը` զգալի չափ հանդիսացող 0.44 գրամ հաստատուն քաշով ափիոն տեսակի թմրամիջոցը, խոշոր չափ հանդիսացող 0.979 գրամ հաստատուն քաշով ացետիլացված ափիոն տեսակի թմրամիջոցը և 16մլ ծավալով պրեկուրսոր հանդիսացող քացախաթթվի անհիդրիդը ապօրինի պահել իր` Երևան քաղաքի Վարշավյան փողոցի 2-րդ շենքի 5-րդ բնակարանում, որոնք 2010 թվականի մարտի 18-ին հայտնաբերվել է նրա բնակարանից: Այսինքն` Հրաչիկ Սերգեյի Աղեկյանը, առանց իրացնելու նպատակի, ապօրինի ձեռք է բերել և պահել խոշոր չափերով թմրամիջոց, ինչպես նաև թմրամիջոց պատրաստելու համար ապօրինի ձեռք է բերել և պահել է պրեկուրսոր, որոնք համապատասխանում են ՀՀ քրեական օրենսգքրի 266-րդ հոդվածի 4-րդ մասի և 268-րդ հոդվածի 2-րդ մասի 2-րդ կետի հատկանիշներին:
Ապացուցված է Հրաչիկ Սերգեյի Աղեկյանի մեղավորությունը ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված արարքները կատարելու մեջ:
Հրաչիկ Աղեկյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Հրաչիկ Աղեկյանի պատասխանատվությունն ու պատիժը մեղմացնող հանգամանք պետք է դիտել այն, որ նա վատառողջ է:
Վերը նշված անձը դրականորեն բնութագրող տվյալները և պատասխանատվությունն ու պատիժը մեղմացնող հանգամանքը առկա են Հրաչիկ Աղեկյանի կատարած բոլոր արարքներով:
Դատարանը միաժամանակ արձանագրում է, որ Հրաչիկ Աղեկյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Հրաչիկ Աղեկյանը ենթակա է քրեական պատասխանատվության և պատժի:
Դատարանը, հաշվի առնելով Հրաչիկ Աղեկյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Հրաչիկ Աղեկյանի կատարած արարքների համար ՀՀ քրեական օրենսգրքի 268-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասի սանկցիայով` նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով կատարած արարքի համար պատիժ պետք է նշանակել ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասով կատարած արարքի համար` տուգանքի ձևով: Ընդ որում` Հրաչիկ Աղեկյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները լրիվ գումարելու կանոնով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Հրաչիկ Աղեկյանի պատժի կրման սկիզբը պետք է հաշվել 2010 թվականի մարտի 19-ից, քանի որ նա ձերբակալվել է այդ օրը, իսկ 2010 թվականի մարտի 22-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Հրաչիկ Աղեկյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2010 թվականի մայիսի 3-ի որոշմամբ իրեղեն ապացույց ճանաչված զգալի չափի 0.44 գրամ հատատուն քաշով ափիոն տեսակի թմրամիջոցը, 10մլ ծավալով ներարկիչում առկա 5.8մլ ացետիլացված ափիոն տեսակի թմրամիջոցի լուծույթը, որում ացետիլացված ափիոնի հասատուն քաշը կազմում է խոշոր չափի 0.319 գրամ, չորս թղթե կտորների մեջ լցված ընդհանուր խոշոր չափի 0.66 գրամ հաստատուն քաշով ացետիլացված ափիոն տեսակի թմրամիջոցը, 19 մեկանգամյա օգտագործման ներարկիչներում առկա ընդհանուր 16մլ ծավալով պրեկուրսոր հանդիսացող քացաքխաթթվի անհիդրիդը, ացետիլացված ափիոն տեսակի թմրամիջոցի հետքերով երկու «BD» (ԲԴ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 5մլ ծավալներով ներարկիչները, բամբակյա խծուծները, շերեփը, ասեղները, ափիոն տեսակի թմրամիջոցի հետքերով մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 10մլ ծավալներով ներարկիչները, էլեկտրոնային կշեռքը, առանց թմրամիջոցի հետքերի մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «DISCARD AFTER USE PROTOS» (ԴԻՍՔԱՐԴ ԱՖԹԵՐ ՅՈւԶ ՊՐՈՏՈՍ) գրառմամբ 20մլ և մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ ծավալներով ներարկիչները պետք է ոչնչացնել:
ՀՀ քրեական դատավարության օրենսգրքի 360-րդ հոդվածի 1-ին մասի 14-րդ կետի համաձայն` դատավճիռ կայացնելիս դատարանը լուծում է այն հարցը, թե դատական ծախսերն ում վրա և ինչ չափով պետք է դրվեն։
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-6-րդ կետերով նախատեսված դատական ծախսերն ամբաստանյալ Հրաչիկ Աղեկյանից ենթակա չեն բռնագանձման, քանի որ 1-ին, 4-րդ և 6-րդ կետերով նախատեսված դատական ծախսեր ընդհանրապես չկան, իսկ 2-րդ, 3-րդ և 5-րդ կետերով նախատեսված ծախսերի վերաբերյալ տվյալները բացակայում են: Ավելին, նման պահանջ դատարանին չի ներկայացվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ և 369-372-րդ, հոդվածներով` Դատարանը
ՎՃՌԵՑ

Հրաչիկ Սերգեյի Աղեկյանին մեղավոր ճանաչել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
ՀՀ քրեական օրենսգրքի 266-րդ հոդվածի 4-րդ մասով Հրաչիկ Սերգեյի Աղեկյանի նկատմամբ պատիժ նշանակել տուգանք` նվազագույն աշխատավարձի հարյուրապատիկի չափով:
ՀՀ քրեական օրենսգրքի 268-րդ հոդվածի 2-րդ մասի 2-րդ կետով Հրաչիկ Սերգեյի Աղեկյանի նկատմամբ պատիժ նշանակել ազատազրկում` 1 (մեկ) տարի ժամկետով։
ՀՀ քրեական օրենսգրքի 66-րդ հոդվածով սահմանված կարգով` պատիժները լրիվ գումարելու միջոցով, Հրաչիկ Սերգեյի Աղեկյանի նկատմամբ վերջնական պատիժ նշանակել ազատազրկում` 1 (մեկ) տարի ժամկետով և տուգանք` նվազագույն աշխատավարձի հարյուրապատիկի չափով` ազատազրկման ձևով նշանակված պատժի կրման սկիզբը հաշվելով 2010 թվականի մարտի 19-ից:
Հրաչիկ Սերգեյի Աղեկյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` իրեղեն ապացույց ճանաչված զգալի չափի 0.44 գրամ հատատուն քաշով ափիոն տեսակի թմրամիջոցը, 10մլ ծավալով ներարկիչում առկա 5.8մլ ացետիլացված ափիոն տեսակի թմրամիջոցի լուծույթը, որում ացետիլացված ափիոնի հասատուն քաշը կազմում է խոշոր չափի 0.319 գրամ, չորս թղթե կտորների մեջ լցված ընդհանուր խոշոր չափի 0.66 գրամ հաստատուն քաշով ացետիլացված ափիոն տեսակի թմրամիջոցը, 19 մեկանգամյա օգտագործման ներարկիչներում առկա ընդհանուր 16մլ ծավալով պրեկուրսոր հանդիսացող քացաքխաթթվի անհիդրիդը, ացետիլացված ափիոն տեսակի թմրամիջոցի հետքերով երկու «BD» (ԲԴ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 5մլ ծավալներով ներարկիչները, բամբակյա խծուծները, շերեփը, ասեղները, ափիոն տեսակի թմրամիջոցի հետքերով մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 10մլ ծավալներով ներարկիչները, էլեկտրոնային կշեռքը, մեկ «KDM KD-JET III» (ԿԴՄ ԿԴ-ՋԵՏ III) գրառմամբ 5մլ, մեկ «DISCARD AFTER USE PROTOS» (ԴԻՍՔԱՐԴ ԱՖԹԵՐ ՅՈւԶ ՊՐՈՏՈՍ) գրառմամբ 20մլ և մեկ «B/BRAUN Injekt» (Բ/ԲՐԱՈւՆ Ինջեկտ) գրառմամբ 20մլ ծավալներով ներարկիչները ոչնչացնել:
Դատական ծախսերի հարցը համարել լուծված։
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ