գործ N ԵԱՔԴ 0061/01/10

Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ն.Ղազարյանի
մասնակցությամբ`
մեղադրող` Ն.Աշրաֆյանի
ամբաստանյալներ` Վ.Մելքոնյանի, Վ.Թելոյանի
տուժող` Մ.Պետրոսյանի

2010թ. հունիսի 15-ին, Երևան քաղաքում, դռնբաց դատական նիստում քննեց քրեական գործն ըստ մեղադրանքի`
Վարդան Մարատի Մելքոնյանի` ծնված 15.07.1958թ., Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուրի, չի աշխատում, նախկինում չդատված, հաշվառված և բնակվում է Երևան քաղաքի, Գուլակյան փողոցի 16բ շենքի թիվ 4բ բնակարանում, մեղադրվում է ՀՀ քրեական օրենսգրքի 118 հոդվածով և 136 հոդվածի 1-ին մասով, նրա նկատմամբ որպես խափանման միջոց է ընտրվել ստորագրություն չհեռանալու մասին,
Վալենտինա Արամի Թելոյանի` ծնված 23.01.1954թ. ՌԴ Կրասնոդար քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, չի աշխատում, նախկինում չդատված, հաշվառված և բնակվում է Երևան քաղաքի, Պռոշյան փողոցի 1-ին նրբանցքի 58/3 տանը, մեղադրվում է ՀՀ քրեական օրենսգրքի 118 հոդվածով, նրա նկատմամբ որպես խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

2010թ. փետրվարի 02-ին, ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 118 հոդվածով հարուցվել է թիվ 14103510 քրեական գործը:
2010թ. մայիսի 01-ին Վարդան Մարատի Մելքոնյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 118 հոդվածով և 136 հոդվածի 1-ին մասով, այն արարքի համար, որ նա 2009թ. հոկտեմբերի 25-ին, Երևան քաղաքի Գուլակյան փողոցի թիվ 16բ շենքի բակում նույն շենքի բնակիչ Միքայել Արամայիսի Պետրոսյանի հետ վիճաբանության ընթացքում ձեռքերով հարվածել է վերջինիս` պատճառելով առողջության թեթև վնասի հատկանիշներ չպարունակող մարմնական վնասվածքներ, նրա հասցեին տվել է լկտի հայհոյանքներ, անպարկեշտ ձևով ստորացնելով Միքայել Պետրոսյանի պատիվն ու արժանապատվությունը: Դրանից քիչ անց Վարդան Մելքոնյանը վիճաբանել է Պետրոսյանի կնոջ մոր` Վալենտինա Թելոյանի հետ, նրան հրել գցել գետին` պատճառելով առողջության թեթև վնասի հատկանիշներ չպարունակող մարմնական վնասվածքներ և նրա հասցեին նույնպես տվել լկտի հայհոյանքներ` անպարկեշտ ձևով ստորացնելով նաև վերջինիս պատիվն ու արժանապատվությունը:
2010թ. մայիսի 01-ին Վալենտինա Արամի Թելոյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 118 հոդվածով, այն արարքի համար, որ նա 2009թ. հոկտեմբերի 25-ին, Երևան քաղաքի Գուլակյան փողոցի թիվ 16բ շենքի բակում նույն շենքի բնակիչ Վարդան Մելքոնյանի հետ վիճաբանության ընթացքում ձեռքերի մատների եղունգներով ճանկռել է վերջինիս այտը և պարանոցը` պատճառելով առողջության թեթև վնասի հատկանիշներ չպարունակող մարմնական վնասվածքներ:
2010թ. մայիսի 12-ին թիվ 14103510 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Քրեական գործը վարույթ է ընդունվել և նշանակվել դատական քննության 2010թ. հունիսի 03-ին:
Դատաքննության ընթացքում դատարանի որոշմամբ տուժող ճանաչված Միքայել Պետրոսյանը հայտնել է, որ ինքը հաշտվել է ամբաստանյալ Վարդան Մելքոնյանի հետ և միջնորդել է ամբաստանյալ Վարդան Մելքոնյանի վերաբերյալ քրեական գործի վարույթը կարճել և նրա նկատմամբ քրեական հետապնդումը դադարեցնել:
Վարդան Մելքոնյանը հայտնել է, որ ինքը հաշտվել է տուժող Միքայել Պետրոսյանի և ամբաստանյալ Վալենտինա Թելոյանի հետ և միջնորդել է ամբաստանյալ Վալենտինա Թելոյանի վերաբերյալ քրեական գործի վարույթը կարճել և նրա նկատմամբ քրեական հետապնդումը դադարեցնել:
Ամբաստանյալ Վալենտինա Թելոյանը հայտարարել է, որ համաձայն է, որ իր նկատմամբ հարուցված քրեական գործի վարույթը կարճվի:
Վալենտինա Թելոյանը հայտնել է, որ ինքը հաշտվել է ամբաստանյալ Վարդան Մելքոնյանի հետ և միջնորդել է ամբաստանյալ Վարդան Մելքոնյանի վերաբերյալ քրեական գործի վարույթը կարճել և նրա նկատմամբ քրեական հետապնդումը դադարեցնել:
Ամբաստանյալ Վարդան Մելքոնյանը նույնպես հայտարարել է, որ համաձայն է, որ իր նկատմամբ հարուցված քրեական գործի վարույթը կարճվի:
Մեղադրող Ն.Աշրաֆյանը միջնորդությունների դեմ չի առարկել:
Դատարանը քննության առնելով գործը կարճելու վերաբերյալ միջնորդությունները և նկատի ունենալով, որ ՀՀ քրեական դատավարության օրենսգրքի 183 հոդվածի համաձայն ՀՀ քրեական օրենսգրքի 118 հոդվածով, 136 հոդվածի 1-ին մասով նախատեսված հանցագործությունների վերաբերյալ քրեական գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա են կարճման, գտնում է, որ միջնորդությունները ենթակա են բավարարման:
Նկատի ունենալով, որ Վարդան Մելքոնյանը հրաժարվել է հանցագործության հետևանքով իրեն պատճառված նյութական վնասի հատուցման պահանջից, դատարանը գտնում է, որ այդ հարցը պետք է համարել լուծված:
Ղեկավարվելով ՀՀ քրեական դատավարության օրենսգրքի 33 հոդվածի 2-րդ մասով, 35 հոդվածի 1-ին մասի 5-րդ կետով, 183, 294 և 313 հոդվածներով, դատարանը

Ո Ր Ո Շ Ե Ց

Ամբաստանյալ Վարդան Մարատի Մելքոնյանի վերաբերյալ ՀՀ քրեական օրենսգրքի 118 հոդվածով և 136 հոդվածի 1-ին մասով քրեական գործի վարույթը կարճել` ամբաստանյալի հետ տուժող Միքայել Պետրոսյանի և Վալենտինա Թելոյանի հաշտվելու պատճառով և Վ.Մելքոնյանի նկատմամբ քրեական հետապնդումը դադարեցնել:
Վարդան Մելքոնյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Ամբաստանյալ Վալենտինա Արամի Թելոյանի վերաբերյալ ՀՀ քրեական օրենսգրքի 118 հոդվածով քրեական գործի վարույթը կարճել` ամբաստանյալի հետ Վարդան Մելքոնյանի հաշտվելու պատճառով և Վ.Թելոյանի նկատմամբ քրեական հետապնդումը դադարեցնել:
Վալենտինա Թելոյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Վարդան Մելքոնյանին պատճառված նյութական վնասի հատուցման հարցը համարել լուծված:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ.ԱՎԵՏԻՍՅԱՆ