ԵԱՔԴ/0057/01/10




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

14.07.2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Ա.Մարգարյանի
մասնակցությամբ`
մեղադրողª Տ.Հարությունյանի
պաշտպան` Ա.Հովհաննիսյանի
տուժող` Մ.Ասատրյանի

Դռնբաց դատական նիստում քննության առավ քր.գործն ըստ մեղադրանքի
Մարգար Արմենի Հակոբյանի, ծնված 12.05.1991թ., ք.Հրազդան, ազգությամբ հայ, ՀՀ քաղաքացի, միջնակարգ կրթությամբ, ամուրի, չդատված, ՀՀ ՊՆ 31549 զորամասի 1-ին գումարտակի պարտադիր ժամկետային զինծառայող, կոչումով շարքային, միակողմանի ծնողազուրկ, բնակվող Կոտայքի մարզ գյուղ Վանատուր:
Վազգեն Վարդանի Չախմախչյանի, ծնված 13.02.1991թ.,ք.Երևան, ազգությամբ հայ, ՀՀ քաղաքացի, 8-ամյա կրթությամբ, ամուրի, չդատված, ՀՀ ՊՆ 31549 զորամասի 1-ին գումարտակի պարտադիր ժամկետային զինծառայող, կոչումով շարքային, միակողմանի ծնողազուրկ բնակվող Կոտայքի մարզ ք.Հրազդան Միկրոշրջան 223 շ. բն. 5:
Արսեն Իգիթի Համբարձումյանի, ծնված 07.04.1990թ.,ք.Ապարան, ազգությամբ հայ, ՀՀ քաղաքացի, միջնակարգ կրթությամբ, ամուրի, չդատված, ՀՀ ՊՆ 31549 զորամասի 1-ին գումարտակի պարտադիր ժամկետային զինծառայող, կոչումով շարքային, բնակվող Արագածոտնի մարզ գյուղ Երնջատապ:
Վաղինակ Համլետի Վարդանյանի, ծնված 16.06.1990թ.,ք.Վարդենիս, ազգությամբ հայ, ՀՀ քաղաքացի, միջնակարգ կրթությամբ, ամուրի, չդատված, ՀՀ ՊՆ 31549 զորամասի 1-ին գումարտակի պարտադիր ժամկետային զինծառայող, կոչումով շարքային, բնակվող Գեղարքունիքի մարզ գյուղ Ծովակ:


Մարգար Արմենի Հակոբյանը, Վազգեն Վարդանի Չախմախչյանը, Արսեն Իգիթի Համբարձումյանը, Վաղինակ Համլետի Վարդանյանը ամբաստանվում են ՀՀ քր.օր-ի 359 հոդվածի 2-րդ մասի 2-րդ կետով, այն բանի համար, որ նրանք հանդիսանալով ՀՀ ՊՆ 31549 զորամասի ժամկետային զինծառայողներ, շարքային 28.03.2010թ. ժամը 11:30-ի սահմաններում ստորադասության հարաբերությունների բացակայության դեպքում, զինծառայողների փոխհարաբերությունների կանոնագրքային կանոնները խախտելով, զորամասի շարահրապարակում շարք կանգնելուց ուշանալու կապակցությամբ բռնություն են գործադրել նույն զորամասի ժամկետային զինծառայող, շարքային Մուշեղ Մանվելի Ասատրյանի նկատմամբ, ծեծի ենթարկել նրան` հարվածներ հասցնելով նրա մարմնի տարբեր մասերին:
Վերը նշված արարքի համար Մարգար Արմենի Հակոբյանին, Վազգեն Վարդանի Չախմախչյանին, Արսեն Իգիթի Համբարձումյանին, Վաղինակ Համլետի Վարդանյանին մեղադրանք է առաջադրվել ՀՀ քր.օր-ի 359 հոդվածի 2-րդ մասի 2-րդ կետով, որում նրանք իրենց մեղավոր են ճանաչել լիովին և խորհրդակցելով պաշտպանի հետ, միջնորդեցին դատարանին կիրառել արագացված դատաքննության կարգ, որի դեմ չառարկեց մեղադրողը:
Ամբաստանյալներին բացատրվեց ՀՀ քր. դատ. օր-ի 3751-3754 հոդվածների պահանջները, նրանք հայտարարեց, որ օրենքը իրենց բացատրվել է, այն հասկանալի է և պնդեցին իրենց պահանջը:
Արագացված դատաքննության կարգի կիրառմամբ դատարանը քննության առավ ամբաստանյալների նկատմամբ պատիժ նշանակելու հարցը:
Դատարանը պատիժ նշանակելիս հաշվի է առել ինչպես արարքի բնույթն ու վտանգավորության աստիճանը, այնպես էլ ամբաստանյալներ Մարգար Հակոբյանի, Վազգեն Չախմախչյանի, Արսեն Համբարձումյանի, Վաղինակ Վարդանյանի անձը բնութագրող հանգամանքները այն, որ նրանք նախկինում դատապարտված չեն եղել, նրանցից Մարգար Հակոբյանը, Վազգեն Չախմախչյանը, Վաղինակ Վարդանյանը հանդիսանում են, իսկ Արսեն Համբարձումյանը հադիսացել է ժամկետային զինծառայող, բնութագևվում են դրական:
Պատասխանատվությունը մեղմացնող հանգամանք դատարանը հաշվի է առել այն, որ նրանք անկեղծորեն զղջում են կատարած արարքի համար, օգնել են վարույթն իրականացնող մարմնին գործով օբյեկտիվ ճշմարտությունը բացահայտելուն:
Պատասխանատվությունը ծանրացնող հանգամանք դատարանը չի գտել:
Վերլուծելով վերը նշվածը դատարանը գտնում է, որ ամբաստանյալներ Մարգար Հակոբյանի, Վազգեն Չախմախչյանի, Արսեն Համբարձումյանի, Վաղինակ Վարդանյանի ուղղումն ու վերադաստիարակումը հնարավոր է առանց հասարակությունից մեկուսացնելու, սակայն հսկողության պայմաններում, որով կվերականգնվի սոցիալական արդարությունը, իսկ նշանակված պատիժը կծառայի իր նպատակին:
Ամբաստանյալների նկատմամբ ընտրված խափանման միջոցը պետք է թողնել անփոփոխ մինչև սույն դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քր. դատ օր-ի 357-360 հոդվածներով, 3751-3754 հոդվածներով դատարանը


Վ Ճ Ռ Ե Ց

Ամբաստանյալ Մարգար Արմենի Հակոբյանին մեղավոր ճանաչել ՀՀ քր.օր-ի 359 հոդվածի 2-րդ մասի 2-րդ կետով և նրան դատապարտել կարգապահական գումարտակում պահելով, 1 /մեկ/ տարի ժամկետով:
Ամբաստանյալ Վազգեն Վարդանի Չախմախչյանին մեղավոր ճանաչել ՀՀ քր.օր-ի 359 հոդվածի 2-րդ մասի 2-րդ կետով և նրան դատապարտել կարգապահական գումարտակում պահելով, 1 /մեկ/ տարի ժամկետով:
Ամբաստանյալ Վաղինակ Համլետի Վարդանյանին մեղավոր ճանաչել ՀՀ քր.օր-ի 359 հոդվածի 2-րդ մասի 2-րդ կետով և նրան դատապարտել կարգապահական գումարտակում պահելով, 1 /մեկ/ տարի ժամկետով:
Ամբաստանյալ Արսեն Իգիթի Համբարձումյանին մեղավոր ճանաչել ՀՀ քր.օր-ի 359 հոդվածի 2-րդ մասի 2-րդ կետով և նրան դատապարտել ազատազրկման 1 /մեկ/ տարի ժամկետով:
Կիրառել ՀՀ քր. օր-ի 70 հոդվածը և ամբաստանյալներ Մարգար Հակոբյանի, Վազգեն Չախմախչյանի, Արսեն Համբարձումյանի, Վաղինակ Վարդանյանի նկատմամբ նշանակված պատիժը պայմանականորեն չկիրառել, նշանակելով փորձաշրջան 1 /մեկ/ տարի ժամկետով:
Մարգար Հակոբյանի, Վազգեն Չախմախչյանի, Վաղինակ Վարդանյանի վարքագծի նկատմամբ հսկողությունը դնել նրանց ծառայությունն անցկացնելու վայրի հրամանատարության վրա, իսկ ծառայությունից հետո յուրաքանչյուրի բնակության վայրի այլընտրանքային պատիժների կատարման համապատասխան ստորաբաժանումների վրա, Արսեն Համբարձումյանի վարքագծի նկատմամբ հսկողությունը դնել նրա բնակության վայրի այլընտրանքային պատիժների կատարման բաժնի վրա:
Ամբաստանյալների նկատմամբ ընտրված խափանման միջոցը թողնել անփոփոխ մինչև սույն դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քր. դատ. օր-ի 375 4 հոդվածի կարգով ՀՀ քր. վերաքննիչ դատարան, այն հրապարակելուց հետո մեկամսյա ժամկետում:


ԴԱՏԱՎՈՐª Ս.ՂԱԶԱՐՅԱՆ