գործ N ԵԱՔԴ 0056/01/10

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Խ.Բաղդասարյանի
ամբաստանյալ` Ա.Խաչատրյանի
պաշտպան` Է.Մայսուրյանի
տուժողներ` Ա.Նանուշյանի, Ա.Խաչատրյանի

2010թ. մայիսի 19-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Ալեքսան Համլետի Խաչատրյանի, ծնված 14.09.1981թ., Երևան քաղաքում, ազգությամբ հայ, ՀՀ քաղաքացի, թերի բարձրագույն կրթությամբ, զինապարտ, ամուսնացած, խնամքին ոչ ոք, ֆիզիկապես առողջ, չի աշխատում, նախկինում չդատված, հաշվառված և բնակվում է Երևան քաղաքի Գյուլբենկյան փողոցի 44 շենքի թիվ 1 բնակարանում:
Մեղադրվում է ՀՀ քրեական օրենսգրքի 316 հոդվածի 1-ին մասով:

Պ Ա Ր Զ Ե Ց
1.Գործի դատավարական նախապատմությունը.
2010թ. մարտի 11-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում Ալեքսան Խաչատրյանի կողմից իրենց ծառայողական պարտականությունները կատարող իշխանության ներկայացուցիչների նկատմամբ կյանքի և առողջության համար ոչ վտանգավոր բռնություն գործադրելու փաստի առթիվ ՀՀ քրեական օրենսգրքի 136 հոդվածի 1-ին մասով հարուցվել է թիվ 14108410 քրեական գործը:
2010թ. մարտի 12-ին Ալեքսան Համլետի Խաչատրյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 316 հոդվածի 1-ին մասով:
2010թ. մարտի 13-ին Ալեքսան Համլետի Խաչատրյանի նկատմամբ որպես խափանման միջոց ընտրվել է կալանքը, որը փոխարինվել է 500.000 ՀՀ դրամ գրավով:
2010թ. մայիսի 07-ին թիվ 14108410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. մայիսի 07-ին քրեական գործն ընդունվել է վարույթ և նշանակվել դատական քննության 2010թ. մայիսի 19-ին:
2.Գործի փաստական հանգամանքները.
Նախաքննության մարմինն ամբաստանյալ Ալեքսան Համլետի Խաչատրյանին մեղադրանք է առաջադրել հետևյալ արարքի համար.
Ալեքսան Խաչատրյանը 2010թ. մարտի 11-ին, ժամը 1320-ի սահմաններում, իր կողմից վարած ՙՕպել Վեկտրա՚ մակնիշի 06 ՕՏ 967 պետհամարանիշի ավտոմեքենայով Երևան քաղաքի Կոմիտաս Փափազյան փողոցների հատման խաչմերուկում կատարել է ՃԵԿ-ի խախտում, որի պատճառով Փափազյան փողոցում կանգնեցվել է ՀՀ ոստիկանության ճանապարհային ոստիկանության 1-ին սպայական գումարտակի 3-րդ սպայական վաշտի 2-րդ սպայական դասակի տեսուչ Արմեն Նանուշյանի և նույն դասակի տեսուչ Անդրանիկ Խաչատրյանի կողմից: Իրավախախտման համար արձանագրություն կազմելու ընթացքում Ալեքսան Խաչատրյանը չի ենթարկվել իշխանության ներկայացուցիչ հանդիսացող և իրենց ծառայողական պարտականությունները կատարող Արմեն Նանուշյանի և Անդրանիկ Խաչատրյանի օրինական պահանջներին, վիճաբանել և տվել է հայհոյանքներ, որի ընթացքում կյանքի և առողջության համար ոչ վտանգավոր բռնություն գործադրելով քաշքշել է անօրինական գործողությունները կանխող Ա.Նանուշյանին և Ա.Խաչատրյանին ու պոկել վերջինիս համազգեստի ուսադիրը:
3. Արագացված դատական քննություն .
Մինչև դատաքննությունն սկսելն ամբաստանյալ Ալեքսան Խաչատրյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Է.Մայսուրյանը:
Մեղադրող Խ.Բաղդասարյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
3.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ալեքսան Համլետի Խաչատրյանին առաջադրված մեղադրանքը ՀՀ քրեական օրենսգրքի 316 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 316 հոդվածի 1-ին մասի հատկանիշներին և արարքի որակումը` ճիշտ է:
Ամբաստանյալ Ալեքսան Խաչատրյանի նկատմամբ պատիժ նշանակելիս, դատարանը հաշվի է առնում կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, կինը գտնվում է չորս ամսական հղիության վիճակում:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Ալեքսան Խաչատրյանը ենթակա է քրեական պատասխանատվության և պատժի:
Դատարանը, հաշվի առնելով, որ պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ ամբաստանյալի նկատմամբ պատիժ պետք է նշանակել տուգանքի ձևով:
Նկատի ունենալով, որ տուժողներ Արմեն Նանուշյանը և Անդրանիկ Խաչատրյանը հրաժարվել են քաղաքացիական հայցի պահանջից, դատարանն այդ հարցը համարում է լուծված:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված կիսաբաճկոնը, որն ի պահ է հանձնվել տուժող Անդրանիկ Խաչատրյանին պետք է թողնել նրան` ի տնօրինություն:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Ալեքսան Համլետի Խաչատրյանին մեղավոր ճանաչել ՀՀ քրեական օրենսգրքի 316 հոդվածի 1-ին մասով և նրան դատապարտել տուգանքի երեք հարյուր հազար (300.000) ՀՀ դրամի չափով:
Ալեքսան Համլետի Խաչատրյանի նկատմամբ ընտրված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, 500.000 (հինգ հարյուր հազար) ՀՀ դրամ գրավի գումարը վերադարձնել Համլետ Ալեքսանի Խաչատրյանին:
Իրեղեն ապացույց ճանաչված և տուժող Անդրանիկ Խաչատրյանին ի պահ հանձնված կիսաբաճկոնը թողնել նրա տնօրինությանը:
Տուժողներ Արմեն Նանուշյանի և Անդրանիկ Խաչատրյանի քաղաքացիական հայցերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակաման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:
ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ