Գործ ԵԱՔԴ 0046/01/10



Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`
նախագահությամբ դատավորª Ս.Հովսեփյանի
քարտուղարությամբª Ս.Արտաշեսյանի

մասնակցությամբª
մեղադրողª Գ.Շահբազյանի
ամբաստանյալ` Խ.Խալիֆյանի
պաշտպան` Է.Վարդանյանի
տուժող` Է.Աստվածատուրյանի


2010 թվականի հունիսի 23-ին, դռնբաց դատական նիստում, դատարանում քննեց քրեական գործն ըստ մեղադրանքիª Խաչիկ Արտաշի Խալիֆյանի,
ծնված 17.09.1939 թվականին, Գյումրի քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, նախկինում չդատված, աշխատում է Երևանի ՙԱրարատ՚ գինու, կոնյակի և օղու կոմբինատում որպես հնոցապան, հաշվառված է և բնակվում է Երևան քաղաքի Բարբյուսի փողոցի 7 շենքի թիվ 13 բնակարանում:

Որպես խափանման միջոց 13.03.2010 թվականին ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 118 հոդվածով և 136 հոդվածի 1-ին մասով:


ՊԱՐԶԵՑ


1. Գործի դատավարական նախապատմությունը.
ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում 12.02.2010 թվականին հարուցվել է թիվ 14105710 քրեական գործը:
Ամբաստանյալ Խաչիկ Խալիֆյանը, 2009 թվականի նոյեմբերի 02-ին, Ժամը 13.30-ի սահմաններում, գտնվելով իր տանը, զրուցել է իր կնոջ` Էմմա Աստվածատուրյանի և եղբոր դուստր` Գյումրի քաղաքի բնակիչ Նարինե Խալիֆյանի հետ: Զրույցի ընթացքում, Նարինե Խալիֆյանը հայտնել է, որ ԵՊՀ-ում հեռակա սովորող իր որդին՝ Շավարշը, պետք է գա Երևան քաղաք քննություններ հանձնելու համար, սակայն Երևանում մնալու տեղ չունենի և խնդրել է Խաչիկ Խալիֆյանին թույլ տալ, որ իր որդին ժամանակավոր բնակվի նրանց տանը: Էմմա Աստվածատուրյանը պատասխանել է, որ չի ցանկանում, որ Շավարշը բնակվի իրենց տանը և առաջարկել է, որ Նարինե Խալիֆյանն իր որդու համար վարձով տուն գտնի։Այդ առաջարկին հավանություն չի տվել Խաչիկ Խալիֆյանը, որից հետո նշված հարցի շուրջ Խաչիկ Խալիֆյանի և Էմմա Աստվածատուրյանի միջև առաջացել է վիճաբանություն՝ մոտ երկու րոպե տևողությամբ, որի ընթացքում Խաչիկ Խալիֆյանը վիրավորել է Էմմա Աստվածատուրյանին՝ անպարկեշտ ձևով ստորացնելով նրա պատիվն ու արժանապատվությունը, ինչպես նաև դիտավորությամբ ոտքերով և ձեռքերով հարվածներ է հասցրել Էմմա Աստվածատուրյանի մարմնի տարբեր մասերին, ծեծել է վերջինիս՝ նրան պատճառելով մարմնական վնասվածքներ՝ աջ ազդրի վերին երրորդականի կողմնային մակերեսի, ձախ ազդրի վերին երրորդականի առաջային մակերեսի, ստորին շրթունքի կարմիր երիզի արյունազեղումների ձևով, որոնք առողջության թեթև վնասի հատկանիշներ չեն պարունակում։
Կատարած հանցագործության համար Խաչիկ Խալիֆյանին մեղադրանք է առաջադրվել ՀՀ քրեական օրենսգրքի 118 հոդվածով և 136 հոդվածի 1-ին մասով:

2. Արագացված դատական քննություն .
Մինչ դատաքննությունն սկսելն ամբաստանյալ Խաչիկ Խալիֆյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը համոզվելով, որ առկա են ՀՀ քրեական դատավարության օրենսգրքի 375.1 և 375.2-րդ հոդվածներով նախատեսված պայմանները որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները գտնում է, որ ամբաստանյալ Խաչիկ Խալիֆյանը կատարել է ՀՀ քրեական օրենսգրքի 118 հոդվածով և 136 հոդվածի 1-ին մասով նախատեսված արարք, որի համար նա ենթակա է պատասխանատվության ՀՀ քրեական օրենսգրքի 118 հոդվածով և 136 հոդվածի 1-ին մասով:

3.Դատարանի իրավական վերլուծությունները.
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության` հանրության համար վտանգավորության աստիճանն ու բնույթը և նրա անձը, որպես պատասխանատվությունը և պատիժը մեղմացնող հանգամանք է դիտում այն, որ նա նախկինում հանցագործություն չի կատարել և չի դատապարտվել, կամովին ընդունել է մեղքը: Պատասխանատվությունը և պատիժը ծանրացնող հանգամանքներ չկան:
Ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց


Խաչիկ Արտաշի Խալիֆյանին մեղավոր ճանաչել Հայաստանի Հանրապետության քրեական օրենսգրքի 118 հոդվածով և 136 հոդվածի 1-ին մասով:
Հայաստանի Հանրապետության քրեական օրենսգրքի 136 հոդվածի 1-ին մասով նրան դատապարտել տուգանքի նվազագույն աշխատավարձի հարյուրապատիկի չափով` 100 000 /հարյուր հազար/ ՀՀ դրամ:
Հայաստանի Հանրապետության քրեական օրենսգրքի 118 հոդվածով նրան դատապարտել տուգանքի նվազագույն աշխատավարձի երեսունապատիկի չափով` 30 000 /երեսուն հազար/ ՀՀ դրամ:
ՀՀ քրեական օրենսգրքի 66 հոդվածի 2-րդ մասի կիրառմամբ պատիժները լրիվ գումարելու միջոցով վերջնական պատիժ սահմանել տուգանք նվազագույն աշխատավարձի հարյուր երեսունապատիկի չափով` 130 000 (հարյուր երեսուն հազար) ՀՀ դրամ:
Խաչիկ Խալիֆյանի նկատմամբ ընտրված խափանման միջոցը` ստորագրություն չհեռանալու մասին թողնել, անփոփոխ մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` այն հրապարակվելու օրվանից մեկամսյա ժամկետում: Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:



ԴԱՏԱՎՈՐ` Ս.ՀՈՎՍԵՓՅԱՆ