գործ No ԵԱՔԴ 0038/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ն.Ղազարյանի
մասնակցությամբ`
մեղադրող` Ա. Շահազիզյանի
ամբաստանյալ` Ա. Հակոբյանի
պաշտպան` Է.Վարդանյանի
տուժողներ` Վ.Բուդաղյանի, Ն.Ումրշատյանի

2010թ. ապրիլի 13-ին, Երևան քաղաքում, դռնբաց դատական նիստում, արագացված դատաքննության կարգով քննելով քրեական գործն ըստ մեղադրանքի Արթուր Արմենակի Հակոբյանի, ծնված 11.09.1974թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես առողջ, գտնվում է փաստական ամուսնական հարաբերությունների մեջ, խնամքին չորս անձ, նախկինում չդատված, չի աշխատել, հաշվառված և բնակվում է Երևան քաղաքի Նոր Նորքի 3-րդ զանգվածի, Բաղյան 2-րդ նրբանցքի 4 շենքի թիվ 22 բնակարանում:
Մեղադրվում է ՀՀ քրեական օրենսգրքի 178 հոդվածի 2-րդ մասի 3-րդ կետով:

Պ Ա Ր Զ Ե Ց
1.Գործի դատավարական նախապատմությունը.
2009թ. հոկտեմբերի 22-ին ՀՀ ոստիկանության ՔԳՎ Երևան քաղաքի քննչական վարչության Մաշտոցի քննչական բաժնում ՀՀ քրեական օրենսգրքի 178 հոդվածի 2-րդ մասի 3-րդ կետի հատկանիշներով հարուցվել է թիվ 10127309 քրեական գործը:
2009թ. հոկտեմբերի 29-ին թիվ 10127309 քրեական գործը տարածքային ենթակայության կարգով ուղարկվել է ՀՀ ոստիկանության ՔԳՎ Գեղարքունիքի մարզի քննչական բաժին:
2009թ. նոյեմբերի 06-ին թիվ 10127309 քրեական գործը առանձին հանձնարարության կարգով ուղարկվել է ՀՀ ոստիկանության ՔԳՎ Քանաքեռ-Զեյթուն քննչական բաժին:
2009թ. դեկտեմբերի 15-ին որոշում է կայացվել Արթուր Արմենակի Հակոբյանի բացակայության պայմաններում ՀՀ քրեական օրենսգրքի 178 հոդվածի 2-րդ մասի 3-րդ կետով որպես մեղադրյալ ներգրավվելու մասին, որպես խափանման միջոց ընտրվել է կալանքը և Արթուր Հակոբյանին հայտնաբերելու նպատակով հայտարարվել է հետախուզում:
2010թ. մարտի 17-ին Արթուր Արմենակի Հակոբյանը հայտնաբերվել և ներկայացվել է Քանաքեռ-Զեյթուն քննչական բաժին:
2010թ. մարտի 17-ին Արթուր Արմենակի Հակոբյանի նկատմամբ որպես խափանման միջոց ընտրված կալանքը վերահաստատվել է և կիրառվել է գրավ:
2010թ. մարտի 31-ին թիվ 10127309 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. մարտի 31-ին քրեական գործն ընդունվել է վարույթ և նշանակվել դատաքննության 2010թ. ապրիլի 13-ին:
2.Գործի փաստական հանգամանքները.
Նախաքննության մարմինն ամբաստանյալ Արթուր Արմենակի Հակոբյանին մեղադրանք է առաջադրել հետևյալ արարքի համար.
Արթուր Հակոբյանը 2009թ. փետրվարից մինչև ապրիլ ամիսն ընկած ժամանակահատվածում, չարաշահելով Վահան Պավլուշի Բուդաղյանի վստահությունը, վերջինիս համար ՙԱրմենՏել՚ ՓԲԸ-ի ավտոպարկից 405.000 ՀՀ դրամ արժողությամբ ՙՈՒԱԶ՚ մակնիշի ավտոմեքենա դուրս գրելու և վաճառելու պատրվակով, խաբեությամբ մաս-մաս, սկզբում Դավիթաշեն 1-ին թաղամասի 20 շենքի բակում հափշտակել է 185.000 ՀՀ դրամ, ապա Աբովյան քաղաքի ՃՈ-ի պահակետի մոտ` 220.000 ՀՀ դրամ և տիրանալով այդ գումարներին` Վ.Բուդաղյանին պատճառել է զգալի չափի` 405.000 ՀՀ դրամի գույքային վնաս:
Բացի այդ, կրկին անգամ, խարդախություն կատարելու նպատակով, 2009թ. փետրվարից մինչև մայիս ամիսն ընկած ժամանակահատվածում, չարաշահելով Վահան Պավլուշի Բուդաղյանի ընկերոջ` Նվեր Նորիկի Ումրշատյանի վստահությունը, նրա համար կրկին ՙԱրմենՏել՚ ՓԲԸ-ի ավտոպարկից 425.000 ՀՀ դրամ արժողությամբ տրակտոր դուրս գրելու և վաճառելու պատրվակով, խաբեությամբ Վահան Պավլուշի Բուդաղյանի միջոցով մաս-մաս, սկզբում Բալահովիտ գյուղի ՙԱրմենՏել՚ ՓԲԸ-ի ավտոպարկի դիմաց խաբեությամբ հափշտակել է 90.000 ՀՀ դրամ, այնուհետև ՙԱրմենՏել՚ ՓԲԸ-ի վարչական շենքի մոտ` 90.000 ՀՀ դրամ, ապա Գեղարքունիքի մարզի Սևան-Գավառ ճանապարհների խաչմերուկում` 245.000 ՀՀ դրամ և տիրանալով այդ գումարներին` Ն.Ումրշատյանին պատճառել է զգալի չափի` 425.000 ՀՀ դրամի գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Արթուր Հակոբյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Է.Վարդանյանը:
Մեղադրող Ա.Շահազիզյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Արմենակի Հակոբյանին առաջադրված մեղադրանքը` ՀՀ քրեական օրենսգրքի 178 հոդվածի 2-րդ մասի 3-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 3-րդ կետի հատկանիշներին և արարքի որակումը ճիշտ է:
Արթուր Հակոբյանի նկատմամբ պատիժ նշանակելիս դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, հանցագործությամբ պատճառված վնասն ամբողջությամբ վերականգնվել է, խնամքին են գտնվում վեց և չորս տարեկան երկու երեխաները, կինը տառապում է ՙէպիլեպսիա՚ հիվանդությամբ, մայրը երկրորդ խմբի հաշմանդամ է, ինչպես նաև տուժողների խնդրանքն ամբաստանյալի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արթուր Հակոբյանը ենթակա է քրեական պատասխանատվության և պատժի:
Դատարանը հաշվի առնելով հանցավորի անձը բնութագրող և պատասխանատվությունն ու պատիժը մեղմացնող վերը նշված հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը, հանգում է հետևության, որ Արթուր Հակոբյանի ուղղվելը հնարավոր է առանց պատիժը կրելու` պայմանականորեն պատիժը չկիրառելու պայմաններում:
Նկատի ունենալով, որ քաղաքացիական հայցվորներ Վահան Բուդաղյանն ու Նվեր Ումրշատյանը հրաժարվել են ներկայացրած քաղաքացիական հայցերից, դատարանը գտնում է, որ քաղաքացիական հայցերի հրաժարումը պետք է ընդունել և Վահան Բուդաղյանի ու Նվեր Ումրշատյանի քաղաքացիական հայցերի վարույթը կարճել:
Դատարանն անդրադառնալով իրեղեն ապացույցների տնօրինման հարցին, գտնում է, որ ապացույց ճանաչված և քրեական գործին կցված, այլ փաստաթուղթ հանդիսացող թվով 4 անդորրագրերի, գրության և ստացականի քսերոպատճենները պետք է պահել քրեական գործի հետ միասին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Արթուր Արմենակի Հակոբյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 3-րդ կետով և նրան դատապարտել ազատազրկման երկու (2) տարի ժամկետով:
Կիրառել ՀՀ քրեական օրենսգրքի 70 հոդվածը և Արթուր Արմենակի Հակոբյանի նկատմամբ ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան երկու (2) տարի ժամկետով:
Արթուր Արմենակի Հակոբյանի նկատմամբ ընտրված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Վահան Բուդաղյանի և Նվեր Ումրշատյանի քաղաքացիական հայցերի վարույթը կարճել:
Ապացույց ճանաչված, այլ փաստաթուղթ հանդիսացող թվով 4 անդորրագրերի, գրության և ստացականի քսերոպատճենները պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ