Գործ ԵԱՔԴ 0023/01/10



Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`
նախագահությամբ դատավորª Ս.Հովսեփյանի
քարտուղարությամբª Ս.Արտաշեսյանի

մասնակցությամբª
մեղադրողª Խ.Բաղդասարյանի
ամբաստանյալ` Գ.Խաչատրյանի
պաշտպան` Է.Վարդանյանի


2010 թվականի մայիսի 14-ին, դռնբաց դատական նիստում, դատարանում քննեց քրեական գործն ըստ մեղադրանքիª Գոռ Սուրիկի Խաչատրյանի,
ծնված 22.07.1988 թվականին, Հրազդան քաղաքում, ազգությամբ հայ, ՀՀ քաղաքացի, սովորում է Երևանի պետական մանկավարժական համալսարանի իրավագիտության ֆակուլտետի հեռակա երրորդ կուրսում, ամուրի, նախկինում չդատված, չի աշխատում, հաշվառված է և բնակվում է Հրազդան քաղաքի, Կենտրոն թաղամասի 84 շենքի, 42 բնակարանում:

Որպես խափանման միջոց 19.02.2010 թվականին ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 235 հոդվածի 4-րդ մասով:


ՊԱՐԶԵՑ


1. Գործի դատավարական նախապատմությունը.
ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթուն քննչական բաժնում 2010 թվականի փետրվարի 17-ին հարուցվել է թիվ 09104110 քրեական գործը:
Ամբաստանյալ Գոռ Սուրիկի Խաչատրյանը, 2008 թվականի ամռանը Հրազդան քաղաքում գտնելով արհեստագործական եղանակով փոխագուցավոր մահակների նմանողությամբ պատրաստված, հարվածող-փշրող սառը զենք հանդիսացող մետաղյա մահակը այն ապօրինի կրել է իր անձնական օգտագործման ՙՎԱԶ 2106՚ մակնիշի 20 ՏՕ 122 պետհամարանիշի ավտոմեքենայի առջևի ձախ նստատեղի ձախ հատվածում։2010 թվականի փետրվարի 5-ին, ժամը 08-ի սահմաններում, Գոռ Խաչատրյանն իր ընկերուհու՝ Երևանի պետական Ագրարային համալսարանի ուսանողուհի Զարինե Ազատի Ղուկասյանի հետ զբոսնելով ՙՀաղթանակ՚ զբոսայգում, ժամը 14.30-ին վերադարձել ու նստել են իր անձնական օգտագործման ՙՎԱԶ 2106՚ մակնիշի 20 ՏՕ 122 պետհամարանիշի մեքենան` Հրազդան քաղաք գնալու նպատակով։Այդ ժամանակ նրանց են մոտեցել ոստիկանության աշխատակիցներ, որոնք Գոռ Խաչատրյանի մեքենայի իջնելու պահին տեսնելով ավտոմեքենայի առջևի ձախ նստատեղի ձախ հատվածում դրված մետաղյա մահակը, սառը զենք ապօրինի կրելու կասկածանքով նրան անմիջապես բերման են ենթարկել ոստիկանության Քանաքեո-Զեյթուն բաժին, որտեղ ընթերակաների ներկայությամբ անձնական խուզարկության են ենթարկել Գոռ Խաչատրյանին։Նրա մոտ ոչինչ չհայտնաբերելուց հետո զննել են Գոռ Խաչատրյանի անձնական օգտագործման ՙՎԱԶ 2106՚ մակնիշի 20 ՏՕ 122 պետհամարանիշի ավտոմեքենան։Զննության ընթացքում մեքենայի առջևի ձախ նստատեղի ձախ հատվածից հայտնաբերվել է Գոռ Խաչատրյանի կողմից ապօրինի կրած՝ սառը զենք հանդիսացող մետաղյա մահակը, որն առգրավվել է:
Կատարած հանցագործության համար Գոռ Խաչատրյանին մեղադրանք է առաջադրվել ՀՀ քրեական օրենսգրքի 235 հոդվածի 4-րդ մասով:

2. Արագացված դատական քննություն .
Մինչ դատաքննությունն սկսելն ամբաստանյալ Գոռ Խաչատրյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը համոզվելով, որ առկա են ՀՀ քրեական դատավարության օրենսգրքի 375.1 և 375.2-րդ հոդվածներով նախատեսված պայմանները որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները գտնում է, որ ամբաստանյալ Գոռ Խաչատրյանը կատարել է ՀՀ քրեական օրենսգրքի 235 հոդվածի 4-րդ մասով նախատեսված արարք, որի համար նա ենթակա է պատասխանատվության ՀՀ քրեական օրենսգրքի 235 հոդվածի 4-րդ մասով:

3.Դատարանի իրավական վերլուծությունները.
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության` հանրության համար վտանգավորության աստիճանն ու բնույթը և նրա անձը, որպես պատասխանատվությունը և պատիժը մեղմացնող հանգամանք է դիտում այն, որ նա նախկինում հանցագործություն չի կատարել և չի դատապարտվել, կամովին ընդունել է մեղքը, ուսանող է, բնութագրվում է դրական: Պատասխանատվությունը և պատիժը ծանրացնող հանգամանքներ չկան:
Դատարանը գտնում է նաև, որ իրեղեն ապացույց ճանաչված և ՀՀ ոստիկանության ՓՔՎ վարչությունում գտնվող` սառը զենք հանդիսացող, արհեստագործական եղանակով պատրաստված մետաղյա մահակը պետք է թողնել ՀՀ ոստիկանության ՓՔՎ վարչության տնօրինությանը:
Ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց


Գոռ Սուրիկի Խաչատրյանին մեղավոր ճանաչել ՀՀ քրեական օրենսգրքի 235 հոդվածի 4-րդ մասով և նրան դատապարտել տուգանքի 350 000 (երեք հարյուր հիսուն հազար) ՀՀ դրամի չափով:
Նրա նկատմամբ ընտրված խափանման միջոցը` թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված և ՀՀ ոստիկանության ՓՔՎ վարչությունում գտնվող սառը զենք հանդիսացող, արհետսագործական եղանակով պատրաստված մետաղյա մահակը պետք է թողնել ՀՀ ոստիկանության ՓՔՎ վարչության տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան` այն հրապարակվելու օրվանից մեկամսյա ժամկետում: Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:



ԴԱՏԱՎՈՐ` Ս.ՀՈՎՍԵՓՅԱՆ