ԵԱՔԴ/0022/01/10


ՈՐՈՇՈՒՄ

06.07.2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Ա.Մարգարյանի
մասնակցությամբ`
մեղադրողª Ռ.Խաչատրյանի
պաշտպաններ` Ս.Հարությունյանի
Կ.Աղաջանյանի
ներկայացուցիչներ` Է.Թովմասյանի
Ա.Վարդանյանի
Ա.Ղազարյանի
Ն.Տոնոյանի

Դռնբաց դատական նիստում քննության առավ քր.գործն ըստ մեղադրանքի
Տիգրան Արմենի Վարդանյանի, ծնված 09.09.1993թ., ք.Երևան, ազգությամբ հայ, ՀՀ քաղաքացի, սովորում է Երևանի թիվ 127 միջնակարգ դպրոցի 11-րդ դասարանում, ամուրի, չդատված, հատուկ հաշվառման մեջ չի գտնվում, առողջ է, բնակվում է ք. Երևան, Ա.Ահարոնյան փողոց 12 շենք 1 բնակարանում, ծնողների հետ:

Սուրիկ Արմենի Ղազարյանի, ծնված 14.04.1993թ., ք.Երևան, ազգությամբ հայ, ՀՀ քաղաքացի, սովորում է Երևանի պոլիտեխնիկական ինստիտուտի 1-ին կուրսում, ամուրի, չդատված, հատուկ հաշվառման մեջ չի գտնվում, ֆիզիկապես առողջ է, բնակվում է ք. Երևան, Ազատության փողոց 3/1 շենք 3 բնակարանում, ծնողների հետ:

Հայկ Վիրաբի Գասպարյանի, ծնված 17.07.1993թ., ք.Երևան, ազգությամբ հայ, ՀՀ քաղաքացի, սովորում է Երևանի թիվ 118 դպրոցի 11-րդ դասարանում, ամուրի, չդատված, հատուկ հաշվառման մեջ չի գտնվում, ֆիզիկապես առողջ է, բնակվում է ք. Երևան, Միկոյան փողոց 25 շենք 32 բնակարանում, ծնողների հետ:

Գևորգ Էդիկի Թովմասյանի, ծնված 25.02.1993թ., ք.Երևան, ազգությամբ հայ, ՀՀ քաղաքացի, սովորում է Երևանի թիվ 147 դպրոցի 11-րդ դասարանում, ամուրի, չդատված, հատուկ հաշվառման մեջ չի գտնվում, ֆիզիկապես առողջ է, բնակվում է ք. Երևան, Դրոյի փողոց 7 շենք 57 բնակարանում, ծնողների հետ:


Ամբաստանվում են ՀՀ քր.օր-ի 258 հոդվածի 3-րդ մասի 1-ին կետով այն բանի համար, որ 2009թ-ի օգոստոսի 25-ին ժամը 19:30-ի սահմաններում ՙՀաղթանակ՚ զբոսայգու ֆուտբոլային դաշտին հարակից տարածքում կոպիտ կերպով խախտելով հասարակական կարգը, բացահայտ անհարգալից վերաբերմունք դրսևորելով հասարակության նկատմամբ, շուրջ 5 րոպե տևողությամբ վիճաբանության մեջ են մտել միմյանց հետ, տվել սեռական բնույթի հայհոյանքներ և բռնություն գործադրել միմյանց նկատմամբ, ծեծի ենթարկելով միմյանց:
Մեղսագրված արարքներում ամբաստանյալներն իրենց մեղավոր չեն ճանաչել և դատարանում հրաժարվել են ցուցմունքներ տալուց:
Ամբաստանյալների մեղքը մեղսագրված արարքում ապացուցվել է իրենց իսկ տված նախաքննական ցուցմունքներով, գործով վկաների ցուցմունքներով, դատաբժշկական փորձաքննության եղրակացություններով:
Դատարանը քննության առնելով ամբաստանյալներին քրեական պատասխանատվության ենթարկելու և նրանց նկատմամբ նշանակվող պատժի հարցը, եկավ այն համոզման, որ նրանք բոլորն էլ անչափահասներ են, նրանց ընտանիքները չեն գտնվում բավարար նյութական ապահովվածության վիճակում, ամբաստանյալները չունեն ինքնուրույն վաստակ, արարքը կատարել են առաջին անգամ, այն դասվում է միջին ծանրության հանցագործությունների շարքին, նրանցից ոչ մեկը հատուկ հաշվառման մեջ չի գտնվել, բոլորն էլ արդեն իսկ ուսանողներ են, բնութագրվում են դրական, նրանց ուղղումն ու վերադաստիարակումը հնարավոր է առանց քրեական պատասխանատվության ենթարկելու, սակայն հսկողության պայմաններում, որպիսի հսկողությունը պետք է հանձնվի յուրաքանչյուրին իր ծնողին, որոնք դատարանում ճանաճվել են օրինական ներկայացուցիչներ, որով կվերականգնվի սոցիալական արդարությունը և նշանակված հարկադրանքի միջոցը կծառայի իր նպատակին:
Ելնելով վերոգրյալից և ղեկավարվելով ՀՀ քր. դատ. օր-ի 357-360 հոդվածներով դատարանը

Ո Ր Ո Շ Ե Ց

Տիգրան Արմենի Վարդանյանին,
Սուրիկ Արմենի Ղազարյանին,
Հայկ Վիրաբի Գասպարյանին,
Գևորգ Էդիկի Թովմասյանին ազատել քրեական պատասխանատվությունից, նրանց վարքագծի հսկողությունը դնել յուրաքանչյուրինը իր ծնողի վրա 6 /վեց/ ամիս ժամկետով և այդ ընթացքում նրանց արգելել ժամը 21:00-ից լինել հասարակական վայրերում:
Ընտրված խափանման միջոցը վերացնել:
Դատավճիռը կարող է բողոքարկվել ՀՀ քրեական վերաքննիչ դատարան այն հրապարակելուց հետո մեկամսյա ժամկետում:



ԴԱՏԱՎՈՐª Ս.ՂԱԶԱՐՅԱՆ