ԵԱՔԴ/0017/01/10







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«12» ապրիլի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Շահազիզյան
տուժող Հ.Գևորգյան
պաշտպան Հ.Բաղդասարյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Սամվել Վարուժանի Հովհաննիսյանի` ծնված 1974 թվականի սեպտեմբերի 2-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, չի աշխատում, հաշվառված է Երևան քաղաքի Մ.Խորենացու փողոցի 229/3 տանը: Մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով, արգելանքի տակ է 2010 թվականի փետրվարի 6-ից:
1. Գործի դատավարական նախապատմությունը.
2009 թվականի հունիսի 7-ին ՀՀ ոստիկանության Արաբկիրի բաժնի հետաքննության բաժանմունքի տեսուչի ժամանակավոր պաշտոնակատար Վ.Բաբայանի որոշմամբ ՀՀ քրեական օրենսգրքի 176-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14155709 քրեական գործը:
2009 թվականի հունիսի 9-ին ՀՀ ոստիկանության Արաբկիրի բաժնի հետաքննության բաժանմունքի տեսուչի ժամանակավոր պաշտոնակատար Վ.Բաբայանի որոշմամբ թիվ 14155709 քրեական գործն ուղարկվել ՀՀ ոստիկանության Արաբկիրի քննչական բաժին` նախաքննություն կատարելու համար:
2009 թվականի հունիսի 10-ին ՀՀ ոստիկանության Արաբկիրի քննչական բաժնի քննիչ Վ.Մկրտչյանի որոշմամբ թիվ 14155709 քրեական գործն ընդունվել է վարույթ:
2009 թվականի հուլիսի 6-ին ՀՀ ոստիկանության Արաբկիրի քննչական բաժնի քննիչ Հ.Ավետիսյանի որոշմամբ թիվ 14155709 քրեական գործն ընդունվել է վարույթ:
2009 թվականի հուլիսի 29-ին ՀՀ ոստիկանության Արաբկիրի քննչական բաժնի քննիչ Հ.Ավետիսյանի որոշմամբ Սամվել Վարուժանի Հովհաննիսյանին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով:
2009 թվականի օգոստոսի 6-ին ՀՀ ոստիկանության Արաբկիրի քննչական բաժնի քննիչ Հ.Ավետիսյանի որոշմամբ թիվ 14155709 քրեական գործի վարույթը կասեցվել է:
2010 թվականի փետրվարի 8-ին ՀՀ ոստիկանության Արաբկիրի քննչական բաժնի քննիչ Հ.Ավետիսյանի որոշմամբ թիվ 14155709 քրեական գործի վարույթը վերսկսվել է:
2010 թվականի մարտի 1-ին Սամվել Վարուժանի Հովհաննիսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Սամվել Վարուժանի Հովհաննիսյանին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով` այն արարքի համար, որ նա 2009 թվականի հունիսի 6-ին` ժամը 19:00-ի սահմաններում, Երևան քաղաքի Կոմիտաս և Գյուլբենկյան փողոցների խաչմերուկում, կողոպուտ կատարելու դիտավորությամբ, բացահայտ հափշտակել է Հռիփսիմե Գևորգյանի` 250.000 ՀՀ դրամ արժողության պարանոցի ոսկե շղթան` խաչի և կախազարդի հետ միասին, և դիմել փախուստի:
2. Արագացված դատական քննություն.
Մինչ դատաքննությունն սկսելն ամբաստանյալ Սամվել Վարուժանի Հովհաննիսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սամվել Վարուժանի Հովհաննիսյանը կատարել է արարք` նախատեսված ՀՀ քրեական օրենսգրքի 176-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնակամ (մեղայականով) ներկայանալու մասին արձանագրությունը, ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, եկավ հետևյալ եզրահանգման.
Սամվել Հովհաննիսյանի անձը դրականորեն բնութագրող հանգամանքներ են` ինքնախոստովանական ցուցմունքներ տալը և կատարածի համար զղջալը:
Սամվել Հովհաննիսյանի պատասխանատվությունն ու պատիժը մեղմացնող հանգամանք է մեղայականով ներկայանալը:
Սամվել Հովհաննիսյանի պատասխանատվությունն ու պատիժը մեղմացնող հանգամանք է նաև նախկինում արատավորված` դատապարտված չլինելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Սամվել Հովհաննիսյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Սամվել Հովհաննիսյանը ենթակա է քրեական պատասխանատվության և պատժի:
Դատարանը, հաշվի առնելով Սամվել Հովհաննիսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Սամվել Հովհաննիսյանի կատարած արարքի համար ՀՀ քրեական օրենսգրքի 176-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Քանի որ Սամվել Հովհաննիսյանը, գտնվելով հետախուզման մեջ, 2009 թվականի փետրվարի 6-ին ինքնակամ ներկայացել է և արգելանքի վերցվել, հետևաբար նրա պատժի կրման սկիզբը պետք է հաշվել 2009 թվականի փետրվարի 6-ից:
Դատարանը գտնում է, որ Սամվել Հովհաննիսյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2009 թվականի հուլիսի 10-ի որոշմամբ իրեղեն ապացույց ճանաչված բջջային հեռախոսը, հեռախոսաքարտը և ակնոցները պետք է վերադարձնել Սամվել Վարուժանի Հովհաննիսյանին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է նաև այն հարցը, թե քաղաքացիական հայցն ենթակա է արդյոք բավարարման, ում օգտին և ինչ չափով:
Սույն քրեական գործով քաղաքացիական հայց է ներկայացրել տուժող Հռիփսիմե Գագիկի Գևորգյանը ամբաստանյալ Սամվել Հովհաննիսյանից պահանջելով հանցագործությամբ իրեն պատճառված վնասը` 250.000 ՀՀ դրամը: Սակայն Հռիփսիմե Գագիկի Գևորգյանը դատական նիստի ժամանակ` իր ճառում, հրաժարվել է իր կողմից հարուցված քաղաքացիական հայցից, ուստի Դատարանը գտնում է, որ քաղաքացիական հայցից հրաժարումը պետք է ընդունել և Հռիփսիմե Գագիկի Գևորգյանի կողմից հարուցված քաղաքացիական հայցի վարույթը կարճել:
Դատարանը գտնում է, որ դատական ծախսերն ամբաստանյալ Սամվել Հովհաննիսյանից ենթակա չեն բռնագանձման, քանի որ հանցագործությամբ պատճառված վնասի հատուցման համար ներկայացված քաղաքացիական հայցի վարույթը վերոնշյալ հիմնավորմամբ պետք է կարճել, իսկ ՀՀ քրեական դատավարության օրենսգրքի 168-րդ հոդվածի առաջին մաuի 2-8-րդ կետերով նախատեuված դատական ծախuերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի` ամբաuտանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 161-րդ, 168-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը
ՎՃՌԵՑ

Սամվել Վարուժանի Հովհաննիսյանին մեղավոր ճանաչել ՀՀ քրեական օրենսգրքի 176-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով` պատժի կրման սկիզբը հաշվելով 2010 թվականի փետրվարի 6-ից:
Սամվել Վարուժանի Հովհաննիսյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` 2009 թվականի հուլիսի 10-ի որոշմամբ իրեղեն ապացույց ճանաչված բջջային հեռախոսը, հեռախոսաքարտը և ակնոցները վերադարձնել Սամվել Վարուժանի Հովհաննիսյանին:
Հռիփսիմե Գագիկի Գևորգյանի հարուցած քաղաքացիական հայցի վարույթը կարճել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ