ԵԱՔԴ/0015/01/10






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«25» մարտի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ն.Աշրաֆյան
տուժող «Բալյան Մկրտիչ» ԱՁ
տուժողի ներկայացուցիչ Մ.Բալյան
պաշտպան Վ.Գրիգորյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Գոհար Բաբկենի Մարտիրոսյանի` ծնված 1960 թվականի դեկտեմբերի 22-ին Երևան քաղաքում, ազգությամբ հայ, ՀՀ քաղաքացի, ամուսնալուծված, միջնակարգ կրթությամբ, չի աշխատում, նախկինում չդատապարտված, հաշվառված է Բյուրեղավան քաղաքի 8-րդ շենքի 45-րդ բնակարանում: Մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2009 թվականի դեկտեմբերի 20-ին ՀՀ ոստիկանության Արաբկիրի քննչական բաժնի քննիչ Դ.Թովմասյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 1-ին կետով նախատեսված հանցագործության հատկանիշներով հարուցվել և վարույթ է ընդունվել թիվ 14138409 քրեական գործը:
2010 թվականի փետրվարի 19-ին ՀՀ ոստիկանության Արաբկիրի քննչական բաժնի քննիչ Դ.Թովմասյանի որոշմամբ թիվ 14138409 քրեական գործով Գոհար Բաբկենի Մարտիրոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2010 թվականի փետրվարի 19-ին ՀՀ ոստիկանության Արաբկիրի քննչական բաժնի քննիչ Դ.Թովմասյանի որոշմամբ թիվ 14138409 քրեական գործով Անուշ Սարգսի Կոջոյանին մեղադրանք է առաջադրվել ՀՀ քրեական օրենսգրքի 34-177-րդ հոդվածի 1-ին մասով:
2010 թվականի փետրվարի 19-ին ՀՀ ոստիկանության Արաբկիրի քննչական բաժնի քննիչ Դ.Թովմասյանի որոշմամբ թիվ 14138409 քրեական գործով Անուշ Սարգսի Կոջոյանի վերաբերյալ մասը կարճվել է և նրա նկատմամբ քրեական հետապնդումը դադարեցվել է տուժողի հաշտվելու հիմքով:
2010 թվականի փետրվարի 19-ին ՀՀ ոստիկանության Արաբկիրի քննչական բաժնի քննիչ Դ.Թովմասյանի որոշմամբ Գոհար Բաբկենի Մարտիրոսյանին առաջադրված մեղադրանքը փոփոխվել, լրացվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2010 թվականի փետրվարի 25-ին Գոհար Բաբկենի Մարտիրոսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Գոհար Բաբկենի Մարտիրոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով` այն արաքի համար, որ նա ուրիշի գույքի գաղտնի հափշտակություն կատարելու նպատակով 2009 թվականի դեկտեմբերի 2-ին` ժամը 14:00-ի սահմաններում, Երևան քաղաքի Փափազյան փողոցի 17/8 հասցեում գործող «Բալյան Մկրտիչ» ԱՁ-ին պատկանող տնտեսական ապրանքների խանութից հափշտակել է ընդհանուր 7.340 ՀՀ դրամ արժողության թվով ութ հատ մազերի խնամքի համար նախատեսված տարբեր տեսակի շամպուններ` պատճառելով զգալի չափի նյութական վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Գոհար Բաբկենի Մարտիրոսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գոհար Բաբկենի Մարտիրոսյանը կատարել է արարք` նախատեսված ՀՀ քրեական օրենսգրքի 177-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, բնութագիրը, եկավ հետևյալ եզրահանգման.
Գոհար Մարտիրոսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Գոհար Մարտիրոսյանի պատասխանատվությունն ու պատիժը մեղմացնող հանգամանքներ են նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ գործում ամբաստանյալ Գոհար Մարտիրոսյանի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Գոհար Մարտիրոսյանը ենթակա է քրեական պատասխանատվության և պատժի:
Դատարանը, հաշվի առնելով Գոհար Մարտիրոսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Գոհար Մարտիրոսյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2010 թվականի փետրվարի 1-ի որոշմամբ իրեղեն ապացույց ճանաչված և Նարինե Մկրտչյանին ի պահ հանձնված տասներկու շամպունները, երեք օճառները, սպասք լվանալու երկու հեղուկները և մեկ օդափոխիչը պետք է հանձնել «Բալյան Մկրտիչ» ԱՁ-ին` ի տնօրինություն:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Գոհար Մարտիրոսյանից ենթակա չեն բռնագանձման, քանի որ դատական քննության ժամանակ տուժողի ներկայացուցիչը հայտնել է, որ ամբաստանյալից որևէ պահանջ չունի: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի, ամբաuտանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը

ՎՃՌԵՑ

Գոհար Բաբկենի Մարտիրոսյանին մեղավոր ճանաչել ՀՀ քրեական օրենսգրքի 177-րդ հոդվածի 1-ին մասով և պատիժ նշանակել տուգանք` նվազագույն աշխատավաձի հարյուրքսանապատիկի չափով:
Գոհար Բաբկենի Մարտիրոսյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2010 թվականի փետրվարի 1-ի որոշմամբ իրեղեն ապացույց ճանաչված տասներկու շամպունները, երեք օճառները, սպասք լվանալու երկու հեղուկները և մեկ օդափոխիչը հանձնել «Բալյան Մկրտիչ» ԱՁ-ին` ի տնօրինություն:

Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ