գործ No ԵԱՔԴ 0014/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ն.Ղազարյանի
մասնակցությամբ`
մեղադրող` Վ. Միլիտոնյանի
ամբաստանյալ` Լ. Աբգարյանի
պաշտպան` Հ. Հակոբյանի
տուժող` Յու. Ավետիսյանի
տուժողի ներկայացուցիչ` Լ.Մնացականյանի

2010թ. մարտի 23-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Լյովա Ասատուրի Աբգարյանի, ծնված 10.01.1957թ., Սյունիքի մարզի Անգեղակոթ գյուղում, ազգությամբ հայ, ՀՀ քաղաքացի, ֆիզիկապես վատառողջ, ամուսնացած, խնամքին երեք անձ, նախկինում չդատված, չի աշխատում, հաշվառված և բնակվում է Սյունիքի մարզի Անգեղակոթ գյուղում:
Մեղադրվում է ՀՀ քրեական օրենսգրքի 242 հոդվածի 1-ին մասով:

Պ Ա Ր Զ Ե Ց
1.Գործի դատավարական նախապատմությունը.
2009թ. նոյեմբերի 24-ին ՀՀ ոստիկանության Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 242 հոդվածի 1-ին մասի հատկանիշներով հարուցվել է թիվ 60126809 քրեական գործը:
2010թ. փետրվարի 10-ին Լյովա Ասատուրի Աբգարյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 242 հոդվածի 1-ին մասով և նրա նկատմամբ որպես խափանման միջոց կիրառվել է ստորագրություն չհեռանալու մասին:
2010թ. փետրվարի 10-ին նախաքննության մարմնի որոշմամբ թիվ 60126809 քրեական գործով ավտովարորդ Լյովա Ասատուրի Աբգարյանի նկատմամբ` ավտովթարի հետևանքով ՙՇկոդա-Ֆաբիա՚ մակնիշի ավտոմեքենայի վարորդ Վարդգես Ենոքյանին և ուղևոր Հովհաննես Խաչատրյանին առողջության թեթև վնաս պատճառելու վերաբերյալ մասով քրեական հետապնդում չի իրականացվել` նրա արարքում հանցակազմի բացակայության պատճառաբանությամբ: Վարդգես Վարդգեսի Ենոքյանի նկատմամբ քրեական հետապնդում չի իրականացվել` նրա արարքում հանցակազմի բացակայության պատճառաբանությամբ:
2010թ. փետրվարի 26-ին թիվ 60126809 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2010թ. մարտի 01-ին քրեական գործն ընդունվել է վարույթ և նշանակվել դատաքննության 2010թ. մարտի 23-ին:
2.Գործի փաստական հանգամանքները.
Նախաքննության մարմինն ամբաստանյալ Լյովա Ասատուրի Աբգարյանին մեղադրանք է առաջադրել հետևյալ արարքի համար.
Լյովա Աբգարյանը 2009թ. հոկտեմբերի 31-ին, ժամը 2145-ի սահմաններում, սեփականության իրավունքով իրեն պատկանող ՙԶԻԼ-431410՚ մակնիշի 54 ԼՍ 101 պետհամարանիշի ավտոմեքենայով երթևեկելով Երևան քաղաքի Կիևյան փողոցով դեպի Բարեկամության հրապարակ տանող երթևեկելի ուղեմասի ձախ եզրային գոտով, հասնելով Կիևյան և Օրբելի փողոցների խաչմերուկին, խախտել է ՃԵԿ-ի ձև N 2 և ՙՃանապարհային գծանմուշներ՚ հավելվածի, ՃԵԿ-ի 90 կետի և ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ կետի պահանջները, այն է.
իրականացրել է ոչ պատշաճ և վտանգավոր երթևեկություն` անտեսելով ճանապարհային գծանմուշների պահանջները և կարգավորվող խաչմերուկում իրականացնելով չթույլատրվող ձախ շրջադարձ` այդ պարագայում ճանապարհը չի զիջել հանդիպակաց ուղեմասով ուղիղ ուղղությամբ երթևեկող և երթևեկության առավելություն ունեցող, ավտովարորդ Վարդգես Վարդգեսի Ենոքյանի վարած ՙՇկոդա-Ֆաբիա՚ մակնիշի Տ 33-54 պետհամարանիշի տաքսի ավտոմեքենային, խոչընդոտ ստեղծելով նրա երթևեկության համար, առաջացրել է վթարային իրադրություն և դրանով պայմանավորվել ավտովթարի առաջացումը` ինքն իրեն զրկելով վթարը կանխելու տեխնիկական հնարավորությունից, ընդհարվել է ՙՇկոդա-Ֆաբիա՚ մակնիշի ավտոմեքենային, որի ուղևոր Յուրի Յուրիի Ավետիսյանը ստացել է առողջության միջին ծանրության վնաս և ներկայացրել է բողոք ավտովթարում մեղավոր վարորդին քրեական պատասխանատվության ենթարկելու համար:
3. Արագացված դատական քննություն .
Մինչև դատաքննությունն սկսելն ամբաստանյալ Լյովա Աբգարյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Հ.Հակոբյանը:
Մեղադրող Վ.Միլիտոնյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Տուժող Յուրի Ավետիսյանը չի հաշտվել ամբաստանյալ Լյովա Աբգարյանի հետ և խնդրել է նրան քրեական պատասխանատվության ենթարկել:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Լյովա Ասատուրի Աբգարյանին ՀՀ քրեական օրենսգրքի 242 հոդվածի 1-ին մասով առաջադրված մեղադրանքը հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 242 հոդվածի 1-ին մասի հատկանիշներին և արարքի որակումը ճիշտ է:
Լյովա Ասատուրի Աբգարյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, երկրորդ խմբի հաշմանդամ է, բնութագրվում է դրական, խնամքին են գտնվում 12, 11 և 9 տարեկան երեք երեխաները:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Լյովա Աբգարյանը ենթակա է քրեական պատասխանատվության և պատժի:
Դատարանը քննության առնելով ամբաստանյալ Լյովա Աբգարյանի նկատմամբ լրացուցիչ պատիժ նշանակելու հարցը, գտնում է, որ անհրաժեշտ է որոշակի ժամկետով նրան զրկել տրանսպորտային միջոցներ վարելու իրավունքից:
Նկատի ունենալով, որ ամբաստանյալը չի ընդունել քաղաքացիական հայցերը, դատարանը գտնում է, որ ՀՀ քրեական դատավարության օրենսգրքի 3751 հոդվածի 6-րդ մասի համաձայն, տուժող Յուրի Ավետիսյանի քաղաքացիական հայցը` 300.000 ՀՀ դրամի չափով և քաղաքացիական հայցվոր Արման Դիլանյանի քաղաքացիական հայցը` 3.930.000 ՀՀ դրամի չափով պետք է թողնել առանց քննության և նրանց քաղաքացիական դատավարության կարգով քաղաքացիական հայց ներկայացնելու իրավունք վերապահել:
Դատարանը նկատի ունենալով, որ ամբաստանյալի կողմից չի հատուցվել տուժողին և քաղաքացիական հայցվորին պատճառված վնասը, գտնում է, որ անհրաժեշտ է Լ.Աբգարյանին սեփականության իրավունքով պատկանող ՙԶԻԼ-431410՚ մակնիշի 54 ԼՍ 101 պետհամարանիշի ավտոմեքենայի վրա դրված կալանքը պահպանել, մինչև քաղաքացիական դատավարության կարգով նշված անձանց պատճառված նյութական վնասների հատուցման հարցի լուծումը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753-3754 հոդվածներով, դատարանը

Վ Ճ Ռ Ե Ց

Լյովա Ասատուրի Աբգարյանին մեղավոր ճանաչել ՀՀ քրեական օրենսգրքի 242 հոդվածի 1-ին մասով և նրան դատապարտել տուգանքի յոթանասուն հազար (70.000) ՀՀ դրամի չափով` տրանսպորտային միջոցներ վարելու իրավունքից զրկելով մեկ (1) տարի ժամկետով:
Լյովա Ասատուրի Աբգարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժող Յուրի Ավետիսյանի և քաղաքացիական հայցվոր Արման Դիլանյանի քաղաքացիական հայցերը թողնել առանց քննության և նրանց քաղաքացիական դատավարության կարգով քաղաքացիական հայց ներկայացնելու իրավունք վերապահել:
Լյովա Աբգարյանին սեփականության իրավունքով պատկանող ՙԶԻԼ-431410՚ մակնիշի 54 ԼՍ 101 պետհամարանիշի ավտոմեքենայի վրա դրված կալանքը պահպանել, մինչև քաղաքացիական դատավարության կարգով տուժող Յու.Ավետիսյանի և քաղաքացիական հայցվոր Ա.Դիլանյանի քաղաքացիական հայցերի հարցի լուծումը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ