գործ N ԵԱՔԴ/0009/01/10

Ո Ր Ո Շ ՈՒ Մ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ռ. Խաչատրյան
ամբաստանյալ Կ. Հակոբյան
պաշտպան Յու. Խաչատրյան
թարգմանիչ Վ. Շահինյան

2010թ. հուլիսի 29-ին, Երևան քաղաքում, դռնբաց դատական նիստում քննեց քրեական գործն ըստ մեղադրանքի Կարեն Ժորժիկի Հակոբյանի, ծնված 15.08.1957թ. Վրաստանի Հանրապետությունում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուսնացած, խնամքին ոչ ոք, աշխատում է ՙԷՅ-Ի-ՋԻ սերվիս՚ ՍՊԸ-ում, որպես փականագործ, նախկինում չդատված, հաշվառված և բնակվում է Երևան քաղաքի Ավանի Իսահակյան թաղամասի 1/2 շենքի թիվ 27 բնակարանում, մեղադրվում է ՀՀ քրեական օրենսգրքի 279 հոդվածի 1-ին մասով, որպես խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

2008թ. սեպտեմբերի 11-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 279 հոդվածի 1-ին մասի հատկանիշներով հարուցվել է թիվ 09116909 քրեական գործը:
2009թ. դեկտեմբերի 01-ին Կարեն Ժորժիկի Հակոբյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 279 հոդվածի 1-ին մասով, այն արարքի համար, որ նա աշխատելով ՙԷՅ-Ի-ՋԻ սերվիս՚ ՍՊԸ-ում, որպես փականագործ մատուցել է սպառողների կյանքի և առողջության անվտանգության պահանջներին չհամապատասխանող ծառայություններ, որի հետևանքով 2009թ. մարտի 20-ին, ժամը 22-ի սահմաններում Երևան քաղաքի Ռուբինյանց փողոցի 17 շենքի թիվ 9 բնակարանի բնակիչ Կարինե Դերենիկի Մաճկալյանը լոգարանում գտնվելու ժամանակ թունավորվել է ածխածնի մոնօքսիդից և անզգուշությամբ վերջինիս առողջությանը պատճառվել է ծանր վնաս` կյանքին վտանգ սպառնացող:
2010թ. փետրվարի 16-ին թիվ 09116909 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Դատական քննության ընթացքում ամբաստանյալ Կարեն Հակոբյանը ներկայացնելով գրավոր դիմում, միջնորդեց իր նկատմամբ համաներում կիրառել:
Մեղադրող Ռ.Խաչատրյանը միջնորդության դեմ չառարկեց, գտնելով որ միջնորդությունը բխում է օրենքից և որևէ խոչընդոտ չկա:
Նկատի ունենալով, որ ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետը սահմանում է կարճել այն անձանց կողմից կատարված հանցագործությունների վերաբերյալ գործերը, ովքեր մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան երեք տարի ժամկետով ազատազրկում, իսկ ՀՀ քրեական օրենսգրքի 279 հոդվածի 1-ին մասը նախատեսում է ազատազրկում` առավելագույնը երկու տարի ժամկետով, դատարանը գտնում է, որ միջնորդությունը հիմնավոր է և ենթակա բավարարման:
Նկատի ունենալով, որ տուժող Կարինե Մաճկալյանը հրաժարվել է քաղաքացիական հայցի պահանջից, դատարանն այդ հարցը համարում է լուծված:
Դատարանը գտնում է, որ գործով որպես ապացույց ճանաչված, այլ փաստաթուղթ հանդիսացող ՙԷՅ-Ի-ՋԻ սերվիս՚ ՍՊԸ-ի տնօրենի կողմից հաստատված ՙԲնակելի տների և օբյեկտների գազասպառման կենցաղային համակարգերի տեխնիկական սպասարկման տարածքային տեղամասի փականագործի՚ պաշտոնեական հրահանգը և ՙՀայՌուսգազարդ՚ ՓԲԸ-ի կողմից 16.07.2007թ. հաստատված ՙԲնակելի տների և օբյեկտների գազասպառման կենցաղային համակարգերի տեխնիկական սպասարկում՚ կազմակերպության ստանդարտը պետք է պահել քրեական գործի հետ միասին:
Ղեկավարվելով ՙՀամաներում հայտարարելու մասին՚ ՀՀ ԱԺ 2009թ. հունիսի 19-ի որոշման 5-րդ կետի 1) ենթակետով, 12-րդ կետի 1) ենթակետի ա. պարբերությամբ և ՀՀ քրեական դատավարության օրենսգրքի 35 հոդվածի 1-ին մասի 13-րդ կետով, 313 հոդվածով, դատարանը
Ո Ր Ո Շ Ե Ց
Կարեն Ժորժիկի Հակոբյանի վերաբերյալ ՀՀ քրեական օրենսգրքի 279 հոդվածի 1-ին մասով թիվ ԵԱՔԴ/0009/01/10 քրեական գործի վարույթը կարճել և նրա նկատմամբ քրեական հետապնդումը դադարեցնել` ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետի համաձայն:
Կարեն Հակոբյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև որոշումն օրինական ուժի մեջ մտնելը:
Տուժող Կարինե Մաճկալյանի քաղաքացիական հայցի հարցը համարել լուծված:
Ապացույց ճանաչված ՙԷՅ-Ի-ՋԻ սերվիս՚ ՍՊԸ-ի տնօրենի կողմից հաստատված ՙԲնակելի տների և օբյեկտների գազասպառման կենցաղային համակարգերի տեխնիկական սպասարկման տարածքային տեղամասի փականագործի՚ պաշտոնեական հրահանգը և ՙՀայՌուսգազարդ՚ ՓԲԸ-ի կողմից 16.07.2007թ. հաստատված ՙԲնակելի տների և օբյեկտների գազասպառման կենցաղային համակարգերի տեխնիկական սպասարկում՚ կազմակերպության ստանդարտը պահել քրեական գործի հետ միասին:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ.ԱՎԵՏԻՍՅԱՆ