գործ No ԵԱՔԴ 0196/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Ա. Շահազիզյանի
ամբաստանյալներ` Ա.Կարապետյանի, Գ.Գաբրիելյանի, Ս.Սարկիսովի
պաշտպան` Է.Վարդանյանի
տուժողներ` Գ.Սիմոնյանի, Է.Տոնոյանի, Գ.Առուշանյանի

2010թ. փետրվարի 18-ին, Երևան քաղաքում, դռնբաց դատական նիստում, արագացված դատաքննության կարգով քննելով քրեական գործն ըստ մեղադրանքի`
1.Արսեն Մերուժանի Կարապետյանի, ծնված 21.02.1974թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անձ, նախկինում չդատված, չի աշխատում, հաշվառված է Երևան քաղաքի Նորաշխարյան 4-րդ փողոցի 76 տանը, փաստացի բնակվում է Երևան քաղաքի Գոգոլի փողոցի 118 տանը:
Մեղադրվում է ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով և 34-177 հոդվածի 2-րդ մասի 1-ին և 4-րդ կետերով:
2.Գուրգեն Սարգսի Գաբրիելյանի, ծնված 27.02.1981թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, խնամքին ոչ ոք, նախկինում չդատված, չի աշխատում, հաշվառված է Երևան քաղաքի Մ.Ավետիսյան 4-րդ փողոցի 6ա շենքի թիվ 30 բնակարանում, փաստացի բնակվում է Երևան քաղաքի Լեփսիուսի փողոցի 21 շենքի թիվ 10 բնակարանում:
Մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, 34-177 հոդվածի 2-րդ մասի 1-ին և 4-րդ կետերով և 216 հոդվածի 1-ին մասով:
3.Սեմյոն Միխայիլի Սարկիսովի, ծնված 09.03.1977թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անձ, նախկինում չդատված, չի աշխատում, հաշվառված է Երևան քաղաքի Կ.Ուլնեցու փողոցի 1 շենքի թիվ 30 բնակարանում, փաստացի բնակվում է Երևան քաղաքի Մ.Ավետիսյան 1-ին փողոցի 51 շենքի թիվ 12ա բնակարանում:
Մեղադրվում է ՀՀ քրեական օրենսգրքի 216 հոդվածի 1-ին մասով:

Պ Ա Ր Զ Ե Ց
1.Գործի դատավարական նախապատմությունը.
2009թ. նոյեմբերի 20-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթուն քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 09122209 քրեական գործը:
2009թ. նոյեմբերի 23-ին Գուրգեն Սարգսի Գաբրիելյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով:
Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2009թ. նոյեմբերի 23-ի որոշմամբ Գուրգեն Սարգսի Գաբրիելյանի նկատմամբ կալանավորումը որպես խափանման միջոց ընտրելու միջնորդությունը մերժվել է, նրա նկատմամբ որպես խափանման միջոց ընտրվել է ստորագրություն չհեռանալու մասին:
2009թ. նոյեմբերի 25-ին Արսեն Մերուժանի Կարապետյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2009թ. դեկտեմբերի 02-ի որոշումներով թիվ 09152809 և թիվ 09103809 քրեական գործերը միացվել են թիվ 09122209 քրեական գործին:
2009թ. դեկտեմբերի 17-ին Արսեն Մերուժանի Կարապետյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել 177 հոդվածի 2-րդ մասի 1-ին և 4-րդ կետերով, 34-177 հոդվածի 2-րդ մասի 1-ին և 4-րդ կետերով:
2009թ. դեկտեմբերի 17-ին Գուրգեն Սարգսի Գաբրիելյանին առաջադրված մեղադրանքը փոփոխվել և նրան նոր մեղադրանք է առաջադրվել 177 հոդվածի 2-րդ մասի 1-ին կետով, 34-177 հոդվածի 2-րդ մասի 1-ին և 4-րդ կետերով, 216 հոդվածի 1-ին մասով:
2009թ. դեկտեմբերի 17-ին Սեմյոն Միխայիլի Սարկիսովը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 216 հոդվածի 1-ին մասով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2009թ. դեկտեմբերի 30-ին թիվ 09122209 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2009թ. դեկտեմբերի 30-ին քրեական գործն ընդունվել է վարույթ և նշանակվել դատաքննության 2010թ. փետրվարի 08-ին:
2.Գործի փաստական հանգամանքները.
Նախաքննության մարմինն ամբաստանյալներ Արսեն Մերուժանի Կարապետյանին, Գուրգեն Սարգսի Գաբրիելյանին և Սեմյոն Միխայիլի Սարկիսովին մեղադրանքներ է առաջադրել հետևյալ արարքների համար.
Արսեն Կարապետյանը, 2008թ. նոյեմբեր ամսին, ժամը 01-ի սահմաններում, Երևան քաղաքի Լեփսիուսի փողոցի 56/3 տան դիմաց կայանած, Ջիվան Ալեքսանի Ալիֆյանին պատկանող ՙԿռազ՚ մակնիշի 65 ՕՍ 795 պետհամարանիշի ավտոմեքենայից գաղտնի հափշտակել է ՙ3K՚ տեսակի երկու էլեկտրական մարտկոցները, Ջ.Ալիֆյանին պատճառելով զգալի չափերի` 50.000 ՀՀ դրամ ընդհանուր գումարի գույքային վնաս:
2009թ. հունվարի 24-ին, ժամը 01-ի սահմաններում, կրկին անգամ, Երևան քաղաքի Շավրոյան փողոցի 73 տան բակից գաղտնի հափշտակել է Գուրգեն Հակոբի Առուշանյանին պատկանող մեկ հատ թթվածնի բալոն, Գ.Առուշանյանին պատճառելով զգալի չափերի` 5.500 ՀՀ դրամի գույքային վնաս:
2009թ. մարտի 15-ին, ժամը 01-ի սահմաններում, կրկին անգամ, Երևան քաղաքի Կ.Ուլնեցու փողոցի 2/1 շենքի բակում կայանած, Քրիստինե Ռաֆայելի Սարիբեկյանին պատկանող ՙՎազ 2107՚ մակնիշի 12 ԼՏ 841 պետհամարանիշի ավտոմեքենայից գաղտնի հափշտակել է ՙJVC՚ տեսակի ձայնագրիչը, Ք.Սարիբեկյանին պատճառելով զգալի չափերի` 50.000 ՀՀ դրամի գույքային վնաս:
2009թ. հունիսի 02-ին, ժամը 01-ի սահմաններում, կրկին անգամ, Երևան քաղաքի Զ.Սարկավագի փողոցի 145 շենքի բակում կայանած, Արթուր Վազգենի Այվազյանին պատկանող ՙՎազ 2106՚ մակնիշի 17 ԼԼ 960 պետհամարանիշի ավտոմեքենայից գաղտնի հափշտակել է էլեկտրական մարտկոցը, 1 հարթաշուրթ, 1 պտուտակահան և մեքենայի բանալիների հավաքածու, Ա.Այվազյանին պատճառելով զգալի չափերի` 22.000 ՀՀ դրամ ընդհանուր գումարի գույքային վնաս:
2009թ. հունիս ամսին, ժամը 01-ի սահմաններում, կրկին անգամ, Երևան քաղաքի Մ.Ավետիսյան 2-րդ փողոցի 15ա շենքի բակում կայանած, Գերասիմ Պարույրի Սիմոնյանին պատկանող ՙՄոսկվիչ 21412՚ մակնիշի 02 ԼՏ 462 պետհամարանիշի ավտոմեքենայից գաղտնի հափշտակել է ՙԻնդեքս՚ տեսակի էլեկտրական մարտկոցը, Գ.Սիմոնյանին պատճառեոլվ զգալի չափերի` 10.000 ՀՀ դրամի գույքային վնաս:
2009թ. հունիս ամսին, ժամը 2330-ի սահմաններում, կրկին անգամ, Երևան քաղաքի Ռուբինյանց փողոցի 17 շենքի բակում կայանած, Իսակ Միքայելի Դիլանչյանին պատկանող ՙՎազ 2106՚ մակնիշի 17 ՕՕ 617 պետհամարանիշի ավտոմեքենայից գաղտնի հափշտակել է ՙԻնքօե՚ տեսակի էլեկտրական մարտկոցը, Ի.Դիլանչյանին պատճառելով զգալի չափերի` 8.000 ՀՀ դրամի գույքային վնաս:
2009թ. հուլիս ամսին, ժամը 01-ի սահմաններում Գուրգեն Գաբրիելյանի հետ նախնական համաձայնությամբ, կրկին անգամ, Երևան քաղաքի Դրոյի փողոցի 65 տան բակում կայանած, Ռոբերտ Խաչիկի Խաչատրյանին պատկանող ՙՎազ 2101՚ մակնիշի 62 ՍՏ 722 պետհամարանիշի ավտոմեքենայից գաղտնի հափշտակել է ՙԻնդեքս՚ տեսակի էլեկտրական մարտկոցը, Ռ.Խաչատրյանին պատճառելով զգալի չափերի` 12.000 ՀՀ դրամի գույքային վնաս:
2009թ. հուլիս ամսին, ժամը 22-ի սահմաններում, կրկին անգամ, Երևան քաղաքի Նորաշխարյան փողոցի 39 տան դիմաց կայանած, Էդուարդ Յուրայի Տոնոյանին պատկանող ՙՎազ 2107՚ մակնիշի 06 ՏՕ 531 պետհամարանիշի ավտոմեքենայից գաղտնի հափշտակել է 30.000 ՀՀ դրամ արժողության ՙԻնդեքս՚ տեսակի էլեկտրական մարտկոցը և 40.000 ՀՀ դրամ արժողության ՙJVC՚ տեսակի ձայնագրիչը, Է.Տոնոյանին պատճառելով զգալի չափերի` 70.000 ՀՀ դրամ ընդհանուր գումարի գույքային վնաս:
2009թ. հուլիս ամսին, ժամը 01-ի սահմաններում, կրկին անգամ, Երևան քաղաքի Ռուբինյանց փողոցի 22 շենքի բակում կայանած, Ռաֆիկ Հակոբի Ղաջոյանին պատկանող ՙՎազ 2106՚ մակնիշի 62 ԼՍ 741 պետհամարանիշի ավտոմեքենայից գաղտնի հափշտակել է էլեկտրական մարտկոցը, Ռ.Ղաջոյանին պատճառելով զգալի չափերի` 10.000 ՀՀ դրամի գույքային վնաս:
2009թ. հոկտեմբեր ամսին, ժամը 2330-ի սահմաններում, Գուրգեն Գաբրիելյանի հետ նախնական համաձայնությամբ, կրկին անգամ, Երևան քաղաքի Նորաշխարյան փողոցի 43 տան բակում կայանած, Արսեն Հարությունի Մարգարյանին պատկանող ՙՎազ 2106՚ մակնիշի 62 ԼՍ 743 պետհամարանիշի ավտոմեքենայից փորձել են գաղտնի հափշտակել 10.000 ՀՀ դրամ ընդհանուր արժողության մեքենայի պահեստային անվադողը և ձեռքի ամբարձիչը, սակայն տեսնելով, որ ինչ որ մեկը տան մուտքի դուռը բացելով ցանկանում է դուրս գալ բակ, իրենց կամքից անկախ հանգամանքներով չեն կարողացել հանցագործությունն ավարտին հասցնել և դիմել են փախուստի:
Գուրգեն Սարգսի Գաբրիելյանը 2009թ. հուլիս ամսին, ժամը 01-ի սահմաններում, Արսեն Կարապետյանի հետ նախնական համաձայնությամբ, Երևան քաղաքի Դրոյի փողոցի 65 տան բակում կայանած, Ռոբերտ Խաչատրյանին պատկանող ՙՎԱԶ 2101՚ մակնիշի 62 ՍՏ 722 պետհամարանիշի ավտոմեքենայից գաղտնի հափշտակել է ՙԻնդեքս՚ տեսակի, 60 ամպեր հզորության էլեկտրական մարտկոցը, Ռ.Խաչատրյանին պատճառելով զգալի չափերի` 12.000 ՀՀ դրամի գույքային վնաս:
2009թ. հոկտեմբեր ամսին, ժամը 2330-ի սահմաններում Գուրգեն Գաբրիելյանը և Արսեն Կարապետյանը նախնական համաձայնությամբ, կրկին անգամ, Երևան քաղաքի Նորաշխարյան փողոցի 43 տան բակում կայանած Արսեն Հարությունի Մարգարյանի անձնական օգտագործման ՙՎԱԶ 2106՚ մակնիշի 62 ԼՍ 743 պետհամարանիշի ավտոմեքենայի բեռնախցիկից փորձել են գողանալ 10.000 ՀՀ դրամ ընդհանուր արժողության պահեստային անվադողը և ձեռքի ամբարձիչը, սակայն տեսնելով, որ ինչ-որ մեկը տան մուտքի դուռը բացելով ցանկանում է դուրս գալ բակ, իրենց կամքից անկախ հանգամանքներով չեն կարողացել հանցագործությունն ավարտին հասցնել և դիմել են փախուստի:
Բացի այդ, Գուրգեն Գաբրիելյանը նախապես չխոստանալով իրացրել է հանցավոր ճանապարհով ձեռք բերված գույք: Այսպես.
2009թ. հուլիս ամսին, գտնվելով Արմավիրի մարզի Լեռնամերձ գյուղում և Արսեն Կարապետյանից տեղեկանալով, որ նրա բերած էլեկտրական մարտկոցը վերջինս գողացել է, օգնել է իրացնելու այն: Նույն օրը հանցավոր ճանապարհով ձեռք բերված էլեկտրական մարտկոցը 10.000 դրամով վաճառելու եղանակով իրացրել են հարևան գյուղի` Աղավնատան բնակիչ Արմեն Վանիկի Խաչատրյանին:
Սեմյոն Միխայիլի Սարկիսովը նախապես չխոստանալով ձեռք է բերել ակնհայտ հանցավոր ճանապարհով ձեռք բերված գույք: Այսպես.
Սեմյոն Սարկիսովը 2009թ. հուլիս ամսին, նախապես չխոստանալով, Արսեն Կարապետյանից տեղեկանալով, որ վաճառում է գողացված մարտկոց, գումարը հետագայում վճարելու պայմանով, Արսեն Կարապետյանից 8000 ՀՀ դրամով գնել է նրա կողմից Երևան քաղաքի Ռուբինյանց փողոցի 22 շենքի բակում կայանած, Ռաֆիկ Հակոբի Ղաջոյանին պատկանող ՙՎԱԶ 2106՚ մակնիշի 62 ԼՍ 741 պետհամարանիշի ավտոմեքենայից գողացված 10.000 ՀՀ դրամ արժողության էլեկտրական մարտկոցը:
3. Արագացված դատական քննություն .
Մինչև դատաքննությունն սկսելն ամբաստանյալներ Արսեն Կարապետյանը, Գուրգեն Գաբրիելյանը և Սեմյոն Սարկիսովը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքներն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Է.Վարդանյանը:
Մեղադրող Ա.Շահազիզյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արսեն Մերուժանի Կարապետյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերով և 34-177 հոդվածի 2-րդ մասի 1-ին, 4-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերի և 34-177 հոդվածի 2-րդ մասի 1-ին, 4-րդ կետերի հատկանիշներին և արարքի որակումը ճիշտ է:
Ամբաստանյալ Գուրգեն Սարգսի Գաբրիելյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 1-ին կետով, 34-177 հոդվածի 2-րդ մասի 1-ին, 4-րդ կետերով և 216 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 1-ին կետի, 34-177 հոդվածի 2-րդ մասի 1-ին, 4-րդ կետերի և 216 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ Սեմյոն Միխայիլի Սարկիսովին առաջադրված մեղադրանքը ՀՀ քրեական օրենսգրքի 216 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 216 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալներ Արսեն Մերուժանի Կարապետյանի, Գուրգեն Սարգսի Գաբրիելյանի և Սեմյոն Միխայիլի Սարկիսովի նկատմամբ պատիժ նշանակելիս, դատարանը հաշվի է առնում նրանց կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Արսեն Կարապետյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, խնամքին են գտնվում 16 և 12 տարեկան երեխաները:
Ամբաստանյալ Արսեն Կարապետյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Գուրգեն Գաբրիելյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել:
Ամբաստանյալ Գուրգեն Գաբրիելյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Սեմյոն Սարկիսովի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, խնամքին են գտնվում 6 և 4 տարեկան երեխաները:
Ամբաստանյալ Սեմյոն Սարկիսովի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալներ Արսեն Մերուժանի Կարապետյանը, Գուրգեն Սարգսի Գաբրիելյանը և Սեմյոն Միխայիլի Սարկիսովը ենթակա են քրեական պատասխանատվության և պատժի:
Դատարանը գտնում է, որ դատարան չներկայացած տուժողներ Ռաֆիկ Ղաջոյանին, Ջիվան Ալիֆյանին, Քրիստինե Սարիբեկյանին, Արթուր Այվազյանին պետք է քաղաքացիական հայցի իրավունք վերապահել` քաղաքացիական դատավարության կարգով պահանջելու հանցագործությամբ իրենց պատճառված վնասների հատուցում:
Նկատի ունենալով, որ տուժողներ Գերասիմ Սիմոնյանը, Էդուարդ Տոնոյանը և Գուրգեն Առուշանյանը հրաժարվել են քաղաքացիական հայցի պահանջից, դատարանն այդ հարցը համարում է լուծված:
Դատարանն անդրադառնալով իրեղեն ապացույցների տնօրինման հարցին, գտնում է, որ իրեղեն ապացույց ճանաչված չորս մարտկոցները, որոնք ի պահ են հանձնվել տուժողներ Ռոբերտ Խաչատրյանին, Գերասիմ Սիմոնյանին, Իսակ Դիլանչյանին, Ջիվան Ալիֆյանին և թթվածնի գլանանոթը, որն ի պահ է հանձնվել տուժող Գուրգեն Առուշանյանին պետք է թողնել վերջիններիս տնօրինությանը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Արսեն Մերուժանի Կարապետյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով, 34-177 հոդվածի 2-րդ մասի 1-ին և 4-րդ կետերով և նրան դատապարտել` ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով` ազատազրկման երկու (2) տարի վեց (6) ամիս ժամկետով, ՀՀ քրեական օրենսգրքի 34-177 հոդվածի 2-րդ մասի 1-ին և 4-րդ կետերով` ազատազրկման երկու (2) տարի ժամկետով:
ՀՀ քրեական օրենսգրքի 66 հոդվածով սահմանված` նշանակված պատիժները մասնակի գումարելու սկզբունքով, Արսեն Մերուժանի Կարապետյանի նկատմամբ վերջնական պատիժ նշանակել ազատազրկում երեք (3) տարի ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել դատավճռի կատարման օրվանից:
Արսեն Մերուժանի Կարապետյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Գուրգեն Սարգսի Գաբրիելյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով, 34-177 հոդվածի 2-րդ մասի 1-ին և 4-րդ կետերով, 216 հոդվածի 1-ին մասով և նրան դատապարտել` ՀՀ քրեական օրենսգրքի 177 հոդվածի 2-րդ մասի 1-ին կետով` ազատազրկման երկու (2) տարի ժամկետով, ՀՀ քրեական օրենսգրքի 34-177 հոդվածի 2-րդ մասի 1-ին և 4-րդ կետերով` ազատազրկման երկու (2) տարի ժամկետով, ՀՀ քրեական օրենսգրքի 216 հոդվածի 1-ին մասով` կալանքի երկու (2) ամիս ժամկետով:
ՀՀ քրեական օրենսգրքի 66 հոդվածով սահմանված` նշանակված պատիժները մասնակի գումարելու սկզբունքով, Գուրգեն Սարգսի Գաբրիելյանի նկատմամբ վերջնական պատիժ նշանակել ազատազրկում երկու (2) տարի վեց (6) ամիս ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել դատավճռի կատարման օրվանից:
Գուրգեն Սարգսի Գաբրիելյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Սեմյոն Միխայիլի Սարկիսովին մեղավոր ճանաչել ՀՀ քրեական օրենսգրքի 216 հոդվածի 1-ին մասով և նրան դատապարտել տուգանքի երկու հարյուր հազար (200.000) ՀՀ դրամի չափով:
Սեմյոն Միխայիլի Սարկիսովի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժողներ Ռաֆիկ Ղաջոյանին, Ջիվան Ալիֆյանին, Քրիստինե Սարիբեկյանին, Արթուր Այվազյանին քաղաքացիական հայցի իրավունք վերապահել քաղաքացիական դատավարության կարգով պահանջելու հանցագործությամբ իրենց պատճառված վնասների հատուցում:
Տուժողներ Գերասիմ Սիմոնյանի, Էդուարդ Տոնոյանի և Գուրգեն Առուշանյանի քաղաքացիական հայցերի հարցը համարել լուծված:
Իրեղեն ապացույց ճանաչված` տուժողներ Ռոբերտ Խաչատրյանին, Գերասիմ Սիմոնյանին, Իսակ Դիլանչյանին, Ջիվան Ալիֆյանին ի պահ հանձնված չորս մարտկոցները և տուժող Գուրգեն Առուշանյանին ի պահ հանձնված թթվածնի գլանանոթը թողնել նրանց տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ