ԵԱՔԴ/0189/01/09






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«14» ապրիլի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Հ.Մարտիրոսյան
տուժող «Նեքսթ Վիժն» ՍՊԸ
տուժողի ներկայացուցիչ Ս.Օհանյան
պաշտպաններ Տ.Գրիգորյան
Հ.Արսենյան
Ն.Մեհրաբյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Ավետիք Վոլոդյայի Ազիզյանի` ծնված 1987 թվականի փետրվարի 13-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, չամուսնացած, չի աշխատում, նախկինում չդատապարտված, փաստացի բնակվել է Երևան քաղաքի Քեռու փողոցի 16-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով, արգելանքի տակ է 2009 թվականի հոկտեմբերի 12-ից,
Արթուր Դավթի Նահապետյանի` ծնված 1983 թվականի հունիսի 28-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, աշխատել է «Նեքսթ Վիժն» ՍՊ ընկերությունում` որպես վարորդ, հաշվառված է Երևան քաղաքի Շարուրի փողոցի 35-րդ շենքի 9-րդ բնակարանում, բնակվել է Երևան քաղաքի Վարդաշենի 5-րդ փողոցի 19-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, և 3-րդ կետերով, արգելանքի տակ է 2009 թվականի հոկտեմբերի 12-ից,
Նահապետ Արտաշեսի Նաջարյանի` ծնված 1988 թվականի մայիսի 30-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, չի աշխատում, հաշվառված է Երևան քաղաքի Կոմիտասի պողոտայի 32/6 տանը: Մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 2-րդ և 3-րդ կետերով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2009 թվականի հոկտեմբերի 12-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված հանցագործության հատկանիշներով հարուցվել և վարույթ է ընդունվել թիվ 09119109 քրեական գործը:
2009 թվականի հոկտեմբերի 15-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09119109 քրեական գործով Ավետիք Վոլոդյայի Ազիզյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ և 4-րդ կետերով:
2009 թվականի հոկտեմբերի 15-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09119109 քրեական գործով Արթուր Դավթի Նահապետյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
2009 թվականի հոկտեմբերի 29-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09119109 քրեական գործով Նահապետ Արտաշեսի Նաջարյանին մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 2-րդ և 3-րդ կետերով:
2009 թվականի նոյեմբերի 16-ին ՀՀ ոստիկանության Քանաքեռ-Զեյթունի քննչական բաժնի պետ Գ.Կարապետյանի որոշմամբ թիվ 09119109 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանը և քննիչ Ն.Համբարձումյանը, քննչական խմբի ղեկավար է նշանակվել ավագ քննիչ Հ.Սարգսյանը:
2009 թվականի նոյեմբերի 16-ին ՀՀ ոստիկանության Քանաքեռ-Զեյթունի քննչական բաժնի քննիչ Հ.Սարգսյանի որոշմամբ թիվ 09119109 քրեական գործն ընդունվել է վարույթ:
2009 թվականի դեկտեմբերի 23-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09119109 քրեական գործով Ավետիք Վոլոդյայի Ազիզյանին առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
2009 թվականի դեկտեմբերի 23-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09119109 քրեական գործով Արթուր Դավթի Նահապետյանին առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով:
2009 թվականի դեկտեմբերի 28-ին Ավետիք Վոլոդյայի Ազիզյանի, Արթուր Դավթի Նահապետյանի և Նահապետ Արտաշեսի Նաջարյանի վերաբերյալ քրեական գործը մեղադրական եզրակացությամբ ուղարկվել է Դատարան:
Ավետիք Վոլոդյայի Ազիզյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով` այն արարքի համար, որ նա 2008 թվականի նոյեմբեր-դեկտեմբեր ամիսների ընթացքում` ժամը 18:00-ից 20:00-ն ընկած ժամանակահատվածում, Արթուր Դավթի Նահապետյանի հետ, նախնական համաձայնությամբ, միասնական դիտավորությամբ, շարունակաբար, հարմարեցրված բանալիով բացել է Վարշավյան 67 հասցեում գտնվող «Նեքսթ Վիժն» ՍՊ ընկերությանը պատկանող պահեստի մուտքի դուռը, ապօրինի մուտք է գործել ներս և գաղտնի հափշտակել 5 հատ թվային ֆոտոխցիկ, 1 հատ ֆոտոխցիկի հիշողության քարտ և 10 հատ լազերային սկավառակ:
Այնուհետև, մի քանի օր հետո` ժամը 18:00-ից 20:00-ն ընկած ժամանակահատվածում, շարունակելով իրենց հանցավոր դիտավորությունը, Արթուր Նահապետյանի հետ, նախնական համաձայնությամբ, նույն եղանակով, ապօրինի մուտք է գործել «Նեքսթ Վիժն» ՍՊ ընկերությանը պատկանող պահեստ և գաղտնի հափշտակել 1 հատ ֆոտոխցիկի հիշողության քարտ` «Նեքսթ Վիժն» ՍՊ ընկերությանը պատճառելով զգալի չափերի հասնող` 460.200 ՀՀ դրամ ընդհանուր գումարի գույքային վնաս:
Որից մի քանի օր անց` ժամը 18:00-ից 20:00-ն ընկած ժամանակահատվածում, շարունակելով իր հանցավոր դիտավորությունը, միայնակ, նույն եղանակով, ապօրինի մուտք է գործել «Նեքսթ Վիժն» ՍՊ ընկերությանը պատկանող պահեստ և գաղտնի հափշտակել թվով 7 հատ թվային ֆոտոխցիկներ, 8 հատ ֆոտոխցիկի հիշողության քարտ և 150 հատ լազերային սկավառակ, որոնք նախնական պայմանավորվածության համաձայն հանձնել է Նահապետ Նաջարյանին, ով դրանք տարել է իրենց տուն:
Դրանից բացի, Ավետիք Ազիզյանը, շարունակելով իր հանցավոր դիտավորությունը, 2008 թվականի նոյեմբեր-դեկտեմբեր ամիսների ընթացքում մի քանի անգամ էլ նույն եղանակով ապօրինի մուտք է գործել «Նեքսթ Վիժն» ՍՊ ընկերությանը պատկանող պահեստ և գաղտնի հափշտակել 11 հատ թվային ֆոտոխցիկներ, 5 հատ ֆոտոխցիկի հիշողության քարտ և 4040 հատ լազերային սկավառակ` «Նեքսթ Վիժն» ՍՊ ընկերությանը պատճառելով խոշոր չափերի հասնող` 1.894.400 ՀՀ դրամ ընդհանուր գումարի գույքային վնաս:
Այսպիսով, կատարված հանցագործությամբ «Նեքսթ Վիժն» ՍՊ ընկերությանը պատճառվել է խոշոր չափերի հասնող` 2.354.600 ՀՀ դրամ ընդհանուր գումարի գույքային վնաս:
Արթուր Դավթի Նահապետյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով` այն արարքի համար, որ նա 2008 թվականի նոյեմբեր-դեկտեմբեր ամիսների ընթացքում` ժամը 18:00-ից 20:00-ն ընկած ժամանակահատվածում, Ավետիք Ազիզյանի հետ, նախնական համաձայնությամբ, միասնական դիտավորությամբ, շարունակաբար, հարմարեցրված բանալիով բացել է Վարշավյան 67 հասցեում գտնվող, «Նեքսթ Վիժն» ՍՊ ընկերությանը պատկանող պահեստի մուտքի դուռը, ապօրինի մուտք գործել ներս և գաղտնի հափշտակել 5 հատ թվային ֆոտոխցիկ, 1 հատ ֆոտոխցիկի հիշողության քարտ և 10 հատ լազերային սկավառակ:
Այնուհետև, մի քանի օր հետո` ժամը 18:00-ից 20:00-ն ընկած ժամանակահատվածում, շարունակելով իրենց հանցավոր դիտավորությունը, Ավետիք Ազիզյանի հետ, նախնական համաձայնությամբ, նույն եղանակով, ապօրինի մուտք է գործել «Նեքսթ Վիժն» ՍՊ ընկերությանը պատկանող պահեստ և գաղտնի հափշտակել 1 հատ ֆոտոխցիկի հիշողության քարտ` «Նեքսթ Վիժն» ՍՊ ընկերությանը պատճառելով զգալի չափերի հասնող` 460.200 ՀՀ դրամ ընդհանուր գումարի գույքային վնաս:
Նահապետ Արտաշեսի Նաջարյանին մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 2-րդ և 3-րդ կետերով` այն արարքի համար, որ նա նախապես խոստացել է օժանդակել Ավետիք Վոլոդյայի Ազիզյանի կողմից գողություն կատարելուն: Այն է.
2008 թվականի նոյեմբեր ամսին Ավետիք Ազիզյանը, նպատակ ունենալով «Նեքսթ Վիժն» ՍՊ ընկերության Վարշավյան 67 հասցեում գտնվող պահեստից ֆոտոխցիկներ գողանալ, այդ մասին հայտնել է Նահապետ Նաջարյանին, իսկ վերջինը խոստացել է իրացնել գողացրած ֆոտոխցիկները:
2008 թվականի նոյեմբեր ամսին Ավետիք Ազիզյանը հարմարեցված բանալիով բացել է «Նեքսթ Վիժն» ՍՊ ընկերության պահեստի դուռը, ապօրինի մուտք գործել ներս և գաղտնի հափշտակել խոշոր չափերի հասնող` 602.000 ՀՀ դրամ ընդհանուր արժողության թվով 7 հատ թվային ֆոտոխցիկ, 8 հատ հիշողության քարտ և 150 հատ լազերային սկավառակ, որից հետո պայմանավորվածության համաձայն զանգահարել և գողացված գույքը ժամը 01:30-ի սահմաններում փոխանցել է Նահապետ Նաջարյանին, իսկ վերջինն էլ դրանք տարել է իր տուն: Հաջորդ օրը` առավոտյան, Ավետիք Ազիզյանը գնացել է Նահապետ Նաջարյանի տուն, որտեղ պայմանավորվածության համաձայն Նահապետ Նաջարյանը հետագայում ընհամենը 80.000 ՀՀ դրամով իրացրել է Ավետիք Ազիզյանի կողմից գողացված ֆոտոխցիկներից երկուսը:
2. Արագացված դատական քննություն.
Մինչ դատաքննությունն սկսելն ամբաստանյալներ Ավետիք Վոլոդյայի Ազիզյանը, Արթուր Դավթի Նահապետյանը և Նահապետ Արտաշեսի Նաջարյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ են, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ավետիք Վոլոդյայի Ազիզյանը կատարել է արարք` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով, ամբաստանյալ Արթուր Դավթի Նահապետյանը` արարք` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, իսկ ամբաստանյալ Նահապետ Արտաշեսի Նաջարյանը` արարք` նախատեսված ՀՀ քրեական օրենսգրքի 38-177-րդ հոդվածի 2-րդ մասի 2-րդ և 3-րդ կետերով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագրերը, բնութագրերը, առողջական վիճակի վերաբերյալ փաստաթղթերի և զինվորական գրքույկի պատճենը, տուժողի ներկայացուցչի դիմումը, թիվ ԱԱ163919 մահվան վկայականի պատճենը, եկավ հետևյալ եզրահանգման.
Ավետիք Վոլոդյայի Ազիզյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Ավետիք Ազիզյանի պատասխանատվությունն ու պատիժը մեղմացնող հանգամանքներ են հանցագործությամբ ձեռք բերված գույքը որոնելուն աջակցելը և պատճառված գույքային վնասը վերականգնելը:
Ավետիք Ազիզյանի պատասխանատվությունն ու պատիժը մեղմացնող հանգամանքներ են նաև նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Ավետիք Ազիզյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Ավետիք Ազիզյանը ենթակա է քրեական պատասխանատվության և պատժի:
Դատարանը, հաշվի առնելով Ավետիք Ազիզյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Ավետիք Ազիզյանի կատարած արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 3 (երեք) տարի ժամկետով:
«Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշման 1-ին կետի 1-ին ենթակետի համաձայն` պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց: Նույն որոշման 14-րդ կետի համաձայն` «Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշումը կիրառվում է այն անձանց նկատմամբ, որոնք հանցագործություն են կատարել մինչև 2009 թվականի հունիսի 1-ը ներառյալ, իսկ Ավետիք Ազիզյանը հանրորեն վտանգավոր վերջին արարքը կատարել է 2008 թվականի նոյեմբեր-դեկտեմբեր ամիսներին: Համաներման որոշման 8-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 8-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքը կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում է ՀՀ քրեական օրենսգրքի 177-րդ հոդվածի 2-րդ մասը, այսինքն` ՀՀ քրեական օրենսգրքի 177-րդ հոդվածի 2-րդ մասով նախատեսված արարք կատարած անձանց նկատմամբ համաներման կիրառումը սահմանափակված չէ: Սույն քրեական գործի նյութերում բացակայում է նաև համաներման որոշման 8-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ Ավետիք Ազիզյանի նկատմամբ համաներման ակտի կիրառման համար: Հիմք ընդունելով վերը նշվածը` դատարանը գտնում է, որ ամբաստանյալ Ավետիք Ազիզյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պաժից:
ՀՀ քրեական դատավարության օրենսգրքի 374-րդ հոդվածի համաձայն` ամբաստանյալի նկատմամբ պատիժը կրելուց ազատելով մեղադրական դատավճիռ կայացնելու դեպքում, եթե ամբաստանյալը կալանքի տակ է գտնվում, դատարանը նրան անհապաղ ազատում է կալանքից դատական նիստի դահլիճում: Քանի որ Ավետիք Ազիզյանը վերոնշյալ հիմնավորմամբ պետք է ազատվի պատիժը կրելուց, ուստի նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Արթուր Դավթի Նահապետյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Արթուր Նահապետյանի պատասխանատվությունն ու պատիժը մեղմացնող հանգամանքներ են նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Արթուր Նահապետյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արթուր Նահապետյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Նահապետյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արթուր Նահապետյանի կատարած արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 2 (երկու) տարի 6 (վեց) ամիս ժամկետով:
Հաշվի առնելով, որ Արթուր Նահապետյանը հանրորեն վտանգավոր վերջին արարքը կատարել է 2008 թվականի նոյեմբեր-դեկտեմբեր ամիսներին և հիմք ընդունելով «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի որոշման կիրառման վերաբերյալ վերը նշված հիմնավորումները` դատարանը գտնում է, որ ամբաստանյալ Արթուր Նահապետյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պաժից:
Դատարանը, հաշվի առնելով, որ Արթուր Նահապետյանը վերոնշյալ հիմնավորմամբ պետք է ազատվի պատիժը կրելուց, գտնում է, որ նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Նահապետ Արտաշեսի Նաջարյանի անձը դրականորեն բնութագրող հանգամանք է կատարածի համար զղջալը:
Նահապետ Նաջարյանի պատասխանատվությունն ու պատիժը մեղմացնող հանգամանքներ են նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը գտնում է, որ Նահապետ Նաջարյանի պատասխանատվությունն ու պատիժը մեղմացնող հանգամանք պետք է դիտել նաև նրա վատառողջ լինելը, ինչի հիման վրա նա ճանաչվել է ոչ պիտանի հետագա զինվորական ծառայության համար:
Դատարանը միաժամանակ արձանագրում է, որ Նահապետ Նաջարյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Նահապետ Նաջարյանը ենթակա է քրեական պատասխանատվության և պատժի:
Դատարանը, հաշվի առնելով Նահապետ Նաջարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Նահապետ Նաջարյանի կատարած արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 2 (երկու) տարի ժամկետով:
Հաշվի առնելով, որ Նահապետ Նաջարյանը հանրորեն վտանգավոր արարքը կատարել է 2008 թվականի նոյեմբերին և հիմք ընդունելով «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի որոշման կիրառման վերաբերյալ վերը նշված հիմնավորումները` դատարանը գտնում է, որ ամբաստանյալ Նահապետ Նաջարյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պաժից:
Դատարանը գտնում է, որ Նահապետ Նաջարյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2009 թվականի դեկտեմբերի 22-ի որոշմամբ իրեղեն ապացույց ճանաչված «Կոդակ-M863» տեսակի թվային ֆոտոխցիկը` տուփով և փաստաթղթերով, «Ռեկամ-ILook X70» տեսակի թվային ֆոտոխցիկը` տուփով և փաստաթղթերով, «Կոդակ-V1073» տեսակի ֆոտոխցիկի տուփը և փաստաթղթերը, «Կոդակ-M863» տեսակի ֆոտոխցիկի տուփը և փաստաթղթերը պետք է վերադարձներլ «Նեքսթ Վիժն» ՍՊ ընկերությանը` ի տնօրինություն, իսկ հարմարեցված բանալին պետք է ոչնչացնել:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է նաև այն հարցը, թե քաղաքացիական հայցն ենթակա է արդյոք բավարարման, ում օգտին և ինչ չափով:
Սույն քրեական գործով քաղաքացիական հայց է ներկայացրել տուժող «Նեքսթ Վիժն» ՍՊ ընկերության ներկայացուցիչ` ընկերության տնօրեն Սեբուհ-Մեհրան Օհանյանը` ամբաստանյալներից պահանջելով հանցագործությամբ իրեն պատճառված վնասը` 2.331.400 ՀՀ դրամը: Սակայն Սեբուհ-Մեհրան Օհանյանը 2010 թվականի փետրվարի 24-ին Դատարան ներկայացրած դիմումով հրաժարվել է հարուցված քաղաքացիական հայցից` նշելով, որ Ավետիք Ազիզյանի հարազատների կողմից ընկերությանը հասցված վնասը վերականգնվել է: Հետևապես Դատարանը գտնում է, որ քաղաքացիական հայցից հրաժարումը պետք է ընդունել և տուժող «Նեքսթ Վիժն» ՍՊ ընկերության ներկայացուցիչ` ընկերության տնօրեն Սեբուհ-Մեհրան Օհանյանի կողմից հարուցված քաղաքացիական հայցի վարույթը կարճել:
Դատարանը գտնում է, որ դատական ծախսերն ամբաստանյալներ Ավետիք Ազիզյանից, Արթուր Նահապետյանից և Նահապետ Նաջարյանից ենթակա չեն բռնագանձման, քանի որ հանցագործությամբ պատճառված վնասը վերականգնված է, իսկ ՀՀ քրեական դատավարության օրենսգրքի 168-րդ հոդվածի առաջին մաuի 2-8-րդ կետերով նախատեuված դատական ծախuերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի` ամբաuտանյալից ենթակա չեն բռնագանձման:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը:
Սույն գործով 2009 թվականի նոյեմբերի 24-ին կայացվել է գույքի վրա կալանք դնելու մասին որոշում` համաձայն որի որոշվել է քաղաքացիական հայցը և դատական ծախսերն ապահովելու համար Ավետիք Ազիզյանի, Արթուր Նահապետյանի և Նահապետ Նաջարյանի գույքի վրա դնել կալանք: Ի կատարումն նշված որոշման` արգելանք է դրվել Ավետիք Ազիզյանի` Երևան քաղաքի Քեռու 16 հասցեում գտնվող անշարժ գույքի վրա: ՀՀ քրեական դատավարության օրենսգրքի 238-րդ հոդվածի համաձայն` գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Դատարանը, նկատի ունենալով, որ քաղաքացիական հայցը վերը նշված հիմնավորմամբ պետք է կարճել, ինչպես նաև բռնագանձման ենթակա դատական ծախսեր առկա չեն, գտնում է, որ վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Հետևաբար դատավճիռն օրինական ուժի մեջ մտնելուց հետո Ավետիք Ազիզյանի գույքի վրա դրված կալանքը պետք է վերացնել: Ինչ վերաբերում է Արթուր Նահապետյանի և Նահապետ Նաջարյանի գույքի վրա կալանք դնելու որոշմանը, ապա ըստ քրեական գործի նյութերի նրանց պատկանող` կալանքի տակ գտնվող գույք առկա չէ, ուստի այդ հարցը պետք է համարել լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 161-րդ, 168-րդ, 238-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը

ՎՃՌԵՑ

Ավետիք Վոլոդյայի Ազիզյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով և պատիժ նշանակել ազատազրկում 3 (երեք) տարի ժամկետով:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Ավետիք Վոլոդյայի Ազիզյանին պատժից ազատել:
Ավետիք Վոլոդյայի Ազիզյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Արթուր Դավթի Նահապետյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով և պատիժ նշանակել ազատազրկում 2 (երկու) տարի 6 (վեց) ամիս ժամկետով:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Արթուր Դավթի Նահապետյանին պատժից ազատել:
Արթուր Դավթի Նահապետյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Նահապետ Արտաշեսի Նաջարյանին մեղավոր ճանաչել ՀՀ քրեական օրենսգրքի 38-177-րդ հոդվածի 2-րդ մասի 2-րդ և 3-րդ կետերով և պատիժ նշանակել ազատազրկում 2 (երկու) տարի ժամկետով:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Նահապետ Արտաշեսի Նաջարյանին պատժից ազատել:
Նահապետ Արտաշեսի Նաջարյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2009 թվականի դեկտեմբերի 22-ի որոշմամբ իրեղեն ապացույց ճանաչված «Կոդակ-M863» տեսակի թվային ֆոտոխցիկը` տուփով և փաստաթղթերով, «Ռեկամ-ILook X70» տեսակի թվային ֆոտոխցիկը` տուփով և փաստաթղթերով, «Կոդակ-V1073» տեսակի ֆոտոխցիկի տուփը և փաստաթղթերը, «Կոդակ-M863» տեսակի ֆոտոխցիկի տուփը և փաստաթղթերը վերադարձներլ «Նեքսթ Վիժն» ՍՊ ընկերությանը` ի տնօրինություն, իսկ հարմարեցված բանալին ոչնչացնել:
«Նեքսթ Վիժն» ՍՊ ընկերության ներկայացուցիչ` ընկերության տնօրեն Սեբուհ-Մեհրան Օհանյանի հարուցած քաղաքացիական հայցի վարույթը կարճել:
Դատավճիռն օրինական ուժի մեջ մտնելուց հետո Ավետիք Վոլոդյայի Ազիզյանի գույքի վրա դրված կալանքը վերացնել:
Արթուր Դավթի Նահապետյանի և Նահապետ Արտաշեսի Նաջարյանի գույքի վրա դրված կալանքի հարցը համարել լուծված:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ