գործ No ԵԱՔԴ 0183/01/09

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Հ. Մարտիրոսյանի
ամբաստանյալ` Մ. Պապյանի
պաշտպան` Ա. Ալվանդյանի

2010թ. հունվարի 25-ին, Երևան քաղաքում, դռնբաց դատական նիստում, արագացված դատաքննության կարգով, քննության առնելով քրեական գործն ըստ մեղադրանքի Մարիետտա Լևոնի Պապյանի, ծնված 25.02.1953թ., Ադրբեջանի Հանրապետության ԽՍՀ Կիրովաբադ քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուսնացած, խնամքին ոչ ոք, նախկինում չդատված, չի աշխատում, հաշվառված և բնակվում է Երևան քաղաքի Ռ.Լյուքսենբուրգի 2-րդ նրբանցքի 10-րդ շենքի թիվ 11 բնակարանում:
Մեղադրվում է ՀՀ քրեական օրենսգրքի 325 հոդվածի 2-րդ մասով:

Պ Ա Ր Զ Ե Ց

1.Գործի դատավարական նախապատմությունը.
2009թ. հուլիսի 18-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում հարուցվել է թիվ 14120809 քրեական գործը:
2009թ. դեկտեմբերի 16-ին Մարիետտա Լևոնի Պապյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 325 հոդվածի 2-րդ մասով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2009թ. դեկտեմբերի 16-ին նախաքննության մարմնի կողմից որոշում է կայացվել թիվ 14120809 քրեական գործով Լիլիա Դավթյանի նկատմամբ ՀՀ քրեական օրենսգրքի 213 հոդվածի 1-ին մասով, 34-213 հոդվածի 1-ին մասով քրեական հետապնդումը դադարեցնել, Մանուշ Ավետիսյանի նկատմամբ ՀՀ քրեական օրենսգրքի 213 հոդվածի 1-ին մասով քրեական հետապնդում չիրականացնել համաներման ակտ ընդունվելու հիմքով:
2009թ. դեկտեմբերի 23-ին թիվ 14120809 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2009թ. դեկտեմբերի 23-ին քրեական գործն ընդունվել է վարույթ և նշանակվել դատաքննության 2010թ. հունվարի 20-ին:
2.Գործի փաստական հանգամանքները.
Նախաքննության մարմինն ամբաստանյալ Մարիետտա Լևոնի Պապյանին մեղադրանք է առաջադրել հետևյալ արարքի համար.
Մարիետտա Պապյանը Լիլիա Դավթյանի և Մանուշ Ավետիսյանի հետ դատական կարգով որոշված պարտքուպահանջի հարցերը լուծելու համար, նախապես համաձայնության գալով գործով չպարզված անձի հետ, 2009թ. փետրվարին Երևան քաղաքի Կոմիտաս պողոտայում գտնվող գյուղմթերքների շուկայի մոտ ձեռք է բերել իրավունք վերապահող, իր զավակներ Արմեն Կարապետյանի և Աննա Կարապետյանի անունից կազմված կեղծ լիազորագրեր, որից 17.02.2009թ. ամսաթվով Ա.Կարապետյանի անունով լրացված նշված կեղծ լիազորագիրն օգտագործել է ՀՀ ԱՆ ԴԱՀԿ ծառայության Նոր Նորքի բաժանմունք ներկայացնելով:
3. Արագացված դատական քննություն.
Մինչ դատաքննությունն սկսելն ամբաստանյալ Մարիետտա Պապյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Ալվանդյանը:
Մեղադրող Հ.Մարտիրոսյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մարիետտա Պապյանին առաջադրված մեղադրանքը` ՀՀ քրեական օրենսգրքի 325 հոդվածի 2-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 325 հոդվածի 2-րդ մասի հատկանիշներին և արարքի որակումը ճիշտ է:
Մարիետտա Պապյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Նկատի ունենալով, որ ամբաստանյալը հանցանքը կատարել է 2009 թվականի փետրվար ամսին, նախկինում դատված չի եղել, դատարանը գտնում է, որ նրա նկատմամբ պետք է կիրառել ՙՀամաներում հայտարարելու մասին՚ ՀՀ Ազգային Ժողովի 2009թ. հունիսի 19-ի որոշման 1-ին կետի 1-ին ենթակետը, համաձայն որի, պատժից պետք է ազատել առավելագույնը երեք տարի ժամկետով ազատազրկման դատապարտված անձանց:
Անդրադառնալով գործով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված` 17.02.2009թ. ամսաթվով Ա.Կարապետյանի անվամբ լրացված կեղծ լիազորագիրը և Մ.Պապյանի կողմից գրված պարտավորագիրը, պետք է թողնել քրեական գործին կցված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753-3754 հոդվածներով, դատարանը

Վ Ճ Ռ Ե Ց

Մարիետտա Լևոնի Պապյանին մեղավոր ճանաչել ՀՀ քրեական օրենսգրքի 325 հոդվածի 2-րդ մասով և նրան դատապարտել ազատազրկման մեկ (1) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Մարիետտա Լևոնի Պապյանին ազատել պատիժը կրելուց:
Մարիետտա Լևոնի Պապյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված` 17.02.2009թ. ամսաթվով Ա.Կարապետյանի անվամբ լրացված կեղծ լիազորագիրը և Մ.Պապյանի կողմից գրված պարտավորագիրը թողնել քրեական գործին կցված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ Լ. ԱՎԵՏԻՍՅԱՆ