գործ No ԵԱՔԴ 0162/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Գ. Հովհաննիսյանի
ամբաստանյալ` Բ. Սահակյանի
պաշտպան` Ա. Ճուղուրյանի

2009թ. դեկտեմբերի 09-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Բագրատ Նորայրի Սահակյանի, ծնված 27.04.1968թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես առողջ, ամուսնացած, խնամքին հինգ անձ, նախկինում չդատված, եղել է անհատ ձեռներեց, հաշվառված և բնակվել է Երևան քաղաքի Նորաշխարհյան փողոցի 8ա շենքի թիվ 6 բնակարանում:
Մեղադրվում է ՀՀ քրեական օրենսգրքի 235 հոդվածի 1-ին մասով:
Պ Ա Ր Զ Ե Ց

1.Գործի դատավարական նախապատմությունը.
2009թ. հոկտեմբերի 27-ին Քանաքեռ-Զեյթուն քննչական բաժնում թիվ 09118408 քրեական գործից անջատվել և ՀՀ քրեական օրենսգրքի 235 հոդվածի 1-ին մասի հատկանիշներով հարուցվել է նոր քրեական գործ և շնորհվել է թիվ 09120009 համարը:
2009թ. հոկտեմբերի 27-ին Բագրատ Նորայրի Սահակյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 235 հոդվածի 1-ին մասով և նրա նկատմամբ որպես խափանման միջոց ընտրվել է կալանավորումը:
2009թ. նոյեմբերի 12-ին թիվ 09120009 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2009թ. նոյեմբերի 12-ին քրեական գործը վարույթ է ընդունվել և նշանակվել դատաքննության 2009թ. դեկտեմբերի 09-ին:
2.Գործի փաստական հանգամանքները.
Նախաքննության մարմինն ամբաստանյալ Բագրատ Նորայրի Սահակյանին մեղադրանք է առաջադրել հետևյալ արարքի համար.
Բագրատ Սահակյանը հանդիսանալով Երկրապահ կամավորական միության անդամ, Արցախյան պատերազմից հետո, իր հետ բերել և իր` Երևան քաղաքի Նորաշխարհյան փողոցի 8ա շենքի թիվ 6 բնակարանում ապօրինի պահել է հրազեն հանդիսացող 1 հատ ՙTT՚ տեսակի 7,62մմ տրամաչափի ՙԸխ-7485՚ համարի 1943թ. գործարանային արտադրության ատրճանակ` իր պահունակով և ռազմամթերք հանդիսացող /7,62x25 ՏՏ/ 1930-1933թթ. նմուշի ութ հատ մարտական փամփուշտներ: 2009թ. հոկտեմբերի 24-ին նրա բնակարանում խուզարկություն կատարելուց առաջ քննիչի առաջարկով Բագրատ Սահակյանը կամովին ներկայացրել է նշված ատրճանակն ու փամփուշները:
3. Արագացված դատական քննություն .
Մինչև դատաքննությունն սկսելն ամբաստանյալ Բագրատ Սահակյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Ճուղուրյանը:
Մեղադրող Գ.Հովհաննիսյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Բագրատ Նորայրի Սահակյանին առաջադրված մեղադրանքը ՀՀ քրեական օրենսգրքի 235 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 235 հոդվածի 1-ին մասի հատկանիշներին և արարքի որակումը ճիշտ է:
Բագրատ Սահակյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, խուզարկությունը սկսելուց առաջ կամովին ներկայացրել է ատրճանակը և փամփուշտները, նախկինում դատված չի եղել, Արցախյան պատերազմի մասնակից է, խնամքին են գտնվում վեց և տաս տարեկան երեխաները, թոշակառու ծնողները և կինը, որոնց միակ կերակրողն ինքն է:
Ամբաստանյալի պատասխանատվությունը և պատիժը ծանրացնող հանգամանքներ չկան:
Դատարանն անդրադառնալով իրեղեն ապացույցների տնօրինման հարցին, գտնում է, որ գործով իրեղեն ապացույց ճանաչված` մեկ հատ ՙTT՚ տեսակի 7.62մմ տրամաչափի ՙԸխ-7485՚ համարի 1943թ. գործարանային արտադրության ատրճանակն իր պահունակով և ռազմամթերք հանդիսացող /7.62x25 ՏՏ/ 1930-1933թթ. նմուշի 8 հատ մարտական փամփուշտները, որոնք պահվում են ՀՀ ոստիկանության ՓՔ վարչությունում, պետք է թողնել վերջինիս տնօրինությանը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Բագրատ Նորայրի Սահակյանին մեղավոր ճանաչել ՀՀ քրեական օրենսգրքի 235 հոդվածի 1-ին մասով և նրան դատապարտել ազատազրկման մեկ (1) տարի ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել 2009թ. հոկտեմբերի 24-ից:
Բագրատ Նորայրի Սահակյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված` ՀՀ ոստիկանության ՓՔ վարչությունում պահվող մեկ հատ ՙTT՚ տեսակի 7.62մմ տրամաչափի ՙԸխ-7485՚ համարի 1943թ. գործարանային արտադրության ատրճանակն իր պահունակով և ռազմամթերք հանդիսացող /7.62x25 ՏՏ/ 1930-1933թթ. նմուշի 8 հատ մարտական փամփուշտները, թողնել վերջինիս տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:
ԴԱՏԱՎՈՐ Լ. ԱՎԵՏԻՍՅԱՆ