գործ No ԵԱՔԴ 0156/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Վ. Միլիտոնյանի
ամբաստանյալ` Գ. Թովմասյանի
պաշտպան` Ս. Մարտիրոսյանի
տուժողի իրավահաջորդ` Գ. Գևորգյանի

2009թ. դեկտեմբերի 01-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Գևորգ Հայկազի Թովմասյանի, ծնված 09.07.1964թ. Կոտայքի մարզի Քասախ ավանում, ազգությամբ հայ, ՀՀ քաղաքացի, ֆիզիկապես առողջ, միջնակարգ կրթությամբ, ամուսնացած, խնամքին հինգ անձ, նախկինում չդատված, աշխատում է ՙՌազար՚ ՍՊԸ-ում` որպես վարորդ, հաշվառված և բնակվում է Կոտայքի մարզի Քասախ ավանում:
Մեղադրվում է ՀՀ քրեական օրենսգրքի 242 հոդվածի 2-րդ մասով:
Պ Ա Ր Զ Ե Ց

1.Գործի դատավարական նախապատմությունը.
2009թ. սեպտեմբերի 07-ին ՀՀ ոստիկանության Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 242 հոդվածի 2-րդ մասի հատկանիշներով հարուցվել է թիվ 60119709 քրեական գործը:
2009թ. հոկտեմբերի 26-ին Գևորգ Հայկազի Թովմասյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 242 հոդվածի 2-րդ մասով և նրա նկատմամբ որպես խափանման միջոց ընտրվել է ստորագրություն չհեռանալու մասին:
2009թ. նոյեմբերի 06-ին թիվ 60119709 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2009թ. նոյեմբերի 06-ին քրեական գործն ընդունվել է վարույթ և նշանակվել դատաքննության 2009թ. դեկտեմբերի 01-ին:
2.Գործի փաստական հանգամանքները.
Նախաքննության մարմինն ամբաստանյալ Գևորգ Հայկազի Թովմասյանին մեղադրանք է առաջադրել հետևյալ արարքի համար.
Գևորգ Թովմասյանը 2009թ. սեպտեմբերի 07-ին, ժամը 1540-ի սահմաններում, իրեն ամրացված ՙԿամազ 6520՚ մակնիշի 008 ՏՏ 18 պետհամարանիշի ավտոմեքենայով, Երևան քաղաքի Կոմիտասի պողոտայով դեպի Գրիբոյեդովի փողոցի ուղղությամբ ընթանալիս, առջևում վերադասավորվող ավտոմեքենայի վարորդին զիջելու համար, թիվ 55 շենքի դիմաց, իր ուղեմասի երրորդ գոտում կանգ առնելուց և իր ընթացքի ուղղության նկատմամբ աջից դեպի ձախ կողմ պողոտան հատող, իր երթևեկության համար վտանգ առաջացրած հետիոտն Խորսանուշ Էլբակի Հակոբյանին նկատելուց հետո, ավտոմեքենայի անշարժ վիճակն ապահովելու փոխարեն խախտել է ՃԵԿ-ի 67 կետի և ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ կետի պահանջները` համոզված չլինելով Հակոբյանի կողմից վտանգավոր գոտին ազատելու մեջ, վերսկսել է երթևեկությունը, ստեղծել է վթարային իրադրություն, որի հետևանքով էլ նույն պահին, ավտոմեքենայի առջևի մասով վրաերթի է ենթարկել նրան և անզգուշությամբ պատճառել մահ:
3. Արագացված դատական քննություն .
Մինչև դատաքննությունն սկսելն ամբաստանյալ Գևորգ Թովմասյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ս.Մարտիրոսյանը:
Մեղադրող Վ.Միլիտոնյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գևորգ Հայկազի Թովմասյանին առաջադրված մեղադրանքը` ՀՀ քրեական օրենսգրքի 242 հոդվածի 2-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 242 հոդվածի 2-րդ մասի հատկանիշներին և արարքի որակումը ճիշտ է:
Գևորգ Թովմասյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Գևորգ Թովմասյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, խնամքին են գտնվում չորս անչափահաս երեխաները և կինը, բնութագրվում է դրական, կամովին հատուցել է հանցագործությամբ պատճառված վնասը, ինչպես նաև տուժողի իրավահաջորդի խնդրանքը` ամբաստանյալի նկատմամբ ազատազրկման հետ կապ չունեցող պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Թվարկված մեղմացնող հանգամանքների առկայությունը հաշվի առնելով դատարանը հանգում է հետևության, որ Գևորգ Թովմասյանի ուղղումը հնարավոր է առանց հասարակությունից մեկուսացնելու և պայմանականորեն պատիժը չկիրառելու պայմաններում:
Նկատի ունենալով, որ տուժողի իրավահաջորդ Գագիկ Գևորգյանին պատճառված նյութական վնասն ամբաստանյալի կողմից հատուցվել է և նա հրաժարվել է քաղաքացիական հայցի պահանջից, դատարանը գտնում է, որ քաղաքացիական հայցի հարցը պետք է համարել լուծված:
Դատարանն անդրադառնալով իրեղեն ապացույցների տնօրինման հարցին, գտնում է, որ քրեական գործով իրեղեն ապացույց ճանաչված և Երևան քաղաքի քննչական վարչության ՃՏՀ քննության բաժնի իրեղեն ապացույցների սենյակում պահվող` վրաերթի պահին Խորսանուշ Հակոբյանի հագին եղած հագուստները պետք է վերադարձնել տուժողի իրավահաջորդ Գագիկ Գևորգյանին, իսկ ՙԿամազ 6520՚ մակնիշի 008 ՏՏ 18 պետհամարանիշի ավտոմեքենայի վրա հայտնաբերված մանրաթելերը պետք է ոչնչացնել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը
Վ Ճ Ռ Ե Ց

Գևորգ Հայկազի Թովմասյանին մեղավոր ճանաչել ՀՀ քրեական օրենսգրքի 242 հոդվածի 2-րդ մասով և նրան դատապարտել ազատազրկման երկու (2) տարի ժամկետով` տրանսպորտային միջոցներ վարելու իրավունքից զրկելով երկու (2) տարի ժամկետով:
Կիրառել ՀՀ քրեական օրենսգրքի 70 հոդվածը և Գևորգ Հայկազի Թովմասյանի նկատմամբ ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան մեկ (1) տարի ժամկետով:
Գևորգ Հայկազի Թովմասյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժողի իրավահաջորդ Գագիկ Գևորգյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո` իրեղեն ապացույց ճանաչված, Երևան քաղաքի քննչական վարչության ՃՏՀ քննության բաժնի իրեղեն ապացույցների սենյակում պահվող` վրաերթի պահին Խորսանուշ Հակոբյանի հագին եղած հագուստները վերադարձնել տուժողի իրավահաջորդ Գագիկ Գևորգյանին, իսկ ՙԿամազ 6520՚ մակնիշի 008 ՏՏ 18 պետհամարանիշի ավտոմեքենայի վրա հայտնաբերված մանրաթելերը` ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ Լ. ԱՎԵՏԻՍՅԱՆ