ԵԱՔԴ/0147/01/09






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«23» նոյեմբերի 2009թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Շահազիզյան
տուժողներ Ա.Կոստանյան
Ա.Գևորգյան
Լ.Թադևոսյան
Վ.Փափազյան
Ռ.Ալի-Շահիան
Հ.Մինասյան
Տ.Հարությունյան
Ա.Մկրտչյան
Ի.Մանուկյան
ամբաստանյալի օրինական ներկայացուցիչ Ա.Ավետիսյան
պաշտպան Ռ.Չիբուխչյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արման Արսենի Ավետիսյանի` ծնված 1991 թվականի դեկտեմբերի 17-ին Լիտվայի Հանրապետության Պանիվեժիս քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատապարտված, բնակվում է Երևան քաղաքի Սարյան փողոցի 4-րդ շենքի 48-րդ բնակարանում: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 4-րդ կետերով, խափանման միջոց է ընտրվել հսկողության հանձնելը:
1. Գործի դատավարական նախապատմությունը.
2008 թվականի հունիսի 20-ին ՀՀ ոստիկանության Արաբկիրի քննչական բաժնի քննիչ Վ.Պողոսյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14118008 քրեական գործը:
2008 թվականի օգոստոսի 20-ին ՀՀ ոստիկանության Արաբկիրի քննչական բաժնի քննիչ Վ.Պողոսյանի որոշմամբ թիվ 14118008 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2009 թվականի հունիսի 24-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ թիվ 14118008 քրեական գործն ընդունվել է վարույթ և քրեական գործով վարույթը վերսկսվել է:
2008 թվականի հուլիսի 31-ին ՀՀ ոստիկանության Արաբկիրի քննչական բաժնի ավագ քննիչ Ս.Հովհաննիսյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14127308 քրեական գործը:
2008 թվականի սեպտեմբերի 30-ին ՀՀ ոստիկանության Արաբկիրի քննչական բաժնի ավագ քննիչ Ս.Հովհաննիսյանի որոշմամբ թիվ 14127308 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2008 թվականի հուլիսի 5-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14120708 քրեական գործը:
2008 թվականի սեպտեմբերի 5-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ թիվ 14120708 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2008 թվականի հոկտեմբերի 29-ին ՀՀ ոստիկանության Արաբկիրի բաժնի քրեական հետախուզության բաժանմունքի ավագ օպերլիազոր Վ.Բաբայանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14155208 քրեական գործը:
2008 թվականի նոյեմբերի 6-ին ՀՀ ոստիկանության Արաբկիրի քննչական բաժնի քննիչ Ա.Շախկյանի որոշմամբ թիվ 14155208 քրեական գործն ընդունվել է վարույթ:
2008 թվականի դեկտեմբերի 26-ին ՀՀ ոստիկանության Արաբկիրի քննչական բաժնի քննիչ Ա.Շախկյանի որոշմամբ թիվ 14155208 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2009 թվականի հունիսի 24-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ թիվ 14120708, 14127308 և 14155208 քրեական գործերն ընդունվել են վարույթ, քրեական գործերով վարույթները վերսկսվել են, թիվ 14120708, 14127308 և 14155208 քրեական գործերը միացվել են թիվ 14118008 քրեական գործին և նախաքննությունը շարունակվել է թիվ 14118008 համարով:
2009 թվականի հուլիսի 1-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ Արման Արսենի Ավետիսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 4-րդ կետով:
2009 թվականի հունիսի 11-ին ՀՀ ոստիկանության Կենտրոնականի բաժնի հետաքննիչ Ա.Սարգսյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13162809 քրեական գործը:
2009 թվականի հունիսի 24-ին ՀՀ ոստիկանության Կենտրոնի քննչական բաժնի քննիչ Ա.Կիրակոսյանի որոշմամբ թիվ 13162809 քրեական գործն ընդունվել է վարույթ:
2009 թվականի օգոստոսի 12-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ թիվ 13162809 քրեական գործն ընդունվել է վարույթ, միացվել թիվ 14118008 քրեական գործին և նախաքննությունը շարունակվել թիվ 14118008 համարով:
2009 թվականի մարտի 23-ին ՀՀ ոստիկանության Արաբկիրի բաժնի հետաքննիչ Դ.Աթոյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 14153209 քրեական գործը:
2009 թվականի ապրիլի 6-ին ՀՀ ոստիկանության Արաբկիրի քննչական բաժնի քննիչ Բ.Արշակյանի որոշմամբ թիվ 14153209 քրեական գործն ընդունվել է վարույթ:
2009 թվականի ապրիլի 16-ին ՀՀ ոստիկանության Արաբկիրի քննչական բաժնի քննիչ Վ.Աբրահամյանի որոշմամբ թիվ 14153209 քրեական գործն ընդունվել է վարույթ:
2009 թվականի մայիսի 22-ին ՀՀ ոստիկանության Արաբկիրի քննչական բաժնի քննիչ Վ.Աբրահամյանի որոշմամբ թիվ 14153209 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2008 թվականի դեկտեմբերի 30-ին ՀՀ ոստիկանության Արաբկիրի բաժնի հետաքննիչ Դ.Աթոյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14159408 քրեական գործը:
2009 թվականի հունվարի 10-ին ՀՀ ոստիկանության Արաբկիրի քննչական բաժնի քննիչ Վ.Աբրահամյանի որոշմամբ թիվ 14159408 քրեական գործն ընդունվել է վարույթ:
2009 թվականի փետրվարի 28-ին ՀՀ ոստիկանության Արաբկիրի քննչական բաժնի քննիչ Վ.Աբրահամյանի որոշմամբ թիվ 14159408 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2008 թվականի հոկտեմբերի 28-ին ՀՀ ոստիկանության Արաբկիրի բաժնի հետաքննիչ Դ.Աթոյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14155008 քրեական գործը:
2008 թվականի հոկտեմբերի 31-ին ՀՀ ոստիկանության Արաբկիրի քննչական բաժնի քննիչ Վ.Մկրտչյանի որոշմամբ թիվ 14155008 քրեական գործն ընդունվել է վարույթ:
2008 թվականի դեկտեմբերի 24-ին ՀՀ ոստիկանության Արաբկիրի քննչական բաժնի քննիչ Վ.Մկրտչյանի որոշմամբ թիվ 14155008 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2009 թվականի հոկտեմբերի 9-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ թիվ 14155008, 14159408 և 14153209 քրեական գործերն ընդունվել են վարույթ, քրեական գործերով վարույթները վերսկսվել են, թիվ 14155008, 14159408 և 14153209 քրեական գործերը միացվել են թիվ 14118008 քրեական գործին և նախաքննությունը շարունակվել է թիվ 14118008 համարով:
2009 թվականի հոկտեմբերի 14-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ թիվ 14118008 քրեական գործից անջատվել է թիվ 13162809 քրեական գործը և ըստ քննչական ենթակայության ուղարկվել ՀՀ ոստիկանության Կենտրոնի քննչական բաժին:
2009 թվականի հոկտեմբերի 14-ին ՀՀ ոստիկանության Արաբկիրի քննչական բաժնի քննիչ Ա.Արամյանի որոշմամբ Արման Արսենի Ավետիսյանին առաջադրված մեղադրանքը փոփոխվել, լրացվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 4-րդ կետերով:
2009 թվականի հոկտեմբերի 21-ին Արման Արսենի Ավետիսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Արման Արսենի Ավետիսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 4-րդ կետերով` այն արարքների համար, որ նա 2008 թվականի հունիսի 19-ին` ժամը 22:00-իսահմաններում, ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Բաղրամյան պողոտայի վրա գտնվող Սահմանադրական դատարանի հարևանությամբ կայանված Արտավազդ Արամի Կոստանյանին պատկանող «Մերսեդես» մակնիշի 06ՏՍ149 պետհամարանիշի ավտոմեքենայի վարորդի ետևի դռան ապակին և սրահից գաղտնի հափշտակել է կրովի «HP» (Էյջ Փի) մոդելի համակարգիչ` վերջինին պատճառելով ընդհանուր զգալի չափի հասնող 465.000 ՀՀ դրամի գույքային վնաս:
Բացի այդ, 2008 թվականի հուլիսի 4-ին` ժամը 20:00-ի սահմաններում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Թամանյան փողոցի թիվ 1 շենքի բակում կայանված Վահրամ Փափազյանին պատկանող «Նիսսան-Ալտիմա» մակնիշի 22ՕՍ221 պետհամարանիշի ավտոմեքենայի ձախակողմյան ետևի դռան ապակին և սրահից գաղտնի հափշտակել «Կոմպակ Նոութբուք» տեսակի համակարգիչ` վերջինին պատճառելով զգալի չափի հասնող 490.000 ՀՀ դրամի գույքային վնաս:
Բացի այդ, 2008 թվականի հուլիսի 31-ին` ժամը 00:15-ի սահմաններում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Զարուբյան փողոցի 12-րդ շենքի դիմաց կայանված Արտակ Համլետի Գևորգյանին պատկանող «Վոլվո» մակնիշի 04ԼՍ848 պետհամարանիշի ավտոմեքենայի վարորդի ետևի դռան ապակին և սրահից գաղտնի հափշտակել է «Սոնի» մոդելի նոութբուք տեսակի համակարգիչ` վերջինին պատճառելով ընդհանուր զգալի չափի հասնող 500.000 ՀՀ դրամի գույքային վնաս:
Բացի այդ, 2008 թվականի հոկտեմբերի 24-ին` ժամը 18:00-ից 20:00-ն ընկած ժամանակահատվածում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Բաղրամյան 24 հասցեում գտնվող Գիտությունների ազգային ակադեմիայի շենքի ետևի մասում կայանված Տիգրան Սլավիկի Հարությունյանին պատկանող «ՎԱԶ 21010» մակնիշի 06ՕԼ687 պետհամարանիշի ավտոմոքենայի առջևի դռան ապակին և սրահից գաղտնի հափշտակել է կանացի պայուսակ, որի մեջ եղել է 25.000 ՀՀ դրամ, օծանելիք և դիմահարդարման պարագաներ` պատճառելով վերջինին ընդհանուր զգալի չափի հասնող 100.000 ՀՀ դրամի գույքային վնաս:
Բացի այդ, 2008 թվականի հոկտեմբերի 29-ին` ժամը 23:00-ի սահմաններում, կրկին անգամ ուրիշի գույքի գաղտնի հափշտակության կատարելու դիտավորությամբ կոտրել է Երևան քաղաքի Բաղրամյան պողոտայի 2-րդ շենքի մոտ կայանված Լիաննա Արթուրի Թադևոսյանին պատկանող «Նիսսան-Քաշքայ» մակնիշի 15ՕՕ072 պետհամարանիշի ավտոմեքենայի ետևի կողային ապակին և սրահից գաղտնի հափշտակել է «Այքան Քոմունիքեյշն» ՍՊ ընկերության հաշվեկշռում գտնվող «Toshiba Satelitte A200-272» (Տոշիբա Սաթելայթ Ա200-272) մոդելի նոութբուք տեսակի համակարգիչ` ընկերությանը պատճառելով ընդհանուր զգալի չափի 417.000 ՀՀ դրամի գույքային վնաս:
Բացի այդ, 2008 թվականի նոյեմբերին` ժամը 23:00-ի սահմաններում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Բաղրամյան պողոտայի 1-ին շենքի մոտ կայանված Արամ Համլետի Մկրտչյանին պատկանող «ՎԱԶ 21010» մակնիշի 18ՏՕ233 պետհամարանիշի ավտոմեքենայի ետևի դռան ապակին և սրահից գաղտնի հափշտակել է «Սոնի» ֆիրմայի նոութբուք տեսակի համակարգիչ` պատճառելով վերջինին ընդհանուր զգալի չափի հասնող 200.000 ՀՀ դրամի գույքային վնաս:
Բացի այդ, 2008 թվականի նոյեմբերին, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Թամանյան փողոցի 1-ին շենքի առջև կայանված Իդա Ռոստոմի Մանուկյանին պատկանող «Օպել» մակնիշի 12ՕՍ288 պետհամարանիշի ավտոմեքենայի դռան ապակին և սրահից գաղտնի հափշտակել է «ՀՊ» մոդելի նոութբուք տեսակի համակարգիչ` վերջինին պատճառելով ընդհանուր զգալի չափի հասնող 300.000 ՀՀ դրամի գույքային վնաս:
Բացի այդ, 2008 թվականի դեկտեմբերի 30-ին` ժամը 19:00-ից 19:30-ն ընկած ժամանակահատվածում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Զարուբյան փողոցի 10/1 շենքի բակում կայանված Հովհաննես Նորիկի Մինասյանի կողմից հավատարմագրով շահագործվող «Ֆոլցվագեն Պոլո» մակնիշի 08ԼՏ524 պետհամարանիշի ավտոմեքենայի ետևի ձախ դռան ապակին և սրահից գաղտնի հափշտակել նոութբուք տեսակի համակարգիչ և 18.000 ՀՀ դրամ` վերջինին պատճառելով ընդհանուր զգալի չափի հասնող 150.000 ՀՀ դրամի գույքային վնաս:
Բացի այդ, 2009 թվականի մարտի 23-ին` ժամը 02:00-ից մինչև 15:00-ն ընկած ժամանակահտվածում, կրկին անգամ ուրիշի գույքի գաղտնի հափշտակություն կատարելու դիտավորությամբ կոտրել է Երևան քաղաքի Իսահակյան փողոցի 39-րդ շենքի դիմաց կայանված Մոհսեն Շամշաքիին պատկանող «Հունդայի Ազեռա» մակնիշի ԻՌ35724 պետհամարանիշի ավտոմոքենայի առջևի աջ դռան պատուհանը և գաղտնի հափշտակել է Ռեզա Մաշալայի Ալի-Շահիանին պատկանող 4.000 ԱՄՆ դոլար, «Սոնի» ֆիրմայի տեսախցիկ, ֆոտոխցիկ և արևային ակնոցներ` վերջինին պատճառելով ընդհանուր խոշոր չափի հասնող 2.000.000 ՀՀ դրամի գույքային վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Արման Արսենի Ավետիսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արման Արսենի Ավետիսյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 2-րդ և 4-րդ կետերով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը և ծննդյան վկայականի պատճենը, եկավ հետևյալ եզրահանգման.
Արման Ավետիսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Արման Ավետիսյանի պատասխանատվությունն ու պատիժը մեղմացնող հանգամանք է հանցանքը կատարելու պահին անչափահաս լինելը, ինչը նախատեսված է ՀՀ քրեական օրենսգրքի 62-րդ հոդվածի 1-ին մասի 2-րդ կետով:
Արման Ավետիսյանի պատասխանատվությունն ու պատիժը մեղմացնող հանգամանքներ են նաև նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Արման Ավետիսյանի պատասխանատվությունն ու պատիժը ծանրացնող հանգամանքներ չկան:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը գտնում է, որ կատարած արարքի համար ամբաստանյալ Արման Արսենի Ավետիսյանը ենթակա է քրեական պատասխանատվության և պատժի:
Դատարանը, հաշվի առնելով Արման Ավետիսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արման Ավետիսյանի կողմից կատարած արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 3 (երեք) տարի 6 (վեց) ամիս ժամկետով:
«Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշման 2-րդ կետի 3-րդ ենթակետի համաձայն` պատժից պետք է ազատել առավելագույնը հինգ տարի ժակետով ազատազրկման դատապարտված` հանցագործությունը մինչև 18 տարին լրանալը կատարած այն անձանց, որոնք նախկինում դիտավորյալ հանցագործություն կատարելու համար ազատությունից զրկելու հետ կապված պատիժ չեն կրել կամ կրել են սակայն չունեն դատվածություն: Նույն որոշման 14-րդ կետի համաձայն` «Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշումը կիրառվում է այն անձանց նկատմամբ, որոնք հանցագործություն են կատարել մինչև 2009 թվականի հունիսի 1-ը ներառյալ, իսկ Արման Արսենի Ավետիսյանը հանրորեն վտանգավոր վերջին արարքը կատարել է 2009 թվականի մարտի 23-ին: Համաներման որոշման 8-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 8-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում է ՀՀ քրեական օրենսգրքի 177-րդ հոդվածի 2-րդ մասը, այսինքն` ՀՀ քրեական օրենսգրքի 177-րդ հոդվածի 2-րդ մասով նախատեսված արարքներ կատարած անձանց նկատմամբ համաներման կիրառումը սահմանափակված չէ: Սույն քրեական գործի նյութերում բացակայում է նաև համաներման որոշման 8-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ համաներման ակտի կիրառման համար: Հիմք ընդունելով վերը նշվածը` դատարանը գտնում է, որ ամբաստանյալ Արման Արսենի Ավետիսյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պաժից:
Դատարանը գտնում է, որ Արման Արսենի Ավետիսյանի նկատմամբ ընտրված խափանման միջոցը` հսկողության հանձնելը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով։ ՀՀ քրեական դատավարության օրենսգրքի 3751-ին հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին: Այդ դեպքում դատարանը պետք է լրացուցիչ պարզի, թե արդյոք հայցի ընդունումը կամավոր է, և արդյոք այն վերաբերում է այլ անձանց իրավունքներին: Դատարանը, գտնելով, որ հայցի ընդունումը հակասում է օրենքին կամ կամավոր չէ կամ վերաբերում է այլ անձանց իրավունքներին, հայցը թողնում է առանց քննության` քաղաքացիական հայցվորին բացատրելով քաղաքացիական դատավարության կարգով հայց ներկայացնելու նրա իրավունքը:
Սույն քրեական գործով քաղաքացիական հայցեր են ներկայացրել տուժողներ Արամ Համլետի Մկրտչյանը և Իդա Ռոստոմի Մանուկյանը: Ամբաստանյալ Արման Ավետիսյանի կողմից քաղաքացիական հայցերը կամավոր ընդունելու պայմաններում` Դատարանը գտնում է, որ Արման Ավետիսյանի դեմ ներկայացված Արամ Համլետի Մկրտչյանի և Իդա Ռոստոմի Մանուկյանի քաղաքացիական հայցերի պահանջները պետք է բավարարել և Արման Ավետիսյանից հօգուտ Արամ Համլետի Մկրտչյանի և Իդա Ռոստոմի Մանուկյանի, որպես հանցագործությամբ պատճառված վնաս, պետք է բռնագանձել համապատասխանաբար 200.000 ՀՀ դրամ և 300.000 ՀՀ դրամ, քանի որ դրանք չեն հակասում օրենքին և չեն վերաբերում այլ անձանց իրավունքներին:
Սույն քրեական գործով քաղաքացիական հայց է ներկայացրել նաև տուժող Վահրամ Մարտինի Փափազյանը` ամբաստանյալ Արման Ավետիսյանից պահանջելով հանցագործությամբ իրեն պատճառված վնասը` 2.000 ԱՄՆ դոլարը: Սակայն գործով ձեռք բերված ապացույցներով հաստատվում է, որ Վահրամ Մարտինի Փափազյանին հանցագործությամբ անմիջականորեն պատճառվել է ոչ թե 2.000 ԱՄՆ դոլարի վնաս, այլ 490.000 ՀՀ դրամի վնաս: Ելնելով նշվածից և հաշվի առնելով այն, որ ամբաստանյալ Արման Ավետիսյանը կամավոր ընդունել է քաղաքացիական հայցի պահանջը, հետևապես` Դատարանը գտնում է, որ Արման Ավետիսյանի դեմ ներկայացված Վահրամ Մարտինի Փափազյանի քաղաքացիական հայցի պահանջը պետք է բավարարել մասնակի և Արման Ավետիսյանից հօգուտ Վահրամ Մարտինի Փափազյանի, որպես հանցագործությամբ պատճառված վնաս, պետք է բռնագանձել 490.000 ՀՀ դրամ, քանի որ դա չի հակասում օրենքին և չի վերաբերում այլ անձանց իրավունքներին:
Սույն քրեական գործով քաղաքացիական հայցեր են ներկայացրել նաև տուժողներ Ռեզա Մաշալայի Ալի-Շահիանը, Հովհաննես Նորիկի Մինասյանը, Արտավազդ Արամի Կոստանյանը, Արտակ Համլետի Գևորգյանը և Տիգրան Սլավիկի Հարությունյանը: ՀՀ քրեական դատավարության օրենսգրքի 308-րդ հոդվածի 2-րդ մասի համաձայն` քաղաքացիական հայցվորի չներկայանալու դեպքում դատարանը քաղաքացիական հայցը թողնում է առանց քննության` քաղաքացիական հայցվորին իրավունք վերապահելով հայց հարուցել քաղաքացիական դատավարության կարգով։ Քանի որ, քաղաքացիական հայցվորներ (տուժողներ) Ռեզա Մաշալայի Ալի-Շահիանը, Հովհաննես Նորիկի Մինասյանը, Արտավազդ Արամի Կոստանյանը, Արտակ Համլետի Գևորգյանը և Տիգրան Սլավիկի Հարությունյանը չեն ներկայացել դատական նիստին և չեն միջնորդել քաղաքացիական հայցերը քննարկել իրենց բացակայությամբ, ուստի նրանց կողմից հարուցած քաղաքացիական հայցերը պետք է թողնել առանց քննության։ Քաղաքացիական հայցերն առանց քննության թողնելու պարագայում Դատարանն այլևս չի անդրադառնում քաղաքացիական հայցերի` ՀՀ քրեական դատավարության օրենսգրքի և/կամ այլ օրենքների պահանջներին համապատասխան ներկայացված լինելու, ինչպես նաև հիմնավոր կամ անհիմն լինելու հարցերին։
Սույն քրեական գործով քաղաքացիական հայց է ներկայացրել նաև տուժող Լիանա Արթուրի Թադևոսյանը` ամբաստանյալ Արման Ավետիսյանից պահանջելով հանցագործությամբ իրեն պատճառված վնասը` 482.000 ՀՀ դրամը: Սակայն գործով ձեռք բերված ապացույցներով հաստատվում է, որ 2008 թվականի հոկտեմբերի 29-ին` ժամը 23:00-ի սահմաններում, Երևան քաղաքի Բաղրամյան պողոտայի 2-րդ շենքի մոտ կայանված Լիաննա Արթուրի Թադևոսյանին պատկանող ավտոմեքենայի սրահից նոութբուք տեսակի համակարգչի հափշտակությամբ վնաս է պատճառվել ոչ թե Լիանա Արթուրի Թադևոսյանին, այլ «Այքան Քոմունիքեյշն» ՍՊ ընկերությանը: Այսինքն, տվյալ դեպքում Լիանա Թադևոսյանի կողմից հարուցված քաղաքացիական հայցը վերաբերում է այլ անձի` «Այքան Քոմունիքեյշն» ՍՊ ընկերության իրավունքներին, հետևաբար Դատարանը գտնում է, որ Լիաննա Արթուրի Թադևոսյանի կողմից հարուցված քաղաքացիական հայցը պետք է թողնել առանց քննության:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Արման Ավետիսյանից դատարանի նախաձեռնությամբ ենթակա չեն բռնագանձման, քանի որ հանցագործությամբ պատճառված վնասի հատուցման համար ներկայացված քաղաքացիական հայցերի մի մասը վերոնշյալ հիմնավորմամբ պետք է բավարարել, իսկ մյուս տուժողների կողմից իրենց գույքային շահերն անձամբ պաշտպանելու անհնարինության մասին տվյալները բացակայում են: Ինչ վերաբերվում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի` ամբաստանյալից ենթակա չեն բռնագանձման։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 308-րդ, 309-րդ, 357-360-րդ, 365-րդ, 369-372-րդ և 3753-րդ, հոդվածներով` Դատարանը
ՎՃՌԵՑ

Արման Արսենի Ավետիսյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ և 4-րդ կետերով և պատիժ նշանակել ազատազրկում` 3 (երեք) տարի 6 (վեց) ամիս ժամկետով:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 2-րդ կետի 3-րդ ենթակետի կիրառմամբ Արման Արսենի Ավետիսյանին պատժից ազատել:
Արման Արսենի Ավետիսյանի նկատմամբ ընտրված խափանման միջոցը` հսկողության հանձնելը, թողնել անփոփոխ` մինչև դատավճռի օրինական ուժի մեջ մտնելը:
Արամ Համլետի Մկրտչյանի քաղաքացիական հայցը բավարարել. Արման Արսենի Ավետիսյանից հօգուտ Արամ Համլետի Մկրտչյանի, որպես հանցագործությամբ պատճառված վնաս, բռնագանձել 200.000 ՀՀ դրամ:
Իդա Ռոստոմի Մանուկյանի քաղաքացիական հայցը բավարարել. Արման Արսենի Ավետիսյանից հօգուտ Իդա Ռոստոմի Մանուկյանի, որպես հանցագործությամբ պատճառված վնաս, բռնագանձել 300.000 ՀՀ դրամ:
Վահրամ Մարտինի Փափազյանի քաղաքացիական հայցը բավարարել մասնակի. Արման Արսենի Ավետիսյանից հօգուտ Վահրամ Մարտինի Փափազյանի, որպես հանցագործությամբ պատճառված վնաս, բռնագանձել 490.000 ՀՀ դրամ:
Ռեզա Մաշալայի Ալի-Շահիանի, Հովհաննես Նորիկի Մինասյանի, Արտավազդ Արամի Կոստանյանի, Արտակ Համլետի Գևորգյանի, Տիգրան Սլավիկի Հարությունյանի և Լիանա Արթուրի Թադևոսյանի հարուցած քաղաքացիական հայցերը թողնել առանց քննության:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ