ԵԱՔԴ/0142/01/09



ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

01.07.2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Ա.Մարգարյանի
մասնակցությամբ`
մեղադրողª Ա.Երիցյանի
պաշտպան` Յու.Խաչատրյանի
տուժողի իրավահաջորդ` Ք.Չիթչյանի
տուժողի իրավահաջորդի
ներկայացուցիչ` Է.Մայսուրյանի

Դռնբաց դատական նիստում քննության առավ քր.գործն ըստ մեղադրանքի
Հայկազ Ռաֆիկի Հակոբյանի, ծնված 24.06.1976թ.,ք.Երևան, ազգությամբ հայ, ՀՀ քաղաքացի, միջնակարգ կրթությամբ, աշխատել է զորամասում որպես խոհարար, ամուսնացած, խնամքին 3 անչափահաս երեխա և չաշխատող կին, նախկինում չդատված, վատառողջ է, բնակվում է ք. Երևան, Սարկավագի փողոց 54/4 շենք 20 բնակարանում:
Կալանքի տակ է 26.11.2008թ-ից:

Ամբաստանվում է ՀՀ քր.օր-ի 38-104 հոդվածի 2-րդ մասի 6-րդ կետով, 38-112 հոդվածի 1-ին մասով և 235 հոդվածի 2-րդ մասով, այն բանի համար, որ նա Հայկ Դավթյանի կողմից ուղղակի դիտավորությամբ սպանություն կատարելու ընթացքում նրան օժանդակելու նախնական համաձայնությամբ, նախապես ապօրինաբար ձեռք բերված ինքնաձիգը և ատրճանակը փոխադրելով իր կողմից վարվող ՙՆիսան-Տիդա՚ մակնիշի 02 ՍՍ 055 պետ. համարանիշի ավտոմեքենայով, 2008թ. հոկտեմբերի 26-ին` ժամը 14:00-ի սահմաններում, Երևանի Թբիլիսյան խճուղու վրա գտնվող լամպերի գործարանի մոտից սկսած, Ադոնցի, Գրիբոյեդովի և Կոմիտաս փողոցներով, շուրջ երեք կիլոմետր տարածքում, հետապնդել են իրենց հետ թշնամական հարաբերությունների մեջ գտնվող Հրաչյա Մուշեղի Մաթևոսյանին, որն այդ պահին երթևեկել է Հարություն Բաղդասարի Բաղդասարյանի կողմից վարվող ՙՎԱԶ-2121՚ մակնիշի 83 ՏՍ 888 պ/հ ավտոմեքենայով: Ժամը 14:30-ի սահմաններում, հասնելով Վրացական փողոցի 2-րդ նրբանցք մտած ՙՎԱԶ-2121՚ մակնիշի 83 ՏՍ 888 պ/հ մեքենային` Հայկ Դավթյանը ակոսավոր հրազեն հանդիսացող ինքնաձիգից, շատերի կյանքի համար վտանգավոր եղանակով, ավտոմեքենաների շուրջ 40-50կմ ժամ արագությամբ ընթանալու պայմաններում, մեքենայի առջևի աջ պատուհանից, շուրջ 10-15 մետր հեռավորությունից, կրակահերթեր է արձակել ՙՎԱԶ-2121՚ մակնիշի 83 ՏՍ 888 պ/հ մեքենայի մեջ գտնվող Հ.Մաթևոսյանի և Հ.Բաղդասարյանի վրա և հրազենային մարմնական վնասվածքներ պատճառել նրանց: Ղեկավարումը կորցրած ՙՎԱԶ-2121՚ մակնիշի 83 ՏՍ 888 պ/հ մեքենան բախվելով Վրացական փողոցի 2-րդ նրբանցքի թիվ 4 տան ցանկապատին` կանգ է առել: Հ.Դավթյանը շարունակելով իր հանցավոր դիտավորությունը` մոտեցել է վթարված մեքենային, բացել առջևի ձախ դուռը, մեքենայից քաշելով հանել է վարորդ Հ.Բաղդասարյանին, գցել գետնին, ինքնաձիգի խզակոթով հարվածներ հասցրել նրա գլխին, այնուհետև բացելով ավտոմեքենայի առջևի աջ դուռը, գոտկատեղում կրած ատրճանակից ստուգողական կրակոցներ է արձակել Հ.Մաթևոսյանի գլխին, որից հետո նստելով իրեն սպասող Հայկազ Հակոբյանի մեքենան` վերջինիս հետ միասին դիմել են փախուստի:
Վերը նշված արարքների համար Հայկազ Հակոբյանին մեղադրանք է առաջադրվել ՀՀ քր. օր-ի 38-104 հոդվածի 2-րդ մասի 6-րդ կետով, 38-112 հոդվածի 1-ին մասով և 235 հոդվածի 2-րդ մասով:
Առաջադրված մեղադրանքում Հայկազ Հակոբյանը իրեն մեղավոր չի ճանաչել, այն է` մեղադրանքում նշված արարքն ինքը չի կատարել, տեղեկություն չի ունեցել Հ.Դավթյանի կողմից ապօրինի զենք և զինամթերք ձեռք բերելու, պահելու, կրելու մասին, նախնական համաձայնություն չի եղել դիտավորությամբ հանցագործություն կատարելու վերաբերյալ պատճառաբանելով, որ մեղադրանք առաջադրելու որոշման մեջ նկարագրվածը չի համապատասխանում իր կողմից կատարած արարքին և դեպքի կապակցությամբ տրված ցուցմունքով հայտնել է, որ 2008թ. հոկտեմբերի 26-ին ինքը հորեղբոր որդի Հայկ Դավթյանի, իրեն ծանոթների և բանվորների հետ գնացել են հանգուցյալ Ս.Դավթյանի գերեզմանոց և կատարել են վերանորոգման աշխատանքներ: Այդ օրը գերեզմանոց է գնացել իր անձնական օգտագործման ՙՆիսան-Տիդա՚ մակնիշի 02 ՍՍ 055 պետ. համարանիշի ավտոմեքենայով: Գերեզմանոցում գտնվելու ժամանակ իր հորեղբոր որդի Հայկ Դավթյանը իր ավտոմեքենայով երկու անգամ միյայնակ տեղ է գնացել ու եկել: Ժամը 14:00-ի սահմաններում, սննդամթերք գնելու և բանվորներին կերակրելու նպատակով իր վերը նշված մեքենայով, որը վարել է ինքը, ուղևորվել են Կոմիտասի շուկա: Գրիբոյեդովի և Կոմիտասի փողոցների հատման խաչմերուկում աջ կողմից իրենց է հավասարվել ՙՎազ-2121՚ մակնիշի 83 ՏՍ 888 պ/հ ավտոմեքենան և այդ պահին վարորդի դռան ապակին կիսով չափ իջեցնելուց հետո նկատել է Հրաչյա Մաթևոսյանին, որը ատրճանակն ուղղել է իրենց վրա և կրակել, ավելի կոնկրետ Հայկի վրա, քանի որ հոր սպանությունից հետո նրանց հարաբերությունները լարված են եղել: Ավտոմեքենան գտնվել է դանդաղ ընթացքի մեջ, ուստի գնդակը իրենց չի կպել, այն կպել է ավտոմեքոնայի աջ կողմի վերին մասին: Այդ պահին Հայկը ավտոմեքենայի հետևի ձախ մասից ամիջապես վերցրել է այնտեղ պահված ինքնաձիգը և մի պահ նկատել է, որ ՙՎազ-2121՚ մակնիշի 83 ՏՍ 888 պ/հ ավտոմեքենան փորձում է փակել իրենց ավտոմեքենայի առջևը: Տեսնելով այդ Հայկի առաջարկությամբ ամեն գնով չի թողել, որ վերջիններս փակեն ավտոմեքենայի առջևը: Այնուհետև, ՙՎազ-2121՚ մակնիշի 83 ՏՍ 888 պ/հ ավտոմեքենան ձախ թևով մտել է շենքերի բակ, իրենք էլ են նրանց հետևից մտել: Ընթացքի ժամանակ Հայկը ավտոմեքենայի առջևի աջ դռան պատուհանից` մարմնի կեսի չափով դուրս գալով, ինքնաձիգից կրակահերթ է արձակել առջևից ընթացող ՙՎազ-2121՚ մակնիշի 83 ՏՍ 888 պ/հ ավտոմեքենայի վրա, որի արդյունքում նշված ավտոմեքենան բախվել է դիմացի առանձնատան ցանկապատին ու կանգնել: Իրենք նույնպես կանգնել են ավտոմեքենայի մոտ 5 մետր հեռավորության վրա: Ինքը մնացել է ավտոմեքենայի մեջ, իսկ Հայկը ինքնաձիքը ձեռքին իջել է ավտոմեքենայից: Վերջինս մոտենալով ՙՎազ-2121՚ մակնիշի 83 ՏՍ 888 պ/հ ավտոմեքենայի աջ կողմին, դուռը բացել է և շրջանցել մեքենան, իսկ այդ պահին վարորդ Հ.Բաղդասարյանը ընկել է գետնին: Հայկը ինքնաձիգը ձեռքին անցել է ավտոմեքենայի աջ կողմ և այդ պահին լսել է ատրճանակի մի քանի կրակոցներ: Այնուհետև, Հայկը ինքնաձիգը ձեռքին հետ է վերադարձել մեքենա և միասին ավտոմեքենայով շարժվել են Կոմիտասի պողոտայի ուղղությամբ: Հասնելով Քանաքեռ թաղամասի սկզբնական մասը Հայկը ինքնաձիգը վերցնելով ավտոմեքենայից դուրս է եկել:
Դատաքննության ընթացքում Հայկազ Հակոբյանը և Հայկ Դավթյանը հայտնեցին, որ իրենք հաստատապես համոզված լինելով, որ Հրաչ Մաթևոսյանի կազմակերպմամբ և նրա անմիջական մասնակցությամբ է կատարվել Սայադ Դավթյանի սպանությունը, Հ.Դավթյանը վրեժ է լուծել և սպանել է Հրաչ Մաթևոսյանին:
Բացի այդ նրանք պնդեցին, որ դեպքի օրը առաջինը Հ.Մաթևոսյանն է իր մոտ եղած ատրճանակից կրակել իրենց վրա, որը սակայն իրենց չի կպել, այլ կպել է ՙՆիսան-Տիդա՚ ավտոմեքենայի աջ կողմի ՙՍտոյկայի՚ վերին մասին, Հայկն էլ սպանել է Հրաչին, որպեսզի վերջինս իրենց չսպանի:
Հայկ Դավթյանը ճանապարհին ատրճանակը քանդել և դեն է նետել ինչ որ ջրափոսի մեջ: Դեպքից երկու օր անց կամովին ներկայացել է քննության` ներկայացնելով ատրճանակն ու ինքնաձիգը:
Ամբաստանյալ Հ.Հակոբյանի այն պատճառաբանությունները, որ ներկայացված մեղադրանքում նկարագրվածը չի համապատասխանում իր կողմից կատարած արարքին, չի բխում գործով ձեռք բերված ապացույցներից, նրա կատարած արարքը հիմնավորվել է ինչպես իր իսկ ցուցմունքներով, այնպես էլ քրեական գործով ձեռք բերված հետևյալ ապացույցներով.
Մեղադրյալ Հայկ Սամվելի Դավթյանի նույնաբովանդակ ցուցմունքներով /Հատոր 1-ին, գ.թ. 64-68, 111, 151, հատոր 2-րդ գ.թ. 193-268-269, հատոր 3-րդ գ.թ. 42, 159, 187-191:
Տուժող Հարություն Բաղդասարի Բաղդասարյանի ցուցմունքներով այն մասին, որ 2008թ. հոկտեմբերի 26-ին ժամը 14:00-ի սահմաններում նախնական պայմանավորվածության համաձայն, իր անձնական օգտագործման ՙՎազ-2121՚ մակնիշի 83 ՏՍ 888 պ/հ ավտոմեքենայով, իր ընկեր Հրաչյա Մաթևոսյանի հետ Քանաքեռից գնացել են Երևանի Կոմիտաս 48ա շենք, որտեղ իրենց է սպասել իրենց ընկեր Սուրեն Եղիազարյանը: Պայմանավորվածության համաձայն, Սուրենին վերցնելուց հետո միասին պետք է գնային վերջինիս աներոջ ամառանոց, որը գտնվում է Աշտարակի Նազրվան գյուղում: Անցնելով ՙԾարավ Աղբյուր՚ կոչվող փողոցով շարժվել են դեպի Թբիլիսյան խճուղի և ՙԵրազ՚ գործարանի մոտով թեքվել աջ: Այնուհետև, Գրիբոյեդովի փողոցից դուրս են եկել Կոմիտաս պողոտա, նշված հատվածում մոտ 20մ հեռավորությունից նկատել է, որ իրենց հետևից գալիս է ՙՆիսան Տիդա՚ մակնիշի ավտոմեքենա և ճանաչել է, որ այդ ավտոմեքենան Սայադ Դավթյանի որդու Հայկազի ավտոմեքենան է: Հասնելով ՙԴայանա՚ հագուստի խանութի դիմաց գտնվող ՙՄիլենա՚ խանութի մոտ ձախ է թեքվել և մտել Վրացական 2-րդ նրբանցք, որպեսզի մոտենա իր ընկեր Սուրենեց` թիվ 48ա շենքին: Մի քանի մետր տարածություն անցնելով լսել է ինքնաձիգի կրակոցի ձայներ և ավտոմեքենայի ետնամաս նայող հայելիով նկատել է, որ ՙՆիսան Տիդա՚ ավտոմեքենայի առջևի աջ դռան պատուհանից մարմնի կեսով չափ դուրս եկած վիճակում Հայկը ինքնաձիգը ձեռքին կրակահերթեր է արձակել իրենց վրա: Գնդակներից մեկը կպել է իր գոտկատեղի հետևի մասին և զգալով, որ Հայկը իրենց վրա է կրակում, ավտոմեքենայի արագությունը ավելի է զարգացրել, որպեսզի կարողանա փախուստի դիմել: Սակայն իր ընկեր Սուրենենց շենքի մոտ, արդեն իսկ վիրավորված վիճակում չկարողանալով կառավարել ավտոմեքենան, առջևի մասով բախվել է դիմացի առանձնատան ցանկապատին ու կանգնել և կորցրել գիտակցությունը: Հիվանդանոց տեղափոխվելուց հետո գիտակցության գալով տեղեկացել է, որ Հ.Մաթևոսյանը կրակոցներից մահացել է: Միաժամանակ նշել է նաև, որ Հ.Դավթյանի և Հ.Հակոբյանի այն պատճառաբանությունները, թե իբր դեպքի օրը իրենք Գրիբոյեդով և Կոմիտաս փողոցների խաչմերուկում իր կողմից վարած ՙՆիվա՚ մակնիշի ավտոմեքենայով հարվածել են ՙՆիսան Տիդա՚ մակնիշի ավտոմեքենային և ավտոմեքենայի աջ պատուհանից Հրաչյա Մաթևոսյանը կրակել է Հայկի վրա` ճիշտ չէ, չի համապատասխանում իրականությանը, քանի որ հետապնդողը ոչ թե իրենք են եղել, այլ Հ.Հակոբյանը և Հ.Դավթյանը:
Գործով վկա Բաղդասար Աղասու Բաղդասարյանի ցուցմունով այն մասին, որ 26.10.2008թ. ժամը 14:00-ի սահմաններում, ինքը իր հարսի հետ միասին դուրս է եկել տանից գնումներ կատարելու` 27.10.2008թ. իր ծննդյան օրվա կապակցությամբ: ՙԵրազ՚ գործարանի դիմացի ճանապարհով երթևեկելիս նկատել է հանդիպակած ուղղությամբ ընթացող` իր որդու ավտոմեքենան և այդ պահին ինքը հարսից տեղեկացել է, որ Հարությունը հրավիրված է Աշտարակ` ընկերների հետ ժամանակ անցկացնելու: Հարսին տուն իջեցնելուց հետո, մոտ 15 րոպե անց վերջինս իրեն է զանգահարել և հայտնել, որ շտապ գնա ՙՄիքայելյանի՚ անվան ԲԿ: Հիվանդանոցի վերակենդանացման բաժանմունքում տեղեկացել է, որ որդու գոտկատեղում առկա է հրազենային վնասվածք: Իր այն հարցին թե ով է ՙխփել՚, որդին պատասխանել է, որ Սայադի եղբոր որդին` Հայկը:
Վկա Սուրեն Խաչիկի Եղիազարյանի ցուցմունքով այն մասին, որ 26.10.2008թ. ժամը 10-ից 11:00-ի սահմաններում զանգահարել է իր ուսանողական ընկերոջը` Հրաչյա Մաթևոսյանին, ընկեր Հարություն Բաղդասարյանին և առաջարկել վերջիններիս գնալ Աշտարակ, Նազրվան գյուղ` գառ ուտելու: Համաձայն պայմանավորվածության, ինքը ժամը 13:00-ի սահմաններում, ավտոշուկայից շուտ վերադարձել է տուն և սպասել նրանց: Ժամը 14:00-ի սահմաններում կրկին զանգահարել է նրանց և Հարությունը պատասխանել է, որ Հրաչի հետ ճանապարհին են, քիչ հետո կհասնեն: Հարությունի հետ խոսելուց հետո, 15-20 րոպե անց, շենքի բակից լսել է կրակոցի ձայներ և չհասկանալով, թե ինչ է կատարվում, դուրս է եկել բակ, որտեղ էլ տեսել է շենքի բնակիչներին, որոնք վազելով մոտեցել են շենքի առաջին մուտքին: Ինքը նույնպես մոտենալով տեսել է, որ մուտքի դիմաց գտնվող առանձնատան ցանկապատին բախվել է Հարությունի կողմից վարած ՙՎազ-2121՚ մակնիշի 83 ՏՍ 888 պ/հ ավտոմեքենան: Մոտենալով ավտոմեքենային տեսել է Հարությունին ավտոմեքենայի ձախ կողմում գետնին ընկած և գոտկատեղի մասը եղել է արնաշաղախ վիճակում: Այդ պահին Հարությունը ոչինչ չի խոսել, բացառությամբ հայտնելով, որ իրեն փրկեն: Այնուհետև մոտենալով ավտոմեքենայի աջ մասին տեսել է Հրաչյային վարորդի աջ կողմում նստած, մահացած վիճակում` գլուխը թեքված վարորդի կողմը: Տեսել է նաև, որ ավտոմեքենայի նստատեղի պաստառները և տանիքը այրվում է և հավաքված մարդկանց օգնությամբ հաջողվել է կանխել հրդեհը: Մի քանի րոպե անց դեպքի վայր է եկել շտապօգնության մեքենան և Հարությունին տեղափոխել են հիվանդանոց, իսկ ինքը վատ զգալով կատարվածից` թողել հեռացել է:
Դեպքի վայրի` Կոմիտաս 48ա շենքի մոտ գտնված վկաներ Փայլակ Ստաֆի Դիլանյանի, Գոհար Գուրգենի Ալիխանյանի, Սոնա և Աննա Եսայանցների, Հրայր և Մարինե Պողոսյանների, Լիաննա Պողոսյանի, Քրիստինե Վարդանի Սիմոնյանի, Արթուր Գևորգյանի նույնաբովանդակ ցուցմունքներով:
Վկա Քնարիկ Հմայակի Չիթչյանի տված ցուցմունքներով այն մասին, որ 26.10.2008թ. ժամը 14:00-ի սահմաններում, ինքը դուրս է եկել տանից և գնացել հիվանդանոց բուժում ստանալու: Այդ պահին իր որդին` Հրաչը գտնվել է տանը: Վերջինս տեղեկացել է, որ նա հրավիրված է Աշտարակի Նազրվան գյուղ` ընկերների հետ ժամանակ անցկացնելու և մի քանի րոպեից դուրս պետք է գա տանից: Հիվանդանոց հասնելուց հետո, երբ զանգահարել է տուն հարսը` Աննան, իրեն տեղեկացրել է, որ շտապ տուն գա: Տուն հասնելուն պես տեղեկացել է, որ իր որդուն` Հրաչին վերջինիս ընկեր Սուրեն Եղիազարյանենց տան մոտ սպանել են: Միաժամանակ հայտնել է, որ Հրաչը եղել է իր ընկերոջ Հարութի հետ միասին` վերջինիս ՙՆիվա՚ ավտոմեքենայով: Հայտնել է նաև, որ 2007թ. հոկտեմբերի 8-ին տեղի ունեցած Սայադ Դավթյանի սպանությունից հետո վերջինիս հարազատները կասկածել են իր որդուն` Հրաչին, սակայն նա ոչ մի կապ չի ունեցել այդ սպանության հետ:
Վկաներ Հրայր և Մարինե Պողոսյանների անունից մեղադրական եզրակացությունում զետեղված ցուցմունքի այն հատվածը թե, իբր վերջիներս տեսել են թե ինչպես մի տղամարդ սև գույնի սպորտային մարզահագուստով, սև մազերով սպորտային կազմվածքով ավտոմատը ձեռքին նստել է արտասահմանյան ավտոմեքենայի վարորդի կողքին, որը բակից շրջադարձ կատարելով գնացել է կոմիտասի պողոտայի ուղղությամբ, չհաստատվեց դատաքննության ընթացքում, դեռ ավելին նման հանգամանք նշված չէր նաև նրանց նախաքննական ցուցմունքներով:
Հայկազ Հակոբյանի մեղքը ապացուցվել է նաև դեպքի վայրի զննության արձանագրությամբ, ՙՄիքայելյանի՚ անվան բժշկական կենտրոնի ընդունարանի կրիմինալ մատյանի զննության արձանագրությամբ, դատաբժշկական փորձագետի թիվ 1777/հ եզրակացությամբ, դատաձգաբանական փորձաքննության թիվ 2446 և թիվ 2421 եզրակացություններով, ապրանքագիտական փորձաքննության թիվ 43430810 եզրակացությամբ, դատաբժշկական փորձաքննության թիվ 988 եզրակացությամբ, դատահրդեհատեխնիկական փորձաքննության թիվ 42950804 եզրակացությամբ:
Իրեղեն ապացույց ճանաչված և դեպքի վայրից հայտնավերված 33 հատ պարկուճներով, ատրճանակի 6 հատ պարկուճներով, 3 գնդակներով, Հ.Դավթյանի ներկայացրած 44621 համարի ինքնաձիգով և ԼՍ 4107 համարի ատրճանակով, առգրավված Հ.Բաղդասարյանի և Հ.Մաթևոսյանի հագուստներով, ՙՎԱԶ 2121՚ մակնիշի 83 ՏՍ 888 պ/հ ավտոմեքենայով և ՙՆիսան Տիդա՚ մակնիշի 02 ՍՍ 055 պ/հ ավտոմեքենայով:
Դատահոգեբուժական փերձաքննության թիվ 43450803 եզրակացությամբ, ինչպես նաև փորձաքննության ներկայացված հագուստներով, ձգաբանության և պայթունատեխնիկական փորձաքննության եզրակացությամբ:
Այսպիսով, դատարանը հետազոտելով գործով ձեռքբերված բոլոր ապացույցները, համադրելով դրանք և տալով դրանց քրեա-իրավական գնահատական հանգում է այն հետևության, որ ամբաստանյալ Հայկազ Հակոբյանին մեղսագրված արարքը լիովին ապացուցվել է:
Դատարանը քննության առնելով ամբաստանյալի նկատմամբ նշանակվող պատժի հարցը հաշվի է առել ինչպես արարքի բնույթն ու վտանգավորության աստիճանը, այնպես էլ նրա անձը, պատասխանատվությունը մեղմացնող և ծանրացնող հանգամանքները:
Անձը բնութագրող հանգամանք դատարանը հաշվի է առել այն, որ նա երիտասարդ է, վատառողջ, բնութագրվել է դրական, ամուսնացած է խնամքին ունի 3 անչափահաս երեխա և չաշխատող կին:
Պատասխանատվությունը մեղմացնող ծանրացնող հանգամանք դատարանը չի գտել:
Հայկազ Հակոբյանի նկատմամբ նախաքննության ընթացքում և դատարանում նշանակվել է դատաբժշկական փորձաքննություն և համաձայն տրված փորձագիտական եզրակացությունների նա ազատազրկման ձևով պատիժ չի կարող կրել:
Համաձայն ՀՀ քր. դատ. օր-ի 431 հոդվածի 1-ին կետի, ազատազրկման դատապարտված անձի նկատմամբ դատական որոշման կատարումը որոշում կայացրած դատարանը կարող է հետաձգել, եթե առկա է հետևյալ հիմքերից մեկը`
1. դատապարտյալի ծանր հիվադությունը, որը խոչընդոտում է պատիժը կրելուն` մինչև նրա առողջանալը:
Այդ դրույթով դատապարտյալի նկատմամբ նշանակված պատժի կատարումը հետաձգվում է մինչև նրա առողջանալը, այսինքն այդ վերաբերվում է օրինական ուժի մեջ մտած դատական ակտով դատապարտյալի նկատմամբ պատժի կատարման փուլին, այն է դատական ակտի կատարման փուլին:
Հետևապես, այդ հարցին դատարանը կանրադառնա ՀՀ քր. դատ. օր-ի 431 հոդվածի 1-ին մասով սահմանված կարգով:
Քննության առնելով քաղ. հայցի հարցը դատարանը գտավ, որ այդ հարցը պետք համարել լուծված, քանի որ տուժողի իրավահաջորդը և տուժողը որևէ պահանջ չեն ներկայացրել:
Վերլուծելով վերը նշվածը դատարանը եկավ այն համոզման, որ ամբաստանյալ Հայկազ Հակոբյանի ուղղումն ու վերադաստիարակումը հնարավոր է միայն ազատազրկման ձևով պատիժ կրելով, որն էլ կծառայի իր նպատակին և կվերականգնվի նաև սոցիալական արդարությունը:
Ելնելով վերոգրյալից և ղեկավարվելով ՀՀ քր. դատ. օր-ի 357-360 հոդվածներով դատարանը


Վ Ճ Ռ Ե Ց

Ամբաստանյալ Հայկազ Ռաֆիկի Հակոբյանին մեղավոր ճանաչել ՀՀ քր.օր-ի 38-104 հոդվածի 2-րդ մասի 6-րդ կետով, 38-112 հոդվածի 1-ին մասով և 235 հոդվածի 2-րդ մասով:
ՀՀ քր.օր-ի 38-104 հոդվածի 2-րդ մասի 6-րդ կետով նրան դատապարտել ազատազրկման 8 /ութ/ տարի ժամկետով:
ՀՀ քր.օր-ի 38-112 հոդվածի 1-ին մասով նրան դատապարտել ազատազրկման 3 /երեք/ տարի ժամկետով:
ՀՀ քր.օր-ի 235 հոդվածի 2-րդ մասով նրան դատապարտել ազատազրկման 2 /երկու/ տարի ժամկետով:
ՀՀ քր. օր-ի 66 հոդվածի կանոններով Հայկազ Ռաֆիկի Հակոբյանի նկատմամբ վերջնական պատիժ նշանակել ազատազրկում 9 /իննը/ տարի ժամկետով:
Ընտրված խափանման միջոց կալանքը թողնել անփոփոխ մինչև սույն դատավճռի օրինական ուժի մեջ մտնելը:
Պատժի սկիզբը հաշվել 26.11.2008թ-ից:
Իրեղեն ապացույց ճանաչված ՙՎազ 2121՚ մակնիշի 83 ՏՍ 888 պ/հ ավտոմեքենայի հարցը համարել լուծված:
Իրեղեն ապացույց ճանաչված ՙՆիսան Տիդա՚ մակնիշի 02 ՍՍ 055 պ/հ ավտոմեքենան վերադարձնել սեփականատիրոջը:
Իրեղեն ապացույց ճանաչված ատրճանակը և ինքնաձիգը թողնել ՀՀ ոստիկանության ՓՔՎ տնօրինությանը, իսկ պարկուճնռրը և գնդակները` ոչնչացնել:
Դատավճիռը կարող է բողոքարկվել ՀՀ քրեական վերաքննիչ դատարան այն հրապարակելուց հետո մեկամսյա ժամկետում:



ԴԱՏԱՎՈՐª Ս.ՂԱԶԱՐՅԱՆ