գործ No ԵԱՔԴ 0141/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Ա. Շահազիզյանի
ամբաստանյալ` Ռ. Ասատրյանի
պաշտպան` Մ. Բաբայանի

2009թ. նոյեմբերի 02-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Ռոման Գարեգինի Ասատրյանի, ծնված 12.04.1985թ. Երևան քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, զինապարտ, ֆիզիկապես առողջ, ամուրի, խնամքին ոչ ոք, նախկինում դատված չի եղել, աշխատում է Երևանի Հ.Ղափլանյանի անվան դրամատիկական թատրոնում` որպես բեմի մեքենավար, հաշվառված և բնակվում է Կոտայքի մարզի Հացավան գյուղի 1-ին փողոցի 2-րդ նրբ. 4-րդ տանը:
Մեղադրվում է ՀՀ քրեական օրենսգրքի 268 հոդվածի 1-ին մասով:

Պ Ա Ր Զ Ե Ց

1.Գործի դատավարական նախապատմությունը.
2009թ. սեպտեմբերի 23-ին Քանաքեռ-Զեյթուն քննչական բաժնի կողմից հարուցվել է թիվ 09117609 քրեական գործը:
2009թ. սեպտեմբերի 29-ին Ռոման Գարեգինի Ասատրյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով:
2009թ. սեպտեմբերի 29-ին Ռոման Ասատրյանի նկատմամբ որպես խափանման միջոց է ընտրվել ստորագրություն չհեռանալու մասին:
2009թ. հոկտեմբերի 07-ին թիվ 09107609 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
2009թ. հոկտեմբերի 08-ին քրեական գործը վարույթ է ընդունվել և նշանակվել դատաքննության 2009թ. հոկտեմբերի 23-ին:
2.Գործի փաստական հանգամանքները.
Նախաքննության մարմինն ամբաստանյալ Ռոման Գարեգինի Ասատրյանին մեղադրանք է առաջադրել հետևյալ արարքի համար.
Ռոման Ասատրյանը 2009թ. սեպտեմբերի կեսերին, Ճամբարակ քաղաքից դեպի զորամաս տանող ճանապարհին գտնվող կամրջի մոտից, առանց իրացնելու նպատակի, իր անձնական օգտագործման համար, ապօրինի ձեռք է բերել մարիխուանա տեսակի թմրամիջոցի կանաչ զանգված, որը տեղափոխել է իր բնակության վայր հանդիսացող` Կոտայքի մարզի Հացավան գյուղ, չորացրել ու ապօրինի պահել է իր մոտ: 2009թ. սեպտեմբերի 22-ին, ժամը 18-ի սահմաններում, Երևանի ՙՀաղթանակ՚ զբոսայգում գտնվող ՙԱրագիլ՚ ռեստորանի մոտ դրա մի մասը ծխելու միջոցով օգտագործել է: Այդ ընթացքում նրան են մոտեցել ՀՀ ոստիկանության Երևան քաղաքի վարչության ՊՊԾ գնդի 6-րդ վաշտի աշխատակիցները և տարել ոստիկանության Քանաքեռ-Զեյթունի բաժին, որտեղ անձնական խուզարկությամբ նրա մոտից հայտնաբերվել և առգրավվել է զգալի չափերի հասնող 1.67 գրամ քաշով չորացված մարիխուանա տեսակի թմրամիջոցը:
3. Արագացված դատական քննություն .
Մինչև դատաքննությունն սկսելն ամբաստանյալ Ռոման Ասատրյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Մ.Բաբայանը:
Մեղադրող Ա.Շահազիզյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռոման Գարեգինի Ասատրյանին առաջադրված մեղադրանքը ՀՀ քրեական օրենսգրքի 268 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 268 հոդվածի 1-ին մասի հատկանիշներին և արարքի որակումը ճիշտ է:
Ռոման Գարեգինի Ասատրյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, աջակցել է հանցագործության բացահայտմանը, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Նման պայմաններում դատարանը հնարավոր է համարում Ռոման Ասատրյանի ուղղումն առանց հասարակությունից մեկուսացնելու և պայմանականորեն պատիժը չկիրառելու միջոցով:
Դատարանն անդրադառնալով իրեղեն ապացույցների տնօրինման հարցին, գտնում է, որ գործով իրեղեն ապացույց ճանաչված` 1.67 գրամ քաշով չորացված մարիխուանա տեսակի թմրամիջոցը պետք է ոչնչացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց

Ռոման Գարեգինի Ասատրյանին մեղավոր ճանաչել ՀՀ քրեական օրենսգրքի 268 հոդվածի 1-ին մասով և նրան դատապարտել կալանքի երկու (2) ամիս ժամկետով:
Կիրառել ՀՀ քրեական օրենսգրքի 70 հոդվածը և Ռոման Գարեգինի Ասատրյանի նկատմամբ կալանքի ձևով նշանակված պատիժը պայմանականորեն չկիրառել` սահմանելով փորձաշրջան մեկ (1) տարի ժամկետով:
Փորձաշրջանի սկիզբը հաշվել դատավճռի հրապարակման օրվանից:
Ռոման Գարեգինի Ասատրյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված` 1.67 գրամ քաշով չորացված մարիխուանա տեսակի թմրամիջոցը ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` Լ. ԱՎԵՏԻՍՅԱՆ