ԵԱՔԴ 0137/01/09





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


15.10.2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Հ.Ավագյանի
մասնակցությամբ`
մեղադրողª Ա.Շահազիզյանի
պաշտպան` Մ.Թովմասյանի

Դռնբաց դատական նիստում քննության առավ քր.գործն ըստ մեղադրանքի
Արմեն Էդվարդի Գալստյանի, ծնված 19.12.1963թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 3 անձ, դերձակ, նախկինում չդատված, հաշվառված է ք.Երևան Հ.Էմինի 148 տանը: Սույն գործով կալանքի տակ է եղել 1 /մեկ/ ամիս 19 /տասնինը/ օր:

Ամբաստանվում է ՀՀ քր.օր-ի 258 հոդվածի 3-րդ մասի 2-րդ կետով այն բանի համար, որ նա կնոջ` Մ.Կիչինյան և ընկերների, ինքնությունը չպարզված ոմն Ռաֆիկի և Գոռի հետ, 2002թ. օգոստոսի 20-ին, ժամը 21-ի սահմաններում, Երևանի Հ.Էմին փող. 148 տան բակում, կոպիտ կերպով խախտելով հասարակական կարգն ու բացահայտ անհարգալից վերաբերմունք ցուցաբերելով հասարակության նկատմամբ, դիմադրել է հասարակական կարգի խախտումը խափանող անձին` Լուսինե Ներսիսյանին, շուրջ 10 րոպե տևողությամբ բարձրաձայն տվել են սեռական բնույթի հայհոյանքներ և ծեծի են ենթարկել Կ.Հովհաննիսյանին և Լ.Ներսիսյանին, որի ժամանակ Կ.Հովհաննիսյանի առողջությանը պատճառվել են առողջության կարճատև քայքայում չառաջացնող մարմնական վնասվածքներ:
Վերը նշված արարքի համար Արմեն Գալստյանին մեղադրանք է առաջադրվել ՀՀ քր. օր-ի 258 հոդվածի 3-րդ մասի 2-րդ կետով, որում նա իրեն մեղավոր է ճանաչել լիովին և խորհրդակցելով պաշտպանի հետ, միջնորդեցին դատարանին կիրառել արագացված դատաքննության կարգ, որի դեմ չառարկեց մեղադրողը:
Ամբաստանյալին բացատրվեց ՀՀ քր. դատ. օր-ի 3751-3754 հոդվածների պահանջները, նա հայտարարեց, որ օրենքը իրեն բացատրվել է, այն հասկանալի է և պնդեց իր պահանջը:
Միջնորդության դեմ մեղադրողը չառարկեց:
Արագացված դատաքննության կարգի կիրառմամբ դատարանը քննության առավ ամբաստանյալի նկատմամբ պատիժ նշանակելու հարցը:
Դատարանը Արմեն Գալստյանի անձը բնութագրող հանգամանք հաշվի է առել այն, որ նա բնութագրվում է դրական, զբաղվում է հանրօգուտ աշխատանքով նախկինում դատապարտված չի եղել, խնամքին ունի 3 անձ որոնցից 2-ն անչափահաս, ընտանիքի միակ կերակրողն է, վատառողջ է, ունի բուժման կարիք:
Պատասխանատվությունը մեղմացնող հանգամանք դատարանը հաշվի է առել այն, որ նա անկեղծորեն զղջում է կատարված արարքի համար, մեղայականով ներկայացել է վարույթն իրականացնող մարմնին:
Պատասխանատվությունը ծանրացնող հանգամանք դատարանը չի գտել:
Վերլուծելով վերը նշվածը դատարանը գտնում է, որ Արմեն Գալստյանի ուղղումն ու վերադաստիարակումը հնարավոր է տուգանքի ձևով պատիժ կրելով, որը նա պետք է կրի, որով և կվերականգնվի նաև սոցիալական արդարությունը, իսկ նշանակված պատիժը կծառայի իր նպատակին, բացի այդ համաձայն ՀՀ քր. օր-ի 13 հոդվածի, մեղմացնող օրենքը ունի հետադարձ ուժ, ուստի սույն գործով ամբաստանյալի նկատմամբ պատիժ պետք է նշանակվի մեղմ` գործող օրենքի սանկցիայի սահմաններում և իրավամբ նրան մեղսագրված արարքը նախաքննության մարմինը համապատասխանացրել է գործող օրենքին:
Ելնելով վերոգրյալից և ղեկավարվելով ՀՀ քր. դատ օր-ի 357-360 հոդվածներով, 3751-3754 հոդվածներով դատարանը

Վ Ճ Ռ Ե Ց

Ամբաստանյալ Արմեն Էդվարդի Գալստյանին մեղավոր ճանաչել ՀՀ քր. օր-ի 258 հոդվածի 3-րդ մասի 2-րդ կետով և նրան դատապարտել տուգանքի նվազագույն աշխատավարձի չորսհայուրապատիկի /400.000/ դրամի չափով :
Ընտրված խափանման միջոցը թողնել անփոփոխ մինչև սույն դատավճռի օրինական ուժի մեջ մտնելը:
Արմեն Գալստյանի համար մուծված 700.000 ՀՀ դրամ գրավը վերադարձնել այն վճարած անձին սույն դատավճիռը օրինական ուժի մեջ մտնելուց հետո:
Դատավճիռը կարող է բողոքարկվել ՀՀ քր. դատ. օր-ի 375 4 հոդվածի կարգով ՀՀ քր. վերաքննիչ դատարան, այն հրապարակելուց հետո մեկամսյա ժամկետում:


ԴԱՏԱՎՈՐª Ս.ՂԱԶԱՐՅԱՆ