գործ No ԵԱՔԴ 0134/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
մեղադրող` Ա. Աղայանի
ամբաստանյալ` Մ. Սեդոյանի
ամբաստանյալի օրինական ներկայացուցիչ` Ք. Ռաֆայելյանի
պաշտպան` Է. Աղաջանյանի
տուժողներ` Ա.Դավթյանի, Ա.Հարությունյանի,
Ն.Եղիազարյանի, Լ.Ավագյանի, Ա.Ավագյանի

2009թ. նոյեմբերի 19-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Մանուկ Անրիի Սեդոյանի, ծնված 16.07.1993թ. Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, նախկինում չդատված, չի աշխատել, բնակվել է Երևան քաղաքի Կոնդի փողոցի 9 տանը:
Մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով:

Պ Ա Ր Զ Ե Ց

1.Գործի դատավարական նախապատմությունը.
2009թ. մայիսի 23-ին ՀՀ ոստիկանության ՔԳՎ Երևանի քննչական վարչության Արաբկիրի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14115409 քրեական գործը:
2009թ. հունիսի 23-ին Մանուկ Անրիի Սեդոյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով:
2009թ. հունիսի 20-ից մինչև 2009թ. հունիսի 23-ը Մանուկ Անրիի Սեդոյանը գտնվել է արգելանքի տակ:
2009թ. հունիսի 23-ին Մանուկ Սեդոյանի նկատմամբ որպես խափանման միջոց է ընտրվել հսկողության հանձնելը:
2009թ. օգոստոսի 08-ին ՀՀ ոստիկանության ՔԳՎ Երևանի քննչական վարչության Կենտրոնի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 13137809 քրեական գործը:
2009թ. օգոստոսի 13-ին Մանուկ Սեդոյանի նկատմամբ որպես խափանման միջոց է կիրառվել կալանքը:
2009թ. օգոստոսի 15-ին թիվ 14115409 քրեական գործը միացվել է թիվ 13137809 քրեական գործին և վարույթը շարունակվել է 13137809 համարով:
2009թ. սեպտեմբերի 30-ին Մանուկ Անրիի Սեդոյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով:
2009թ. հոկտեմբերի 06-ին թիվ 13137809 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2009թ. հոկտեմբերի 06-ին քրեական գործն ընդունվել է վարույթ և նշանակվել դատաքննության 2009թ. հոկտեմբերի 22-ին:
2.Գործի փաստական հանգամանքները.
Նախաքննության մարմինն անչափահաս ամբաստանյալ Մանուկ Անրիի Սեդոյանին մեղադրանք է առաջադրել հետևյալ արարքի համար.
Մանուկ Սեդոյանը 2009թ. մայիսի 03-ին, ժամը 0500-ի սահմաններում, մուտքի դռան ապակին կոտրելու եղանակով, ապօրինի մուտք է գործել Երևան քաղաքի Սարյան փողոցի 18/1 հասցեում գտնվող Նորայր Ղուկասի Եղիազարյանին պատկանող խանութ և գաղտնի հափշտակել տարբեր տեսակի ծխախոտներ, ալկոհոլային խմիչքներ, 3000 ՀՀ դրամ և բանջարեղեն, Նորայր Եղիազարյանին պատճառելով զգալի չափերի` 120.000 ՀՀ դրամ ընդհանուր գումարի նյութական վնաս:
Դրանից հետո, կրկին անգամ, Մանուկ Սեդոյանը 2009թ. մայիսի 18-ին, ժամը 0300-ի սահմաններում, մուտքի դռան ապակին և ճաղավանդակը կոտրելու եղանակով, ապօրինի մուտք է գործել Երևան քաղաքի Տիգրան Մեծ պողոտայի 12 հասցեում գտնվող Արմեն Վրեժի Հարությունյանին պատկանող բանջարեղենի խանութ և գաղտնի հափշտակել տարբեր տեսակի ծխախոտներ, մաստակներ և 15.000 ՀՀ դրամ կանխիկ գումար, Արմեն Հարությունյանին պատճառելով զգալի չափերի` 400.000 ՀՀ դրամ ընդհանուր գումարի նյութական վնաս:
2009թ. մայիսի 23-ին ժամը 0400-ի սահմաններում, կրկին անգամ, մուտքի դռան ապակին կոտրելու եղանակով, ապօրինի մուտք է գործել Երևան քաղաքի Պռոշյան փողոցի 1 հասցեում գտնվող ՙԱզատ Դավթյան՚ Ա/Ձ-ին պատկանող կրպակ և գաղտնի հափշտակել 150 տուփ տարբեր ծխախոտներ, տարբեր տեսակի երշիկներ և 25.000 ՀՀ դրամ կանխիկ գումար, ՙԱզատ Դավթյան՚ ՍՊԸ-ին պատճառելով զգալի չափերի` 200.000 ՀՀ դրամ ընդհանուր գումարի նյութական վնաս:
2009թ. մայիսի 30-ին, ժամը 0300-ի սահմաններում, կրկին անգամ, մուտքի դռան ճաղավանդակը կոտրելու եղանակով, ապօրինի մուտք է գործել Երևան քաղաքի Թումանյան փողոցի 31 հասցեում գտնվող ՙՍԱՍ՚ սուպերմարկետին պատկանող պահեստարան և գաղտնի հափշտակել տարբեր տեսակի մրգեր և բանջարեղեն, ՙՍԱՍ՚ սուպերմարկետին պատճառելով զգալի չափերի` 95.000 ՀՀ դրամ ընդհանուր գումարի նյութական վնաս: 2009թ. հունիսի 05-ին, ժամը 0500-ի սահմաններում, կրկին անգամ, Մանուկ Սեդոյանը մուտքի դռան ապակին կոտրելու եղանակով, ապօրինի մուտք է գործել Երևան քաղաքի Ագանթանգեղոսի փողոցի թիվ 1 հասցեում գտնվող Սևակ Փայլակի Ավագյանին պատկանող ժամացույցների վերանորոգման կետ և գաղտնի հափշտակել 15 հատ տարբեր տեսակի ժամացույցներ, Սևակ Ավագյանին պատճառելով զգալի չափերի` 350.000 ՀՀ դրամ ընդհանուր գումարի նյութական վնաս:
2009թ. հունիսի 10-ին, ժամը 0500-ի սահմաններում, կրկին անգամ, պատուհանը հրել բացելու եղանակով, ապօրինի մուտք է գործել Երևան քաղաքի Օրբելու փողոցի թիվ 33 հասցեում գտնվող Գրիգոր Մխիթարի Բոզոյանին պատկանող խանութ և գաղտնի հափշտակել տարբեր տեսակի ծխախոտներ, 1 շիշ օղի, 2 շիշ ՙՄարտինի՚ տեսակի խմիչք, տարբեր տեսակի մսամթերք և 35.000 ՀՀ դրամ կանխիկ գումար, Գրիգոր Բոզոյանին պատճառելով զգալի չափերի` 250.000 ՀՀ դրամ ընդհանուր գումարի նյութական վնաս:
2009թ. հունիսի 17-ին, ժամը 0500-ի սահմաններում, կրկին անգամ, մուտքի դռան ապակին կոտրելու եղանակով, ապօրինի մուտք է գործել Երևան քաղաքի Պարոնյան փողոցի 50/3 հասցեում գտնվող Արտուշ Ալեքսանի Ավագյանին պատկանող կրպակ և գաղտնի հափշտակել 3000 ՀՀ դրամ գումար, Արտուշ Ավագյանին պատճառելով` 3000 ՀՀ դրամ ընդհանուր գումարի նյութական վնաս:
2009թ. հունիսի 29-ին, ժամը 0500-ի սահմաններում, կրկին անգամ, մուտքի դռան ապակին կոտրելու եղանակով, ապօրինի մուտք է գործել Երևան քաղաքի Եզնիկ Կողբացու փողոցի 73/2 հասցեում գտնվող Արմեն Սիմոնի Թասճյանին պատկանող բանջարեղենի խանութ և գաղտնի հափշտակել 5 հատ, յուրաքանչյուրը 1000 ՀՀ դրամ արժողության լիցքավորման քարտեր և 4443.36 ՀՀ դրամին համարժեք 12 ԱՄՆ դոլար գումար, Արմեն Թասճյանին պատճառելով զգալի չափերի` 9443.36 ՀՀ դրամ ընդհանուր գումարի նյութական վնաս:
2009թ. օգոստոսի 08-ին, ժամը 0900-ի սահմաններում, կրկին անգամ, բաց տնտեսական պատշգամբով ապօրինի մուտք է գործել Լիաննա Ալբերի Ավագյանին պատկանող Երևան քաղաքի Դեմրճյան փողոցի 27 շենքի 3-րդ բնակարան և գաղտնի հափշտակել 1 հատ ոսկյա մատանի, ոսկյա ականջօղեր ՙՍամսունգ՚, ՙՆոկիա՚ և ՙԼՋ՚ ապրանքանիշի բջջային հեռախոսներ, 3960 ՀՀ դրամին համարժեք 11 ԱՄՆ դոլար գումար, Լիաննա Ավագյանին պատճառելով զգալի չափերի` 168.960 ՀՀ դրամ ընդհանուր գումարի նյութական վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Մանուկ Սեդոյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել են նաև ամբաստանյալի օրինական ներկայացուցիչ Ք.Ռաֆայելյանը և պաշտպան Է.Աղաջանյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մանուկ Անրիի Սեդոյանին առաջադրված մեղադրանքը` ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերի հատկանիշներին և արարքի որակումը ճիշտ է:
Մանուկ Սեդոյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Մանուկ Սեդոյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարածի համար, անչափահաս է, հայրը գտնվում է կալանավայրում, մայրը և տատը վատառողջ են, հանցանքը կատարել է կյանքի ծանր հանգամանքների զուգորդման հետևանքով, ինչպես նաև տուժողների խնդրանքը ամբաստանյալի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Դատարանը նկատի ունենալով, որ ամբաստանյալ Մանուկ Սեդոյանը 2009թ. հունիսի 20-ից մինչև 2009թ. հունիսի 23-ը գտնվել է արգելանքի տակ, գտնում է, որ այդ ժամկետը պետք է հաշվակցել նրա նկատմամբ նշանակված պատժի մեջ:
Նկատի ունենալով, որ տուժողներ Ազատ Խաչատուրի Դավթյանը, Արման Վրեժի Հարությունյանը, Նորայր Ղուկասի Եղիազարյանը, Լիաննա Ալբերտի Ավագյանը և Արտուշ Ալեքսանի Ավագյանը հրաժարվել են քաղաքացիական հայցի պահանջից, դատարանը գտնում է, որ նրանց քաղաքացիական հայցերի հարցը պետք է համարել լուծված:
Դատարանը գտնում է, որ դատարան չներկայացած տուժողներ Արմեն Սիմոնի Թաշչյանին, Սևակ Փայլակի Ավագյանին, Ադա Աշոտի Ասատրյանին և Գրիգոր Մխիթարի Բոզոյանին պետք է քաղաքացիական հայցի իրավունք վերապահել, քաղաքացիական դատավարության կարգով, պահանջելու հանցագործությամբ իրենց պատճառված վնասի հատուցում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը
Վ Ճ Ռ Ե Ց

Մանուկ Անրիի Սեդոյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և նրան դատապարտել ազատազրկման երկու (2) տարի ժամկետով:
Մանուկ Անրիի Սեդոյանի նկատմամբ նշանակված պատժի մեջ հաշվակցել ձերբակալման ընթացքում` 2009թ. հունիսի 20-ից մինչև 2009թ. հունիսի 23-ն արգելանքի տակ գտնված օրերը և վերջնական պատիժ նշանակել ազատազրկում մեկ (1) տարի տասնմեկ (11) ամիս քսանյոթ (27) օր ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել 2009թ. օգոստոսի 10-ից:
Մանուկ Անրիի Սեդոյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Տուժողներ Ազատ Խաչատուրի Դավթյանի, Արման Վրեժի Հարությունյանի, Նորայր Ղուկասի Եղիազարյանի, Լիաննա Ալբերտի Ավագյանի, Արտուշ Ալեքսանի Ավագյանի քաղաքացիական հայցերի հարցը համարել լուծված:
Տուժողներ Արմեն Սիմոնի Թաշչյանին, Սևակ Փայլակի Ավագյանին, Ադա Աշոտի Ասատրյանին և Գրիգոր Մխիթարի Բոզոյանին քաղաքացիական հայցի իրավունք վերապահել, քաղաքացիական դատավարության կարգով, պահանջելու հանցագործությամբ իրենց պատճառված վնասի հատուցում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ Լ.ԱՎԵՏԻՍՅԱՆ