ԵԱՔԴ/0132/01/09





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«17» նոյեմբերի 2009թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Ավետիսյան
տուժողներ Ա.Խնկոյան
Հ.Հովհաննիսյան
Ա.Հարությունյան
Ի.Չոմոյան
Գ.Բազիկյան
Ա.Ասատրյան
Վ.Պետրոսյանց
Ա.Հովսեփյան
«Մասիսի բժշկական
ուսումնարան» ՍՊԸ
տուժողի ներկայացուցիչ Պ.Հարությունյան
պաշտպան Ա.Սարգսյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Մեսրոպ Նորիկի Գասպարյանի` ծնված 1982 թվականի սեպտեմբերի 1-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին երկու անձ, չի աշխատում, նախկինում չդատապարտված, հաշվառված է Երևան քաղաքի Ն.Շենգավիթի 4-րդ փողոցի 43-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, արգելանքի տակ է 2009 թվականի մայիսի 4-ից:
Տիգրան Հրաչյայի Նիկողոսյանի` ծնված 1989 թվականի ապրիլի 16-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, չամուսնացած, չի աշխատում, նախկինում չդատապարտված, հաշվառված է Երևան քաղաքի Ն.Շենգավիթի 9-րդ փողոցի 79-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով, խափանման միջոց է ընտրվել գրավը:
1. Գործի դատավարական նախապատմությունը.
2009 թվականի մայիսի 2-ին ՀՀ ոստիկանության Քանաքեռ-Զեյթունի բաժնի հետաքննության բաժանմունքի տեսուչ Գ.Մինասյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 09151609 քրեական գործը:
2009 թվականի մայիսի 8-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09151609 քրեական գործն ընդունվել է վարույթ:
2009 թվականի հունիսի 30-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ Տիգրան Հրաչյայի Նիկողոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2009 թվականի հունիսի 30-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09151609 քրեական գործով վարույթը կասեցվել է` որպես մեղադրյալ ներգրավման ենթակա անձի գտնվելու վայրը հայտնի չլինելու հիմքով:
2009 թվականի հուլիսի 6-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09151609 քրեական գործով վարույթը վերսկսվել է:
2009 թվականի հուլիսի 6-ին ՀՀ ոստիկանության Քանաքեռ-Զեյթունի քննչական բաժնի պետ Գ.Կարապետյանի որոշմամբ թիվ 09151609 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության Քանաքեռ-Զեյթունի քննչական բաժնի քննիչներ Կ.Մկրտչյանը և Ա.Վանյանը, քննչական խմբի ղեկավար է նշանակվել Կ.Մկրտչյանը:
2009 թվականի հուլիսի 7-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ Տիգրան Հրաչյայի Նիկողոսյանին առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
2009 թվականի մայիսի 4-ին ՀՀ ոստիկանության Արաբկիրի բաժնի հետաքննության բաժանմունքի տեսուչ Ռ.Եպիսկոպոսյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14154509 քրեական գործը:
2009 թվականի մայիսի 15-ին ՀՀ ոստիկանության Արաբկիրի քննչական բաժնի քննիչ Գ.Համբարձումյանի որոշմամբ թիվ 14154509 քրեական գործն ընդունվել է վարույթ:
2009 թվականի հուլիսի 6-ին ՀՀ ոստիկանության Արաբկիրի քննչական բաժնի քննիչ Գ.Համբարձումյանի որոշմամբ թիվ 14154509 քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2009 թվականի հուլիսի 13-ին ՀՀ ոստիկանության Արաբկիրի քննչական բաժնի քննիչ Վ.Պողոսյանի որոշմամբ թիվ 14154509 քրեական գործն ընդունվել է վարույթ և քրեական գործով վարույթը վերսկսվել է:
2009 թվականի հուլիսի 15-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 14154509 քրեական գործն ընդունվել է վարույթ, միացվել թիվ 09151609 քրեական գործին և նախաքննությունը շարունակվել թիվ 09151609 համարով:
2009 թվականի մայիսի 4-ին ՀՀ ոստիկանության Կենտրոնի քննչական բաժնի քննիչ Ա.Կիրակոսյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված հանցագործության հատկանիշներով հարուցվել և վարույթ է ընդունվել թիվ 13120809 քրեական գործը:
2009 թվականի մայիսի 7-ին ՀՀ ոստիկանության Կենտրոնի քննչական բաժնի քննիչ Ա.Կիրակոսյանի որոշմամբ Մեսրոպ Նորիկի Գասպարյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով:
2009 թվականի մայիսի 2-ին ՀՀ ոստիկանության Արաբկիրի բաժնի հետաքննության բաժանմունքի տեսուչի ժամանակավոր պաշտոնակատար Վ.Բաբայանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 14154309 քրեական գործը:
2009 թվականի մայիսի 14-ին ՀՀ ոստիկանության Արաբկիրի քննչական բաժնի քննիչ Բ.Արշակյանի որոշմամբ թիվ 14154309 քրեական գործն ընդունվել է վարույթ:
2009 թվականի հունիսի 24-ին ՀՀ ոստիկանության Արաբկիրի քննչական բաժնի քննիչ Բ.Արշակյանի որոշմամբ Մեսրոպ Նորիկի Գասպարյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով:
2009 թվականի հունիսի 24-ին ՀՀ ոստիկանության Արաբկիրի քննչական բաժնի քննիչ Բ.Արշակյանի որոշմամբ թիվ 13120809 քրեական գործն ընդունվել է վարույթ, միացվել թիվ 14154309 քրեական գործին և նախաքննությունը շարունակվել թիվ 14154309 համարով:
2009 թվականի հունիսի 24-ին ՀՀ ոստիկանության Արաբկիրի քննչական բաժնի քննիչ Բ.Արշակյանի որոշմամբ Մեսրոպ Նորիկի Գասպարյանին առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ, 3-րդ և 4-րդ կետերով:
2009 թվականի հուլիսի 13-ին ՀՀ ոստիկանության Արաբկիրի քննչական բաժնի քննիչ Վ.Պողոսյանի որոշմամբ թիվ 14154309 քրեական գործն ընդունվել է վարույթ:
2009 թվականի հուլիսի 15-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 14154309 քրեական գործն ընդունվել է վարույթ, միացվել թիվ 09151609 քրեական գործին և նախաքննությունը շարունակվել թիվ 09151609 համարով:
2009 թվականի սեպտեմբերի 16-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ Տիգրան Հրաչյայի Նիկողոսյանին առաջադրված մեղադրանքը փոփոխվել, լրացվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
2009 թվականի սեպտեմբերի 17-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ Մեսրոպ Նորիկի Գասպարյանին առաջադրված մեղադրանքը փոփոխվել, լրացվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով:
2009 թվականի սեպտեմբերի 17-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09151609 քրեական գործով Վարուժան Արշալույսի Խաչատրյանի նկատմամբ քրեական հետապնդում չի իրականացվել մահացած լինելու հիմքով:
2009 թվականի սեպտեմբերի 30-ին Մեսրոպ Նորիկի Գասպարյանի և Տիգրան Հրաչյայի Նիկողոսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Մեսրոպ Նորիկի Գասպարյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով` այն արարքների համար, որ նա 2009 թվականի ապրիլի 16-ին` ժամը 20:30-ի սահմաններում, իր մոտ եղած ծակող գործիքով, դռան փականի փայտե շրջանակը վնասելու եղանակով, բացել է Ա.Խնկոյանի` Երևան քաղաքի Այգեստանի 7-րդ փողոցի 19-րդ տան մուտքի դուռը, ապօրինի մուտք է գործել տուն և այնտեղից գողացել Աղվան Վրեժի Խնկոյանին պատկանող «Սամսունգ Ռ-60» տեսակի համակարգիչը, երկու ձայնասփյուռները, մկնիկը, էլեկտրական լիցքավորման կոճը և համակարգչի պայուսակը` Ա.Խնկոյանին պատճառելով զգալի չափերի` 250.500 ՀՀ դրամ արժողության նյութական վնաս:
Բացի այդ, գողություն կատարելու համար Վարուժան Արշալույսի Խաչատրյանի և Տիգրան Հրաչյայի Նիկողոսյանի հետ նախնական համաձայնությամբ, կրկին անգամ, 2009 թվականի ապրիլի 25-ին` ժամը 03:00-ի սահմաններում, Երևան քաղաքի Ազատության պողոտայի 2-րդ շենքի մոտ կայանված «Տաքսի պլյուս» ՍՊ ընկերությանը պատկանող, Պավել Մայիսի Հարությունյանին ամրակցված, «ՎԱԶ 2107» մակնիշի Տ1974 պետհամարանիշի ավտոմեքենայի դուռը բանալիով բացելու միջոցով, սրահից բացել են բեռնախցիկը, գործիք-բանալիով քանդելու եղանակով գողացել են բեռնախցիկում տեղադրված 1.2 մ3 տարողությամբ գազի գլանանոթը` Պ.Հարությունյանին պատճառելով զգալի չափերի հասնող` 110.000 ՀՀ դրամ արժողության նյութական վնաս:
Որից հետո, 2009 թվականի ապրիլի 29-ին` ժամը 03:30-ին, Վարուժան Խաչատրյանի և Տիգրան Նիկողոսյանի հետ նախնական համաձայնությամբ, կրկին անգամ, գողացել են Երևան քաղաքի Նոր Արեշի 15-րդ փողոցի 1-ին շենքի բակում կայանված Հրաչյա Աղավարդի Հովհաննիսյանին պատկանող «ՎԱԶ 2106» մակնիշի 09ՕՍ948 պետհամարանիշի ավտոմեքենայի չորս անվադողերն` անվահեծերով` Հ.Հովհաննիսյանին պատճառելով զգալի չափերի հասնող` ընդհանուր գումարով 80.000 ՀՀ դրամ արժողության նյութական վնաս:
Նույն օրը` 2009 թվականի ապրիլի 29-ին` ժամը 03:30-ին, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, Երևան քաղաքի Նոր Արեշի 15-րդ փողոց 1-ին շենքի բակում կայանված Ակրիբազ Անդրանիկի Հարությունյանին պատկանող «ՎԱԶ 2107» մականիշի 61ՏՕ473 պետհամարանիշի ավտոմեքենայի բեռնախցիկը բանալիով բացելու եղանակով գողացել են ամբարձիչ և յոթ հատ ձկնորսական կարթեր` Ա.Հարությունյանին պատճառելով զգալի չափերի հասնող` ընդհանուր գումարով 165.000 ՀՀ դրամ արժողության նյութական վնաս:
Այնուհետև, 2009 թվականի մայիսի 1-ին` ժամը 02:30-ի սահմաններում, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, Երևան քաղաքի Մ.Ավետիսյան 4-րդ փողոցի 16-րդ շենքի բակում կայանված «Բոն Վոյաժ» տաքսի ծառայությանը պատկանող, Իոսիֆ Չոմոյանին ամրակցված, «ԶԱԶ-ՍԵՆՍ» մակնիշի 13ՏՏ104 պետհամարանիշի ավտոմեքենայի ձախ կողմի դռան ապակին իջեցնելով, սրահի ներսից բեռնախցիկը բացելու եղանակով գողացել են 1.3 մ3 տարողությամբ գազի գլանանոթը և 6.000 ՀՀ դրամ գումար` Ի.Չոմոյանին պատճառելով զգալի չափերի հասնող` ընդհանուր գումարով 116.000 ՀՀ դրամ արժողության նյութական վնաս:
Բացի այդ, 2009 թվականի մայիսի 1-ին` ժամը 04:30-ի սահմաններում, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, Երևան քաղաքի Նորաշխարհյան փողոցի 17ա շենքի բակում կայանված «Ավշարի գինու գործարան» ՍՊ ընկերությանը պատկանող, Գագիկ Հայկի Բազիկյանին ամրակցված, «Ֆոլկսվագեն» մակնիշի 942ՍԼ26 պետհամարանիշի ավտոմեքենայի ապակին կոտրելու միջոցով, մեքենայից գողացել են «Քենվուդ» ֆիրմայի ձայնագրիչը, «Գլաձոր» տեսակի 2 շիշ կոնյակ, «Ավշար» տեսակի 4 շիշ օղի և ավտոմեքենայի մարտկոցը` Գ.Բազիկյանին պատճառելով զգալի չափերի հասնող` ընդհանուր գումարով 218.500 ՀՀ դրամ արժողության նյութական վնաս:
Որից հետո, 2009 թվականի մայիսի 2-ին` ժամը 02:30-ի սահմաննեում, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, գողացել են Երևան քաղաքի Ռուբինյանց փողոցի 4ա շենքի բակում կայանված Ավետիք Սահակի Ասատրյանին պատկանող «ՎԱԶ 2107» մակնիշի 11ՍՏ417 պետհամարանիշի ավտոմեքենայի չորս անվադողերն` անվահեծերով` Ա.Ասատրյանին պատճառելով զգալի չափերի հասնող` 155.000 ՀՀ դրամ ընդհանուր գումարի գույքային վնաս:
Բացի այդ, 2009 թվականի մայիսի 2-ին` ժամը 04:30-ի սահմաններում, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, Երևան քաղաքի Օրբելի փողոցի 65-րդ շենքի բակում կայանված Վարդան Անատոլիի Պետրոսյանցին պատկանող «DABWOO NEXIA LG» (Դաբվու Նեքսիա Էլ Ջի) մակնիշի 16ՕԼ129 պետհամարանիշի տաքսի ավտոմեքենայի հետին ձախ դռան եռանկյունի ապակին կոտրելու միջոցով, գողացել են սրահում տեղադրված ուղեվարձի հաշվիչը, բեռնախցիկում գտնվող 1.3 մ3 տարողությամբ գազի գլանանոթը, պահեստային անվադողն ու ամբարձիչը և շարժիչի մարտկոցը` Վ.Պետրոսյանցին պատճառելով զգալի չափերի հասնող` ընդհանուր գումարով 350.000 ՀՀ դրամ արժողության նյութական վնաս:
Այնուհետև, 2009 թվականի մայիսի 4-ին` ժամը 03:30-ի սահմաններում, Վ.Խաչատրյանի և Տ.Նիկողոսյանի հետ նախնական համաձայնությամբ, կրկին անգամ, Երևան քաղաքի Սունդուկյան փողոցի 7-րդ շենքի բակում կայանված Արսեն Վազգենի Հովսեփյանին պատկանող «ՎԱԶ 2107» մակնիշի 16ԼԼ079 պետհամարանիշի ավտոմեքենայի բեռնախցիկը բանալիով բացելու եղանակով, գողացել են 1.2 մ3 տարողությամբ գազի գլանանոթը, պահեստային անվադողը` իր անվահեծով` Ա.Հովսեփյանին պատճառելով զգալի չափերի հասնող` ընդհանուր գումարով 200.000 ՀՀ դրամ արժողության նյութական վնաս:
Տիգրան Հրաչյայի Նիկողոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով` այն արարքների համար, որ նա իր քրոջ ամուսին Վարուժան Արշալույսի Խաչատրյանի և նրա ընկերոջ` Մովսես Նորիկի Գասպարյանի հետ նախնական համաձայնությամբ 2009 թվականի ապրիլի 25-ին` ժամը 03:00-ի սահմաններում, Երևան քաղաքի Ազատության պողոտայի 2-րդ շենքի մոտ կայանված «Տաքսի պլյուս» ՍՊ ընկերությանը պատկանող, Պավել Հարությունյանին ամրակցված, «ՎԱԶ 2107» մակնիշի Տ1974 պետհամարանիշի ավտոմեքենայի դուռը բանալիով բացելու միջոցով, սրահից բացել են բեռնախցիկը, գործիք-բանալիով քանդելու եղանակով գողացել են բեռնախցիկում տեղադրված 1.2 մ3 տարողությամբ գազի գլանանոթը` Պ.Հարությունյանին պատճառելով զգալի չափերի հասնող` 110.000 ՀՀ դրամ արժողության նյութական վնաս:
Որից հետո, 2009 թվականի ապրիլի 29-ին` ժամը 03:30-ին, Վարուժան Խաչատրյանի և Մովսես Գասպարյանի հետ նախնական համաձայնությամբ, կրկին անգամ, գողացել են Երևան քաղաքի Նոր Արեշի 15-րդ փողոցի 1-ին շենքի բակում կայանված Հրաչյա Աղավարդի Հովհաննիսյանին պատկանող «ՎԱԶ 2106» մակնիշի 09ՕՍ948 պետհամարանիշի ավտոմեքենայի չորս անվադողերն` անվահեծերով` Հ.Հովհաննիսյանին պատճառելով զգալի չափերի հասնող` ընդհանուր գումարով 80.000 ՀՀ դրամ արժողության նյութական վնաս:
Նույն օրը` 2009 թվականի ապրիլի 29-ին` ժամը 03:30-ին, Վ. Խաչատրյանի և Մ.Գասպարյանի հետ նախնական համաձայնությամբ, Երևան քաղաքի Նոր Արեշի 15-րդ փողոց 1-ին շենքի բակում կայանված Ակրիբազ Անդրանիկի Հարությունյանին պատկանող «ՎԱԶ 2107» մակնիշի 61ՏՕ473 պետհամարանիշի ավտոմեքենայի բեռնախցիկը բանալիով բացելու եղանակով գողացել են ամբարձիչը և յոթ հատ ձկնորսական կարթեր` Ա.Հարությունյանին պատճառելով զգալի չափերի հասնող` ընդհանուր գումարով 165.000 ՀՀ դրամ արժողության նյութական վնաս:
Այնուհետև, 2009 թվականի մայիսի 1-ին` ժամը 02:30-ի սահմաններում, Վ.Խաչատրյանի և Մ.Գասպարյանի հետ նախնական համաձայնությամբ, կրկին անգամ, Երևան քաղաքի Մ.Ավետիսյան 4-րդ փողոցի 16-րդ շենքի բակում կայանված «Բոն Վոյաժ» տաքսի ծառայությանը պատկանող, Իոսիֆ Թոռնիկի Չոմոյանին ամրակցված, «ԶԱԶ-ՍԵՆՍ» մակնիշի 13ՏՏ104 պետհամարանիշի ավտոմեքենայի ձախ կողմի դռան ապակին իջեցնելով, սրահի ներսից բեռնախցիկը բացելու եղանակով գողացել են 1.3 մ3 տարողությամբ գազի գլանանոթը և 6.000 ՀՀ դրամ գումար` Ի.Չոմոյանին պատճառելով զգալի չափերի հասնող` ընդհանուր գումարով 116.000 ՀՀ դրամ արժողության նյութական վնաս:
Բացի այդ, 2009 թվականի մայիսի 1-ին` ժամը 04:30-ի սահմաններում, Վ.Խաչատրյանի և Մ.Գասպարյանի հետ նախնական համաձայնությամբ, կրկին անգամ, Երևան քաղաքի Նորաշխարհյան փողոցի 17ա շենքի բակում կայանված «Ավշարի գինու գործարան» ՍՊ ընկերությանը պատկանող, Գագիկ Հայկի Բազիկյանին ամրակցված, «Ֆոլկսվագեն» մակնիշի 942ՍԼ26 պետհամարանիշի ավտոմեքենայի ապակին կոտրելու միջոցով, մեքենայից գողացել են «Քենվուդ» ֆիրմայի ձայնագրիչը, «Գլաձոր» տեսակի 2 շիշ կոնյակ, «Ավշար» տեսակի 4 շիշ օղի և ավտոմեքենայի մարտկոցը` Գ.Բազիկյանին պատճառելով զգալի չափերի հասնող` ընդհանուր գումարով 218.500 ՀՀ դրամ արժողության նյութական վնաս:
Որից հետո, 2009 թվականի մայիսի 2-ին` ժամը 02:30-ի սահմաններում, Վ.Խաչատրյանի և Մ.Գասպարյանի հետ նախնական համաձայնությամբ, կրկին անգամ, գողացել են Երևան քաղաքի Ռուբինյանց փողոցի 4ա շենքի բակում կայանված Ավետիք Սահակի Ասատրյանին պատկանող «ՎԱԶ 2107» մակնիշի 11ՍՏ417 պետհամարանիշի ավտոնեքենայի չորս անվադողերն` անվահեծերով` Ա.Ասատրյանին պատճառելով զգալի չափերի հասնող` 155.000 ՀՀ դրամ ընդհանուր գումարի գույքային վնաս:
Բացի այդ, 2009 թվականի մայիսի 2-ին` ժամը 04:30-ի սահմաններում, Վ.Խաչատրյանի և Մ.Գասպարյանի հետ նախնական համաձայնությամբ, կրկին անգամ, Երևան քաղաքի Օրբելի փողոցի 65-րդ շենքի բակում կայնված, Վարդան Անատոլիի Պետրոսյանցին պատկանող «DABWOO NEXIA LG» (Դաբվու Նեքսիա Էլ Ջի) մակնիշի 16ՕԼ129 պետհամարանիշի տաքսի ավտոմեքենայի հետին ձախ դռան եռանկյունի ապակին կոտրելու միջոցով, գողացել են սրահում տեղադրված ուղեվարձի հաշվիչը, բեռնախցիկում գտնվող 1.3 մ3 տարողությամբ գազի գլանանոթը, պահեստային անվադողն ու ամբարձիչը և շարժիչի մարտկոցը` Վ.Պետրոսյանցին պատճառելով զգալի չափերի հասնող` ընդհանուր գումարով 350.000 ՀՀ դրամ արժողության նյութական վնաս:
Այնուհետև, 2009 թվականի մայիսի 4-ին` ժամը 03:30-ի սահմաններում, Վ.Խաչատրյանի և Մ.Գասպարյանի հետ նախնական համաձայնությամբ, կրկին անգամ, Երևան քաղաքի Սունդուկյան փողոցի 7-րդ շենքի բակում կայանված Արսեն Վազգենի Հովսեփյանին պատկանող «ՎԱԶ 2107» մակնիշի 16ԼԼ079 պետհամարանիշի ավտոմեքենայի բեռնախցիկը բանալիով բցելու եղանակով գողացել են 1.2 մ3 տարողությամբ գազի գլանանոթը, պահեստային անվադողը` իր անվահեծով` Ա.Հովսեփյանին պատճառելով զգալի չափերի հասնող` ընդհանուր գումարով 200.000 ՀՀ դրամ արժողության նյութական վնաս:
2. Արագացված դատական քննություն.
Մինչ դատաքննությունն սկսելն ամբաստանյալներ Մեսրոպ Նորիկի Գասպարյանը և Տիգրան Հրաչյայի Նիկողոսյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանի հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքն իրենց պարզ է, համաձայն են մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Մեսրոպ Նորիկի Գասպարյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, իսկ ամբաստանյալ Տիգրան Հրաչյայի Նիկողոսյանը` արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագրերը, բնութագրերը, ամուսնության և ծննդյան վկայականների պատճենները, ստացիոնար հիվանդի բժշկական քարտի քաղվածքի պատճենը, «Տաքսի Բարոն» ՍՊ ընկերության տնօրենի գրությունը, եկավ հետևյալ եզրահանգման.
Մեսրոպ Նորիկի Գասպարյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Մեսրոպ Գասպարյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Էլեն Մեսրոպի Գասպարյան` ծնված 2004 թվականի նոյեմբերի 27-ին և Նորիկ Մեսրոպի Գասպարյան` ծնված 2006 ապրիլի 26-ին) առկայությունը:
Մեսրոպ Գասպարյանի պատասխանատվությունն ու պատիժը մեղմացնող հանգամանքներ են նաև նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Մեսրոպ Գասպարյանի պատասխանատվությունն ու պատիժը ծանրացնող հանգամանքներ չկան:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը գտնում է, որ կատարած արարքի համար ամբաստանյալ Մեսրոպ Գասպարյանը ենթակա է քրեական պատասխանատվության և պատժի։
Դատարանը, հաշվի առնելով Մեսրոպ Գասպարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Մեսրոպ Գասպարյանի կողմից կատարած արարքների համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկման ձևով, որը նա պետք է կրի։
Մեսրոպ Գասպարյանի պատժաչափը որոշելիս դատարանը հաշվի է առնում նաև այն հանգամանքը, որ տուժողներին պատճառված վնասները փոխհատուցված չեն (բացառությամբ իրեղեն ապացույց ճանաչված իրերը վերադարձվելու դեպքում վերականգնվող վնասների), որի պայմաններում պատժի` սոցիալական արդարության վերականգնման նպատակը դեռևս իրացված չէ:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Մեսրոպ Գասպարյանի պատժի կրման սկիզբը պետք է հաշվել 2009 թվականի մայիսի 4-ից, քանի որ նա ձերբակալվել է այդ օրը, իսկ 2009 թվականի մայիսի 7-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Մեսրոպ Գասպարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը։
Տիգրան Հրաչյայի Նիկողոսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Տիգրան Նիկողոսյանի պատասխանատվությունն ու պատիժը մեղմացնող հանգամանքներ են նախկինում արատավորված` դատապարտված չլինելը և դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանն ամբաստանյալ Տիգրան Նիկողոսյանի պատասխանատվությունն ու պատիժը մեղմացնող հանգամանք է դիտում նաև այն, որ նա վատառողջ է:
Դատարանը միաժամանակ արձանագրում է, որ Տիգրան Նիկողոսյանի պատասխանատվությունն ու պատիժը ծանրացնող հանգամանքներ չկան:
Դատարանը գտնում է, որ կատարած արարքի համար ամբաստանյալ Տիգրան Նիկողոսյանը ենթակա է քրեական պատասխանատվության և պատժի։
Դատարանը, հաշվի առնելով Տիգրան Նիկողոսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Տիգրան Նիկողոսյանի կողմից կատարած արարքների համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկման ձևով, որը նա պետք է կրի։
Տիգրան Նիկողոսյանի պատժաչափը որոշելիս դատարանը հաշվի է առնում նաև այն հանգամանքը, որ տուժողներին պատճառված վնասները փոխհատուցված չեն (բացառությամբ իրեղեն ապացույց ճանաչված իրերը վերադարձվելու դեպքում վերականգնվող վնասների), որի պայմաններում պատժի` սոցիալական արդարության վերականգնման նպատակը դեռևս իրացված չէ:
ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Հետևաբար Տիգրան Նիկողոսյանի` 2009 թվականի հուլիսի 7-ից 8-ն արգելանքի տակ գտնվելու ժամանակահատվածը` 1 օրը, պետք է հաշվակցել նրա նկատմամբ նշանակվելիք պատժին:
Դատարանը գտնում է, որ Տիգրան Նիկողոսյանի նկատմամբ ընտրված խափանման միջոցը` գրավը, պետք է թողնել անփոփոխ` մինչև դատավճռի օրինական ուժի մեջ մտնելը։
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2009 թվականի մայիսի 29-ի և 2009 թվականի սեպտեմբերի 7-ի որոշումներով իրեղեն ապացույց ճանաչված համակարգիչը, երկու ձայնասփյուռները, մկնիկը, էլեկտրական լիցքավորման կոճը և պայուսակը պետք է վերադարձնել` տվյալ դեպքում թողնել Աղվան Վրեժի Խնկոյանի տնօրինությանը, սպիտակ գույնի ներկածածկույթով, 1.2 մ3 տարողությամբ գազի գլանանոթը պետք է վերադարձնել «Մասիսի բժշկակական ուսումնարան» ՍՊ ընկերությանը, սպիտակ գույնի ներկածածկույթով, 1.3 մ3 տարողությամբ գազի գլանանոթը պետք է վերադարձնել Իոսիֆ Չոմոյանին, իսկ երկու հատ «Champiro» (Չամպիրո) տեսակի 195/60 R14 չափսի և երկու հատ «Good Ride» (Գուդ ռայդ) տեսակի 185/65 R14 չափսի անվադողերը` անվահեծերով պետք է վերադարձնել Հրաչյա Հովհաննիսյանին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցն ենթակա է արդյոք բավարարման, ում օգտին և ինչ չափով։
2009 թվականի մայիսի 5-ի, 16-ի, 20-ի և հուլիսի 16-ի որոշումներով համապատախանաբար տուժողներ Ավետիք Սահակի Ասատրյանը, Արսեն Վազգենի Հովսեփյանը, Վարդան Անատոլիի Պետրոսյանցը և Ակրիբազ Անդրանիկի Հարությունյանը ճանաչվել են քաղաքացիական հայցվորներ: ՀՀ քրեական դատավարության օրենսգրքի 161-րդ հոդվածի 2-րդ մասի համաձայն` քաղաքացիական հայցից հրաժարվելն ընդունելը հանգեցնում է քրեական դատավարությունում քաղաքացիական հայցով վարույթի կարճման: Սույն գործով քաղաքացիական հայցվորներ Ավետիք Սահակի Ասատրյանը, Ակրիբազ Անդրանիկի Հարությունյանը, Արսեն Վազգենի Հովսեփյանը և Վարդան Անատոլիի Պետրոսյանցը դատական նիստի ժամանակ հրաժարվել են իրենց կողմից հարուցված քաղաքացիական հայցերից, ուստի Դատարանը գտնում է, որ քաղաքացիական հայցերից հրաժարումը պետք է ընդունել և Ավետիք Սահակի Ասատրյանի, Ակրիբազ Անդրանիկի Հարությունյանի, Արսեն Վազգենի Հովսեփյանի և Վարդան Անատոլիի Պետրոսյանցի կողմից հարուցված քաղաքացիական հայցերի վարույթները կարճել:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալներ Մեսրոպ Գասպարյանից և Տիգրան Նիկողոսյանից ենթակա չեն բռնագանձման, քանի որ հանցագործությամբ պատճառված վնասի հատուցման համար հարուցված քաղաքացիական հայցերի վարույթները վերը նշված հիմնավորմամբ պետք է կարճել (ավելին, գործի դատական քննության ընթացքում սույն քրեական գործով բոլոր տուժողները հայտնել են, որ ամբաստանյալներից որևէ պահանջ չունեն, քանի որ նրանց հարազատների հետ պատճառված վնասը հարթելու պայմանավորվածություն են ձեռք բերել), իսկ ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի, ամբաստանյալներից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ և 3753-րդ, հոդվածներով` Դատարանը
ՎՃՌԵՑ

Մեսրոպ Նորիկի Գասպարյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 4-րդ կետերով և պատիժ նշանակել ազատազրկում` 3 (երեք) տարի 6 (վեց) ամիս ժամկետով` պատժի կրման սկիզբը հաշվելով 2009 թվականի մայիսի 4-ից:
Մեսրոպ Նորիկի Գասպարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Տիգրան Հրաչյայի Նիկողոսյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով և պատիժ նշանակել ազատազրկում` 3 (երեք) տարի 3 (երեք) ամիս ժամկետով:
Տիգրան Հրաչյայի Նիկողոսյանի արգելանքի տակ գտնվելու ժամկետը` 1 օրը, հաշվակցել նշանակված պատժին:
Տիգրան Հրաչյայի Նիկողոսյանի նկատմամբ ընտրված խափանման միջոցը` գրավը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` իրեղեն ապացույց ճանաչված համակարգիչը, երկու ձայնասփյուռները, մկնիկը, էլեկտրական լիցքավորման կոճը և պայուսակը թողնել Աղվան Վրեժի Խնկոյանի տնօրինությանը, սպիտակ գույնի ներկածածկույթով, 1.2 մ3 տարողությամբ գազի գլանանոթը վերադարձնել «Մասիսի բժշկակական ուսումնարան» ՍՊ ընկերությանը, սպիտակ գույնի ներկածածկույթով, 1.3 մ3 տարողությամբ գազի գլանանոթը վերադարձնել Իոսիֆ Չոմոյանին, իսկ երկու հատ «Champiro» (Չամպիրո) տեսակի 195/60 R14 չափսի և երկու հատ «Good Ride» (Գուդ ռայդ) տեսակի 185/65 R14 չափսի անվադողերը` անվահեծերով վերադարձնել Հրաչյա Հովհաննիսյանին:
Ավետիք Սահակի Ասատրյանի, Ակրիբազ Անդրանիկի Հարությունյանի, Արսեն Վազգենի Հովսեփյանի և Վարդան Անատոլիի Պետրոսյանցի կողմից հարուցված քաղաքացիական հայցերի վարույթները կարճել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ