ԵԱՔԴ/0121/01/09





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«28» ապրիլի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրողներ Ռ.Խաչատրյան
Ա.Շահազիզյան
Ա.Փանոսյան
տուժողներ Ն.Միրզոյան
Լ.Փամբուխչյան
Ն.Սահակյան
պաշտպաններ Տ.Հայրապետյան
Վ.Գրիգորյան

դռնբաց դատական նիստում քննեց քրեական գործն ըստ մեղադրանքի`
Նազիկ Չկալովի Խաչատրյանի` ծնված 1978 թվականի մայիսի 27-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, խնամքին մեկ անձ, նախկինում չդատապարտված, չի աշխատում, հաշվառված է Երևան քաղաքի Սվաճյան փողոցի 18-րդ շենքի 15-րդ բնակարանում: Մեղադրանք է առաջադրվել ՀՀ քրեական օրենսգրքի 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով, արգելանքի տակ է 2009 թվականի ապրիլի 6-ից:
1. Գործի դատավարական նախապատմությունը.
2009 թվականի ապրիլի 6-ին ՀՀ ոստիկանության Արաբկիրի քննչական բաժնի ՀԿԳ ավագ քննիչ Բ.Մարտոյանի որոշմամբ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով նախատեսված հանցագործությունների հատկանիշներով հարուցվել և վարույթ է ընդունվել թիվ 14110609 քրեական գործը:
2009 թվականի ապրիլի 9-ին ՀՀ ոստիկանության Արաբկիրի քննչական բաժնի ՀԿԳ ավագ քննիչ Բ.Մարտոյանի որոշմամբ թիվ 14110609 քրեական գործով Նազիկ Չկալովի Խաչատրյանին մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով և 178-րդ հոդվածի 3-րդ մասի 1-ին կետով:
2009 թվականի օգոստոսի 21-ին ՀՀ ոստիկանության Արաբկիրի քննչական բաժնի ՀԿԳ ավագ քննիչ Բ.Մարտոյանի որոշմամբ թիվ 14110609 քրեական գործով Նազիկ Չկալովի Խաչատրյանին առաջադրված մեղադրանքը լրացվել է և նոր մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով, 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով:
2009 թվականի օգոստոսի 24-ին ՀՀ ոստիկանության Արաբկիրի քննչական բաժնի ՀԿԳ ավագ քննիչ Բ.Մարտոյանի որոշմամբ թիվ 14110609 քրեական գործից անջատվել է գործով չպարզված ոմն Արթուր Ալբերտիչի վերաբերյալ մասը և դրան շնորհվել է 14127009 համարը:
2009 թվականի օգոստոսի 28-ին Նազիկ Չկալովի Խաչատրյանի վերաբերյալ քրեական գործը մեղադրական եզրակացությամբ ուղարկվել է Դատարան:
Նազիկ Չկալովի Խաչատրյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով, 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով` այն արարքների համար, որ նա, նախնական համաձայնության գալով գործով չպարզված ոմն Արթուր Ալբերտիչի հետ, 2009 թվականի հունվար-ապրիլ ամիսների ընթացքում փաստաթղթերի կեղծման և կեղծ փաստաթղթերի օգտագործման միջոցով Երևան քաղաքում կատարել է առանձնապես խոշոր չափերի խարդախություններ: Այսպես.
Նազիկ Խաչատրյանը Երևան քաղաքում խարդախությամբ ուրիշի բնակարանին տիրանալու հարցում նախնական համաձայնության գալով ոմն Արթուր Ալբերտիչի հետ, 2008 թվականի դեկտեմբերի կեսերին «Գինդ» թերթում զետեղված հայտարարությունների միջոցով ծանոթացել և վարձակալության պայմանագիր է կնքել Զաքյան փողոցի 2-րդ շենքի 71-րդ բնակարանի սեփականատեր Նինել Ալեքսանդրի Միրզոյանի հետ, այնուհետև, նախապես իրենց կազմած պլանի համաձայն, «Մալաթիա» նոտարական տարածքի նոտար Ս.Գրիգորյանի անունից վավերացված, իրավունք վերապահվող կեղծ լիազորագիր են կազմել, որով Նազիկ Խաչատրայնը լիազորվել է Նինել Միրզոյանի կողմից Զաքյան փողոցի 2-րդ շենքի 71-րդ բնակարանի նկատմամբ կատարելու առուվաճառքի, նվիրատվութան և այլ քաղաքացիական գործարքններ: Դրանից հետո օգտագործելով իրենց կազմած կեղծ լիազորագիրը և բնակարանի առուվաճառքի կեղծ պայամանագիրը, ըստ որի Նինել Միրզոյանը իր բնակարանը վաճառել է Նազիկ Խաչատրյանին խարդախությամբ ձեռք է բերել առանձնապես խոշոր չափի` 16.300.000 ՀՀ դրամ արժողությամբ, ուրիշի գույքի նկատմամբ իրավունք` 2009 թվականի հունվարի 27-ի անշարժ գույքի կադաստրի Կենտրոնի տարածքային ստորաբաժանումից իր անունով ստացել է նշված բնակարանի սեփականության իրավունքի գրանցման վկայականը և նախապատրաստվել այդ բնակարանը վաճառել:
Բացի այդ, Նազիկ Խաչատրյանը նույն եղանակով 2009 թվականի հունվարի 29-ին վարձակալության պայմանագիր է կնքել Բաղրամյան պողոտայի 85-րդ շենքի 57-րդ բնակարանի սեփականատեր Լուսինե Փամբուխչյանի հետ, այնուհետև «Մալաթիա» նոտարական տարածքի նոտար Ս.Գրիգորյանի անունից վավերցված, իրավունք վերապահող կեղծ լիազորագիր են կազմել, որով Նազիկ Խաչատրյանը լիազորվել է Լուսինե Փամբուխչյանին պատկանող Բաղրամյան պողոտայի 85-րդ շենքի 57-րդ բնակարանի նկատմամաբ կատարելու առուվաճառքի նվիրատվության և այլ քաղաքացիական գործարքներ: Դրանից հետո օգտագործելով իրենց կազմած կեղծ լիազորագիրը և բնակարանի կեղծ առուվաճարքի պայմանագիրը, ըստ որի Լուսինե Փամփուխչյանը իր բնակարանը վաճառել է Նազիկ Խաչատրյանին, խարդախությամբ ձեռք է բերել առաձնապես խոշոր չափի 30.800.000 ՀՀ դրամ արժողության, ուրիշի գույքի նկատմամբ իրավունք` 2009 թվականի փետրվարի 23-ին անշարժ գույքի կադաստրի Արաբկիրի տարածքային ստորաբաժանումից իր անունով ստացել է նշված բնակարանի սեփականության իրավունքի գրանցման վկայականը և նախապատրաստվել այդ բնակարանը վաճառել:
Բացի այդ, Նազիկ Խաչատրյանը նույն եղանակով 2009 թվականիմարտի 19-ին բնակարանի վարձակալության պայմանագիր է կնքել Անդրանիկի փողոցի 75-րդ շենքի 42-րդ բնակարանի սեփականատեր Գնել Հովհաննիսյանի հետ, այնուհետև «Մալաթիա» նոտարական տարածքի նոտար Ս.Գրիգորյանի անունից վավերացված, իրավունք վերապահող կեղծ լիազորագիր են կազմել, որով Նազիկ Խաչատրյանը լիազորվել է Գնել Հովհաննիսյանին պատկանող Անդրանիկի 75-րդ շենքի 42-րդ բնակարանի նկատմամբ կատարելու առուվաճառքի, նվիրատվության և այլ քաղաքացիական գործարքներ: Դրանից հետո օգտագործելով իրենց կազմած կեղծ լիազորագիրը և բնակարանի կեղծ առուվաճառքի պայմանագիրը, ըստ որի Գնել Հովհաննիսյանը իր բնակարանը և վաճառել է Նազիկ Խաչատրյանին, 2009 թվականի ապրիլի 3-ին դիմել է անշարժ գույքի կադաստրի Շենգավիթի տարածքային ստորաբաժանմանը, առանձնապես խոշոր չափի` 23.500.000 ՀՀ դրամ արժողության, Անդրանիկի փողոցի 75-րդ շենքի 42-րդ բնակարանի նկատմամբ իր անվամբ պետական գրանցում կատարելու խնդրաանքով: Սակայն նույն թվականի ապրիլի 4-ին բռնվել է ոստիկանության Արաբկիրի բաժնի աշխատակիցների կողմից և իր կամքից անկախ հանգամանքներով հանցագործությունը ավարտին չի հասցրել, իսկ բնակարանի սեփականատեր Գնել Հովհաննիսյանը, 2009 թվականի ապրիլի 6-ին դիմելով կադաստրի տարածքային ստորաբաժանմանը, կանխել է Նազիկ Խաչատրյանի անվամբ իրավունքի պետական գրանցումը:
2009 թվականի հոկտեմբերի 26-ին, նոյեմբերի 27-ին, դեկտեմբերի 28-ին, 2010 թվականի հունվարի 29-ին և մարտի 4-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի համապատասխան որոշումներով մեղադրող Ա.Փանոսյանի միջնորդությունները բավարարվել են և յուրաքանչյուր դեպքում քրեական գործի դատական քննությունը հետաձգվել է մեկ ամիս ժամկետով:
2010 թվականի ապրիլի 19-ին մեղադրող Ա.Փանոսյանի որոշմամբ Նազիկ Չկալովի Խաչատրյանին առաջադրված մեղադրանքը փոփոխվել է և նրան նոր մեղադրանք է առաջադրվել 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով` այն արարքների համար, որ նա 2008 թվականի դեկտեմբերի կեսին փաստաթղթեր կեղծելու և դրանք օգտագործելու եղանակով ուրիշի առանձնապես խոշոր չափերով` 462.825.000 ՀՀ դրամին համարժեք մոտ 1.500.000 ԱՄՆ դոլար ընդհանուր արժողությամբ գույքի` Երևան քաղաքում գտնվող թվով 7-8 բնակարանների նկատմամբ սեփականության իրավունք ձեռք բերելու հարցում նախնական համաձայնության է եկել իր ծանոթ Մանվել Բաղդասարի Բատիկյանի հետ:
Նշված հանցավոր մտադրության իրագործումը հնարավոր դարձնելու նպատակով Մանվել Բատիկյանը կազմակերպել է Վարդան Խաչատրյանի կողմից 2008 թվականի դեկտեմբերի 28-ի` լույս 29-ի գիշերը «Նորք Նորք» նոտարական տարածքի նոտար Գայանե Ենգիբարյանի աշխատասենյակից նոտարի` 83145593 համարի ՀՀ զինանշանով կնիքի ռետինե շերտի ու 2686636-2686946 հերթական համարների ինքնասոսնձվող պաշտպանիչ պիտակնների հափշտակությունը:
Այնուհետև խաբեության եղանակով ուրիշի առանձնապես խոշոր չափերի գույքի նկատմամբ իրավունք ձեռք բերելու միասնական դիտավորությամբ, Մանվել Բատիկյանի հետ ձեռք բերած պայմանավործության համաձայն, 2009 թվականի հունվարից մինչև ապրիլն ընկած ժամանակահատվածում Նազիկ Խաչատրյանը վարձակալության պայամանագիր է կնքել Երևան քաղաքի Զաքյան փողոցի 2-րդ շենքի 71-րդ բնակարանի սեփականատեր Նինել Միրզոյանի, Բաղրամյան պողոտայի 85-րդ շենքի 57-րդ բնակարանի սեփականատեր Լուսինե Փամբուխչյանի և Անդրանիկի փողոցի 75-րդ շենքի 42-րդ բնակարանի սեփականատեր Գնել Հովհաննիսյանի հետ և նրանցից խաբեությամբ վերցրել նշված բնակարանների սեփականության իրավուքի գրանցման վկայականները կամ դրանց պատճենները: Ապա, Նազիկ Խաչատրյանը ու Մանվել Բատիկյանը, օգտագործելով Երևան քաղաքի «Մալաթիա» նոտարական տարածքի նոտար Սուրեն Գրիգորյանի կեղծված կնիքն ու «Նոր Նորքի» նոտարական տարածքի նոտարի աշխատասենյակից հափշտակված ինքնասոսնձվող պաշտպանիչ պիտակները, իրավունք վերապահող կեղծ լիազորագրեր են կազմել, համաձայն որոնց Նինել Միրզոյանը, Լուսինե Փամբուխչյանը և Գնել Հովհաննիսյանը լիազորել են Նազիկ Խաչատրյանին լինել իրենց ներկայացուցիչը անշարժ գույքի կադաստրի պետական կոմիտեի համապատասխան տարածքային ստորաբաժանումներում, կատարել տվյալ հանձնարարության հետ կապված այլ գործողություններ: Նշված կեղծ լիազորագրերը Նազիկ Խաչատրյաը ներկայացրել է ՀՀ կառավարությանն առընթեր անշարժ գույքի կադաստրի պետական կոմիտեի «Կենտրոն», «Արաբկիր», «Շենգավիթ» տարծքային ստորաբաժանումներ և ստացել Երևան քաղաքի Զաքյան փողոցի 2-րդ շենքի 71-րդ, Բաղրամյան պողոտայի 85-րդ շենքի 57-րդ և Անդրանիկի փողոցի 75-րդ շենքի 42-րդ բնակարանների սեփականության իրավունքի գրանցման վկայականների կրկնօրինակները, ինչպես նաև վերոհիշյալ բնակարանների և դրանց նկատմամբ գրանցված սահմանափակումների վերաբերյալ միասնական տեղեկանքներ: Ապա Նազիկ Խաչատրյանն ու Մանվել Բատիկյանը, դարձյալ Երևան քաղաքի «Մալաթիա» նոտարական տարածքի նոտար Ս.Գրիգորյանի կեղծված կնիքն ու «Նոր Նորք» նոտարական տարածքի նոտարի աշխատասենյակից հափշտակված ինքնասոնձվող պաշտպանիչ պիտակներն օգտագործելով, Նինել Միրզոյանի, Լուսինե Փամբուխչյանի և Գնել Հովհաննիսյանի կողմից վերոհիշյալ բնակարանները Նազիկ Խաչատրյանին վաճառելու վերաբերյալ կեղծ պայամանգրեր են կազմել, դրանք ներկայացրել ՀՀ կառավարությանն առընթեր անշարժ գույքի կադաստրի պետական կոմիտեի «Կենտրոն», «Արաբկիր», «Շենգավիթ» տարածքային ստորաբաժանումներ և ստացել 16.300.000 ՀՀ դրամ արժողության Երևան քաղաքի Զաքյան փողոցի 2-րդ շենքի 71-րդ և 30.800.000 ՀՀ դրամ արժողության Երևան քաղաքի Բաղրամյան պողոտայի 85-րդ շենքի 57-րդ բնակարանների նկատմամբ սեփականության իրավունքի գրանցման վկայականները, իսկ Երևան քաղաքի Անդրանիկի փողոցի 75-րդ շենքի 42-րդ բնակարանի նկատմամբ սեփականության իրավունքի գրանցումը Նազիկ Խաչատրյանի անվամբ չի կատարվել և վերջինի ու Մանվել Բատիկյանի ծրագրած հանցագործությունն ավարտին չի հասցվել նրանց կամքից անկախ հանգամանքներով` 2009 թվականի ապրիլի 4-ին ՀՀ ոստիկանության Արաբկիրի բաժնի աշխատակիցների կողմից Նազիկ Խաչատրյանին բռնելու պատճառով:
2. Ապացույցների հետազոտում և գնահատում.
Դատական քննության սկզբում ամբաստանյալ Նազիկ Խաչատրյանը ՀՀ քրեական օրենսգրքի 178-րդ հոդվածի 3-րդ մասի 1-ին կետով, 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով առաջադրված մեղադրանքում իրեն մեղավոր ճանաչեց և ցուցմունք տվեց այն մասին, որ նախնական քննության ժամանակ իր կողմից նշված Արթուր Ալբերտիչը իրականում Մանվել Բատիկյանն է: Ինքը նրա հետ ծանոթացել է 2007 թվականի մարտի սկզբին նրա բնակարանը վարձակալելու առիթով: Մոտ երկու ամիս ինքը բնակվել է Մանվելի տանը և երկրորդ ամսվա վարձավճարն ուշացնելու պատճառով Մանվելը փակել է բնակարանի դուռը և իրեն թույլ չի տվել ներս մտնել, իսկ իր իրերը մնացել են նրա բնակարանում: Մանվելն իր բջջային հեռախոսին հաղորդագրություն է ուղարկել, որում նշել, որ իր իրերը ետ ստանալու համար կարող է դիմել ոստիկանություն: Այդ ընթացքում ինքն աշխատել է «777» սրճարանում` որպես մատուցողուհի, և Մանվելը հաճախ եկել է այդտեղ և իրեն գցել վատ վիճակի մեջ: Սրճարանի մենեջերը ճանաչել է նրան, ասել, որ նա «երկրապահի Մանվելն» է, և միաժամանակ խոստացել իր պարտքի վերաբերյալ խոսել նրա հետ: Իր իրերը Մանվելի բնակարանից կարողացել է վերցնել միայն այն ժամանակ, երբ վճարել է բնակարանի վարձը և կատարել կոմունալ վճարումները: Ինքը վախեցել է Մանվելից, քանի որ նա եղել է շատ ազդեցիկ անձ: Սրճարան գալու ընթացքում Մանվելն իրեն աշխատանք է առաջարկել և ասել, որ դրա կապակցությամբ իրենք պետք է զրուցեն առանձին: Առաջին առանձնազրույցի ժամանակ Մանվելը առաջարկվող աշխատանքի վերաբերյալ անորոշ տեղեկություններ է տվել և ասել է, որ աշխատանքի վերաբերյալ մանրամասներ կասի միայն այն դեպքում, երբ ինքը համաձայնի աշխատել: Այդ ժամանակ իրենք չեն կարողացել համաձայնության գալ, քանի որ աշխատանքի բնույթն իրեն հասկանալի չի եղել: Դրանից հետո իրենք հանդիպել են ևս 2-3 անգամ: 2008 թվականին իր երեխան սկսել է հաճախել դպրոց, որի պատճառով ինքն այլևս չի կարողացել մատուցողուհի աշխատել: Այդ ժամանակ ինքը զանգահարել է իր բոլոր ծանոթներին, այդ թվում նաև Մանվելին, և քիչ ժամաքանակով աշխատանք խնդրել: Մանվելն իրեն ասել է, որ կփորձի ընկերոջ հացի արտադրամասում իր համար աշխատանք գտնել: 2008 թվականի դեկտեմբերի կեսերին Մանվելը եկել է Մանանդյան 13 հասցեում գտնվող իր վարձակալած բնակարանը և տեսնելով այդ բնակարանի կոմունալ պայմանները` ասել է, որ «հոգու պարտքն» է իրեն բնակարանի տեր դարձնել: Մանվելը իրեն աշխատանք է առաջարկել, որի էությունը կայացել է նրանում, որ ինքը պետք է իր անվամբ բնակարաններ վարձակալեր Երևան քաղաքի կենտրոնական մասերում: Մանվելը ասել է, որ բնակարաններն անհրաժեշտ են արտերկրից ժամանող նրա հյուրերի համար, իսկ նա չի ցանկանում անձամբ վարձակալել, որպեսզի հարկային մարմինների հետ որևէ առնչություն չունենա: Առաջարկվող աշխատանքում ինքը որևէ վտանգ չի տեսել և համաձայնել է այն կատարել: Այնուհետև ինքն ամբողջությամբ հասկացել է աշխատանքի էությունը և չի ցանկացել շարունակել այն, սակայն Մանվելն իրեն ասել է, որ այդ դեպքում ինքը պետք է հեռանա Հայաստանից, որի պատճառով ինքը ստիպված շարունակել է աշխատել: Մանվելն իր առջև պայմաններ է դրել, որպեսզի ինքը կտրվի շրջապատից և իր երեխան դպրոց չհաճախի, ինչն ինքն արել է: Առաջին անգամ Մանվելն իրեն մեքենայով տարել է «Մալաթիա» նոտարական գրասենյակ և ասել, որպեսզի ինքը որևէ մտացածին հայտարարություն տա ու խնդրի նոտարին հայտարարությունը հաստատելիս կնիքը չդնել ինքնասոսնձվող պաշտպանիչ պիտակի վրա: Հայտարությունը հաստատելու ժամանակ ինքն այդ մասին ասել է նոտարին, սակայն վերջինը հրաժարվել է այդպես անել: Նոտարական գրասենյակից դուրս գալուց հետո Մանվել դժգոհել է, որ ինքը չի կարողացել կատարել հանձնարարությունը: 2008 թվականին դեկտեմբերի 27-29-ն ընկած ժամանակահատվածում` ժամը 04:00-ի սահմաններում, Մանվելը եկել է իր տուն, բերել մեծ քանակությամբ ինքնասոսնձվող պաշտպանիչ պիտակներ ու կնիք և ասել է, որպեսզի ինքը դրանք պահի իր մոտ, սակայն ինքը հրաժարվել է դրանք պահել իր մոտ, որի պատճառով նա դրանք ետ է տարել: Դրանից հետո` 2008 թվականի վերջին աշխատանքային օրվա ավարտին, Մանվելը կրկին իրեն տարել է «Մալաթիա» նոտարական գրասենյակ: Այդ ժամանակ Նինել Միրզոյանի բնակարանի սեփականության իրավունքի գրանցաման վկայականը և նրա անձնագրի պատճենը եղել են իրենց մոտ: Մանվելը ասել է, որպեսզի ինքը նոտարական գրասենյակի գործավարից պահանջի կազմել Նինել Միրզոյանի անունից իրեն իրավունքներ վերապահող լիազորագիր և որևէ պատրվակով առանց վավերացնելու այն դուրս բերի գրասենյակից: Ինքը փորձել է նրա պահանջը կատարել, սակայն նոտարն ասել է, որ լիազորագիր տալու համար Նինել Միրզոյանի ներկայությունը պարտադիր է և գործավարին թույլ չի տվել լիազորագիր կազմել: Ամանորյա տոներից հետո Մանվելը բերել է Նինել Միրզոյանի անունից իրեն իրավունքներ վերապահող լիազորագիր, իր ներկայությամբ դրա վրա փակցրել ինքնասոսնձվող պաշտպանիչ պիտակ և կնքել այն: Նա ասել է, որ այդ փաստաթուղթը համակարգչի միջոցով պատրաստել է մի անձ, ով այդ պահին գտնվել է Մոսկվայում: Դրանից հետո Մանվելն իրեն տարել կադաստր, որտեղ նա մնացել է դրսում, իսկ ինքը կադաստրում գրել է դիմում: Այնուհետև Մանվելը բերել է սույն քրեական գործում առկա պայմանագրերի և մյուս լիազորագրերի թղթային օրինակները, որոնց վրա ինքն իր, տուժողների ու նոտարի անվան դիմաց ստորագրել է, որից հետո Մանվելը դրանց վրա փակցրել է ինքնասոսնձվող պաշտպանիչ պիտակներ և կնքել դրանք: Տուժողներին իր կողմից տրված գումարները իրեն տվել է Մանվելը:
Մեղադրողի կողմից մեղադրանքը փոխելուց հետո Նազիկ Խաչատրյանը առաջադրված նոր մեղադրանքում իրեն լիովին մեղավոր ճանաչեց և ցուցմունք տվեց այն մասին, որ մեղադրանքը փոփոխելու մասին որոշման մեջ նշված բոլոր հանգամանքները համապատասխանում են իրականությանը: Իրենց նպատակն է եղել 1.500.000 ԱՄՆ դոլարի տիրանալը, որի համար իրենք պետք է մոտ 7-8 բնակարանի նկատմամբ ձեռք բերեին սեփականության իրավունք և վաճառեին դրանք: Մանվելը իրեն ասել է, որ գործի ավարտից հետո, ինքը կմեկնի արտերկիր և իր հաշվին 100.000 ԱՄՆ դոլար կունենա:
Տուժող Նինել Միրզոյանը ցուցմունք տվեց այն մասին, որ 2008 թվականի դեկտեմբերին իր` Երևան քաղաքի Զաքյան փողոցի 2-րդ շենքի 71-րդ բնակարանը վաճառելու վերաբերյալ «Գինդ» և այլ թերթերում, ինչպես նաև անշարժ գույքի գործակալություններում տվել է հայտարարություն: Նույն թվականի դեկտեմբերի 27-ին իրեն զանգահարել է Նազիկ Խաչատրյանը և ասել, որ գնելու կամ վարձակալելու նպատակով ցանկանում է տեսնել իր բնակարանը: Նազիկը բնակարանը տեսելուց հետո եկել է իր աշխատավայր` հիվանդանոց, և ասել, որ ցանկանում է գնել այն: Բնակարանը գնելու համար Նազիկը իրեն տվել 160.000 ՀՀ դրամ կանխավճար, որ վերաբերյալ իրենք կազմել են փաստաթուղթ: Բնակարանի վաճառքի գինը եղել է 70.000 ԱՄՆ դոլար, ինչը Նազիկը չի սակարկել, պատճառաբանելով, որ ինչ-որ մեկը նրան ԱՄՆ-ից գումար է ուղարկում, ով այդ գումարը հեշտությամբ է վաստակում: Նազիկը իրեն խնդրել է տալ բնակարանի սեփականության իրավունքի գրանցման վկայականը` պատճառաբանելով, որ ամանորին ԱՄՆ-ից գումար ուղարկող անձը գալու է և պետք է տեսնի վկայականը: Ինքը բնակարանի սեփականության իրավունքի գրանցման վկայականը տվել է Նազիկին, ով այն վերադարձնելու ժամանակ խնդրել, որպեսզի ինքը նրան տա իր անձնագրի պատճենը: Իրենք պայմանավորվել են ամանորի տոներից հետո կատարել գործարքը: 2009 թվականի հունվարի 15-ին իրենք հանդիպել են «Ջազզվե» սրճարանում, որտեղ Նազիկը իրեն տվել է 1.500.000 ՀՀ դրամ, որի վերաբերյալ կրկին փաստաթուղթ են կազմել: Իրենք պայմանավորվել են գործարքը վերջնականապես ավարտել մինչև ապրիլ: Նազիկը ասել է, որ բնակվում է վարձակալությամբ, որի պատճառով ինքը նրան առաջարկել է բնակվել այդ բնակարանում և 2009 թվականի մարտի 1-ին բնակարանի բանալին տվել է նրան: Ինքը, համոզված լինելով, որ Նազիկը գնելու է իր բնակարանը, նրա տված գումարը տվել է իր համար նոր բնակարան գնելու կանխավճար: 2009 թվականի ապրիլի սկզբին անշարժ գույքի գործակալության նախկին աշխատող Դավիթը զանգահարել է իրեն և ասել, որ իր բնակարանը Նազիկի անվանբ է գրանցված և վերջինը վաճառում է այն: Այնուհետև Դավիթը Նազիկից վերցրել է բնակարանի սեփականության իրավունքի գրանցման վկայականի պատճեն և այն տվել իրեն, որից հետո ինքը դիմել է ոստիկանության Արաբկիրի բաժին:
Տուժող Լուսինե Փամբուխչյանը ցուցմունք տվեց այն մասին, որ ինքը ցանկացել է իր` Երևան քաղաքի Բաղրամյան պողոտայի 85-րդ շենքի 57-րդ բնակարանը հանձնել վարձակալությամբ: Միաժամանակ ցանկացել է, որպեսզի բնակարանը վարձակալի ոչ մեծ ընտանիք: Բնակարանը վարձակալության հանձնելու հարցով ինքը դիմել է անշարժ գույքի գործակալ Տիգրանին: Որոշ ժամանակ անց Տիգրանը իրեն ասել է, որ իր բնակարանը ցանկանում է վարձակալել մի կին, ով ունի մեկ երեխա, իսկ ամուսինը գտնվում է Իսպանիայում: Ինքը համաձայնել է բնակարանը վարձակալությամբ հանձնել այդ կնոջը, սակայն վարձակալության պայմանագիրը իր փոխարեն կնքել է իր մայրը: Դրանից երկու օր անց Տիգրանը զանգահարել է իրեն և ասել, որ տան վարձակալը` Նազիկը, ցանկանում է վերցնել իր անձնագիրը և բնակարանի սեփականության իրավունքի գրանցման վկայականը: Նա ասել է նաև, որ դրանք Նազիկին անհրաժեշտ են նրա ամուսնուն բնակարան վարձակալելու հանգամանքը հավատիացնելու համար: Ինքը Նազիկին է փոխանցել վկայականի և իր անձնագրի պատճենները: 2009 թվականի փետրվարին ինքը ցանկացել է այցելել իր բնակարան, սակայն Նազիկը տարբեր պատճառաբանություններով հայտնել է, որ տանը չի լենելու: 2009 թվականի մարտի վերջին Նազիկը բնակարանի վարձավճարը չի տվել և խնդրել է այն վճարել ապրիլի սկզբին, սակայն դրանից հետո Նազիկից որևէ լուր չի ստացել: Նույն թվականի ապրիլի 6-ին կամ 7-ին Արաբկիրի բաժնից զանգահարել են իրեն և իր բնակարանի հետ կապված որոշ հարցեր պարզելուց հետ իրեն հրավիրել ոստիկանություն: Ոստիկանությունում իրեն հայտնի է դարձել, որ Նազիկը իր բնակարանի նկատմամբ ձեռք է բերել սեփականության իրավունք և ցանկացել է 80.000 ԱՄՆ դոլարով այն վաճառել:
Տուժող Նարինե Սահակյանը ցուցմունք տվեց այն մասին, որ ինքն ու իր ամուսինը` Գնել Հովհաննիսյանը ցանկացել են իրենց` Երևան քաղաքի Անդրանիկի փողոցի 75-րդ շենքի 42-րդ բնակարան հանձնել վարձակալությամբ: Բնակարանը վարձակալության հանձնելու հարցերով զբաղվել է իր ամուսինը: Նա իրեն ասել է, որ բնակարանը 150.000 ՀՀ դրամ վարձավճարով տվել է Նազիկին: Ամուսինը պետք է մեկներ Ռուսաստանի Դաշնություն, և Նազիկը վարձավճարը պետք է տար իրեն: Այդ պատճառով ինքը ծանոթացել է Նազիկի հետ: Նազիկի մտադրությունները չեն իրակացել. նա չի կարողացել իրենց բնակարանի նկատմամբ իրավունք ձեռք բերել և վաճառել այն:
Վկա Գնել Հովհաննիսյանը ցուցմունք տվեց այն մասին, որ իրենք ցանկացել են իրենց` Երևան քաղաքի Անդրանիկի փողոցի 75-րդ շենքի 42-րդ բնակարան հանձնել վարձակալությամբ: Նազիկ Խաչատրյանը ցանկացել է վարձակալել իրենց բնակարանը, որի վերաբերյալ նրա հետ կնքվել է պայմանագիր: Նազիկը ասել է, որ բնակարանը անհրաժեշտ է Իսպանիայից ժամանող ինչ-որ ամուսինների համար: Նազիկի պահանջով ինքը նրան է տվել իր բնակարանի սեփականության իրավունքի գրանցման վկայականի և իր անձնագրի պատճենները: Ինքը Նազիկի հետ հանդիպել է նաև Բաղրամյան պողոտայում գտնվող «ՍԱՍ» սուպերմարկետի շենքի բնակարաններից մեկում, որը, ըստ Նազիկի պնդման, պատկանել է նրան: Բնակարանը Նազիկին հանձնելուց մոտ 10 օր անց ոստիկանությունից զանգահարել են իրեն և ասել, որ Նազիկը ցանկացել է իր բնակարանի նկատմամբ ձեռք բերել սեփականության իրավունք և վաճառել այն: Այդ ժամանակ ինքը գնացել է կադաստր և պարզել, որ Նազիկը այնտեղ դիմում է գրել, որպեսզի ստանա իր բնակարանի սեփականության իրավունքի գրանցման վկայականի կրկնօրինակը: Ինքը Նազիկին երբևէ լիազորագիր չի տվել:
Վկա Տիգրան Բարսեղյանը ցուցմունք տվեց այն մասին, որ ինքն անշարժ գույքի գործակալ է: Լուսինե Փամբուխչյանը ցանկացել է Երևան քաղաքի Բաղրամյան պողոտայի 85-րդ շենքում գտնվող բնակարանը հանձնել վարձակալությամբ, և այդ կապակցությամբ նա դիմել է իրեն: Բնակարանի վարձակալության վերաբերյալ «Գինդ» թերթում իր տված հայտարարության հիման վրա Նազիկ Խաչատրյանը զանգահարել է իրեն և բնակարանի վերաբերյալ որոշ մանրամասներ պարզել: Դրանից հետո Նազիկն այցելել է այդ բնակարան և համաձայնել 600 ԱՄՆ դոլար ամսական վարձավճարով վարձակալել այն: Նազիկը ասել է, որ ամուսինը աշխատում է Իսպանիայում և մինչ նրա գալը այդ բնակարանում ապրելու է երեխայի հետ: Նազիկը վեցրել է բնակարանի սեփականության իրավունքի գրացնման վկայականի և Լուսինեի անձնագրի պատճենները` պատճարաբանելով, որ դրանք անհրաժեշտ են ամուսնուն բնակարան վարձակալելու հանգամանքը հավատիացնելու համար: Բնակարանի վարձակալության պայմանագիրը ստորագրել են Նազիկը, Լուսինեի մայրը` Դոնարան և ինքը: Նազիկը այդ բնակարանում բնակվել է մոտ երկու ամիս, որից հետո Լուսինեն զանգահարել է իրեն և ասել, որ Արաբկիրի ոստիկանությունից տեղեկացել է, որ այդ բնակարանի հետ կապված խնդիրներ են առաջացել:
Վկա Դավիթ Գևորգյանը նախնական քննության ընթացքում ցուցմունք է տվել այն մասին, որ աշխատել է անշարժ գույքի գործակալությունում: 2009 թվականի հուվարին Նինել Միրզոյանը ցանկացել է բնակարան գնել, որի կապակցությամբ դիմել է իրեն: Ինքը Նինելից տեղեկացել է, որ նրա` Երևան քաղաի Զաքյան փողոցի 2-րդ շենքի 71-րդ բնակարանը ցանկացել է գնել մի կին, ով Նինելին տվել է նախավճար: 2009 թվականի ապրիլի սկզբին ինքը կրկին հանդիպել է Նինելի հետ, ով ասել է, որ շուտով վերցնելու է բնակարանի վաճառքի գումարը: Դրանից մեկ շաբաթ անց անշարժ գույքի գործակալության տնօրեն Արտյոմ Վարդանյանն իրեն ասել է, որ Նինելի բնակարանը գնել են ու ցանկանում են էժան գնով վաճառել: Նա իրեն ցույց է տվել նաև այդ բնակարանի սեփականության իրավունքի գրանցման վկայականի պատճենը: Այդ ժամանակ ինքը զանգահարել է Նինելին և հարցրել է, թե երբ է նա վաճառել բնակարանը, իսկ Նինելը պատասխանել է, որ բնակարանը դեռևս չի վաճառել: Ինքը Նինելին ասել, որ նրա բնակարանի սեփականության իրավունքի գրանցման վկայականի պատճենը իրենց գործակալությունում է, որում նշված է, որ այդ բնակարանի սեփականատեր է հանդիսանում Նազիկ Խաչատրյանը: Այդ մասին տեղեկանալուց հետո Նինելը եկել է գործակալություն և անձամբ տեսնելով նշված վկայականի պատճենը` ասել է, որ կդիմի ոստիկանություն: Նշված բնակարանի շուկայական արժեքը այդ ժամանակ եղել է 55.000 ԱՄՆ դոլար, մինչդեռ Նազիկը ցանկացել է այն վաճառել 45.000 ԱՄՆ դոլարով:
Անձին ոստիկանության բաժին բերման ենթարկելու մասին 2009 թվականի ապրիլի 4-ի արձանագրության համաձայն` 2009 թվականի ապրիլի 4-ին` ժամը 16:30-ին, Նազիկ Չկալովի Խաչատրյանը փաստաթղթի կեղծում և խարդախություն կատարելու կասկածանքով բերման է ենթարկվել ՀՀ ոստիկանության Արաբկիրի բաժին:
Անձնական խուզարկություն կատարելու մասին 2009 թվականի ապրիլի 4-ի արձանագրության համաձայն` Նազիկ Չկալովի Խաչատրյանի անձնական խուզարկությամբ ոչինչ չի հայտնաբերվել:
Անշարժ գույքի վկայական ներկայացնելու մասին 2009 թվականի ապրիլի 4-ի արձանագրության համաձայն` Նազիկ Չկալովի Խաչատրյանը ներկայացրել է.
-Կենտրոն համայնքի Զաքյան փողոցի 2-րդ շենքի 71-րդ բնակարանի սեփականության իրավունքի գրանցման թիվ 2569080 վկայականը` համաձայն որի բնակարանի սեփականատերը Նազիկ Չկալովի Խաչատրյանն է, անշարժ գույքը ձեռք է բերվել Մալաթիայի նոտարի կողմից 2009 թվականի հունվարի 26-ին հաստատված թիվ 102 առուվաճառքի պայմանագրի հիման վրա,
-Արաբկիր համայնքի Բաղրամյան պողոտայի 85-րդ շենքի 57-րդ բնակարանի սեփականության իրավունքի գրանցման թիվ 2471265 վկայականը` համաձայն որի բնակարանի սեփականատերը Նազիկ Չկալովի Խաչատրյանն է, անշարժ գույքը ձեռք է բերվել 2009 թվականի փետրվարի 16-ի թիվ 523 առուվաճառքի պայմանագրի հիման վրա:
Անշարժ գույքի սեփականության (օգտագործման) իրավունքի գրանցման թիվ 2292978 վկայականի պատճենի համաձայն` Կենտրոն համայնքի Զաքյան փողոցի 2-րդ շենքի 71-րդ բնակարանը սեփականության իրավունքով պատկանում է Նինել Ալեքսանդրի Միրզոյանին:
Անշարժ գույքի սեփականության (օգտագործման) իրավունքի գրանցման թիվ 1562600 վկայականի պատճենի համաձայն` Երևան քաղաքի Արաբկիր համայնքի Բաղրամյան պողոտայի 85-րդ շենքի 57-րդ բնակարանը սեփականության իրավունքով պատկանում է Լուսինե Փամբուխչյանին:
Անշարժ գույքի սեփականության (օգտագործման) իրավունքի գրանցման թիվ 2321899 վկայականի պատճենի համաձայն` Երևան քաղաքի Մալաթիա-Սեբաստիա համայնքի Անդրանիկի 75-րդ շենքի 42-րդ բնակարանը սեփականության իրավունքով պատկանում է Գնել Մուխաելի Հովհաննիսյանին:
Անշարժ գույքի վարձակալության 2009 թվականի հունվարի 29-ի պայմանագրի համաձայն Լուսինե Փամբուխչյանի (վարձատու) և Նազիկ Խաչատրյանի (վարձակալ) միջև կնքվել է անշարժ գույքի վարձակալության պայմանագիր, որի առարկա է հանդիսացել Բաղրամյան պողոտայի 85-րդ շենքի 57-րդ բնակարանը:
Խուզարկություն (առգրավում) կատարելու մասին 2009 թվականի ապրիլի 10-ի արձանագրության համաձայն` խուզարկություն է կատարվել Երևան քաղաքի Բաղրամյան պողոտայի 85-րդ շենքի 57-րդ բնակարանում: Խուզարկությամբ մեծ ննջասենյակի տրյումոյի 2-րդ դարակից հայտնաբերվել և առգրավվել է պելիէթիլենային տոպրակ, որի մեջ առկա են եղել հետևյալ փաստաթղթերը.
1.Նազիկ Չկալովի Խաչատրյանին Բաղրամյան պողոտայի 85-րդ շենքի 57-րդ բնակարանի նկատմամբ տրված սեփականության իրավունքի գրանցման թիվ 2471265 վկայականի երկու պատճեններ,
2.Լուսինե Փամբուխչյանին Բաղրամյան պողոտայի 85-րդ շենքի 57-րդ բնակարանի նկատմամբ տրված սեփականության իրավունքի գրանցման թիվ 1562600 վկայականի երկու պատճեններ,
3.Նազիկ Չկալովի Խաչատրյանին Զաքյան փողոցի 2-րդ շենքի 71-րդ բնակարանի նկատմամբ տրված սեփականության իրավունքի գրանցման թիվ 2569080 վկայականի պատճեն,
4.Սուրեն Պանդուխտյանին, Նաիրա Մելքոնյանին, Ջուլիետտա Պանդուխտյանին Կենտրոն համայնքի Ավագ Պետրոսյան փողոցի 4-րդ շենքի 24-րդ բնակարանի նկատմամբ տրված սեփականության իրավունքի գրանցման թիվ 1483156 վկայականի պատճեն,
5.Գայանե Մարյանյանին Արաբկիր համայնքի Ս.Դավթի փողոցի 5-րդ շենքի 59-րդ բնակարանի նկատմամբ տրված սեփականության իրավունքի գրանցման թիվ 077468 վկայականի պատճեն,
6.Իրէն Աբելի Օրդուխանյանին տրված սեփականության իրավունքի գրանցման թիվ 2569564 վկայականի պատճեն,
7.Նազիկ Խաչատրյանի անձնագրի հինգ պատճեններ,
8.Նունե Խանզրատյանի և Նազիկ Խաչատրյանի միջև Պուշկինի փողոցի 60-րդ շենքի 47-րդ բնակարանի նկատմամբ կնքված վարձակալության պայմանագիր,
9.Լորետա Կարենի Դոլուխանյանին տրված սեփականության իրավունքի վկայագիր և Լևոն Էլոյանի գույքի նկատմամբ ժառանգության իրավունքի վկայագրեր,
10.Զարեհ Էլոյանի կողմից Կարեն Դոլուխանյանին տրված լիազորագիր` հաստատված Կենտրոնի նոտար Հասմիկ Հարությունյանի կողմից,
11.Ավետիք Լևոնի Էլոյանի կողմից գրված ստացական,
12.Դերենիկ Մկրտչյանի կողմից գրված ստացական,
13.Զարեհ Էլոյանի, Լորետա Դոլուխանյանի, Սուրեն Պանդուխտյանի, Ջուլիետտա Պանդուխտյանի, Նաիրա Մելքոնյանի անձնագրերի պատճեններ,
15.Գնել Հովհաննիսյանի անձնագրի պատճեն,
16.Լուսինե Փամբուխչյանի կողմից Նազիկ Խաչատրյանին տրված լիազորագիր` վավերացված նոտարի կողմից,
16.Գնել Հովհաննիսյանի կողմից Նազիկ Խաչատրյանին տրված լիազորագիր` պաշտպանիչ պիտակով և կնիքով, որի վրա ստորագրություն և որևէ ձեռագիր նշում առկա չէ,
17.Նազիկ Խաչատրյանի կողմից տրված հայտարարություն` հաստատված նոտար Հասմիկ Հարությունյանի կողմից,
18.Նազիկ Խաչատրյանի կողմից տրված և նոտար Սուրեն Գրիգորյանի կողմից հաստատված հայտարարության պատճեն,
19.Գնել Հովհաննիսյանի և Նազիկ Խաչատրյանի միջև կնքված վարձակալության պայմանագիր,
20.Համլետ Դավթյանի և Նազելիի անունից լրացված վարձակալության պայմանագրի ձեռագիր նախագիծ,
21.Ավետիք Լևոնի Էլոյանի անունից Եղվարդի կադաստրին հասցեագրված դիմում, որի վրա առկա է կադաստրի շտամպը, սակայն «Դիմում» մասը լրացված չէ,
22.Լևոն Էլոյանի անվամբ լրացված ամառանոցային տարածքի գծագրեր, տեղեկանքններ և հատակագծեր,
23.Լորետա Դոլուխանյանին, Ավետիք Էլոյանին, Զարեհ Էլոյանին Կոտայքի մարզի Գետամեջ գյուղի 8-րդ փողոցի 2-րդ այգետնակի և այգեհողամասի նկատմամբ տրված սեփականության իրավունքի գրանցման թիվ 2380907 վկայականի պատճեն,
24.Լևոն Էլոյանի մահվան թիվ 090413 վկայականի պատճեն,
25.առանց լրացման բնակելի տարածության վարձակալության պայմանագրի օրինակ,
26.Աբրահամ Հակոբյանի և Կարուշ Ղազարյանի միջև կնքված վարձակալության պայմանագիր,
27.Նազիկ Չկալովի Խաչատրյանին 2006 թվականի մարտի 10-ին տրված տեղեկանքի երկու պատճեն,
28.Երևանի քաղաքապետի 2007 թվականի դեկտեմբերի 11-ի որոշման պատճեն և քաղվածքի պատճեն,
29.Լուսինե Փամբուխչյանի անձնագրի պատճեն,
30.Նազիկ Խաչատրյանի անունից կատարված վճարումների մուտքի դրամարկղային ութ անդորրագրեր,
31.Պավլիկ Գուրգենի Զաքարյանի կողմից Գայանե Պավլիկի Զաքարյանին ուղարկված գումարի փոխանցման անդորրագիր, որը ստացվել է 2009 թվականի հունվարի 23-ին,
32. 077-30-28-54 և 077-31-57-49 հեռախոսաքարտերը,
33.«Նոկիա-1200» բջջային հեռախոսների գնման երաշխիքային ապասարկման քարտեր և վճարման անդորրագրեր` համաձայն որոնց դրանք գնվել են 2008 թվականի դեկտեմբերի 15-ին Գ.Նժդեհ 2/43 հասցեում գտնվող խանութից,
34.ընդհանուր տետր` ձեռագիր 37 թերթից, որը սկսվում է «Մորս համար գազել» բանաստեղծությունից և ավատվում «Արամը կնոջը լսում էր անշարժ և ....» արտահայտությունով,
35.A-4 ֆորմատի թղթի վրա ազատ թեմայով արված գրառումներ` 4 թերթից,
36.Արամ Խաչատրյանի ծննդյան թիվ 278026 վկայականը,
37.2008-2009 թվականների տպագրության «Գինդ» շաբաթաթերթի օրինակներ,
38.«Инфо-Маркет» (Ինֆո-Մարկետ) շաբաթաթերթի երկու օրինակ,
39.բնակարանների դռների բանալիների հինգ կապ:
Առգրավում կատարելու մասին 2009 թվականի ապրիլի 14-ի արձանագրության համաձայն` ՀՀ ԿԱ անշարժ գույքի կադաստրի պետական կոմիտեի աշխատակազմի Շենգավիթի տարածքային ստորաբաժանումում գտնվող Անդրանիկի փողոցի 75-րդ շենքի 42-րդ բնակարանի կադաստրային գործից առգրավվել են սեփականության վկայականի կրկնօրինակ ստանալու վերաբերյալ Նազիկ Խաչատրյանի դիմումը, Գնել Հովհաննիսյանի կողմից Նազիկ Խաչատրյանին տրված լիազորագիրը, միասնական տեղեկանք ստանալու վերաբերյալ Նազիկ Խաչատրյանի դիմումը, ուրվագիծը, առուվաճառքի պայմանագիրը, նոտար Ս.Գրիգորյանին հասցեագրված գրությունը, Նազիկ Խաչատրյանին հասցեգրված գրությունը:
Առգրավում կատարելու մասին 2009 թվականի ապրիլի 15-ի արձանագրության համաձայն` ՀՀ ԿԱ անշարժ գույքի կադաստրի պետական կոմիտեի աշխատակազմի Կենտրոնի տարածքային ստորաբաժանմում գտնվող Զաքյան փողոցի 2-րդ շենքի 71-րդ բնակարանի կադաստրային գործից առգրավվել են Նազիկ Խաչատրյանի 2009 թվականի հունվարի 9-ի դիմումի պատճենը, Նինել Միրզոյանի կողմից Նազիկ Խաչատրյանին 2008 թվականի դեկտեմբերի 30-ին տրված լիազորագիրը, պետական գրանցում կատարելու մասին Նազիկ Խաչատրյանի 2009 թվականի հունվարի 23-ի դիմումը, 2009 թվականի հունվարի 16-ի առուվաճառքի պայմանագիրը, 2009 թվականի հունվարի 27-ի ուրվագիծը, Նազիկ Խաչատրյանին տրված թիվ 2569080 սեփականության իրավունքի վկայականը:
Առգրավում կատարելու մասին 2009 թվականի ապրիլի 15-ի արձանագրության համաձայն` ՀՀ ԿԱ անշարժ գույքի կադաստրի պետական կոմիտեի աշխատակազմի Արաբկիրի տարածքային ստորաբաժանմում գտնվող Բաղրամյան պողոտայի 85-րդ շենքի 57-րդ բնակարանի կադաստրային գործից առգրավվել են սեփականության վկայականի կրկնօրինակ ստանալու վերաբերյալ Նազիկ Խաչատրյանի 2009 թվականի փետրվարի 13-ի դիմումը, իրավունքի պետական գրանցում կատարելու մասին Նազիկ Խաչատրյանի 2009 թվականի փետրվարի 19-ի դիմումը, 2009 թվականի փետրվարի 16-ին տրված միասնական տեղեկանքը, Լուսինե Փամբուխչյանի կողմից Նազիկ Խաչատրյանին 2009 թվականի ապրիլի 30-ին տրված լիազորագիրը, 2009 թվականի փետրվարի 16-ի առուվաճառքի պայմանագիրը, 2009 թվականի փետրվարի 23-ին Նազիկ Խաչատրյանին տրված թիվ 2471265 սեփականության իրավունքի վկայականը:
«Մալաթիա» տարածքի նոտար Սուրեն Գրիգորյանի 2009 թվականի ապրիլի 14-ի գրության համաձայն` 2008 թվականի դեկտեմբերի 18-ին իր կողմից վավերացվել է Նազիկ Խաչատրյանի հայտարարությունը թիվ 4546 ռեեստրով: Իսկ մնացած գործարքների վավերացումը իր կողմից չի կատարվել և բնականաբար սեղանամատյանում նշված ռեեստրով վավերացված են բոլորովին այլ գործարքներ այլ քաղաքացիների կողմից:
ՀՀ արդարադատության նախարարության նոտարիատի բաժնի պետի 2009 թվականի ապրիլի 15-ի թիվ Ե2082 գրության համաձայն` 2008 թվականի դեկտեմբերի 6-ին Երևան քաղաքի «Նոր Նորք» նոտարական տարածքի նոտար Գ.Ենգիբարյանի աշխատասենյակից կատարվել է գողություն, որի հետևանքով գողացվել են նրա` պետական զինանշանի պատկերով կլոր կնիքը, ինչպես նաև թվով 312 պաշտպանիչ ինքնասոսնձվող պիտակներ, որոնց համարներն են 2686636-ից սկսած մինչև 2686946-ը ներառյալ: 2698027-2698035 համարի պիտակները հաշվառված են Երևան քաղաքի «Կենտրոն» նոտարական տարածքի նոտար Ն.Սարգսյանի անվամբ և փակցվել են ժառանգության իրավունքի վկայագրի վրա: Թիվ 3143736 պիտակը հաշվառված է են Երևան քաղաքի «Կենտրոն» նոտարական տարածքի նոտար Հ.Հարությունյանի անվամբ և փակցված է քաղաքացու ստորագրության իսկությունը հավաստող փաստաթղթի վրա:
Բնակարանի առուվաճառքի 2009 թվականի փետրվարի 16-ի պայմանագրի համաձայն` Լուսինե Սոսի Փամբուխչյանի (վաճառող) և Նազիկ Չկալովի Խաչատրյանի (գնորդ) միջև կնքվել է բնակարանի առուվաճառքի պայմանագիր, որի առարկա է հանդիսացել Երևան քաղաքի Բաղրամյան պողոտայի 85-րդ շենքի 57-րդ բնակարանը:
Բնակարանի առուվաճառքի 2009 թվականի ապրիլի 2-ի պայմանագրի համաձայն` Գնել Մուխաելի Հովհաննիսյանի (վաճառող) և Նազիկ Չկալովի Խաչատրյանի (գնորդ) միջև կնքվել է բնակարանի առուվաճառքի պայմանագիր, որի առարկա է հանդիսացել Երևան քաղաքի Անդրանիկի փողոցի 75-րդ շենքի 42-րդ բնակարանը:
Բնակարանի առուվաճառքի 2009 թվականի հունվարի 16-ի պայմանագրի համաձայն` Նինել Ալեքսանդրի Միրզոյանի (վաճառող) և Նազիկ Չկալովի Խաչատրյանի (գնորդ) միջև կնքվել է բնակարանի առուվաճառքի պայմանագիր, որի առարկա է հանդիսացել Երևան քաղաքի Զաքյան փողոցի 2-րդ շենքի 71-րդ բնակարանը:
2009 թվականի հունվարի 30-ին վավերացված լիազորագրի համաձայն` Լուսինե Սոսի Փամբուխչյանը Նազիկ Չկալովի Խաչատրյանին լիազորել է ստանալ Երևան քաղաքի Բաղրամյան պողոտայի 85-րդ շենքի 57-րդ բնակարանի սեփականության իրավունքի վկայականը, իր փոխարեն ստորագրել առուվաճառքի պայմանագիրը, ստանալ միասնական տեղեկանք անշարժ գույքի սահմանափակումների մասին և կատարել քաղաքացիաիրավական այլ գործողություններ:
2009 թվականի հունվարի 30-ին վավերացված լիազորագրի համաձայն` Գնել Մուխաելի Հովհաննիսյանը Նազիկ Չկալովի Խաչատրյանին լիազորել է ստանալ Երևան քաղաքի Անդրանիկի փողոցի 75-րդ շենքի 42-րդ բնակարանի սեփականության իրավունքի վկայականը, իր փոխարեն ստորագրել առուվաճառքի պայմանագիրը, ստանալ միասնական տեղեկանք անշարժ գույքի սահմանափակումների մասին և կատարել քաղաքացիաիրավական այլ գործողություններ:
2008 թվականի դեկտեմբերի 30-ին վավերացված լիազորագրի համաձայն` Նինել Ալեքսանդրի Միրզոյանը Նազիկ Չկալովի Խաչատրյանին լիազորել է ստանալ Երևան քաղաքի Զաքյան փողոցի 2-րդ շենքի 71-րդ բնակարանի սեփականության իրավունքի վկայականը, իր փոխարեն ստորագրել առուվաճառքի պայմանագիրը, ստանալ միասնական տեղեկանք անշարժ գույքի սահմանափակումների մասին և կատարել քաղաքացիաիրավական այլ գործողություններ:
ՀՀ ԿԱ անշարժ գույքի կադաստրի պետական կոմիտեի աշխատակազմի Շենգավիթի տարածքային ստորաբաժանման ղեկավարին ուղղված 2009 թվականի մարտի 23-ի դիմումի համաձայն` Նազիկ Չկալովի Խաչատրյանը խնդրել է իրեն տրամադրել Անդրանիկի փողոցի 75-րդ շենքի 42-րդ բնակարանի սեփականության վկայականի կրկնօրինակը:
ՀՀ ԿԱ անշարժ գույքի կադաստրի պետական կոմիտեի աշխատակազմի Շենգավիթի տարածքային ստորաբաժանման ղեկավարին ուղղված 2009 թվականի մարտի 30-ի դիմումի համաձայն` Նազիկ Չկալովի Խաչատրյանը խնդրել է իրեն տրամադրել Անդրանիկի փողոցի 75-րդ շենքի 42-րդ բնակարանի սահմանափակումների վերաբերյալ միասնական տեղեկանք:
ՀՀ ԿԱ անշարժ գույքի կադաստրի պետական կոմիտեի աշխատակազմի Կենտրոնի տարածքային ստորաբաժանման ղեկավարին ուղղված 2009 թվականի սեպտեմբերի 1-ի դիմումի համաձայն` Նազիկ Չկալովի Խաչատրյանը խնդրել է իրեն տալ Զաքյան փողոցի 2-րդ շենքի 71-րդ բնակարանի սահմանափակումների վերաբերյալ միասնական տեղեկանք` նոտարական գրասենյակում առուվաճառք ձևակերպելու համար:
ՀՀ ԿԱ անշարժ գույքի կադաստրի պետական կոմիտեի աշխատակազմի Արաբկիրի տարածքային ստորաբաժանման ղեկավարին ուղղված 2009 թվականի փետրվարի 13-ի դիմումի համաձայն` Նազիկ Չկալովի Խաչատրյանը խնդրել է իրեն տրամադրել Բաղրամյան պողոտայի 85-րդ շենքի 57-րդ բնակարանի սահմանափակումների վերաբերյալ միասնական տեղեկանք:
Փորձագետի 2009 թվականի ապրիլի 27-ի թիվ 1115 եզրակացության համաձայն.
-թիվ 14110609 քրեական գործով փորձաքննության ներկայացված թիվ 1` 40x31մմ, թիվ 2` 107x90մմ, թիվ 3` 36x29մմ, թիվ 4` 38x33մմ, թիվ 5` 77x60մմ կողային չափերով դակտոժապավենների կպչուն մակերեսների վրա արտատպված մատնահետքերը և ափի հետքերը պիտանի են անձի նույնացման համար,
-թիվ 1` 40x31մմ և թիվ 3` 36x29մմ կողային չափերով դակտոժապավենների լուսանկարների վրա արտատպված մատնահետքերը թողնված են նույն անձի միևնույն մատի կողմից,
-թիվ 2` 107x90մմ և թիվ 5` կողային չափերով 77x60մմ դակտոժապավենների լուսանկարների վրա արտատպված մատնահետքերը թողնված են նույն անձի միևնույն մատի կողմից,
-թիվ 1` 40x31մմ և թիվ 3` 36x29մմ կողային չափերով դակտոժապավենների կպչուն մակերեսների վրա արտատպված միևնույն մատնահետքերը թողնված են Նազիկ Չկալովի Խաչատրյանի ձախ ձեռքի միջնամատի կողմից, իսկ թիվ 2` 107x90մմ, թիվ 5` 77x60մմ կողային չափերով դակտոժապավենների կպչուն մակերեսների վրա արտատպված միևնույն ափի հետքերը թողնված են Նազիկ Չկալովի Խաչատրյանի աջ ձեռքի աջ ափի հիպոտենորային հատվածի կողմից,
-թիվ 3` 36x29մմ կողային չափերով դակտոժապավենի կպչուն մակերեսի վրա արտատպված մատնահետքը թողնված է ոչ թե Նազիկ Չկալովի Խաչատրյանի, այլ մեկ ուրիշ անձի կողմից,
-թիվ 3` 36x29մմ կողային չափերով դակտոժապավենի կպչուն մակերեսի վրա արտատպված մատնահետքը համեմատվել է ՀՀ ոստիկանության ՓՔՎ մատնդրոշմային քարտադարանում հաշվառված, չբացահայտված հանցագործություններով դեպքերի վայրերից առգրավված մատնահետքերի, ինչպես նաև քարտադարանում հաշվառված անձանց մատնադրոշմների հետ: Համեմատության արդյունքում համընկնում չի հայտնաբերվել,
-Նազիկ Չկալովի Խաչատրյանի մատնադրոշմները հաշվառվել և համեմատվել են ՀՀ ոստիկանության ՓՔՎ մատնադրոշմային քարտադարանում հաշվառված, չբացահայտված հանցագործություններով դեպքերի վայրերից առգրավված մատնահետքերի հետ: Համեմատության արդյունքում համընկնում չի հայտնաբերվել:
Փորձագետի 2009 թվականի ապրիլի 22-ի թիվ 1112 եզրակացության համաձայն.
-փորձաքննության ներկայացված թվով 7 լիազորագրերում և բնակարանի առուվաճառքի թվով 4 պայմանագրերում եղած հետազոտվող կլոր կնիքի դրոշմները չեն համապատասխանում Սուրեն Գրիգորյանի անվամբ կլոր կնիքի դրոշմի նմուշներին, այսինքն դրանք թողնված են մեկ այլ կնիքի (կլիշեի) կողմից,
-Նազիկ Խաչատրյանի անունից 2009 թվականի փետրվարի 13-ի, մարտի 23-ի, մարտի 30-ի և սեպտեմբերի 1-ի դիմումներում ձեռագիր տեքստերը կատարված են Նազիկ Խաչատրյանի կողմից,
-բնակարանի առուվաճառքի թվով 4 պայմանագրերի «Գնորդ» բառի և 2009 թվականի փետրվարի 13-ի, մարտի 23-ի, մարտի 30-ի և սեպտեմբերի 1-ի դիմումների «Դիմող» բառի դիմաց եղած ստորագրությունները կատարված են Նազիկ Խաչատրյանի կողմից,
-թվով 6 լիազորագրերի և բնակարանի առուվաճառքի թվով 4 պայմանագրերի «ՆՈՏԱՐ» բառի դիմաց եղած ստորագրությունները կատարված չեն Սուրեն Գրիգորյանի կողմից, այլ կեղծված են մեկ ուրիշ անձի կամ անձանց կողմից,
-Գնել Մուխաելի Հովհաննիսյանի և Նազիկ Չկալովի Խաչատրյանի միջև 2009 թվականի ապրիլի 2-ին կնքված բնակարանի առուվաճառքի պայմանագրի «վաճառող» բառի և լիազորագրի «ԼԻԱԶՈՐՈՂ Գնել Մուխաելի Հովհաննիսյան» բառերի դիմաց եղած ստորագրությունները կատարված չեն Գնել Հովհաննիսյանի կողմից, այլ կեղծված են մեկ ուրիշ անձի կամ անձանց կողմից` նմանակելով վերջինի ստորագրությանը,
-Լուսինե Սոսի Փամբուխչյանի և Նազիկ Չկալովի Խաչատրյանի միջև 2009 թվականի փետրվարի 16-ին կնքված բնակարանի առուվաճառքի պայմանագրի «վաճառող» բառի և թվով 4 լիազորագրերի «ԼԻԱԶՈՐՈՂ Լուսինե Սոսի Փամբուխչյան» բառերի դիմաց եղած ստորագրությունները կատարված չեն Լուսինե Փամբուխչյանի կողմից, այլ կեղծված են մեկ ուրիշ անձի կամ անձանց կողմից` նմանակելով վերջինի ստորագրությանը,
-Նինել Ալեքսանդրի Միրզոյանի և Նազիկ Չկալովի Խաչատրյանի միջև 2009 թվականի հունվարի 16-ին կնքված բնակարանի առուվաճառքի թվով 2 պայմանագրերի «վաճառող» բառի և լիազորագրի «ԼԻԱԶՈՐՈՂ Նինել Ալեքսանդրի Միրզոյան» բառերի դիմաց եղած ստորագրությունները կատարված չեն Նինել Միրզոյանի կողմից, այլ կեղծված են մեկ ուրիշ անձի կամ անձանց կողմից` նմանակելով վերջինի ստորագրությանը:
Փորձագետի 2009 թվականի մայիսի 26-ի թիվ 09-0733 եզրակացության համաձայն` Գնել Հովհաննիսյանին սեփականության իրավունքով պատկանող Երևան քաղաքի Մալաթիա-Սեբաստիա համայնքի Անդրանիկի փողոցի 75-րդ շենքի 89.4քմ մակերեսով 42-րդ բնակարանի շուկայական արժեքը 2009 թվականի մարտի դրությամբ կազմել է 23.500.000 (քսաներեք միլիոն հինգ հարյուր հազար) ՀՀ դրամ:
Փորձագետի 2009 թվականի մայիսի 26-ի թիվ 09-0733 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 13.740 ՀՀ դրամ:
Փորձագետի 2009 թվականի մայիսի 27-ի թիվ 09-0733/1 եզրակացության համաձայն` Լուսինե Փամբուխչյանին սեփականության իրավունքով պատկանող Երևան քաղաքի Արաբկիր համայնքի Բաղրամյան պողոտայի 85-րդ շենքի 75.1քմ մակերեսով 57-րդ բնակարանի շուկայական արժեքը 2009 թվականի փետրվարի 23-ի դրությամբ կազմել է 30.800.000 (երեսուն միլիոն ութ հարյուր հազար) ՀՀ դրամ:
Փորձագետի 2009 թվականի մայիսի 27-ի թիվ 09-0733/1 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 13.740 ՀՀ դրամ:
Փորձագետի 2009 թվականի մայիսի 29-ի թիվ 09-0733/2 եզրակացության համաձայն` Նինել Միրզոյանին սեփականության իրավունքով պատկանող Երևան քաղաքի Կենտրոն համայնքի Զաքյան փողոցի 2-րդ շենքի 30.6քմ մակերեսով 71-րդ բնակարանի շուկայական արժեքը 2009 թվականի հունվարի 27-ի դրությամբ կազմել է 16.300.000 (տասնվեց միլիոն երեք հարյուր հազար) ՀՀ դրամ:
Փորձագետի 2009 թվականի մայիսի 29-ի թիվ 09-0733/2 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 13.740 ՀՀ դրամ:
Իրեղեն ապացույց ճանաչելու մասին 2009 թվականի օգոստոսի 21-ի որոշման համաձայն` Նազիկ Խաչատրյանի անվամբ տրված սեփականության իրավունքի գրանցման թիվ 2469080 և 2471265 վկայականները ճանչվել են իրեղեն ապացույց և կցվել քրեական գործին:
ՀՀ կենտրոնական բանկի պաշտոնական կայքի (www.cba.am) համաձայն` 2008 թվականի դեկտեմբերի 15-ին 1 ԱՄՆ դոլարը համարժեք է եղել 308.55 ՀՀ դրամի:
ՀՀ ոստիկանության ինֆորմացիոն կենտրոնի պահանջագրի համաձայն` Նազիկ Չկալովի Խաչատրյանը նախկինում դատապարտված չի եղել:
Ծննդյան թիվ ԱԱ278026 վկայականի համաձայն` 2001 թվականի դեկտեմբերի 16-ին ծնված Արամ Խաչիկի Խաչատրյանի հայրը Խաչիկ Հայկի Խաչատրյանն է, իսկ մայրը` Նազիկ Չկալովի Խաչատրյանը:
Տուժող ճանաչելու մասին 2009 թվականի ապրիլի 6-ի որոշման համաձայն` թիվ 14110609 քրեական գործով Նինել Ալեքսանդրի Միրզոյանը ճանաչվել է տուժող:
Տուժող ճանաչելու մասին 2009 թվականի ապրիլի 7-ի որոշման համաձայն` թիվ 14110609 քրեական գործով Լուսինե Սոսի Փամբուխչյանը ճանաչվել է տուժող:
Տուժող ճանաչելու մասին 2009 թվականի ապրիլի 11-ի որոշման համաձայն` թիվ 14110609 քրեական գործով Նարինե Միշայի Սահակյանը ճանաչվել է տուժող:
Ձերբակալման 2009 թվականի ապրիլի 6-ի արձանագրության համաձայն` 2009 թվականի ապրիլի 6-ին` ժամը 21:30-ին, Նազիկ Չկալովի Խաչատրյանը ձերբակալվել է:
Կալանավորումը որպես խափանման միջոց կիրառելու միջնորդությունը քննելու մասին Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարանի 2009 թվականի ապրիլի 9-ի որոշման համաձայն` Նազիկ Չկալովի Խաչատրյանի նկատմամբ որպես խափանման միջոց կիրառվել է կալանավորումը:
3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Նազիկ Չկալովի Խաչատրյանը, 2008 թվականի դեկտեմբերի կեսերին նախնական համաձայնության գալով Մանվել Բաղդասարի Բատիկայանի հետ, լիազորագրեր և առուվաճառքի պայմանագրեր կեղծելու եղանակով փորձել է սեփականության իրավունք ձեռք բերել ընդհանուր 1.500.000 ԱՄՆ դոլար (462.825.000 ՀՀ դրամ) արժողությամբ Երևան քաղաքում գտնվող թվով 7-8 բնակարանների նկատմամբ: Այսպես.
2009 թվականի հունվարից մինչև ապրիլն ընկած ժամանակահատվածում Նազիկ Խաչատրյանը վարձակալության պայամանագրեր է կնքել Երևան քաղաքի Զաքյան փողոցի 2-րդ շենքի 71-րդ բնակարանի սեփականատեր Նինել Միրզոյանի, Բաղրամյան պողոտայի 85-րդ շենքի 57-րդ բնակարանի սեփականատեր Լուսինե Փամբուխչյանի և Անդրանիկի փողոցի 75-րդ շենքի 42-րդ բնակարանի սեփականատեր Գնել Հովհաննիսյանի հետ և նրանցից խաբեությամբ վերցրել նրանց անձնագրերի պատճենները և նշված բնակարանների սեփականության իրավուքի գրանցման վկայականները կամ դրանց պատճենները: Այնուհետև Նազիկ Խաչատրյանն ու Մանվել Բատիկյանը կազմել են իրավունք վերապահող կեղծ լիազորագրեր, համաձայն որոնց Նինել Միրզոյանը, Լուսինե Փամբուխչյանը և Գնել Հովհաննիսյանը Նազիկ Խաչատրյանին լիազորել են իրենց փոխարեն հանդես գալ անշարժ գույքի կադաստրի պետական կոմիտեի համապատասխան տարածքային ստորաբաժանումներում: Նշված կեղծ լիազորագրերը Նազիկ Խաչատրյանը ներկայացրել է ՀՀ կառավարությանն առընթեր անշարժ գույքի կադաստրի պետական կոմիտեի «Կենտրոն», «Արաբկիր» և «Շենգավիթ» տարծքային ստորաբաժանումներ և ստացել համապատասխանաբար Երևան քաղաքի Զաքյան փողոցի 2-րդ շենքի 71-րդ, Բաղրամյան պողոտայի 85-րդ շենքի 57-րդ և Ադրանիկի փողոցի 75-րդ շենքի 42-րդ բնակարանների սեփականության իրավունքի գրանցման վկայականների կրկինօրինակները, ինչպես նաև այդ բնակարանների նկատմամբ գրանցված սահմանափակումների վերաբերյալ միասնական տեղեկանքներ: Դրանից հետո Նազիկ Խաչատրյանն ու Մանվել Բատիկյանը կազմել են առուվաճառքի կեղծ պայմանագրեր` համաձայն որոնց Նինել Միրզոյանը, Լուսինե Փամբուխչյանը և Գնել Հովհաննիսյանը Նազիկ Խաչատրյանին վաճառել են համապատասխանաբար Երևան քաղաքի Զաքյան փողոցի 2-րդ շենքի 71-րդ, Բաղրամյան պողոտայի 85-րդ շենքի 57-րդ և Ադրանիկի փողոցի 75-րդ շենքի 42-րդ բնակարանները: Նշված առուվաճառքի կեղծ պայամանգրերը Նազիկ Խաչատրյանը ներկայացրել ՀՀ կառավարությանն առընթեր անշարժ գույքի կադաստրի պետական կոմիտեի «Կենտրոն», «Արաբկիր» և «Շենգավիթ» տարածքային ստորաբաժանումներ և իր անվամբ ստացել 16.300.000 ՀՀ դրամ արժողության Երևան քաղաքի Զաքյան փողոցի 2-րդ շենքի 71-րդ և 30.800.000 ՀՀ դրամ արժողության Երևան քաղաքի Բաղրամյան պողոտայի 85-րդ շենքի 57-րդ բնակարանների նկատմամբ սեփականության իրավունքի գրանցման վկայականները, իսկ Երևան քաղաքի Անդրանիկի փողոցի 75-րդ շենքի 42-րդ բնակարանի նկատմամբ սեփականության իրավունքի գրանցումը Նազիկ Խաչատրյանի անվամբ չի կատարվել և նրա ու Մանվել Բատիկյանի հանցավոր մտադրությունը ավարտին չի հասցվել նրանց կամքից անկախ հանգամանքներով, քանի որ 2009 թվականի ապրիլի 4-ին Նազիկ Խաչատրյանը ՀՀ ոստիկանության Արաբկիրի բաժնի աշխատակիցների կողմից բերման է ենթարկվել ոստիկանություն:
Այսինքն` Նազիկ Չկալովի Խաչատրյանը Մանվել Բաղդասարի Բատիկայանի հետ նախնական համաձայնությամբ կեղծել և օգտագործել է իրավունք վերապահող փաստաթղթեր, ինչը համապատասխանում է ՀՀ քրեական օրենսգրքի 325-րդ հոդվածի 2-րդ մասի հատկանիշներին, ինչպես նաև, Մանվել Բաղդասարի Բատիկայանի հետ նախնական համաձայնությամբ, խաբերության եղանակով փորձել է առանձնապես խոշոր չափի ուրիշի գույքի նկատմամբ իրավուքն ձեռք բերել, սակայն հանձագործությունն ավարտին չի հասցրել իր կամքից անկախ հանգամանքններով, ինչը համապատասխանում է ՀՀ քրեական օրենսգրքի 34-178-րդ հոդվածի 3-րդ մասի 1-ին կետի հատկանիշներին:
Ապացուցված է Նազիկ Չկալովի Խաչատրյանի մեղավորությունը ՀՀ քրեական օրենսգրքի 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով նախատեսված արարքները կատարելու մեջ:
Նազիկ Խաչատրյանի անձը դրականորեն բնութագրող հանգամանքներ են ինքնախոտովանական ցուցմունքներ տալը և կատարածի համար զղջալը:
Նազիկ Խաչատրյանի պատասխանատվությունն ու պատիժը մեղմացնող հանգամանքներ են հանցագործությունը բացահայտելուն և հանացագրծության մյուս մասնակցին մերկացնելուն աջակցելը:
Նազիկ Խաչատրյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Արամ Խաչիկի Խաչատրյան` ծնված 2001 թվականի դեկտեմբերի 16-ին) առկայությունը:
Նազիկ Խաչատրյանի պատասխանատվությունն ու պատիժը մեղմացնող հանգամանք է նաև նախկինում արատավորված` դատապարտված չլինելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Նազիկ Խաչատրյանի կատարած բոլոր արարքներով էլ առկա են:
Դատարանը գտնում է նաև, որ Նազիկ Խաչատրյանի կողմից կատարված` ՀՀ քրեական օրենսգրքի 325-րդ հոդվածի 2-րդ մասով նախատեսված արարքի պատասխանատվությունն ու պատիժը ծանրացնող հանգամանք է հանցանքն այլ հանցագործության կատարումը հեշտացնելու նպատակով կատարելը, քանի որ իրավունք վերապահող փաստաթղթերն ամբաստանյալի կողմից կեղծվել և օգտագործվել են խաբեությամբ ուրիշի գույքի նկատմամբ իրավունք ձեռք բերելը հեշտացնելու նպատակով:
Դատարանը միաժամանակ արձանագրում է, որ Նազիկ Խաչատրյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Նազիկ Խաչատրյանը ենթակա է քրեական պատասխանատվության և պատժի:
Դատարանը, հաշվի առնելով Նազիկ Խաչատրյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, ՀՀ քրեական օրենսգրքի 325-րդ հոդվածի 2-րդ մասով նախատեսված արարքի պատասխանատվությունն ու պատիժը ծանրացնող հանգամանքը, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով: Ընդ որում` ՀՀ քրեական օրենսգրքի 34-178-րդ հոդվածի 3-րդ մասի 1-ին կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական օրենսգրքի 64-րդ հոդվածի 1-ին մասի համաձայն` հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի` հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսված է այդ հոդվածով, կամ չկիրառել որպես պարտադիր նախատեսված լրացուցիչ պատիժ: ՀՀ վճռաբեկ դատարանն իր` 2007 թվականի օգոստոսի 30-ի թիվ ՎԲ-145/07 որոշմամբ ՀՀ քրեական օրենսգրքի 64-րդ հոդվածի կիրառման կապակցությամբ արտահայտել է այն իրավական դիրքորոշումը, որ «պատիժը մեղմացնելու բացառիկ հիմքին հավասարազոր է խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելը: Պատիժը մեղմացնելու հարցում դա ունի նույն դերը, ինչ գործի բացառիկ հանգամանքն է»:
Սույն գործով ամբաստանյալ Նազիկ Խաչատրյանը ակտիվորեն աջակցել է խմբի կատարած հանցանքը բացահայտելուն` մերկացնելով խմբակային հանցագործության մյուս մասնակից Մանվել Բատիկյանին, որի արդյունքում բացահայտվել է սույն քրեական գործի համար էական նշանակություն ունեցող հանգամանք (1.500.000 ԱՄՆ դոլարի տիրանալու խմբի մտադրությունը), ինչպես նաև ՀՀ հատուկ քննչական ծառայությունում քննվող` սույն քրեական գործից անջատված թիվ 14127009 քրեական գործի շրջանակներում Մանվել Բատիկյանին առաջադրվել է մեղադրանք:
Վերոգրյալը հաշվի առնելով` Դատարանը գտնում է, որ Նազիկ Խաչատրյանի նկատմամբ ՀՀ քրեական օրենսգրքի 34-178-րդ հոդվածի 3-րդ մասի 1-ին կետով կատարած արարքի համար կարող է նշանակվել ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված պատժի նվազագույն չափից ավելի ցածր պատիժ, այսինքն կիրառելի է ՀՀ քրեական օրենսգրքի 64-րդ հոդվածը:
Դատարանը գտնում է, որ ամբաստանյալ Նազիկ Խաչատրյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Նազիկ Խաչատրյանի պատժի կրման սկիզբը պետք է հաշվել 2009 թվականի ապրիլի 6-ից, քանի որ նա ձերբակալվել է այդ օրը, իսկ 2009 թվականի ապրիլի 9-ին նրա նկատմամբ որպես խափանման միջոց ընտրվել է կալանավորումը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2009 թվականի օգոստոսի 21-ի որոշմամբ իրեղեն ապացույց ճանաչված Նազիկ Խաչատրյանի անվամբ տրված սեփականության իրավունքի գրանցման թիվ 2469080 և 2471265 վկայականները պետք է պահել քրեական գործի հետ միասին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Նազիկ Խաչատրյանից դատարանի նախաձեռնությամբ ենթակա չեն բռնագանձման, քանի որ տուժողները, հնարավորություն ունենալով ներկայացնելու իրենց շահերը, ամբաստանյալին որևէ պահանջ չեն ներկայացրել: Դատարանը, ղեկավարվելով ՀՀ քրեական դատավարության օրենսգրքի 169-րդ հոդվածի 2-րդ մասով, գտնում է, որ ամբաստանյալից բռնագանձման ենթակա չէ ապրանքագիտական երեք փորձաքննությունների համար վճարման ենթակա ընդհանուր գումարը` 41.220 (3x13.740=41.220) ՀՀ դրամը, քանի որ այդ գումարի գանձումը կարող է էապես ազդել ամբաստանյալի խնամքի տակ գտնվող Արամ Խաչատրյանի նյութական վիճակի վրա: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-6-րդ կետերով նախատեսված դատական ծախսերը, քանի որ 4-րդ և 6-րդ կետերով նախատեսված դատական ծախսեր ընդհանրապես չկան, իսկ 2-րդ, 3-րդ և 5-րդ կետերով նախատեսված ծախսերի վերաբերյալ տվյալները բացակայում են, ավելին` նման պահանջ Դատարան չի ներկայացվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 169-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը
ՎՃՌԵՑ

Նազիկ Չկալովի Խաչատրյանին մեղավոր ճանաչել ՀՀ քրեական օրենսգրքի 34-178-րդ հոդվածի 3-րդ մասի 1-ին կետով և 325-րդ հոդվածի 2-րդ մասով:
ՀՀ քրեական օրենսգրքի 64-րդ հոդվածի կիրառմամբ Նազիկ Չկալովի Խաչատրյանի նկատմամբ ՀՀ քրեական օրենսգրքի 34-178-րդ հոդվածի 3-րդ մասի 1-ին կետով պատիժ նշանակել ազատազրկում` 1 (մեկ) տարի ժամկետով:
ՀՀ քրեական օրենսգրքի 325-րդ հոդվածի 2-րդ մասով Նազիկ Չկալովի Խաչատրյանի նկատմամբ պատիժ նշանակել ազատազրկում` 3 (երեք) ամիս ժամկետով։
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Նազիկ Չկալովի Խաչատրյանի նկատմամբ վերջնական պատիժ նշանակել ազատազրկում` 1 (մեկ) տարի 2 (երկու) ամիս ժամկետով` պատժի կրման սկիզբը հաշվելով 2009 թվականի ապրիլի 6-ից:
Նազիկ Չկալովի Խաչատրյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2009 թվականի օգոստոսի 21-ի որոշմամբ իրեղեն ապացույց ճանաչված Նազիկ Խաչատրյանի անվամբ տրված սեփականության իրավունքի գրանցման թիվ 2469080 և 2471265 վկայականները պահել քրեական գործի հետ միասին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ