ԵԱՔԴ/0114/01/09






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«28» հոկտեմբերի 2009թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Շահազիզյան
պաշտպաններ Պ.Տեր-Հարությունյան
Կ.Աղաջանյան

դռնբաց դատական նիստում քննեց քրեական գործն ըստ մեղադրանքի`
Արսեն Արտաշի Ոսկանյանի` ծնված 1962 թվականի մայիսի 6-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, չի աշխատում, չամուսնացած, դատվածություն չունեցող, հաշվառված է Երևան քաղաքի Կոմիտասի փողոցի 39-րդ շենքի 25-րդ բնակարնում, բնակվել է Երևան քաղաքի Իսակովի 36/4 շենքի 11-րդ բնակարանում: Մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով, արգելանքի տակ է 2009 թվականի հունիսի 29-ից,
Արթուր Կառլենի Մաթևոսյանի` ծնված 1969 թվականի հունվարի 24-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ անձ, չի աշխատում, նախկինում չդատապարտված, հաշվառված է Երևան քաղաքի Կուրղինյան փողոցի 13-րդ շենքի 27-րդ բնակարանում: Մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով, արգելանքի տակ է 2009 թվականի հունիսի 29-ից:
1. Գործի դատավարական նախապատմությունը.
2009 թվականի հունիսի 29-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով նախատեսված հանցագործությունների հատկանիշներով հարուցվել և վարույթ է ընդունվել թիվ 09110109 քրեական գործը:
2009 թվականի հուլիսի 1-ին ՀՀ ոստիկանության Քանաքեռ-Զեյթունի քննչական բաժնի քննիչ Ս.Գրիգորյանի որոշմամբ թիվ 09109309 քրեական գործից անջատվել է Արսեն Արտաշի Ոսկանյանի վերաբերյալ մասը` թիվ 09110109 քրեական գործին միացնելու համար:
2009 թվականի հուլիսի 2-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ Արսեն Արտաշի Ոսկանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով:
2009 թվականի հուլիսի 2-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ Արթուր Կառլենի Մաթևոսյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
2009 թվականի օգոստոսի 13-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ Արսեն Արտաշի Ոսկանյանին առաջադրված մեղադրանքը փոփոխվել է և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
2009 թվականի օգոստոսի 13-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Պապոյանի որոշմամբ թիվ 09110109 քրեական գործի նյութերով ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով հարուցվել է նոր քրեական գործ, շնորհվել 09114609 համարը և ընդունվել վարույթ:
2009 թվականի օգոստոսի 20-ին Արսեն Արտաշի Ոսկանյանի և Արթուր Կառլենի Մաթևոսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Արսեն Արտաշի Ոսկանյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն արարքների համար, որ նա 2009 թվականի հունիսի 27-ին Երևան քաղաքի Իսակովի պողոտայի 36/4 շենքի մոտ ոմն Արթուրից ապօրինի ձեռք է բերել ափիոն տեսակի թմրամիջոց և պրեկուրսոր հանդիսացող քացախաթթվի անհիդրիդ, որից 2009 թվականի հունիսի 29-ին` ժամը 16:00-ի սահմաններում, Երևան քաղաքի Իսակովի պողոտայի 36/4 շենքի մոտ, խոշոր չափի 0.61 գրամ հաստատուն քաշով ափիոն տեսակի թմրամիջոցը և 0.3 մլ ծավալով պրեկուրսոր հանդիսացող քացախաթթվի անհիդրիդը 20.000 ՀՀ դրամով վաճառելու եղանակով ապօրինի իրացրել է Արթուր Կառլենի Մաթևոսյանին: Բացի այդ, գործով չպարզված հանգամանքներում ապօրինի ձեռք է բերել և իր` Երևան քաղաքի Իսակովի պողոտայի 36/4 շենքի 11-րդ բնակարանում ապօրինի պահել է խոշոր չափի 0.740 գրամ քաշով ափիոն տեսակի թմրամիջոց, 1 մլ ծավալով պրեկուրսոր հանդիսացող քացախաթթվի անհիդրիդ, զգալի չափի 0.25 գրամ քաշով տրամադոլ հոգեմետ բաղադրատարրեր, որոնք 2009 թվականի հունիսի 29-ին հայտնաբերվել են նրա բնակարանի խուզարկությամբ:
Արթուր Կառլենի Մաթևոսյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն արարքների համար, որ նա 2009 թվականի հունիսի 29-ին` ժամը 16:00-ի սահմաններում, Երևան քաղաքի Իսակովի պողոտայի 36/4 շենքի մոտ Արսեն Արտաշի Ոսկանյանից 20.000 ՀՀ դրամով ապօրինի ձեռք է բերել և պահել խոշոր չափի 0.61 գրամ հաստատուն քաշով ափիոն տեսակի թմրամիջոց և 0.3 մլ ծավալով պրեկուրսոր հանդիսացող քացախաթթվի անհիդրիդ, որը նույն օրը ՀՀ ոստիկանության Քանաքեռ-Զեյթունի բաժնում հայտնաբերվել է նրա անձնական խուզարկությամբ:
2. Ապացույցների հետազոտում և գնահատում.
Դատական քննության ընթացքում ամբաստանյալ Արսեն Ոսկանյանը իրեն մեղավոր ճանաչեց մասնակի (ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով իրեն մեղավոր ճանաչեց, իսկ 266-րդ հոդվածի 2-րդ մասի 2-րդ կետով` ոչ) և ցուցմունք տվեց այն մասին, որ ճանաչում է Արթուր Մաթևոսյանին: 2009 թվականի հունիսի 29-ին իրեն է զանգահարել Արթուր Մաթևոսյանը և հայտնել, որ հիվանդ է: Ինքը նույնպես հիվանդ է եղել, ուստի որոշել են յուրաքնաչյուրը 10.000 ՀՀ դրամ ներդնելով, գնել թմրամիջոց և օգտագործել այն: Ինքը ծանոթ է եղել նաև ոմն Արթուրի հետ և նրանից մի քանի անգամ թմրամիջոց է ձեռք բերել: Նրա հետ նախօրոք պայմանավորվել է 20.000 ՀՀ դրամով ձեռք բերել 2 հոգու համար նախատեսված մեկանգամյա օգտագործման թմրամիջոց: 2009 թվականի հունիսի 29-ին ինքը հանդիպել է ոմն Արթուրի հետ, նրանից վերցրել թմրամիջոց և այդ պահին իրեն ու Արթուր Մաթևոսյանին ձերբակալել են: Ձերբակալման պահին ոմն Արթուրը կանգնած է եղել 30-50 մետր այն կողմ, ինքը փողը նրան չի տվել, քանի որ իր մոտ եղել է 10.000 ՀՀ դրամ: Ինքը բերել է ափիոնը, տվել է Արթուր Մաթևոսյանին, նրանից վերցրել 10.000 ՀՀ դրամ, որպեսզի իր մոտ եղած գումարի հետ միասին տա ոմն Արթուրին, սակայն այդ ժամանակ իրենց ձերբակալել են և նույնիսկ չի էլ հասցրել փոխանցել գումարը: Ձերբակալելուց հետո տարբեր մեքենաներով իրենց տարել են ՀՀ ոստիկանության Քանաքեռ-Զեյթունի բաժին, իսկ ոմն Արթուրը դիմել է փախուստի: Ինքը 2 օր ձեռնաշղթաներով մնացել է քննիչի սենյակում: Նախնական քննության ընթացքում իր մոտից հայտնաբերված գումարը իր քրոջ վերցրած վարկի գումարն է եղել, որը նախատեսված է եղել նրա բուժման համար և թմրամիջոցի հետ կապ չի ունեցել: Իր բնակարանի խուզարկությամբ հայտնաբերված ափիոնը նախատեսված է եղել իր կողմից երեկոյան օգտագործելու համար և տան անդամները այդ մասին չեն իմացել: Ինչ վերաբերում է նախնական քննության ընթացքում արձանագրված ցուցմունքններին, ապա դրանք իրականությանը չեն համապատասխանում, քանի որ ինքը եղել է վատառողջ և ցուցմունքնները գրել է քննիչի թելադրանքով:
Արսեն Ոսկանյանը նախնական քննության ընթացքում` 2009 թվականի հունիսի 30-ին, որպես վկա ցուցմունք է տվել այն մասին, որ իր հիշելով 2009 թվականի հունիսի 24-ին հեռախոսով ծանոթացել է Արթուր Մաթևոսյանի հետ: Այդ ընթացքում նա զանգահարել է իրեն և խնդրել ափիոն տեսակի թմրամիջոց: Ինքը Արթուրին մերժել է, քանի որ իր մոտ թմրամիջոց չի եղել: Դրանից հետո Արթուրն իրեն զանգահարել է 2009 թվականի հունիսի 29-ին` ժամը 12:00-ի սահմաններում, և կրկին խնդրել ափիոն տեսակի թմրամիջոց` ասելով, որ լավ չի զգում: Իրենք պայմանավորվել են հանդիպել ժամը 16:00-ին իրենց` Իսակովի 36/4 շենքի մոտ: Ժամը 16:00-ի սահմաններում ինքը 20.000 ՀՀ դրամով Արթուր Մաթևոսյանին վաճառել է մոտ 0.6 գրամ ափիոն տեսակի թմրամիջոց և 0.3 մլ ծավալով անհիդրիդ: Որոշ ժամանակ անց ինքը բերման է ենթարկվել ոստիկանության բաժին:
Արսեն Ոսկանյանը նախնական քննության ընթացքում` 2009 թվականի հունիսի 30-ին, որպես վկա ցուցմունք է տվել այն մասին, որ իրեն պատշաճ կերպով պարզաբանվել են վկայի իր իրավունքներն ու պարտականությունները, չի ցանկանում, որպեսզի հարցաքննությանը ներկա գտնվի փաստաբան: Ինքը շուրջ 2 տարի քրոջ և մոր հետ միասին վարձակալությամբ բնակվում է Երևան քաղաքի Իսակովի պողոտայի 36/4 շենքի 11-րդ բնակարանում: 2009 թվականի հունիսի 29-ին ոստիկանության աշխատակիցները թմրամիջոցներ ձեռք բերելու, պահելու, օգտագործելու և իրացնելու կասկածանքով իրեն բերման են ենթարկել ոստիկանության Քանաքեռ-Զեյթունի բաժին: Ինքը շուրջ մեկ տարի թմրամիջոց է օգտագործում: Թմրամիջոցները ձեռք է բերել տարբեր անձանցից, որոնց չի հիշում: Թմրամիջոցները մի մասը ձեռք է բերել գումարով, իսկ մի մասն էլ` առանց գումարի: Ինքը վերջին անգամ ափիոն տեսակի թմրամիջոց ձեռք է բերել 2009 թվականի հունիսի 27-ին, իրենց շենքի մոտ Արթուր անունով մի անձից, ում հետ պատահաբար ծանոթացել է 2009 թվականի հունիսի 26-ին: Նրա հետ զրուցելու ընթացքում իմացել է, որ նա էլ է թմրամիջոց օգտագործում, ուստի նրանից թմրամիջոց է խնդրել: Նա համաձայնվել է և 2009 թվականի հունիսի 27-ին, պայմանավորվածության համաձայն, «Բ2 թաղամասում» իրեն է տվել 3 գրամ ափիոն տեսակի թմրամիջոց և 6 մգ ծավալով ներարկիչի մեջ լցված 3 գրամ անհիդրիդ, որոնց դիմաց ինքը նրան տվել է 60.000 ՀՀ դրամ: Ոմն Արթուրի արտաքինը չի կարող նկարագրել, սակայն տեսնելու դեպքում կճանաչի նրան: Ձեռք բերած թմրամիջոցի մի մասը ինքը պահել է իր բնակարանում: Իր մոտ եղած թմրամիջոցներից ոչ մեկին չի հյուրասիրել: Մի քանի օր առաջ ծանոթացել է «Կայֆ» մականունով Արթուր Մաթևոսյանի հետ, ով 2009 թվականի հունիսի 29-ին բջջային հեռախոսով զանգահարել է իրեն և թմրամիջոց խնդրել` ասելով, որ «լոմկա» է: Ինքը, հասկանալով նրա վիճակը, իր մոտ եղած 0.65 գրամ ափիոնը, անհիդրիդի հետ միասին, պայմանավորվածության համաձայն իրենց տան մոտ տվել է Արթուր Մաթևոսյանին, ով դրա դիմաց իրեն տվել է 20.000 ՀՀ դրամ` 2 հատ 10.000 դրամանոց ՀՀ թղթադրամներով: Ինքը միայն այդ մեկ անգամն է թմրամիջոց վաճառել: Ինքը չի ճանաչում Երևան քաղաքի Ֆուչիկի փողոցի 23-րդ շենքի 37-րդ բնակարանում բնակվող Արթուր Գառնիկի Պետրոսյանին և նրա հետ որևէ շփում չի ունեցել: Իր բնակարանի խուզարկությամբ հայտնաբերված ներարկիչների մեջ հիմնականում անհիդրիդ է, իսկ սև գույնի պոլիէթիլենային տոպրակի մեջ փաթաթվածը` ափիոն տեսակի թմրամիջոց: Ինսուլիսի ներարկիչները գնել է դեղատնից` ներարկելու համար, իսկ պլաստմասե տարան նախատեսված է եղել թմրամիջոցը ծխելու եղանակով օգտագործելու համար:
Արսեն Ոսկանյանը նախնական քննության ընթացքում` 2009 թվականի հունիսի 30-ին, որպես կասկածյալ ցուցմունք է տվել այն մասին, որ իրեն պարզաբանվել են կասկածյալի իր իրավունքնները, պաշտպան ունենալ չի ցանկանում, որը կապված չէ իր նյութական վիճակի հետ, իր շահերը կպաշտպանի ինքնուրույն: Ինքը մոտ 4 տարի բնակվում է Երևան քաղաքի Իսակովի պողոտայի 36/4 շենքի 11-րդ բնակարանում: Մինչ այդ բնակվել է Կոմիտասի պողոտայի 39-րդ շենքի 25-րդ բնակարանում, որը վաճառել են 1998 թվականին: Այդ բնակարանի բնակիչներին չի ճանաչում և այդ բնակարան չի այցելում: Ինքը ափիոն տեսակի թմրամիջոց օգտագործում է մոտ 1 տարի: Թմրամիջոցը թաքուն օգտագործել է իրենց տանը` օրական 2 չափաբաժին, իսկ օգտագործած ներարկիչները գցել է աղբարկղը: Թմրամիջոցները ձեռք է բերել իրեն անծանոթ մարդկանցից, որոնց մասին ինքը ոչինչ չգիտի: Ինքն այդ մարդկանցից թմրամիջոց է ձեռք բերել քաղաքի տարբեր վայրերում, ինչպես նաև իրենց շենքի մոտ: Ինքը վերջին անգամ ափիոն տեսակի թմրամիջոց է ձեռք բերել 2009 թվականի հունիսի 27-ին, իրենց շենքի մոտ Արթուր անունով, միջին մարմնակազմության, մոտ 50 տարեկան մի մարդուց: Նշված օրը` ժամը 10:30-ի սահմաններում, ինքը նշված Արթուր անունով անձին ասել է, որ իրեն լավ չի զգում և նա իրեն ասել է, որ կարող է իր համար ափիոն տեսակի թմրամիջոց ձեռք բերել: Այդ խոսակցությունից մոտ 1 ժամ անց նշված Արթուր անունով անձը իրենց շենքի մոտ 60.000 ՀՀ դրամով իրեն է վաճառել 3.5 գրամ ափիոն տեսակի թմրամիջոց և որոշ քանակի անհիդրիդ: 2009 թվականի հունիսի 24-ին ծանոթացել է Արթուր Մաթևոսյանի հետ: Նա 077-19-05-09 հեռախոսահամարով զանգահարել է իր 077-59-27-57 հեռախոսահամարին և խնդրել ափիոն տեսակի թմրամիջոց: Ինքը Արթուրին մերժել է, քանի որ իր մոտ թմրամիջոց չի եղել: Դրանից հետո Արթուրը իրեն զանգահարել է 2009 թվականի հունիսի 29-ին` ժամը 12:00-ի սահմաններում, և կրկին խնդրել ափիոն տեսակի թմրամիջոց: Իրենք պայմանավորվել են հանդիպել նույն օրը` ժամը 16:00-ին, իրենց` Իսակովի 36/4 շենքի մոտ: Ժամը 16:00-ի սահմաններում նշված վայրում ինքը հանդիպել է Արթուր Մաթևոսյանին և 20.000 ՀՀ դրամով նրան վաճառել մոտ 0.6 գրամ ափիոն տեսակի թմրամիջոց և 0.3 մլ ծավալով անհիդրիդ: Որոշ ժամանակ անց ինքը բերման է ենթարկվել ՀՀ ոստիկանության Քանաքեռ-Զեյթունի բաժին: Բացի այդ, ինքը իրենց բնակարանում պահել է քիչ քանակությամբ ափիոն տեսակի թմրամիջոց և անհիդրիդ: Արթուր Մաթևոսյանին վաճառած մոտ 0.6 գրամ ափիոն տեսակի թմրամիջոցը ու 0.3 մլ ծավալով անհիդրիդը, ինչպես նաև տանը պահած քիչ քանակությամբ ափիոնն ու անհիդրիդը հանդիսանում են 2009 թվականի հունիսի 27-ին իրեն անծանոթ Արթուր անունով անձից 60.000 ՀՀ դրամով ձեռք բերած 3.5 գրամ ափիոն տեսակի թմրամիջոցի մի մասը. մյուս մասն ինքն օգտագործել է: Ինքը չգիտի, թե որտեղից է Արթուր Մաթևոսյանը իմացել իր հեռախոսահամարը: Ինքը ոմն Արթուրի մասին որևէ տեղեկություն չունի, սակայն տեսնելու դեպքում կարող է ճանաչել: Ինքը զղջում է կատարածի համար և խնդրում իրեն մեղմ վերաբերվել:
Արսեն Ոսկանյանը նախնական քննության ընթացքում` 2009 թվականի հուլիսի 2-ին, որպես մեղադրյալ ցուցմունք է տվել այն մասին, որ իրեն պարզաբանվել են իր իրավունքնները, պաշտպան ունենալ չի ցանկանում, որը կապված չէ իր նյութական վիճակի հետ, իր շահերը կպաշտպանի ինքնուրույն: Առաջադրված մեղադրանքի էությունն իրեն պարզ ու հասկանալի է, առաջադրված մեղադրանքում իրեն լիովին մեղավոր է ճանաչում: 2009 թվականի հունիսի 29-ին` ժամը 16:00-ի սահմաններում իրենց` Երևան քաղաքի Իսակովի պողոտայի 36/4 շենքի մոտ ինքը 20.000 ՀՀ դրամով Արթուր Մաթևսյանին է վաճառել 0.61 գրամ ափիոն տեսակի թմրամիջոց և 0.3 մլ ծավալով քացախաթթվի անհիդրիդ: Ինքը պնդում է նախկինում տված ցուցմունքները, զղջում է կատարածի համար, խնդրում է ներել և մեղմ պատիժ նշանակել:
Արսեն Ոսկանյանը նախնական քննության ընթացքում` 2009 թվականի օգոստոսի 13-ին, որպես մեղադրյալ ցուցմունք է տվել այն մասին, որ չի հիշում թե ինչպես են իր բնակարանի խուզարկությամբ հայտնաբերված ափիոն տեսակի թմրամիջոցը, անհիդրիդը, տրամադոլը հայտնվել իր բնակարանում և չի հիշում, թե ումից է դրանք ձեռք բերել: Նախկինում տված իր ցուցմունքներում ինքը որոշ հանգամանքներ ճիշտ չի ասել, քանի որ շփոթված է եղել: Իրականությունն այն է, որ ինքն ու Արթուր Մաթևոսյանը, յուրաքնաչյուրը 10.000 ՀՀ դրամ ներդնելով, ոմն Արթուրից օգտագործելու նպատակով գնել են ափիոն տեսակի թմրամիջոց և անհիդրիդ: Ինքը իրացնող չէ և խնդրել է հիմք ընդունել սույն ցուցմունքը:
Արսեն Ոսկանյանը նախնական քննության ընթացքում` 2009 թվականի օգոստոսի 13-ին, որպես մեղադրյալ ցուցմունք է տվել այն մասին, որ իրեն պարզաբանվել են իր իրավունքները և մեղադրանքի էությունը, այն իրեն պարզ է ու հասկանալի, առաջադրված մեղադրանքում իրեն մեղավոր է ճանաչում մասնակի: Ինքն ու Արթուր Մաթևոսյանը, յուրաքնաչյուրը 10.000 ՀՀ դրամ ներդնելով, ոմն Արթուրից օգտագործելու նպատակով գնել են թմրամիջոց: Ինքը չգիտի, թե ինչպես է իր տանը հայտնաբերված ափիոնը հայտնվել իր բնակարանում, իսկ հայտնաբերված մյուս իրերն իրենն են:
Դատական քննության ընթացքում ամբաստանյալ Արթուր Մաթևոսյանն իրեն լիովին մեղավոր ճանաչեց և ցուցմունք տվեց այն մասին, որ նախնական քննության ընթացքում տված իր ցուցմունքները մասնակի են ճիշտ: Ինքը ունեցել է 10.000 ՀՀ դրամ, սակայն խոսակցություններից իմացել է, որ այդ թմրամիջոցը արժի 20.000 ՀՀ դրամ: Քանի որ իր մոտ 10.000 ՀՀ դրամ է եղել, ուստի ինքը Արսենին խնդրել է միասին թմրամիջոց ձեռք բերել: Արսենն ասել է, որ կմիանա, միասին թմրամիջոց ձեռք կբերեն և կօգտագործեն: Ինքը 10.000 ՀՀ դրամ տվել է Արսենին և տեսել է, որ 10.000 ՀՀ դրամ էլ նրա մոտ կա: Վերցնելով գումարը` Արսենը մոտեցել է ինչ-որ մեկին: Իր և Արսենենց միջև հեռավորությունը եղել է մոտ 50 մետր: Ինքը թմրամիջոցը չի տեսել, սակայն թմրամիջոցը փոխանցելու պահը նկատել է նրանց ձեռքերի շարժումներից. ինքը տեսել է, որ այդ անծանոթ անձը գրպանից ինչ-որ բան է հանել և տվել Արսենին, իսկ Արսենը նրան է փոխանցել գումարը և ետ վերադարձել: Ինքը, ցանականլով տեսնել, թե ձեռք բերվածն ինչպիսի թմրամիջոց է, այն վերցրել է իր մոտ, իսկ հետո` դրել իր գրպանը: Այնուհետև, երբ ինքը և Արսենը պատրաստվել են հեռանալ, իրենց ձերբակալել են: Ինքը ոչ թե 20.000, այլ 10.000 ՀՀ դրամ է տվել Արսենին, և նախնական քննության ընթացքում իր տված ցուցմունքները միայն այդ մասով չեն համապատասխանում իրականությանը: Ինքը գրել է 20.000, քանի որ ոստիկանությունում քննիչներն ուղորդել են իրեն և ասել են, որ այն արժե 20.000 ՀՀ դրամ: Դատարանում հայտնած ցուցմունքը ճիշտ է: Ինքը իմացել է, որ վաճառողը Արսենը չի եղել: Նախնական քննության ընթացքում տված ցուցմունքները գրել է իր ձեռքով: Որպես մեղադրյալ տված ցուցմունքը չնայած գրված է իր ձեռքով, սակայն ճիշտ չէ և չի համապատասխանում իրականությանը, քանի որ այդ օրն իրեն վատ է զգացել և ցանկացել է, որպեսզի հարցաքննությունը կարճ տևի:
Արթուր Մաթևոսյանը նախնական քննության ընթացքում` 2009 թվականի հունիսի 29-ին, որպես կասկածյալ ցուցմունք է տվել այն մասին, որ իրեն պարզաբանվել են կասկածյալի իր իրավունքնները, պաշտպան ունենալ չի ցանկանում, որը կապված չէ իր նյութական վիճակի հետ, իր շահերը կպաշտպանի ինքնուրույն: Իր մականունը «Կայֆ» է: Իր հիշելով հունիսի 24-ից ճանաչում է Արսեն Ոսկանյանին: Ինքը պատահական է իմացել Արսենի 077-59-72-57 հեռախոսահամարը և չի հիշում, թե ինչպես է այդ հեռախոսահամարը հայտնվել իր մոտ: Երբ իրեն հայտնի է դարձել այդ հեռախոսահամարը, ինքը իմացել է, որ Արսենը կարող է իրեն օգնել թմրամիջոց ձեռք բերելու հարցում: 2009 թվականի հունիսի 24-ին ինքն իր 077-19-05-09 հեռախոսահամարով առաջին անգամ զանգահարել է Արսենին, քանի որ ցանկացել է ձեռք բերել և օգտագործել ափիոն տեսակի թմրամիջոց: Սակայն այդ անգամ Արսենը իրեն մերժել է: Վերջին անգամ ինքը Արսենին զանգահարել է 2009 թվականի հունիսի 29-ին և նրանից խնդրել ափիոն տեսակի թմրամիջոց: Ինքը զանգահարել է ժամը 12:00-ի սահամաններում և Արսենի հետ պայմանավորվել ժամը 16:00-ի սահմաններում հանդիպել «Ախպարաշենում»: Ինքը պետք է գնար Երևան քաղաքի Իսակովի պողոտայի 36/4 շենքի մոտ, որտեղ և պետք է հանդիպեր Արսենի հետ: Ժամը 16:00-ի սահմաններում ինքը նշված վայրում հանդիպել է Արսեն Ոսկանյանի հետ և նրան տալով 20.000 ՀՀ դրամ` 2 հատ 10.000 ՀՀ թղթադրամներով, նրանից գնել է մոտ 0.6 գրամ ափիոն տեսակի թմրամիջոց և ներարկիչի մեջ լցված 0.3 մլ ծավալով անհիդրիդ: Քիչ անց ինքը բերման է ենթարկվել ոստիկանության Քանաքեռ-Զեյթունի բաժին, որտեղ էլ իր անձնական խուզարկությամբ հայտնաբերվել է 0.6 գրամ ափիոն տեսակի թմրամիջոց և 0.3 մլ ծավալով անհիդրիդ, որն ինքը ձեռք էր բերել իր անձնական օգտագործման համար: Ինքը տեղյակ չէ` Արսենը թմրամիջոց օգտագործում է, թե ոչ և որտեղից է դրանք ձեռք բերում: Ինքը զղջում է կատարածի համար և խնդրում է իրեն մեղմ վերաբերվել:
Արթուր Մաթևոսյանը նախնական քննության ընթացքում` 2009 թվականի հուլիսի 2-ին, որպես մեղադրյալ ցուցմունք է տվել այն մասին, որ իրեն պարզաբանվել են իր իրավունքնները, պաշտպան ունենալ չի ցանկանում, որը կապված չէ իր նյութական վիճակի հետ, իր շահերը կպաշտպանի ինքնուրույն: Իրեն պարզաբանվել է նաև առաջադրված մեղադրանքի էությունը, այն իրեն պարզ է ու հասկանալի և առաջադրված մեղադրանքում իրեն լիովին մեղավոր է ճանաչում: 2009 թվականի հունիսի 29-ին` ժամը 16:00-ի սահմաններում, ինքը Երևան քաղաքի Իսակովի պողոտայի 36/4 շենքի մոտ Արսեն Ոսկանյանից 20.000 ՀՀ դրամով գնել և իր մոտ է պահել 0.6 գրամ ափիոն տեսակի թմրամիջոց և 0.3 մլ ծավալով քացախաթթվի անհիդրիդ, որոնք նույն օրը հայտնաբերվել են ՀՀ ոստիկանության Քանաքեռ-Զեթունի բաժնում: Ինքը պնդում է նախկինում տված ցուցմունքները, զղջում է կատարածի համար, խնդրում է ներել իրեն և մեղմ պատիժ նշանակել:
Արթուր Մաթևոսյանը նախնական քննության ընթացքում` 2009 թվականի օգոստոսի 13-ին, որպես մեղադրյալ ցուցմունք է տվել այն մասին, որ Արսեն Ոսկանյանի այն ցուցմունքները` համաձայն որոնց ինքն ու Արսեն Ոսկանյանը յուրաքնաչյուրը 10.000 ՀՀ դրամ ներդնելով, ոմն Արթուրից օգտագործելու նպատակով գնել են ափիոն տեսակի թմրամիջոց և անհիդրիդ, համապատասխանում են իրականությանը:
2009 թվականի հունիսի 6-ի առերես հարցաքննության արձանագրության համաձայն` Արթուր Մաթևոսյանը հայտնել է, որ ինքը ճանաչում է Արսեն Ոսկանյանին: 2009 թվականի հունիսի 24-ին ինքը զանգահարել է նրան և խնդրել է ափիոն տեսակի թմրամիջոց, բայց նա իրեն մերժել է: Հետո ինքը նրան զանգահարել է 2009 թվականի հունիսի 29-ին և կրկին խնդրել ափիոն տեսակի թմրամիջոց: Իրենք պայմանավորվել են ժամը 16:00-ի սահմաններում հանդիպել Երևան քաղաքի Իսակովի պողոտայի 36/4 շենքի մոտ: Նշված ժամին, նշված վայրում ինքը նրանից 20.000 ՀՀ դրամով գնել է 0.6 գրամ ափիոն տեսակի թմրամիջոց և 0.3 մլ ծավալով ներարկիչի մեջ լցված անհիդրիդ, իսկ Արսեն Ոսկանյանը հայտնել է, որ ինքը լսել է Արթուր Մաթևոսյանի ցուցմունքը, այն համապատասխանում է իրականությանը: 2009 թվականի հունիսի 29-ին` ժամը 16:00 սահմաններում, իրենց` Երևան քաղաքի Իսակովի պողոտայի 36/4 շենքի մոտ ինքը Արթուր Մաթևոսյանին 20.000 ՀՀ դրամով վաճառել է մոտ 0.6 գրամ ափիոն տեսակի թմրամիջոց և ներարկիչի մեջ լցված 0.3 մլ անհիդրիդ:
2009 թվականի հունիսի 29-ի անձին ոստիկանության բաժին բերման ենթարկելու մասին արձանագրության համաձայն` Արթուր Կառլենի Մաթևոսյանը թմրամիջոց ապօրինի ձեռք բերելու և պահելու կասկածանքով 2009 թվականի հունիսի 29-ին բերման է ենթարկվել ոստիկանության Քանաքեռ-Զեյթունի բաժին:
2009 թվականի հունիսի 29-ի անձնական խուզարկություն կատարելու մասին արձանագրության համաձայն` Արթուր Կառլենի Մաթևոսյանի անդրավարտիքի աջ գրպանից հայտնաբերվել է 1 մլ թափանցիկ հեղուկի առկայությամբ 5 մլ ծավալով ներարկիչ, որի ծայրը եղել է հալեցված և կպցված, սպիտակ պոլիէթիլենային տոպրակի մեջ հայտնաբերվել է մոտ 0.65 գրամ գորշ գույնի ափիոնանման զանգված, թղթե փաթեթների մեջ 2 հատ դիմեդրոլ տեսակի դեղի հաբեր, իսկ անդրավարտիքի ձախ գրպանից հայտնաբերվել է «Սիմենս» ֆիրմայի բջջային հեռախոս, որի մեջ տեղադրված է եղել 077-19-05-09 հեռախոսաքարտը: Ըստ Արթուր Մաթևոսյանի բանավոր հայտարարության հայտնաբերված ներարկիչի մեջ առկա լուծույթը հանդիսանում է քացախաթթվի անհիդրիդ, իսկ գորշ զանգվածը` ափիոն տեսակի թմրամիջոց, որոնք ինքը իր մոտ է պահել օգտագործելու համար:
Փորձագետի 2009 թվականի հունիսի 29-ի թիվ 259Ք եզրակացության համաձայն` փորձաքննության ներկայացված 0.61 գրամ չոր քաշով, մուգ շագանակագույն նյութի կտորը հանդիսանում է ափիոն տեսակի թմրամիջոց: Փորձաքննության ներկայացված ներարկիչում առկա 0.3 մլ ծավալով անգույն թափանցիկ հեղուկը հանդիսանում է քացախաթթվի անհիդրիդ:
2009 թվականի հունիսի 29-ի ձերբակալման արձանագրության համաձայն` Արթուր Կառլենի Մաթևոսյանը ձերբակալվել է:
2009 թվականի հունիսի 29-ի անձին ոստիկանության բաժին բերման ենթարկելու մասին արձանագրության համաձայն` Արսեն Արտաշի Ոսկանյանը թմրամիջոց ապօրինի ձեռք բերելու և իրացնելու կասկածանքով 2009 թվականի հունիսի 29-ին բերման է ենթարկվել ոստիկանության Քանաքեռ-Զեյթունի բաժին:
2009 թվականի հունիսի 29-ի անձնական խուզարկություն կատարելու մասին արձանագրության համաձայն` Արսեն Արտաշի Ոսկանյանի ձեռքին հայտնաբերվել են 2 հատ 10 (տաս) հազարանոց, 1 հատ 20 (քսան) հազարանոց, 8 հատ 1 (մեկ) հազարանոց ՀՀ թղթադրամներ, 1 հատ 10 (տաս) ԱՄՆ դոլար, 9 սմ երկարությամբ շեղբով, սև էբոնիտե բռնակներով 18.5 սմ ընդհանուր երկարությամբ դանակ, աջ գրպանից հայտնաբերվել է «Նոկիա» ֆիրմայի բջջային հեռախոս, որի մեջ տեղադրված է եղել 077-59-72-57 հեռախոսաքարտը, «Սոնի Էրիկսոն» ֆիրմայի բջջային հեռախոս, որի մեջ առկա է եղել 077-37-17-01 հեռախոսաքարտը:
2009 թվականի հունիսի 30-ի ձերբակալման արձանագրության համաձայն` Արսեն Արտաշի Ոսկանյանը ձերբակալվել է:
2009 թվականի հունիսի 29-ի խուզարկություն (առգրավում) կատարելու մասին արձանագրության համաձայն` Արսեն Արտաշի Ոսկանյանի` Երևան քաղաքի Իսակովի պողոտայի 36/4 շենքի 11-րդ բնակարանի խուզարկությամբ հայտնաբերվել և առգրավվել է. հյուրասենյակի պատի տակ գտնվող պահարանից հայտնաբերվել է 0.5 մլ սպիտակավուն թափանցիկ հեղուկի առկայությամբ 1 հատ 5 մլ ծավալով մեկանգամյա օգտագործման ներարկիչ, նույն պահարանից հայտնաբերվել են թվով 5 հատ տրամադոլ տեսակի հոգեներգործուն սրվակներ, նույն պահարանից հայտնաբերվել է սպիտակ հեղուկի առկայությամբ թափանցիկ սրվակ: Հյուրասենյակի պատի տակ գտնվող մահճակալի (որն ըստ Էլմիրա Ոսկանյանի պատկանում է միայն իր եղբորը` Արսեն Ոսկանյանին) ներքնակի միջից հայտնաբերվել է սև գույնի պոլիէթիլենի մեջ թղթով փաթաթված ափիոն տեսակի թմրամիջոցին նմանվող մոտ 2 գրամ մուգ շագանակագույն զանգված: Նախասրահի պահարանից հայտնաբերվել է 1 հատ 3 մլ ծավալով չօգտագործված ներարկիչ, ննջասենյակին կից պատշգամբի հեռուստացույցի տակ գտնվող պահարանի միջից` շորերի հետևից հայտնաբերվել է 1 հատ 0.5 լ ծավալով մուգ շագանակագույն հետքերի առկայությամբ պլաստմասե տարա: Պատշգամբի պահարանից հայտնաբերվել է մոտ 0.5 մլ սպիտակավուն, սուր հոտով հեղուկի առկայությամբ 1 հատ 5 մլ ծավալով մեկանգամյա օգտագործման ներարկիչ: Նույն պահարանից հայտնաբերվել են թվով 13 հատ ինսուլինի ներարկիչների ասեղներ: Խոհանոցից հայտնաբերվել է մուգ շագանակագույն հետքերի առկայությամբ 1 հատ շերեփ: Հյուրասենյակի պահարանից հայտնաբերվել է «Սեդալգին-Նեո» դեղահաբերի 1 տուփ, որի մեջ առկա են եղել թվով 10 հատ դեղահաբ:
ՀՀ ոստիկանության ինֆորմացիոն կենտրոնի պահանջագրի համաձայն` Արաբկիրի ժողովրդական դատարանի 1998 թվականի հոկտեմբերի 20-ի դատավճռով Արսեն Արտաշի Ոսկանյանը Քրեական օրենսգրքի 86-րդ հոդվածի 2-րդ մասով դատապարտվել է ազատազրկման` 3 տարի ժամկետով և 1998 թվականի սեպտեմբերի 15-ին ընդունված համաներման ակտի կիրառմամբ ազատվել է նշանակված պատիժը կրելուց:
2009 թվականի հուլիսի 2-ի կալանավորումը որպես խափանման միջոց ընտրելու մասին միջնորդությունը քննելու վերաբերյալ որոշման համաձայն` մեղադրյալ Արսեն Արտաշի Ոսկանյանի նկատմամբ որպես խափանման միջոց ընտրվել է կալանավորումը:
ՀՀ ոստիկանության ինֆորմացիոն կենտրոնի պահանջագրի համաձայն` 2006 թվականի հուլիսի 10-ին Արթուր Մաթևոսյանի նկատմամբ հարուցված քրեական գործի վարույթը կարճվել է ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի հիմքով:
2009 թվականի հուլիսի 2-ի կալանավորումը որպես խափանման միջոց ընտրելու մասին միջնորդությունը քննելու վերաբերյալ որոշման համաձայն` մեղադրյալ Արթուր Կառլենի Մաթևոսյանի նկատմամբ որպես խափանման միջոց ընտրվել է կալանավորումը:
ՀՀ առողջապահության նախարարության «Հոգեբուժական բժշկական կենտրոն» ՓԲ ընկերության Ավանի կլինիկայի ղեկավար Ն.Դարբինյանի 2009 թվականի հուլիսի 6-ի թիվ 01-25-3086 գրության համաձայն` Արսեն Արտաշի Ոսկանյանը «Հոգեբուժական բժշկական կենտրոն» ՓԲ ընկերության Ավանի կլինիկայում հաշվառման մեջ չի գտնվել:
ՀՀ առողջապահության նախարարության «Հոգեբուժական բժշկական կենտրոն» ՓԲ ընկերության Ավանի կլինիկայի ղեկավար Ն.Դարբինյանի 2009 թվականի հուլիսի 6-ի թիվ 01-25-3088 գրության համաձայն` Արթուր Կառլենի Մաթևոսյանը «Հոգեբուժական բժշկական կենտրոն» ՓԲ ընկերության Ավանի կլինիկայում հաշվառման մեջ չի գտնվել:
«Հոգեբուժական բժշկական կենտրոն» ՓԲ ընկերության նարկոլոգիական կլինիկայի ղեկավար Պ.Սեմերջյանի 2009 թվականի հուլիսի 2-ի թիվ 1731 գրության համաձայն` Արսեն Արտաշի Ոսկանյանը «Հոգեբուժական բժշկական կենտրոն» ՓԲ ընկերության նարկոլոգիական կլինիկայում հաշվառման մեջ չի գտնվել:
ՀՀ ԱՆ «Հոգեբուժական բժշկական կենտրոն» ՓԲ ընկերության նարկոլոգիական կլինիկայի ղեկավար Պ.Սեմերջյանի 2009 թվականի հուլիսի 2-ի թիվ 1726 գրության համաձայն` Արթուր Կառլենի Մաթևոսյանը «Հոգեբուժական բժշկական կենտրոն» ՓԲ ընկերության նարկոլոգիական կլինիկայում 2006 թվականի մայիսի 18-ից գտնվում է հաշվառման մեջ` «Թմրամոլություն (տրամադոլ)» ախտորոշումով:
Փորձագետի 2009 թվականի հուլիսի 8-ի թիվ 09-1293 եզրակացության համաձայն` փորձաքննության ներկայացված պոլիմերային շշի և նրանում մխրճված խողովակի ներքին մակերևույթներին, մետաղյա շերեփի վրա առկա հետքերում, 3 միլիլիտրի համար նախատեսված «B/BRAUN Injekt» (Բ/Բրաուն Ինջեկտ) գրառմամբ մեկանագամյա օգտագործման ներարկիչում և թվով 13 հատ «Ինսուլին» ներակիչի ասեղների վրա առկա են ափիոնային շարքի թմրալկալոիդների, մասնավորապես մորֆինի, կոդեինի, տեբաինի, նարկոտինի և պապավերինի հետքեր: Մուգ գորշավուն ծակոտկեն զանգվածն իրենից ներկայացնում է 0.740 գրամ քաշով ափիոն տեսակի թմրամիջոց: Անգույն թափանցիկ ապակուց պատրաստված տարայում առկա 3.5 մլ ծավալով անգույն թափանցիկ հեղուկն իր բաղադրակազմում թմրակտիվ և հոգեմետ բաղադրատարրեր չի պարունակում: Թվով 2 հատ 5 միլիլիտրի համար նախատեսված մեկանգամյա օգտագործման ներարկիչներում առկա հեղուկները իրենցից ներկայացնում են քացախաթթվի անհիդրիդ, որի ընդհանուր քանակությունը կազմում է 1 մլ: «Трамадол ланнахер, 1мл * 50 мг, 222L1, до 10 04» (Տրամադոլ լաննախեր, 1մլ * 50մգ, 222Լ1, դո 10 04) գրառմամբ սրվակներում պարունակվում է տրամադոլ հոգեմետ բաղադրատարրեր, որի ընդհանուր քանակությունը թվով 5 սրվակներում կազմում է 0.25 գրամ: «Седальгин-нео, 10 таблеток» (Սեդալգին-նեո, 10 տաբլետոկ) գրառմամբ դեղաթիթեղում առկա թվով 10 հատ դեղահաբերում պարունակվում է ընդհանուր քանակությամբ 0.1 գրամ կոդեին և 0.15 գրամ ֆենոբարբիտալ: Ափիոնը, տրամադոլը, կոդեինը, ֆենոբարբիտալը և քացախաթթվի անհիդրիդը ներառված են «Հայաստանի Հանրապետության հսկման ենթակա թմրամիջոցների, հոգեմետ նյութերի և դրանց պրեկուրսորների» կազմում (Երևան 2003):
Փորձագետի 2009 թվականի հուլիսի 8-ի թիվ 09-1293 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 54.960 ՀՀ դրամ:
Փորձագետի 2009 թվականի հուլիսի 7-ի թիվ 0487 եզրակացության համաձայն` հետազոտման պահին Արսեն Արտաշի Ոսկանյանի` 2009 թվականի հուլիսի 1-ի մեզի փորձանմուշում հայտնաբերվել են ափիոնի խմբի թմրամիջոցի թմրալկալոիդների հետքեր: Բիոմիջավայրի հետազոտությամբ օգտագործման եղանակը հնարավոր չի եղել որոշել: Վերջին օգտագործումից հետո մարդու օրգանիզմում ափիոնի խմբի թմրալկալոիդները կարող են հայտնաբերվել 100 ժամվա ընթացքում:
Փորձագետի 2009 թվականի հուլիսի 7-ի թիվ 0488 եզրակացության համաձայն` հետազոտման պահին Արթուր Կառլենի Մաթևոսյանի` 2009 թվականի հուլիսի 1-ի մեզի փորձանմուշում հայտնաբերվել են ափիոնի խմբի թմրամիջոցի թմրալկալոիդների հետքեր: Բիոմիջավայրի հետազոտությամբ օգտագործման եղանակը հնարավոր չի եղել որոշել: Վերջին օգտագործումից հետո մարդու օրգանիզմում ափիոնի խմբի թմրալկալոիդները կարող են հայտնաբերվել 100 ժամվա ընթացքում:
2009 թվականի հուլիսի 14-ի փորձագետի թիվ 09-1332 եզրակացության համաձայն` փորձաքննության ներկայացված «ДИМЕДРОЛ 50МГ, 10 ТАБЛЕТОК» (Դիմեդրոլ 50 մգ, 10 տաբլետոկ) գրառումներով գործարանային թղթյա փաթեթավորման երկու հատվածներում առկա սպիտակ գույնի, շրջանաձև թվով 2 հատ դեղահատերից յուրաքանչյուրում պարունակվում է 0.05 գրամ դիֆենիլհիդրամին (դիմեդրոլ) տեսակի ակտիվ բաղադրատարրեր: Վերահաշվարկած` 2 դեղհատերում պարունակվող դիֆենիլհիդրամինի ընդհանուր պարունակությունը կազմում է 0.1 գրամ: Դիֆենիլհիդրամինը (դիմեդրոլ) ներառված չէ «Հայաստանի Հանրապետության հսկման ենթակա թմրամիջոցների, հոգեմետ նյութերի և դրանց պրեկուրսորների» կազմում (Երևան 2003): Փորձաքննությանը ներկայացված օբյեկտներում պրեկուրսոր հանդիսացող նյութեր, թմրակտիվ և հոգեմետ բաղադրատարրեր չեն պարունակվում:
Փորձագետի 2009 թվականի հուլիսի 10-ի թիվ 2079 եզրակացության համաձայն` փորձաքննության ներկայացված ծալովի դանակը գործարանային արտադրության տնտեսակենցաղային նշանակության ծալովի, գրպանի դանակ է, սառը զենք չի հանդիսանում:
ՀՀ ԱՆ «Հոգեբուժական բժշկական կենտրոն» ՓԲ ընկերության նարկոլոգիական կլինիկայի դատանարկոլոգիական հանձնաժողովի 2009 թվականի հունիսի 25-ի թիվ 176/09 եզրակացության համաձայն` Արթուր Կառլենի Մաթևոսյանի գիտակցությունը պարզ է, կողմնորշման բոլոր ձևերը ստույգ, կոնտակտին մատչելի: Ակտիվ փսիխոսիմպտոմատիկայից առկա է հիվանդագին հակում դեպի հոգեակտիվ նյութերը: Արթուր Կառլենի Մաթևոսյանը տառապում է թմրամոլությամբ, ուստի հարկադիր բուժման կարիք ունի, որի համար հակացուցումներ չկան:
Գույքի վրա կալանք դնելու մասին 2009 թվականի հուլիսի 21-ի որոշման համաձայն` գույքի հնարավոր բռնագրավումն ապահովելու համար, ինչպես նաև դատական ծախսերն ապահովելու նպատակով որոշվել է Արսեն Արտաշի Ոսկանյանի գույքի վրա կալանք դնել:
ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի տեղեկատվական կենտրոն ստորաբաժանման ղեկավար Ս.Դավթյանի 2009 թվականի օգոստոսի 3-ի թիվ ՍԴ-1/1061 գրության համաձայն` Արսեն Արտաշի Ոսկանյանի անվամբ Հայաստանի Հանրապտությունում որևէ անշարժ գույքի նկատմամբ սեփականության իրավունքի պետական գրանցում կատարված չէ:
ՀՀ ոստիկանության «Ճանապարհային ոստիկանություն» ծառայության Երևանի թիվ 1 հաշվառման քննական բաժանմունքի պետ Ա.Մարգարյանի 2009 թվականի օգոստոսի 3-ի թիվ 17/21-2427 գրության համաձայն` Արսեն Արտաշի Ոսկանյանի անվամբ հաշվառված տրանսպորտային միջոցներ չկան:
Իրեղեն ապացույց ճանաչելու և քրեական գործին կցելու մասին 2009 թվականի օգոստոսի 12-ի որոշման համաձայն` Արթուր Մաթևոսյանի անձնական խուզարկությամբ նրա մոտից հայտնաբերված 0.61 գրամ ափիոն տեսակի թմրամիջոցը, 0.3 մլ ծավալով պրեկուրսոր հանդիսացող քացախաթթվի անհիդրիդը, 2 հատ «Դիմեդրոլ» դեղամիջոցի հաբերը, Արսեն Ոսկանյանի անձնական խուզարկությամբ նրա մոտից հայտնաբերված 2 հատ 10.000, 1 հատ 20.000, 8 հատ 1.000 դրամանոց ՀՀ թղթադրամները, 1 հատ 10 ԱՄՆ դոլարը, ծալովի դանակը, Արսեն Ոսկանյանի բնակարանի խուզարկությամբ հայտնաբերված 0.740 գրամ ափիոն տեսակի թմրամիջոցը, 2 հատ 5 մլ ծավալով ներակիչները, որոնցում առկա է 1 մլ ընդհանուր ծավալով պրեկուրսոր հանդիսացող քացախաթթվի անհիդրիդ, «Трамадол ланнахер, 1мл * 50 мг, 222L1, до 10 04» (Տրամադոլ լաննախեր, 1մլ * 50մգ, 222Լ1, դո 10 04) գրառմամբ թվով 5 սրվակները, որոնցում առկա է 0.25 գրամ տրամադոլ հոգեմետ բաղադրատարրեր, 1 հատ 3 մլ ծավալով ներակիչը, պլաստմասե տարան, 13 հատ «Ինսուլին» ներարկիչի ասեղները, 1 հատ շերեփը, «Սեդալգին-Նեո» գրառմամբ տեսակի դեղահաբերի տուփը, որում առկա են թվով 10 հաբեր, ճանաչվել են իրեղեն ապացույց և կցվել քրեական գործին:
ՀՀ առողջապահության նախարար Հ.Քուշկյանի կողմից տրված թիվ 9781 ուղեգրի համաձայն` Երևան քաղաքի բնակիչ Էլմիրա Ոսկանյանը ուղեգրվել է «Էրեբունի» բժշկական կենտրոն ստացիոնար բուժման (հետազոտման) համար, պետության կողմից երաշխավորված անվճար բժշկական օգնության և ծառայությունների շրջանակներում:
2009 թվականի հունիսի 15-ին կնքված սպառողական վարկի թիվ 89 պայմանագրի համաձայն` «Ակբա-Կրեդիդ Ագրիկոլ բանկ» ՓԲ ընկերությունը Էլմիրա Ոսկանյանին 365 օր (2009 թվականի հունիսի 15-ից մինչև 2010 թվականի հունիսի 15-ը) մարման ժամկետով 29.24 տոկոս տարեկան փաստացի տոկոսադրույքով տրամադրել է 200.000 ՀՀ դրամ վարկ:
Թիվ 037339 տեղեկանքի համաձայն Արսեն Արտաշի Ոսկանյանի համար մինչև 2004 թվականի դեկտեմբերի 1-ը սահմանվել է երրորդ խմբի հաշմանդամություն, իսկ վերափորձաքննության ժամկետ է սահմանվել 2004 թվականի նոյեմբերի 13-ը:
Արաբկիրի կենսաթոշակային ապահովագրության տարծքային կենտրոնի կողմից տրված թիվ 70646 վկայականի համաձայն` Արսեն Արտաշի Ոսկանյանին մինչև 2003 թվականի դեկտեմբերի 1-ը նշանակվել է հաշմանդամության կենսաթոշակ: Կատարված փոփոխությունների համաձայն` կենսաթոշակը նշակավել է մինչև 2004 թվականի դեկտեմբերի 1-ը:
Ամուսնության թիվ ԱԱ107639 վկայականի համաձայն` 2009 թվականի մարտի 2-ին Արթուր Կառլենի Մաթևոսյանը և Գայանե Վարդանյանը ամուսնացել են:
Ծննդյան թիվ ԱԱ046940 վկայականի համաձայն Լևոն Արթուրի Մաթևոսյանը ծնվել է 2005 թվականի մայիսի 24-ին:
Հայրության ճանաչման թիվ ԱԱ014669 վկայականի համաձայն` Արթուր Մաթևոսյանը ճանաչվել է Լևոն Արթուրի Մաթևոսյանի հայրը:
Երևան քաղաքի Կուրղինյան փողոցի 13-րդ շենքի լիազորագրային կառավարիչ Ռ.Մարտիրոսյանի կողմից տրված բնութագրի համաձայն` Արթուր Կառլենի Մաթևոսյանը բնութագրվում է դրականորեն:
Դատարանը, քննարկելով նախնական քննության ընթացքում որպես վկա, որպես կասկածյալ և առնաց պաշտպանի մասնակցության որպես մեղադրյալ Արսեն Ոսկանյանի տված ցուցմունքնները, ինչպես նաև առերես հարցաքննության արձանագրությունը անթույլատրելի ապացույցներ ճանաչելու վերաբերյալ պաշտպան Պ.Տեր-Հարությունյանի միջնորդությունը, գտնում է, որ որպես կասկածյալ և առնաց պաշտպանի մասնակցության որպես մեղադրյալ Արսեն Ոսկանյանի տված ցուցմունքններն անթույլատրելի ճանաչելու հիմքերը բացակայում են, քանի որ նշված ապացույցները ձեռք բերելիս պահպանվել են ՀՀ քրեական դատավարության օրենսգրքի բոլոր պահանջները: Իսկ ինչ վերաբերում է որպես վկա Արսեն Ոսկանյանի տված ցուցմունքներին և առերես հարցաքննության արձանագրությանը, ապա Դատարանը գտնում է, որ նշված ապացույցները պետք է ճանաչել անթույլատրելի և չդնել ներքոհիշյալ փաստական հանգամանքնների հաստատման հիմքում, քանի որ նշված ապացույցները ձեռք բերելիս չեն պահպանվել ՀՀ քրեական դատավարության օրենսգրքի պահանջները, այն է` Արսեն Ոսկանյանը հարցաքննվելով որպես վկա, չի օգտվել կասկածյալի կամ մեղադրյալի իրավունքներից, իսկ առերեսումը կատարվել է այն դեպքում, երբ մինչ այդ հարցաքննված Արսեն Ոսկանյանի և Արթուր Մաթևոսյանի ցուցմունքններում որևէ էական հակասություն չի եղել:
Ինչ վերաբերում է Արսեն Ոսկանյանի այն ցուցմունքններին, որ ինքը Արթուր Մաթևոսյանին թմրամիջոց չի վաճառել, այլ իրենք, անձնական օգտագործման համար, յուրաքանչյուրը 10.000 ՀՀ դրամ ներդնելով, ոմն Արթուրից ձեռք են բերել թմրամիջոց, ապա Դատարանը գտնում է, որ այդ ցուցմունքնները մտացածին են, հետապնդում են ՀՀ քրեական օրենսգրքի 266-րդ հոդվածի 2-րդ մասի 2-րդ կետով քրեական պատասխանատվությունից խուսափելու միտում և հերքվում են նախնական քննության ընթացքում` 2009 թվականի հունիսի 30-ին և հուլիսի 2-ին, իր իսկ տված ցուցմունքններով և սույն գործով ձեռք բերված այլ ապացույցներով: Իսկ ինչ վերաբերում է Արթուր Մաթևոսյանի նույնաբովանդակ ցուցմունքներին, ապա դրանք հետապնդում են Արսեն Ոսկանյանին աջակցելու միտում: Նշվածը հաստատվում է նաև այն հանգամանքով, որ դատական քննության ընթացքում Արթուր Մաթևոսյանի հարցաքննության ժամանակ Արսեն Ոսկանյանը փորձում էր ուղղորդել նրան: Ավելին` Արթուր Մաթևոսյանը իր ցուցմունքում հայտնեց, որ թմրամիջոց գնելու համար իր մոտ եղած 10.000 ՀՀ դրամը Արսեն Ոսկանյանին է տվել մինչ թմրամիջոց ձեռք բերելու համար ոմն Արթուրին մոտենալը, իսկ Արսեն Ոսկանյանը իր ցուցմունքում նշեց, որ ոմն Արթուրից թմրամիջոց ձեռք բերելուց հետո է ցանկացել Արթուր Մաթևոսյանից վերցնրել 10.000 ՀՀ դրամը: Բացի այդ Արսեն Ոսկանյանը նշեց, որ թմրամիջոց ձեռք բերելու պահին իր մոտ եղել է ընդամենը 10.000 ՀՀ դրամ, այն դեպքում, երբ նրա անձնական խուզարկությամբ հայտնաբերվել է 48.000 ՀՀ դրամ և 10 ԱՄՆ դոլար:
Վերոգրյալի հիման վրա Դատարանը հաստատված է համարում գործի լուծման համար նշանակություն ունեցող հետևյալ փաստերը.
-Արսեն Ոսկանյանը 2009 թվականի հունիսի 27-ին Երևան քաղաքի Իսակովի պողոտայի 36/4 շենքի մոտ ոմն Արթուրից ապօրինի ձեռք է բերել ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ,
-Արսեն Ոսկանյանը ոմն Արթուրից ձեռք բերած թմրամիջոցի և քացախաթթվի անհիդրիդի մի մասը օգտագործել է, իսկ մյուս մասը պահել,
-Արսեն Ոսկանյանը և Արթուր Մաթևոսյանը ճանաչում են միմյանց,
-Արթուր Մաթևոսյանը անձնական օգտագործման համար թմրամիջոց ձեռք բերելու նպատակով դիմել է Արսեն Ոսկանյանին,
-Արսեն Ոսկանյանը և Արթուր Մաթևոսյանը 2009 թվականին հունիսի 27-ին` ժամը 16:00-ի սահմաններում, հանդիպել են Երևան քաղաքի Իսակովի պողոտայի 36/4 շենքի մոտ,
-Երևան քաղաքի Իսակովի պողոտայի 36/4 շենքի մոտ Արսեն Ոսկանյանը 20.000 ՀՀ դրամով (2 հատ 10.000 դրամանոց ՀՀ թղթադրամներ) Արթուր Մաթևոսյանին վաճառել է 0.61 գրամ չոր քաշով ափիոն տեսակի թմրամիջոց և 0.3 մլ ծավալով թմրամիջոց պատրաստելու համար պրեկուրսոր հանդիսացող քացախաթթվի անհիդրիդ,
-Արթուր Մաթևոսյանի մոտ հայտնաբերվել է 0.61 գրամ չոր քաշով քաշով ափիոն տեսակի թմրամիջոց և 0.3 մլ ծավալով թմրամիջոց պատրաստելու համար պրեկուրսոր հանդիսացող քացախաթթվի անհիդրիդ,
-Արսեն Ոսկանյանի` Երևան քաղաքի Իսակովի պողոտայի 36/4 շենքի 11-րդ բնակարանում հայտնաբերվել են 0.740 գրամ ափիոն տեսակի թմրամիջոց, 1 մլ ծավալով քացախաթթվի անհիդրիդ և 0.25 գրամ տրամադոլ հոգեմետ բաղադրատարրեր,
-Արսեն Ոսկանյանը և Արթուր Մաթևոսյանն արգելանքի տակ են 2009 թվականի հունիսի 29-ից,
-Արսեն Ոսկանյանը համարվում է դատվածություն չունեցող,
-Արթուր Մաթևոսյանը ամուսնացած է, խնամքին ունի մինչև 14 տարեկան երեխա, նախկինում դատապարտված չի եղել և բնութագրվում է դրականորեն:
3. Դատարանի իրավական վերլուծությունները.
Վերոգրյալ փաստերի հիման վրա Դատարանը գալիս է այն եզրահանգման, որ Արսեն Արտաշի Ոսկանյանը 2009 թվականի հունիսի 27-ին Երևան քաղաքի Իսակովի պողոտայի 36/4 շենքի մոտ ոմն Արթուրից ապօրինի ձեռք է բերել ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ, որից խոշոր չափի 0.61 գրամ չոր քաշով ափիոն տեսակի թմրամիջոցը և 0.3 մլ ծավալով թմրամիջոց պատրաստելու համար պրեկուրսոր հանդիսացող քացախաթթվի անհիդրիդը 2009 թվականին հունիսի 29-ին` ժամը 16:00-ի սահմաններում, Երևան քաղաքի Իսակովի պողոտայի 36/4 շենքի մոտ 20.000 ՀՀ դրամով վաճառելու եղանակով ապօրինի իրացրել է Արթուր Մաթևոսյանին: Բացի այդ, Արսեն Արտաշի Ոսկանյանը առանց իրացնելու նպատակի իր` Երևան քաղաքի Իսակովի պողոտայի 36/4 շենքի 11-րդ բնակարանում ապօրինի պահել է խոշոր չափի 0.740 գրամ ափիոն տեսակի թմրամիջոց, 1 մլ ծավալով թմրամիջոց պատրաստելու համար պրեկուրսոր հանդիսացող քացախաթթվի անհիդրիդ և զգալի չափի 0.25 գրամ տրամադոլ հոգեմետ բաղադրատարրեր: Այսինքն, Արսեն Արտաշի Ոսկանյանը կատարել է արարքներ, որոնք համապատասխանում են ՀՀ քրեական օրենսգրքի 266-րդ հոդվածի 2-րդ մասի 2-րդ կետի, 266-րդ հոդվածի 4-րդ մասի և 268-րդ հոդվածի 2-ին մասի 2-րդ կետի հատկանիշներին:
Ապացուցված է Արսեն Արտաշի Ոսկանյանի մեղավորությունը ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցանքները կատարելու մեջ:
Արսեն Ոսկանյանի անձը դրականորեն բնութագրող հանգամանք է մասնակի խոստովանական ցուցմունքներ տալը։
Դատարանը գտնում է, որ Արսեն Ոսկանյանի պատասխանատվությաւնը և պատիժը մեղմացնող չպետք է դիտել այն հանգամանքը, որ նա երրորդ խմբի հաշմանդամ է, քանի որ թիվ 037339 տեղեկանքի համաձայն` նրա հաշմանդամությունը սահմանվել է մինչև 2004 թվականի դեկտեմբերի 1-ը, իսկ վերափորձաքննության արդյունքում հաշմանդամության սահմանման վերաբերյալ տվյալները բացակայում են:
Դատարանը միաժամանակ գտնում է, որ Արսեն Ոսկանյանի պատասխանատվությունն ու պատիժը մեղմացնող և ծանրացնող հանգամանքներ սույն գործում առկա չեն:
Կատարած արարքների համար ամբաստանյալ Արսեն Ոսկանյանը ենթակա է քրեական պատասխանատվության և պատժի:
Դատարանը, հաշվի առնելով Արսեն Ոսկանյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266-րդ հոդվածի 2-րդ մասի և 268-րդ հոդվածի 2-ին մասի սանկցիաներով նախատեսված է պատիժ ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով կատարած արարքների համար պատիժներ պետք է նշանակել ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասով կատարած արարքի համար` տուգանքի ձևով: Ընդ որում` ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ ամբաստանյալ Արսեն Ոսկանյանի նկատմամբ վերջնական պատիժ պետք է նշանակել ազատազրկման ձևով նշանակված պատիժները մասնակիորեն գումարելու, իսկ տուգանքը` լրիվ գումարելու կանոնով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Արսեն Ոսկանյանի ազատազրկման ձևով պատժի կրման սկիզբը պետք է հաշվել 2009 թվականի հունիսի 29-ից, քանի որ նա փաստացի արգելանքի է վերցվել այդ օրը, որից հետո` 2009 թվականի հունիսի 30-ին, կազմվել է ձերբակալման արձանագրություն, իսկ 2009 թվականի հուլիսի 2-ից նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արսեն Ոսկանյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ փաստերի հիման վրա Դատարանը գալիս է այն եզրահանգման, որ, Արթուր Կառլենի Մաթևոսյանը 2009 թվականին հունիսի 29-ին` ժամը 16:00-ի սահմաններում, Երևան քաղաքի Իսակովի պողոտայի 36/4 շենքի մոտ 20.000 ՀՀ դրամով Արսեն Արտաշի Ոսկանյանից առանց իրացնելու նպատակի, ապօրինի ձեռք է բերել և պահել խոշոր չափի` 0.61 գրամ չոր քաշով ափիոն տեսակի թմրամիջոց և 0.3 մլ ծավալով թմրամիջոց պատրաստելու համար պրեկուրսոր հանդիսացող քացախաթթվի անհիդրիդ, որոնք 2009 թվականին հունիսի 29-ին ՀՀ ոստիկանության Երևան քաղաքի վարչության Քանաքեռ-Զեյթունի բաժնում հայտնաբերվել է նրա անձնական խուզարկությամբ: Այսինքն, Արթուր Կառլենի Մաթևոսյանը կատարել է արարքներ, որոնք համապատասխանում են ՀՀ քրեական օրենսգրքի 266-րդ հոդվածի 4-րդ մասի և 268-րդ հոդվածի 2-րդ մասի 2-րդ կետի հատկանիշներին:
Ապացուցված է Արթուր Կառլենի Մաթևոսյանի մեղավորությունը ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցանքները կատարելու մեջ:
Արթուր Մաթևոսյանի անձը դրականորեն բնութագրող հանգամանքներ են ամուսնացած լինելը, խոստովանական ցուցմունքներ տալը և կատարածի համար զղջալը։
Արթուր Մաթևոսյանի պատասխանատվությունն ու պատիժը մեղմացնող հանգամանք է` խնամքին 14 տարին չլրացած (Լևոն Արթուրի Մաթևոսյանի` ծնված 2005 թվականի մայիսի 24-ին) երեխայի առկայությունը:
Արթուր Մաթևոսյանի պատասխանատվությունն ու պատիժը մեղմացնող հանգամանք է նաև դրականորեն բնութագրվելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Արթուր Մաթևոսյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Արթուր Մաթևոսյանի կողմից կատարված բոլոր արարքներով էլ պատասխանատվությունն ու պատիժը ծանրացնող հանգամանքներ չկան:
Դատարանը գտնում է, որ կատարած արարքների համար ամբաստանյալ Արթուր Մաթևոսյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Մաթևոսյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 268-րդ հոդվածի 2-րդ մասի սանկցիայով նախատեսված է պատիժ ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով կատարած արարքի համար պատիժ պետք է նշանակել ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասով կատարած արարքի համար` տուգանքի ձևով: Ընդ որում` Արթուր Մաթևոսյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները լրիվ գումարելու կանոնի կիրառմամբ, որը նա պետք է կրի:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող: ՀՀ քրեական օրենսգրքի 98-րդ հոդվածի 1-ին մասի 2-րդ կետի համաձայն` մեղսունակությունը չբացառող հոգեկան խանգարման վիճակում կատարած հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից, կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում:
Վերոգրյալի հիման վրա Դատարանը գտնում է, որ Արթուր Մաթևոսյանի նկատմամբ պետք է նշանակել բժշկական բնույթի հարկադրական միջոց` հոգեբույժի մոտ արտահիվանդանոցային հսկողություն և հարկադիր բուժում:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Արթուր Մաթևոսյանի ազատազրկման ձևով պատժի կրման սկիզբը պետք է հաշվել 2009 թվականի հունիսի 29-ից, քանի որ նա այդ օրը ձերբակալվել է, իսկ 2009 թվականի հուլիսի 2-ից նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Մաթևոսյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ 2009 թվականի օգոստոսի 12-ի որոշմամբ իրեղեն ապացույց ճանաչված Արթուր Մաթևոսյանի անձնական խուզարկությամբ հայտնաբերված 0.61 գրամ ափիոն տեսակի թմրամիջոցը, 0.3 մլ ծավալով պրեկուրսոր հանդիսացող քացախաթթվի անհիդրիդը, 2 հատ «Դիմեդրոլ» դեղամիջոցի հաբերը, Արսեն Ոսկանյանի բնակարանի խուզարկությամբ հայտնաբերված 0.740 գրամ ափիոն տեսակի թմրամիջոցը, 2 հատ 5 մլ ծավալով ներակիչները, որոնցում առկա է 1 մլ ընդհանուր ծավալով պրեկուրսոր հանդիսացող քացախաթթվի անհիդրիդ, «Трамадол ланнахер, 1мл * 50 мг, 222L1, до 10 04» (Տրամադոլ լաննախեր, 1մլ * 50մգ, 222Լ1, դո 10 04) գրառմամբ թվով 5 սրվակները, որոնցում առկա է 0.25 գրամ տրամադոլ հոգեմետ բաղադրատարրեր, 1 հատ 3 մլ ծավալով ներակիչը, պլաստմասե տարան, 13 հատ «Ինսուլին» ներարկիչի ասեղները, 1 հատ շերեփը, «Սեդալգին-Նեո» գրառմամբ տեսակի դեղահաբերի տուփը, որում առկա են թվով 10 հաբեր, պետք է ոչնչացնել, Արսեն Ոսկանյանի անձնական խուզարկությամբ հայտնաբերված 2 հատ 10.000 դրամանոց ՀՀ թղթադրամները պետք ուղղել դատական ծախս հադիսացող փորձագետի վարձատրությանը, իսկ 1 հատ 20.000, 8 հատ 1.000 դրամանոց ՀՀ թղթադրամները, 1 հատ 10 ԱՄՆ դոլարը և ծալովի դանակը պետք է վերադարձնել Արսեն Ոսկանյանին:
Արթուր Մաթևոսյանի անձնական խուզարկությամբ առգրավված «Սիմենս» ֆիրմայի բջջային հեռախոսը` դրանում տեղադրված 077-19-05-09 հեռախոսաքարտի հետ միասին պետք է վերադարձնել Արթուր Մաթևոսյանին, իսկ Արսեն Ոսկանյանի անձնական խուզարկությամբ առգրավված «Նոկիա» և «Սոնի Էրիկսոն» ֆիրմաների բջջային հեռախոսները` դրանցում տեղադրված համապատասխանաբար 077-59-72-57 և 077-37-17-01 հեռախոսքարտերի հետ միասին պետք է վերադարձնել Արսեն Ոսկանյանին:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը: Սույն գործով 2009 թվականի հուլիսի 21-ին կայացվել է գույքի վրա կալանք դնելու մասին որոշում, համաձայն որի որոշվել է գույքի հնարավոր բռնագրավումն ապահովելու համար, ինչպես նաև դատական ծախսերը ապահովելու նպատակով Արսեն Արտաշի Ոսկանյանի գույքի վրա դնել կալանք: Սակայն ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի տեղեկատվական կենտրոն ստորաբաժանման ղեկավարի 2009 թվականի օգոստոսի 3-ի թիվ ՍԴ-1/1061 և ՀՀ ոստիկանության «Ճանապարհային ոստիկանություն» ծառայության Երևանի թիվ 1 հաշվառման քննական բաժանմունքի պետի 2009 թվականի օգոստոսի 3-ի թիվ 17/21-2427 գրությունների համաձայն` Արսեն Արտաշի Ոսկանյանի անվամբ Հայաստանի Հանրապտությունում որևէ անշարժ գույքի նկատմամբ սեփականության իրավունքի պետական գրանցում կատարված չէ, ինչպես նաև չկան Արսեն Արտաշի Ոսկանյանի անվամբ հաշվառված տրանսպորտային միջոցներ: Այսինքն` նշված որոշմամբ չկա կալանքի տակ գտնվող գույք, ուստի տվյալ հարցը պետք է համարել լուծված:
ՀՀ քրեական դատավարության օրենսգրքի 360-րդ հոդվածի 1-ին մասի 14-րդ կետի համաձայն` դատավճիռ կայացնելիս դատարանը լուծում է այն հարցը, թե դատական ծախսերն ում վրա և ինչ չափով պետք է դրվեն։
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին, 2-րդ և 4-6-րդ կետերով նախատեսված դատական ծախսերն ամբաստանյալներ Արսեն Ոսկանյանից և Արթուր Մաթևոսյանից ենթակա չեն բռնագանձման, քանի որ 1-ին և 6-րդ կետերով նախատեսված դատական ծախսեր ընդհանրապես չկան, իսկ 2-րդ, 4-րդ և 5-րդ կետերով նախատեսված ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել: Ինչ վերաբերում է 3-րդ կետով նախատեսված դատական ծախսին, ապա Դատարանը գտնում է, որ Արսեն Ոսկանյանից պետք է բռնագանձել դատաքիմիական փորձաքննության համար վճարվելիք գումարը (հիմք` փորձագետի 2009 թվականի հուլիսի 8-ի թիվ 09-1293 եզրակացությանը կից հաշիվ-ապրանքագիր հանդիսացող հանձնման-ընդունման արձանագրություն)` 54.960 ՀՀ դրամը` դրանից հանելով (հաշվանցելով) փորձագետի վարձատրությանն ուղղված իրեղեն ապացույց հանդիսացող 2 հատ 10.000 դրամանոց ՀՀ թղթադրամների արժեքը` 20.000 ՀՀ դրամը, ինչի արդյունքում բռնագանձման ենթակա վեջնական գումարը կկազմի 34.960 (54.960-20.000=34.960) ՀՀ դրամ: Դատարանը միաժամանակ գտնում է, որ թիվ 09-1332 դատաքիմիական փորձաքննության համար վճարվելիք գումարը Արթուր Մաթևոսյանից ենթակա չէ բռնագանձման, քանի որ փորձաքննության ներկայացված օբյեկտներում պրեկուրսոր հանդիսացող նյութեր, թմրակտիվ և հոգեմետ բաղադրատարրեր չեն պարունակվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 138-րդ, 168-րդ, 169-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը

ՎՃՌԵՑ

Արսեն Արտաշի Ոսկանյանին մեղավոր ճանաչել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով։
ՀՀ քրեական օրենսգրքի 266-րդ հոդվածի 2-րդ մասի 2-րդ կետով Արսեն Արտաշի Ոսկանյանի նկատմամբ պատիժ նշանակել ազատազրկում` 6 (վեց) տարի 6 (վեց) ամիս ժամկետով։
ՀՀ քրեական օրենսգրքի 268-րդ հոդվածի 2-րդ մասի 2-րդ կետով Արսեն Արտաշի Ոսկանյանի նկատմամբ պատիժ նշանակել ազատազրկում` 1 (մեկ) տարի ժամկետով։
ՀՀ քրեական օրենսգրքի 266-րդ հոդվածի 4-րդ մասով Արսեն Արտաշի Ոսկանյանի նկատմամբ պատիժ նշանակել տուգանք` նվազագույն աշխատավարձի հարյուրապատիկի չափով:
ՀՀ քրեական օրենսգրքի 66-րդ հոդվածով սահմանված կարգով` ազատազրկման ձևով նշանակված պատիժները մասնակիորեն գումարելու, իսկ տուգանքը լրիվ գումարելու միջոցով, Արսեն Արտաշի Ոսկանյանի նկատմամբ վերջնական պատիժ նշանակել ազատազրկում` 7 (յոթ) տարի ժամկետով և տուգանք` նվազագույն աշխատավարձի հարյուրապատիկի չափով` ազատզարկման ձևով նշանակված պատժի կրման սկիզբը հաշվելով 2009 թվականի հունիսի 29-ից:
Արսեն Արտաշի Ոսկանյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Արթուր Կառլենի Մաթևոսյանին մեղավոր ճանաչել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով:
ՀՀ քրեական օրենսգրքի 268-րդ հոդվածի 2-րդ մասի 2-րդ կետով Արթուր Կառլենի Մաթևոսյանի նկատմամբ պատիժ նշանակել ազատազրկում` 1 (մեկ) տարի ժամկետով։
ՀՀ քրեական օրենսգրքի 266-րդ հոդվածի 4-րդ մասով Արթուր Կառլենի Մաթևոսյանի նկատմամբ պատիժ նշանակել տուգանք` նվազագույն աշխատավարձի յոթանասունապատիկի չափով:
ՀՀ քրեական օրենսգրքի 66-րդ հոդվածով սահմանված կարգով` պատիժները լրիվ գումարելու միջոցով, Արթուր Կառլենի Մաթևոսյանի նկատմամբ վերջնական պատիժ նշանակել ազատազրկում` 1 (մեկ) տարի ժամկետով և տուգանք` նվազագույն աշխատավարձի յոթանասունապատիկի չափով` ազատազրկման ձևով նշանակված պատժի կրման սկիզբը հաշվելով 2009 թվականի հունիսի 29-ից:
Արթուր Կառլենի Մաթևոսյանի նկատմամբ նշանակել հոգեբույժի մոտ արտահիվանդանոցային հսկողություն և հարկադիր բուժում:
Արթուր Կառլենի Մաթևոսյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` իրեղեն ապացույց ճանաչված Արթուր Մաթևոսյանի անձնական խուզարկությամբ հայտնաբերված 0.61 գրամ ափիոն տեսակի թմրամիջոցը, 0.3 մլ ծավալով պրեկուրսոր հանդիսացող քացախաթթվի անհիդրիդը, 2 հատ «Դիմեդրոլ» դեղամիջոցի հաբերը, Արսեն Ոսկանյանի բնակարանի խուզարկությամբ հայտնաբերված 0.740 գրամ ափիոն տեսակի թմրամիջոցը, 2 հատ 5 մլ ծավալով ներակիչները, որոնցում առկա է 1 մլ ընդհանուր ծավալով պրեկուրսոր հանդիսացող քացախաթթվի անհիդրիդ, «Трамадол ланнахер, 1мл * 50 мг, 222L1, до 10 04» (Տրամադոլ լաննախեր, 1մլ * 50մգ, 222Լ1, դո 10 04) գրառմամբ թվով 5 սրվակները, որոնցում առկա է 0.25 գրամ տրամադոլ հոգեմետ բաղադրատարրեր, 1 հատ 3 մլ ծավալով ներակիչը, պլաստմասե տարան, 13 հատ «Ինսուլին» ներարկիչի ասեղները, 1 հատ շերեփը, «Սեդալգին-Նեո» գրառմամբ տեսակի դեղահաբերի տուփը, որում առկա են թվով 10 հաբեր, ոչնչացնել, Արսեն Ոսկանյանի անձնական խուզարկությամբ հայտնաբերված 2 հատ 10.000 դրամանոց ՀՀ թղթադրամները ուղղել դատական ծախս հանդիսացող փորձագետի վարձատրությանը, իսկ 1 հատ 20.000, 8 հատ 1.000 դրամանոց ՀՀ թղթադրամները, 1 հատ 10 ԱՄՆ դոլարը և ծալովի դանակը վերադարձնել Արսեն Ոսկանյանին:
Արթուր Մաթևոսյանի անձնական խուզարկությամբ առգրավված «Սիմենս» ֆիրմայի բջջային հեռախոսը` դրանում տեղադրված 077-19-05-09 հեռախոսաքարտի հետ միասին վերադարձնել Արթուր Մաթևոսյանին, իսկ Արսեն Ոսկանյանի անձնական խուզարկությամբ առգրավված «Նոկիա» և «Սոնի Էրիկսոն» ֆիրմաների բջջային հեռախոսները` դրանցում տեղադրված համապատասխանաբար 077-59-72-57 և 077-37-17-01 հեռախոսքարտերի հետ միասին վերադարձնել Արսեն Ոսկանյանին:
Արսեն Արտաշի Ոսկանյանի գույքի վրա դրված կալանքի հարցը համարել լուծված:
Արսեն Արտաշի Ոսկանյանից հօգուտ Հայաստանի Հանրապետության, որպես դատական ծախս, բռնագանձել 34.960 ՀՀ դրամ (54.960 ՀՀ դրամից հանելով (հաշվանցելով) 20.000 ՀՀ դրամը):
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ