գործ No ԵԱՔԴ 0101/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Լ. Մանուկյանի
ամբաստանյալ` Գ. Աբրահամյանի
պաշտպան` Լ. Ավագյանի
տուժողի ներկայացուցիչ` Օ. Ջամուրլյանի


2009թ. սեպտեմբերի 11-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Գագիկ Կամոյի Աբրահամյանի, ծնված 28.10.1989թ. Երևան քաղաքում, ազգությամբ հայ, ՀՀ քաղաքացի, ֆիզիկապես առողջ, ամուրի, նախկինում չդատված, ԵՊՃ համալսարանի 3-րդ կուրսի ուսանող, աշխատում է ՙՕդա Էքսպրես՚ ՍՊԸ-ում` որպես առաքիչ, հաշվառված և բնակվում է Երևան քաղաքի Սարմենի փողոցի թիվ 80 տանը:
Մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ կետով,

Պ Ա Ր Զ Ե Ց

1.Գործի դատավարական նախապատմությունը.
16.05.2009թ. ՀՀ ոստիկանության Արաբկիրի բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14114709 քրեական գործը:
24.05.2009թ. Գագիկ Կամոյի Աբրահամյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին և 3-րդ կետերով, իսկ 06.08.2009թ. Գագիկ Աբրահամյանին առաջադրված մեղադանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով:
24.05.2009թ. Գագիկ Աբրահամյանի նկատմամբ որպես խափանման միջոց է կիրառվել կալանքը: Որպես կալանավորման այլընտրանքային խափանման միջոց կիրառվել է գրավ:
11.08.2009թ. թիվ 14114709 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009թ. սեպտեմբերի 07-ին:
2.Գործի փաստական հանգամանքները.
Նախաքննության մարմինն ամբաստանյալ Գագիկ Աբրահամյանին մեղադրանք է առաջադրել հետևյալ արարքի համար.
Ամբաստանյալ Գագիկ Կամոյի Աբրահամյանը 2009թ. ապրիլի 28-ից մայիսի 16-ն ընկած ժամանակահատվածում, ուրիշի գույքի գաղտնի հափշտակություն կատարելու դիտավորությամբ, ապօրինի մուտք է գործել Երևան քաղաքի Ալիխանյան 7 հասցեում գտնվող ՙՀայաստանի Մխիթարյան կենտրոն՚-ի մասնաշենք, գաղտնի հափշտակել է կենտրոնին պատկանղ 30 հատ տարբեր տեսակի գրքեր` ՙՀայաստանի Մխիթարյան կենտրոն՚-ին պատճառելով զգալի չափերի` 470.000 ՀՀ դրամ գումարի նյութական վնաս:
3. Արագացված դատական քննություն.
Մինչ դատաքննությունն սկսելն ամբաստանյալ Գագիկ Աբրահամյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Լ.Ավագյանը:
Մեղադրող Լ.Մանուկյանը դատական քննության արագացված կարգ կիրառելու դեմ չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գագիկ Կամոյի Աբրահամյանին առաջադրված մեղադրանքը` ՀՀ քրեական օրենսգրքի 177 հոդվածի 2-րդ մասի 3-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներին և արարքի որակումը ճիշտ է:
Գագիկ Աբրահամյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, ուսանող է, բնեղենով հատուցել է պատճառված վնասը, ինչպես նաև տուժողի ներկայացուցչի խնդրանքն ամբաստանյալի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Անդրադառնալով գործով իրեղեն ապացույցների տնօրինման հարցին, դատարանը գտնում է, որ գործով որպես իրեղեն ապացույց ճանաչված, նախաքննության ընթացքում տուժողի ներկայացուցիչ Օհաննես Ջամուրլյանին ի պահ հանձնված թվով 22 գրքերը (փաթեթավորված 2 արկղի մեջ և կնիքված ԳԱԱ Փորձաքննությունների կենտրոնի կնիքով) պետք է թողնել նրա տնօրինությանը:
Նկատի ունենալով, որ տուժողի ներկայացուցիչ Օհաննես Ջամուրլյանը քաղաքացիական հայցի պահանջից հրաժարվել է, դատարանն այդ հարցը համարում է լուծված:
Դատարանը գտնում է, որ ամբաստանյալ Գագիկ Կամոյի Աբրահամյանի նկատմամբ պետք է կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը, համաձայն որի պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց
Գագիկ Կամոյի Աբրահամյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով և նրան դատապարտել ազատազրկման երեք (3) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Գագիկ Կամոյի Աբրահամյանին ազատել պատժի կրումից:
Գագիկ Կամոյի Աբրահամյանի նկատմամբ ընտրված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված և տուժողի ներկայացուցիչ Օհաննես Ջամուրլյանին ի պահ հանձնված թվով 22 գրքերը (փաթեթավորված 2 արկղի մեջ և կնիքված ԳԱԱ Փորձաքննությունների կենտրոնի կնիքով) թողնել նրան` ի տնօրինություն:
Տուժողի ներկայացուցիչ Օհաննես Ջամուրլյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` Լ.ԱՎԵՏԻՍՅԱՆ