ԵԱՔԴ /0100/01/09









ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՀԱՄԱՅՆՔՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«12» սեպտեմբերի 2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Մ.Բաղդասարյան
պաշտպան Ի.Պետրոսյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Ռաֆիկ Ռուստամի Քիշոյանի` ծնված 1989 թվականի նոյեմբերի 14-ին Գավառ քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չդատապարտված, ՀՀ ՊՆ 31549 զորամասի ժամկետային զինծառայող, շարքային, հաշվառված է Գեղարքունիքի մարզի Սարուխան գյուղում: Մեղադրանք է առաջադրվել ՀՀ քրեական օրենսգրքի 361-րդ հոդվածի 1-ին մասով. որպես խափանման միջոց է ընտրվել հրամանատարության հսկողության հանձնելը:
1. Գործի դատավարական նախապատմությունը.
2009 թվականի հուլիսի 24-ին ՀՀ ՊՆ քննչական ծառայության 4-րդ կայազորային քննչական բաժնի քննիչ Գ.Հակոբյանի որոշմամբ ՀՀ քրեական օրենսգրքի 361-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 90260609 քրեական գործը:
2009 թվականի հուլիսի 24-ին ՀՀ ՊՆ քննչական ծառայության 4-րդ կայազորային քննչական բաժնի քննիչ Գ.Հակոբյանի որոշմամբ Ռաֆիկ Ռուստամի Քիշոյանին մեղադրանք է առաջադրվել ՀՀ քրեական օրենսգրքի 361-րդ հոդվածի 1-ին մասով:
2009 թվականի օգոստոսի 10-ին Ռաֆիկ Ռուստամի Քիշոյանի վերաբերյալ քրեական գործը մեղադրական եզրակացությամբ ուղարկվել է Դատարան:
Ռաֆիկ Ռուստամի Քիշոյանին մեղադրանք է առաջադրվել ՀՀ քրեական օրենսգրքի 361-րդ հոդվածի 1-ին մասով այն արարքի համար, որ նա, հանդիսանալով ՀՀ ՊՆ 31549 զորամասի ժամկետային զինծառայող, շարքային, երեք օրից ավելի, բայց մեկ ամսից ոչ ավելի տևողությամբ` 2009 թվականի հուլիսի 5-ի ժամը 22:30-ից մինչև 2009 թվականի հուլիսի 9-ի ժամը 22:30-ը ինքնակամ թողել է զորամասը:

2. Արագացված դատական քննություն.
Մինչ դատաքննությունն սկսելն ամբաստանյալ Ռաֆիկ Ռուստամի Քիշոյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռաֆիկ Ռուստամի Քիշոյանը կատարել է արարք` նախատեսված ՀՀ քրեական օրենսգրքի 361-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` կատարծի համար զղջալը, ինքնախոստովանական ցուցմունքները, բացասական բնութագրող ծառայողական բնութագիրը, ՀՀ ոստիկանության ինֆորմացիոն կենտրոնի պահանջագիրը, եկավ հետևյալ եզրահանգման.
Ռաֆիկ Քիշոյանի անձը դրականորեն բնութագրող հանգամանքներ են` ծառայության վայր կամովին ներկայանալը, ինքնախոստովանական ցուցմունքներ տալը, կատարծի համար զղջալը:
Ռաֆիկ Քիշոյանի պատասխանատվությունն ու պատիժը մեղմացնող հանգամանք է նախկինում արատավորված` դատապարտված չլինելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
ՀՀ քրեական օրենսգրքի 63-րդ հոդվածի 1-ին մասի 10-րդ կետի համաձայն` պատասխանատվությունն ու պատիժը ծանրացնող հանգամանք է հանցանքն այնպիսի անձի կողմից կատարելը, ով դրանով խախտել է զինվորական կամ մասնագիտական երդումը: Դատարանը գտնում է, որ Ռաֆիկ Քիշոյանի պատասխանատվությունն ու պատիժը ծանրացնող հանգամանք պետք է դիտել այն, որ զինվորական ծառայության կարգի դեմ ուղղված հանցանք կատարելով` Ռաֆիկ Քիշոյանը խախտել է զինվորական երդումը:
Կատարած արարքների համար ամբաստանյալ Ռաֆիկ Քիշոյանը ենթակա է քրեական պատասխանատվության և պատժի:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալը պատժի ենթակա է, թե ոչ, պատժի ինչ տեսակ պետք է նշանակվի, և պետք է արդյոք նա այն կրի:
Դատարանը, հաշվի առնելով Ռաֆիկ Քիշոյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Ռաֆիկ Քիշոյանի կողմից կատարած արարքի համար ՀՀ քրեական օրենսգրքի 361-րդ հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով, որը նա պետք է կրի:
Դատարանը գտնում է, որ Ռաֆիկ Քիշոյանի նկատմամբ ընտրված խափանման միջոցը` հրամանատարության հսկողության հանձնելը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ դատական ծախսերն ամբաստանյալ Ռաֆիկ Քիշոյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը
ՎՃՌԵՑ

Ռաֆիկ Ռուստամի Քիշոյանին մեղավոր ճանաչել ՀՀ քրեական օրենսգրքի 361-րդ հոդվածի 1-ին մասով և պատիժ նշանակել կալանք` 20 (քսան) օր ժամկետով:
Նշանակված պատժի կրման սկիզբը հաշվել արգելանքի վերցնելու պահից:
Ռաֆիկ Ռուստամի Քիշոյանի նկատմամբ ընտրված խափանման միջոցը` հրամանատարության հսկողության հանձնելը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):

ԴԱՏԱՎՈՐ Մ.ՊԱՊՈՅԱՆ