գործ No ԵԱՔԴ 0097/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Ռ. Խաչատրյանի
ամբաստանյալ` Գ. Խաչյանի
պաշտպան` Ա.Սիմոնյանի
տուժող` Ս.Հովհաննիսյանի

2009թ. օգոստոսի 06-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Գագիկ Կառլենի Խաչյանի, ծնված 20.01.1985թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես առողջ, ամուրի, նախկինում չդատված, չի աշխատել, հաշվառված և բնակվել է Երևան քաղաքի, Անդրանիկի փողոցի 10 շենքի թիվ 20 բնակարանում:
Մեղադրվում է ՀՀ քրեական օրենսգրքի 178 հոդվածի 2-րդ մասի 1-ին կետով:

Պ Ա Ր Զ Ե Ց
1.Գործի դատավարական նախապատմությունը.
29.08.2007թ. ՀՀ ոստիկանության Արաբկիրի բաժնում ՀՀ քրեական օրենսգրքի 178 հոդվածի 1-ին մասի հատկանիշներով հարուցվել է թիվ 14153907 քրեական գործը:
09.07.2008թ. Գագիկ Կառլենի Խաչյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 1-ին կետով:
09.07.2008թ. Գագիկ Խաչյանի նկատմամբ որպես խափանման միջոց է կիրառվել ստորագրություն չհեռանալու մասին:
09.07.2008թ. Գագիկ Խաչյանի նկատմամբ հայտարարվել է հետախուզում:
11.08.2008թ. Գագիկ Խաչյանի նկատմամբ որպես խափանման միջոց է ընտրվել կալանքը:
30.06.2009թ. Գագիկ Կառլենի Խաչյանը հայտնաբերվել է:
10.07.2009թ. նախաքննության մարմնի կողմից որոշում է կայացվել անհայտ անձանց կողմից ՀՀ քրեական օրենսգրքի 178 հոդվածի 2-րդ մասի 1-ին կետի հատկանիշներով` խարդախություն կատարելու վերաբերյալ թիվ 14153907 քրեական գործից մաս անջատելու մասին և անջատված մասին շնորհվել է թիվ 14119809 համարը:
22.07.2009թ. թիվ 14153907 քրեական գործը մեղադրական եզրակացությամբ ուղարկվել է Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009թ. օգոստոսի 06-ին:
2.Գործի փաստական հանգամանքները.
Նախաքննության մարմինն ամբաստանյալ Գագիկ Խաչյանին մեղադրանք է առաջադրել հետևյալ արարքի համար.
Ամբաստանյալ Գագիկ Կառլենի Խաչյանը նախնական համաձայնության գալով քրեական գործով չպարզված անձանց հետ, 2007 թվականի օգոստոսի 29-ին ժամը 1500-ի սահմաններում, Երևան քաղաքի Բաղրամյան 2 հասցեում գործող ՙԴովիլ՚ սրճարանում չարաշահելով Սմբատ Ստեփանի Հովհաննիսյանի վստահությունը, խաբեությամբ` նայելու նպատակով վերջինիցս հափշտակել են 300.000 ՀՀ դրամ ընդհանուր արժողությամբ մեկ հատ ոսկյա վզնոց և մեկ հատ ձեռքի ոսկյա շղթա:
3. Արագացված դատական քննություն .
Մինչ դատաքննությունն սկսելն ամբաստանյալ Գագիկ Խաչյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Սիմոնյանը:
Մեղադրող Ռ.Խաչատրյանը դատական քննության արագացված կարգ կիրառելու դեմ չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գագիկ Կառլենի Խաչյանին առաջադրված մեղադրանքը` ՀՀ քրեական օրենսգրքի 178 հոդվածի 2-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 1-ին կետի հատկանիշներին և արարքի որակումը ճիշտ է:
Գագիկ Կառլենի Խաչյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, դատաքննության ընթացքում նրա հարազատների կողմից ամբողջությամբ հատուցվել է տուժողին պատճառված վնասը:
Ամբաստանյալի պատասխանատվությունը և պատիժը ծանրացնող հանգամանքներ չկան:
Դատարանը գտնում է, որ ամբաստանյալ Գագիկ Կառլենի Խաչյանի նկատմամբ պետք է կիրառվի ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը, համաձայն որի պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց
Գագիկ Կառլենի Խաչյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 1-ին կետով և նրան դատապարտել ազատազրկման երեք (3) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Գագիկ Կառլենի Խաչյանին ազատել պատժի կրումից:
Գագիկ Կառլենի Խաչյանի նկատմամբ ընտրված խափանման միջոցը` կալանավորումը, փոփոխել և նրա նկատմամբ որպես խափանման միջոց ընտրել` ստորագրություն չհեռանալու մասին, մինչև դատավճռի օրինական ուժի մեջ մտնելը:
Գագիկ Կառլենի Խաչյանին անհապաղ ազատել կալանքից դատական նիստի դահլիճում:
Տուժող Սմբատ Հովհաննիսյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:
ԴԱՏԱՎՈՐ` Լ.ԱՎԵՏԻՍՅԱՆ