ԵԱՔԴ/0096/01/09







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«9» դեկտեմբերի 2009թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Գ.Հովհաննիսյան
տուժողներ Հ.Հարությունյան
Լ.Չոբանյան
Ա.Խաչատրյան
Մ.Հովհաննիսյան
Ա.Աղայան
պաշտպան Հ.Բաղդասարյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արայիկ Ալբերտի Միքայելյանի` ծնված 1976 թվականի նոյեմբերի 12-ին Գորիս քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնալուծված, նախկինում հափշտակություններ կատարելու համար երեք անգամ դատապարտված, չի աշխատում, բնակվել է Երևան քաղաքի Դրոյի փողոցի 21-րդ շենքի 11-րդ բնակարանում: Մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 3-րդ կետով, արգելանքի տակ է 2009 թվականի մայիսի 4-ից:
1. Գործի դատավարական նախապատմությունը.
2009 թվականի ապրիլի 13-ին ՀՀ ոստիկանության Քանաքեռ-Զեյթունի բաժնի հետաքննության բաժանմունքի ավագ տեսուչ Ա.Ղալեչյանի որոշմամբ ՀՀ քրեական օրենսգրքի 183-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 09151309 քրեական գործը:
2009 թվականի ապրիլի 17-ին ՀՀ ոստիկանության Քանաքեռ-Զեյթունի քննչական բաժնի քննիչ Տ.Ահարոնյանի որոշմամբ թիվ 09151309 քրեական գործն ընդունվել է վարույթ:

2009 թվականի մայիսի 8-ին ՀՀ ոստիկանության Քանաքեռ-Զեյթունի քննչական բաժնի քննիչ Տ.Ահարոնյանի որոշմամբ Արայիկ Ալբերտի Միքայելյանին մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 3-րդ կետով:
2009 թվականի հունիսի 17-ին ՀՀ ոստիկանության Քանաքեռ-Զեյթունի քննչական բաժնի քննիչ Տ.Ահարոնյանի որոշմամբ Արայիկ Ալբերտի Միքայելյանին առաջադրված մեղադրանքը փոփոխվել, լրացվել է և նոր մեղադրանք է առաջադրվել ՀՀ քրեական օրենսգրքի 177-րդ հոդվածի 3-ին մասի 3-րդ կետով:
2009 թվականի հուլիսի 2-ին ՀՀ ոստիկանության Քանաքեռ-Զեյթունի քննչական բաժնի քննիչ Է.Պողոսյանի որոշմամբ թիվ 09151309 քրեական գործն ընդունվել է վարույթ:
2009 թվականի հուլիսի 13-ին Արայիկ Ալբերտի Միքայելյանի վերաբերյալ քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարան:
2009 թվականի հուլիսի 17-ին Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարանի դատավոր Ս.Ղազարյանի որոշմամբ Արայիկ Ալբերտի Միքայելյանի վերաբերյալ թիվ ԵԱՔԴ/0096/01/09 քրեական գործն ընդունվել է վարույթ:
2009 թվականի սեպտեմբերի 7-ին Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարանի դատավոր Ս.Ղազարյանը Արայիկ Ալբերտի Միքայելյանի վերաբերյալ թիվ ԵԱՔԴ/0096/01/09 քրեական գործով հայտնել է ինքնաբացարկ:
2009 թվականի սեպտեմբերի 12-ին Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության դատարանի դատավոր Մ.Պապոյանի որոշմամբ Արայիկ Ալբերտի Միքայելյանի վերաբերյալ թիվ ԵԱՔԴ/0096/01/09 քրեական գործն ընդունվել է վարույթ:
Արայիկ Ալբերտի Միքայելյանին մեղադրանք է առաջադրվել ՀՀ քրեական օրենսգրքի 177-րդ հոդվածի 3-ին մասի 3-րդ կետով` այն արարքների համար, որ նա նախկինում հափշտակություններ կատարելու համար երեք անգամ դատապարտված լինելով, դատվածությունը չմարված, 2009 թվականի ապրիլ ամսվա տարբեր օրերի ընթացքում կատարել է մի շարք գողություններ: Այն է.
2009 թվականի ապրիլի սկզբին` ժամը 03:00-ի սահմաններում, գաղտնի հափշտակել է Երևան քաղաքի Կ.Ուլնեցի 3-րդ փակուղու 1-ին շենքի բակում կայանված Լևոն Արշալույսի Չոբանյանին պատկանող «ՎԱԶ 2106» մակնիշի 02ՏԼ392 պետհամարանաիշի ավտոմեքենայի զգալի չափերի հասնող 30.000 ՀՀ դրամ արժողության մարտկոցը:
2009 թվականի ապրիլի սկզբին` ժամը 03:00-ի սահմաներում, գաղտնի հափշտակել է Երևան քաղաքի Կ.Ուլնեցի 1-ին փակուղու 2-րդ շենքի բակում կայանված Արայիկ Աշոտի Խաչատրյանին պատկանող «ՎԱԶ 2106» մակնիշի 02ՍՕ408 պետհամարանաիշի ավտոմեքենայի զգալի չափերի հասնող 49.000 ՀՀ դրամ արժողության մարտկոցը, գեներատորը և «Պիոներ» ապրանքանիշի ձայնագրիչի հեռակառավարման վահանակը:
2009 թվականի ապիլի 13-ին` ժամը 03:00-ի սահմաներում, փախցրել է Երևան քաղաքի Շովորյան փողոցի 16-րդ շենքի բակում կայանված Հայկ Անդրանիկի Հարությունյանին պատկանող և Էդուարդ Համբարձումի Դանիելյանի վստահությանը հանձնված «ՎԱԶ 2106» մակնիշի 15ՍՕ395 պետհամարանաիշի ավտոմեքենան, այնուհետև Մալաթիա-Սեբաստիա համայնքի տարածքում հիշյալ ավտոմեքենայից հափշտակել է զգալի չափերի հասնող 368.000 ՀՀ դրամ ընդհանուր արժողության սարքավորումներ և մասեր:
2009 թվականի ապրիլի 30-ին` ժամը 03:00-ի սահմաներում, գաղտնի հափշտակել է Երևան քաղաքի Սունդուկյան փողոցի 7-րդ շենքի բակում կայանված Միշա Արշակի Հովհաննիսյանին պատկանող «ԳԱԶ 3110» մակնիշի 01ՏԼ526 պետհամարանաիշի ավտոմեքենայի զգալի չափերի հասնող 13.000 ՀՀ դրամ արժողության «Ալպինա» ապրանքանիշի ձայնագրիչը:
2009 թվականի ապրիլի 30-ին` ժամը 04:00-ի սահմաներում, գաղտնի հափշտակել է Երևան քաղաքի Սունդուկյան փողոցի 15/1 շենքի բակում կայանված Արմեն Ալբերտի Աղայանին պատկանող «ՎԱԶ 2106» մակնիշի 61ՍՍ271 պետհամարանաիշի ավտոմեքենայի զգալի չափերի հասնող 64.000 ՀՀ դրամ ընդհանուր արժողության մարտկոցը և գործարկիչը:
2. Արագացված դատական քննություն.
Մինչ դատաքննությունն սկսելն ամբաստանյալ Արայիկ Ալբերտի Միքայելյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արայիկ Ալբերտի Միքայելյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 3-րդ մասի 3-րդ կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, Շուռնուխ համայնքի ղեկավարի կողմից տրված տեղեկանքի պատճենը, էպիկրիզի պատճենը, եկավ հետևյալ եզրահանգման.
Արայիկ Միքայելյանի անձը դրականորեն բնութագրող հանգամանքներ են` ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Արայիկ Միքայելյանի պատասխանատվությունն ու պատիժը մեղմացնող հանգամանք պետք է դիտել վատառողջ լինելը:
Ինչ վերաբերում է Շուռնուխ համայնքի ղեկավարի կողմից տրված տեղեկանքի պատճենին` համաձայն որի Արայիկ Միքայելյանը 1991-1993 թվականներին մասնակցել է Արցախյան ազատամարտին, ապա Դատարանը հարկ է համարում նշել, որ նշված փաստաթղթի վրա առկա չէ կնիք, պատճենը պատշաճ կերպով վավերացված չէ, ինչպես նաև Դատարան չի ներկայացվել փաստաթղթի բնօրինակը: Հետևաբար Դատարանը գտնում է, որ հաստատված չէ այն հանգամանքը, որ Արայիկ Միքայելյանը մասնակցել է Արցախյան ազատամարտին:
Դատարանը միաժամանակ արձանագրում է, որ Արայիկ Միքայելյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Արայիկ Միքայելյանը ենթակա է քրեական պատասխանատվության և պատժի:
Դատարանը, հաշվի առնելով Արայիկ Միքայելյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող և պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արայիկ Միքայելյանի կողմից կատարած արարքների համար ՀՀ քրեական օրենսգրքի 177-րդ հոդվածի 3-րդ մասի սանկցիայով նախատեսված է պատիժ ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի: Ընդ որում` կատարված արարքների համար չպետք է նշանակել 177-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արայիկ Միքայելյանի պատժի կրման սկիզբը պետք է հաշվել 2009 թվականի մայիսի 4-ից, քանի որ նա փաստացի արգելանքի է վերցվել այդ օրը, որից հետո` 2009 թվականի մայիսի 5-ին, կազմվել է ձերբակալման արձանագրություն, իսկ 2009 թվականի մայիսի 8-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արայիկ Միքայելյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2009 թվականի հունիսի 11-ի որոշմամբ իրեղեն ապացույց ճանաչված գեներատորը պետք է վերադարձնել Արայիկ Խաչատրյանին, իսկ «Ալպինա» ապրանքանիշի ձայնագրիչը` Միշա Հովհաննիսյանին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցն ենթակա է արդյոք բավարարման, ում օգտին և ինչ չափով:
Սույն քրեական գործով Էդուարդ Համբարձումի Դանիելյանը և Միշա Արշակի Հովհաննիսյանը ճանաչվել են քաղաքացիական հայցվորներ: ՀՀ քրեական դատավարության օրենսգրքի 161-րդ հոդվածի 2-րդ մասի համաձայն` քաղաքացիական հայցից հրաժարվելն ընդունելը հանգեցնում է քրեական դատավարությունում քաղաքացիական հայցով վարույթի կարճման: Սույն գործով քաղաքացիական հայցվորներ Էդուարդ Համբարձումի Դանիելյանը (2009 թվականի հոկտեմբերի 22-ի գրությամբ) և Միշա Արշակի Հովհաննիսյանը (դատական նիստի ժամանակ) հրաժարվել են իրենց կողմից հարուցված քաղաքացիական հայցերից, ուստի Դատարանը գտնում է, որ քաղաքացիական հայցերից հրաժարումը պետք է ընդունել և Էդուարդ Համբարձումի Դանիելյանի ու Միշա Արշակի Հովհաննիսյանի կողմից հարուցված քաղաքացիական հայցերի վարույթները կարճել:
Սույն քրեական գործով քաղաքացիական հայցվոր են ճանաչվել նաև տուժողներ Լևոն Արշալույսի Չոբանյանը, Արայիկ Աշոտի Խաչատրյանը և Արմեն Ալբերտի Աղայանը: ՀՀ քրեական դատավարության օրենսգրքի 308-րդ հոդվածի 2-րդ մասի համաձայն` քաղաքացիական հայցվորի չներկայանալու դեպքում դատարանը քաղաքացիական հայցը թողնում է առանց քննության` քաղաքացիական հայցվորին իրավունք վերապահելով հայց հարուցել քաղաքացիական դատավարության կարգով։ Քանի որ, քաղաքացիական հայցվորներ Լևոն Արշալույսի Չոբանյանը, Արայիկ Աշոտի Խաչատրյանը և Արմեն Ալբերտի Աղայանը չեն ներկայացել դատական նիստին և չեն միջնորդել քաղաքացիական հայցերը քննության առնել իրենց բացակայությամբ, ուստի նրանց կողմից հարուցած քաղաքացիական հայցերը պետք է թողնել առանց քննության։ Քաղաքացիական հայցերն առանց քննության թողնելու պարագայում Դատարանն այլևս չի անդրադառնում քաղաքացիական հայցերի` ՀՀ քրեական դատավարության օրենսգրքի և/կամ այլ օրենքների պահանջներին համապատասխան ներկայացված լինելու, ինչպես նաև հիմնավոր կամ անհիմն լինելու հարցերին։
Դատարանը գտնում է, որ դատական ծախսերն ամբաստանյալ Արայիկ Միքայելյանից ենթակա չեն բռնագանձման, քանի որ հանցագործությամբ պատճառված վնասի հատուցման համար ներկայացված քաղաքացիական հայցերի մի մասը վերոնշյալ հիմնավորումներով պետք է կարճել, իսկ մյուս մասը` թողնել առանց քննության, իսկ ՀՀ քրեական դատավարության օրենսգրքի 168-րդ հոդվածի առաջին մաuի 2-8-րդ կետերով նախատեuված դատական ծախuերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի` ամբաuտանյալից ենթակա չեն բռնագանձման:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը:
Սույն գործով 2009 թվականի մայիսի 7-ին կայացվել է գույքի վրա կալանք դնելու մասին որոշում` համաձայն որի որոշվել է քաղաքացիական հայցերը, գույքի հնարավոր բռնագրավումը կամ դատական ծախսերն ապահովելու համար Արայիկ Ալբերտի Միքայելյանի գույքի վրա դնել կալանք: Ի կատարումն նշված որոշման` արգելանք է դրվել «ՎԱԶ 2106» մակնիշի 03ՏՏ268 պետհամարանիշի ավտոմեքենայի վրա: ՀՀ քրեական դատավարության օրենսգրքի 238-րդ հոդվածի համաձայն` գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Դատարանը, նկատի ունենալով, որ քաղաքացիական հայցերը վերը նշված հիմնավորումներով պետք է կարճել կամ թողնել առանց քննության, Արայիկ Միքայելյանի կատարած արարքների համար չպետք է նշանակել 177-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը, ինչպես նաև բռնագանձման ենթակա դատական ծախսեր առկա չեն, գտնում է, որ վերացել է գույքի վրա կալանք դնելուց բխող սահմանափակումների կիրառման անհրաժեշտությունը: Հետևաբար դատավճիռն օրինական ուժի մեջ մտնելուց հետո 2009 թվականի մայիսի 7-ի որոշմամբ «ՎԱԶ 2106» մակնիշի 03ՏՏ268 պետհամարանիշի ավտոմեքենայի վրա դրված կալանքը պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 161-րդ, 168-րդ, 238-րդ, 308-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը
ՎՃՌԵՑ

Արայիկ Ալբերտի Միքայելյանին մեղավոր ճանաչել ՀՀ քրեական օրենսգրքի 177-րդ հոդվածի 3-րդ մասի 3-րդ կետով և պատիժ նշանակել ազատազրկում` 4 (չորս) տարի 6 (վեց) ամիս ժամկետով` պատժի կրման սկիզբը հաշվելով 2009 թվականի մայիսի 4-ից:
Արայիկ Ալբերտի Միքայելյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` 2009 թվականի հունիսի 11-ի որոշմամբ իրեղեն ապացույց ճանաչված գեներատորը վերադարձնել Արայիկ Խաչատրյանին, իսկ «Ալպինա» ապրանքանիշի ձայնագրիչը` Միշա Հովհաննիսյանին:
Էդուարդ Համբարձումի Դանիելյանի և Միշա Արշակի Հովհաննիսյանի հարուցած քաղաքացիական հայցերի վարույթները կարճել:
Լևոն Արշալույսի Չոբանյանի, Արայիկ Աշոտի Խաչատրյանի և Արմեն Ալբերտի Աղայանի հարուցած քաղաքացիական հայցերը թողնել առանց քննության:
Դատական ծախսերի հարցը համարել լուծված:
Դատավճիռն օրինական ուժի մեջ մտնելուց հետո 2009 թվականի մայիսի 7-ի որոշմամբ «ՎԱԶ 2106» մակնիշի 03ՏՏ268 պետհամարանիշի ավտոմեքենայի վրա դրված կալանքը վերացնել:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ