գործ թիվ ԵԱՔԴ 0095/01/09

Ո Ր Ո Շ ՈՒ Մ

Քրեական գործի վարույթը կարճելու մասին

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Ռ. Խաչատրյանի
ամբաստանյալ` Ռ. Մարտիրոսյանի

2009թ. հուլիսի 18-ին, Երևան քաղաքում, դռնբաց դատական նիստում քննության առնելով քրեական գործն ըստ մեղադրանքի Ռուբեն Միշայի Մարտիրոսյանի (ծնված 02.12.1962թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, նախկինում չդատված, չի աշխատել, հաշվառված և բնակվել է Երևան քաղաքի Սևքարեցի Սաքոյի փողոցի թիվ 9 տանը) ՀՀ քրեական օրենսգրքի 116 հոդվածի 2-րդ մասով:

Պ Ա Ր Զ Ե Ց
02.02.2009թ. ՀՀ ոստիկանության ՔԳՎ Երևանի քննչական վարչության Արաբկիրի քննչական բաժնի կողմից ՀՀ քրեական օրենսգրքի 112 հոդվածի 1-ին մասի հատկանիշներով հարուցվել է թիվ 14104109 քրեական գործը:
21.02.2009թ. Ռուբեն Միշայի Մարտիրոսյանին մեղադրանք է առաջադրվել ՀՀ քրեական օրենսգրքի 112 հոդվածի 1-ին մասով և 258 հոդվածի 4-րդ մասով, իսկ 03.07.2009թ. առաջադրված մեղադրանքը վերացվել և նրան նոր մեղադրանք է առաջադրվել ՀՀ քրեական օրենսգրքի 116 հոդվածի 2-րդ մասով այն արարքի համար.
2008թ. դեկտեմբերի 21-ին ժամը 2100-ի սահմաններում, Երևան քաղաքի Սևքարեցի Սաքոյի փողոցի 9 տան մոտ, շուրջ 10 րոպե տևած վիճաբանության ընթացքում Ավետիս Դավթյանը, Վահե Ղարիբյանը և գործով չպարզված անձը, գտնվելով ոգելից խմիչքի ազդեցության տակ, ծեծի են ենթարկել Ռուբեն Մարտիրոսյանին, ով անհրաժեշտ պաշտպանության սահմանազանցմամբ իր մոտ եղած դանակով հարվածել է Ավետիս Դավթյանին` պատճառելով նրա առողջությանը ծանր վնաս:
21.02.2009թ. Ռուբեն Միշայի Մարտիրոսյանի նկատմամբ որպես խափանման միջոց է ընտրվել կալանավորումը:
13.07.2009թ. թիվ 14104109 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
13.07.2009թ. դատարանը Ռուբեն Միշայի Մարտիրոսյանի նկատմամբ որպես խափանման միջոց ընտրված կալանավորումը փոխել և նրա նկատմամբ որպես խափանման միջոց է ընտրել ստորագրություն չհեռանալու մասին:
Քրեական գործը նշանակվել է դատաքննության 2009 թվականի հուլիսի 18-ին:
06.07.2009թ. նախաքննության մարմնի կողմից որոշում է կայացվել խուլիգանություն կատարելու փաստի առթիվ Ավետիս Դավթյանի նկատմամբ քրեական հետապնդում չիրականացնելու մասին` վերջինիս կողմից իր կատարած հանցանքը հատուցելու և հանցագործությունը բացահայտելուն աջակցելու հիմքով:
06.07.2009թ. նախաքննության մարմնի կողմից որոշում է կայացվել Վահե Ղարիբյանի նկատմամբ քրեական հետապնդում չիրականացնելու մասին` նրա արարքում խուլիգանության հանցակազմը ապացուցված չլինելու հիմքով, Ռուբեն Մարտիրոսյանին ծեծի ենթարկելու փաստի առթիվ Վահե Ղարիբյանի նկատմամբ քրեական հետապնդում չիրականացնելու մասին` Ռուբեն Մարտիրոսյանի բողոքի բացակայության հիմքով:
07.07.2009թ. նախաքնության մարմնի կողմից որոշում է կայացվել թիվ 14104109 քրեական գործից քննությամբ չպարզված անձի կողմից խուլիգանություն կատարելու փաստի առթիվ ՀՀ քրեական օրենսգրքի 258 հոդվածի 3-րդ մասի 1-ին կետի հատկանիշներով մաս անջատելու և թիվ 14119709 համարը շնորհելու մասին:
14.07.2009թ. դատարանում ստացվել է ՙՆուբարաշեն՚ ՔԿՀ-ից ուղարկված ամբաստանյալ Ռուբեն Մարտիրոսյանի գրավոր դիմումը` իր նկատմամբ համաներում կիրառելու վերաբերյալ:
Գործի քննության ընթացքում դատախազ Ռ.Խաչատրյանը, հայտնաբերելով քրեական հետապնդումը բացառող հանգամանքներ, հիմք ընդունելով ՀՀ Ազգային ժողովի կողմից ՙՀամաներում հայտարարելու մասին՚ որոշումը, ՀՀ քրեական դատավարության օրենսգրքի 35 հոդվածի 4-րդ մասի համաձայն միջնորդել է քրեական գործի վարույթը կարճել:
Նկատի ունենալով, որ ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետը սահմանում է կարճել այն անձանց կողմից կատարված հանցագործությունների վերաբերյալ գործերը, որոնք մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան երեք տարի ժամկետով ազատազրկում, իսկ ՀՀ քրեական օրենսգրքի 116 հոդվածի 2-րդ մասը նախատեսում է ազատազրկում` առավելագույնը երկու տարի ժամկետով, դատարանը գտնում է, որ միջնորդությունը հիմնավոր է և ենթակա բավարարման:
Դատարանը գտնում է, որ գործով իրեղեն ապացույց ճանաչված, Ավետիս Դավթյանի հագուստները, որոնք կցված են քրեական գործին, պետք է հանձնել նրան` ի տնօրինություն:
Ղեկավարվելով ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետով, 12-րդ կետի 1) ենթակետի ա. պարբերությամբ, ՀՀ քրեական դատավարության օրենսգրքի 35 հոդվածի 1-ին մասի 13-րդ կետով և 4-րդ մասով, 313 հոդվածով դատարանը

Ո Ր Ո Շ Ե Ց

Ռուբեն Միշայի Մարտիրոսյանի վերաբերյալ ՀՀ քրեական օրենսգրքի 116 հոդվածի 2-րդ մասով թիվ ԵԱՔԴ 0095/01/09 քրեական գործի վարույթը կարճել` ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետի համաձայն:
Ռուբեն Միշայի Մարտիրոսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված, Ավետիս Դավթյանի հագուստները հանձնել վերջինիս տնօրինությանը:
Որոշումը կարող է բողոքարկվել ՀՀ վերաքննիչ քրեական դատարան` մեկամսյա ժամկետում:

ԴԱՏԱՎՈՐ` Լ. ԱՎԵՏԻՍՅԱՆ