գործ No ԵԱՔԴ 0093/01/09
Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Գ. Հովհաննիսյանի
ամբաստանյալ` Ա. Շարոյանի
պաշտպան` Մ.Գրիգորյանի

2009թ. օգոստոսի 03-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Արմեն Բորիսի Շարոյանի, ծնված 30.05.1958թ. Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երեք անձ, աշխատել է ՙՀայէլեկտրո՚ ձեռնարկությունում` որպես տեղաամասի պետ, նախկինում չդատված, հաշվառված և բնակվել է Երևան քաղաքի, Սունդուկյան փողոցի 15/1 շենքի թիվ 35 բնակարանում:
Մեղադրվում է ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով:

Պ Ա Ր Զ Ե Ց
1.Գործի դատավարական նախապատմությունը.
23.04.2009թ. ՀՀ ոստիկանության ՔԳՎ Երևանի քննչական վարչության Արաբկիրի քննչական բաժնում ՀՀ քրեական օրենսգրքի 266 հոդվածի 1-ին և 4-րդ մասերի հատկանիշներով հարուցվել է թիվ 14112909 քրեական գործը:
03.06.2009թ. նախաքննության մարմնի կողմից որոշում է կայացվել թիվ 14112909 քրեական գործից Արմեն Բորիսի Շարոյանի կողմից ապօրինաբար թմրամիջոց ձեռք բերելու և պահելու փաստի վերաբերյալ ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերի հատկանիշներով մաս անջատելու մասին և շնորհվել է թիվ 14116209 համարը:
16.05.2009թ. Արմեն Բորիսի Շարոյանի նկատմամբ որպես խափանման միջոց է ընտրվել կալանավորումը:
30.06.2009թ. նախաքննության մարմնի կողմից որոշում է կայացվել թիվ 14116209 քրեական գործից Վոլոդյա Սուրենի Խաչատրյանի կողմից Արմեն Շարոյանին ապօրինաբար խոշոր չափի թմրամիջոց իրացնելու փաստի վերաբերյալ ՀՀ քրեական օրենսգրքի 266 հոդվածի 2-րդ մասի 2-րդ կետի հատկանիշներով մասն անջատելու մասին և շնորհվել է թիվ 14119209 համարը:
13.07.2009թ. թիվ 14116209 քրեական գործը մեղադրական եզրակացությամբ ուղարկվել է Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009թ. հուլիսի 23-ին:
2.Գործի փաստական հանգամանքները.
16.05.2009թ. Արմեն Բորիսի Շարոյանը ներգրավվել է որպես մեղադրյալ և նրան մեղադրանք է առաջադրվել 268 հոդվածի 2-րդ մասի 1-ին և 2-րդ կետերով, իսկ 23.06.2009թ. Արմեն Բորիսի Շարոյանին առաջադրված մեղադանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով հետևյալ արարքի համար.
Ամբաստանյալ Արմեն Շարոյանը 2009թ. փետրվարի 27-ին ժամը 14-ի սահմաններում առանց իրացնելու նպատակի ապօրինի ձեռք է բերել և պահել մեկ սրվակ ՙօմնոպոն՚ տեսակի թմրամիջոց, որի համար բերման է ենթարկվել ոստիկանության Շենգավիթի բաժին և հարուցվել է թիվ 11105609 քրեական գործը: Արմեն Շարոյանին մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով և քրեական գործը մեղադրական եզրակացությամբ ուղարկվել է Երևան քաղաքի Շենգավիթ համայնքի ընդհանուր իրավասության առաջին ատյանի դատարան: Դեռևս քրեական գործի դատական քննությունը չսկսված, Արմեն Շարոյանը կրկին անգամ, ոմն Վալոդիկից ապօրինի ձեռք է բերել և պահել խոշոր չափի 0,71 գրամ ափիոն տեսակի թմրամիջոց, որը 2009թ. մայիսի 13-ին ոստիկանության Արաբկիրի բաժին բերման ենթարկվելուց հետո Արմեն Շարոյանի անձնական խուզարկության ընթացքում հայտնաբերվել և առգրավվել է նրա անդրավարտիքի գրպանից:
Բացի այդ, Արմեն Շարոյանի բնակարանի խուզարկությամբ հայտնաբերվել և առգրավվել է նրա կողմից ապօրինի ձեռք բերված և պահված ՙՏրամադոլ՚ տեսակի 0,5 գրամ քաշով հոգեմետ դեղամիջոց և զգալի չափ հանդիսացող 0,08 գրամ ՙացետիլացված ափիոն՚ տեսակի թմրամիջոց պարունակող բամբակյա խծուծ:
Հետագայում, Արմեն Բորիսի Շարոյանը Երևան քաղաքի Շենգավիթ համայնքի ընդհանուր իրավասության առաջին ատյանի դատարանի 27.05.2009թ. դատավճռով ՀՀ քրեական օրենսգրքի 268 հոդվածի 1-ին մասով դատապարտվել է ազատազրկման վեց ամիս ժամկետով` 2009թ. փետրվարի 27-ին առանց իրացնելու նպատակի մեկ սրվակ ՙՕմնոպոն՚ տեսակի թմրամիջոց ձեռք բերելու և պահելու համար:
3. Արագացված դատական քննություն .
Մինչ դատաքննությունն սկսելն ամբաստանյալ Արմեն Շարոյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Մ.Գրիգորյանը:
Մեղադրող Գ.Հովհաննիսյանը դատական քննության արագացված կարգ կիրառելու դեմ չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Բորիսի Շարոյանին առաջադրված մեղադրանքը` ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերի հատկանիշներին և արարքի որակումը ճիշտ է:
Արմեն Բորիսի Շարոյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, խնամքին են գտնվում երկու զավակները և կինը, որոնց միակ կերակրողն ինքն է:
Ամբաստանյալի պատասխանատվությունը և պատիժը ծանրացնող հանգամանքներ չկան:
Դատարանն անդրադառնալով գործով իրեղեն ապացույցների տնօրինման հարցին, գտնում է, որ իրեղեն ապացույց ճանաչված 0,71 գրամ ափիոն տեսակի թմրամիջոցը, 10 հաբ ՙՏրամադոլ՚ տեսակի հոգեմետ դեղամիջոցը և 0,08 գրամ ՙացետիլացված ափիոն՚ տեսակի թմրամիջոց պարունակող բամբակյա խծուծը` փաթեթավորված և կնիքված փորձագետների թիվ 16 և 17800905 կնիքներով, պետք է ոչնչացնել:
Դատարանը նկատի ունենալով, որ ամբաստանյալ Շարոյանը` ըստ դատանարկոլոգիական փորձաքննության 11.06.2009թ. թիվ 138/09 եզրակացության տառապում է ՙթմրամոլություն դադարի շրջանում՚ ախտորոշմամբ և հարկադիր բուժման կարիք չունի, գտնում է, որ նրա նկատմամբ պատիժ նշանակելիս թմրամոլության դեմ բժշկական բնույթի հարկադրանքի միջոց չպետք է նշանակել:
Ամբաստանյալ Արմեն Բորիսի Շարոյանը 2009թ. փետրվարի 27-ին կատարած հանցանքի համար Երևան քաղաքի Շենգավիթ համայնքի ընդհանուր իրավասության առաջին ատյանի դատարանի 27.05.2009թ. դատավճռով ՀՀ քրեական օրենսգրքի 268 հոդվածի 1-ին մասով դատապարտվել է ազատազրկման վեց ամիս ժամկետով: Դատավճիռը չի բողոքարկվել և մտել է օրինական ուժի մեջ: Հաշվի առնելով նշված հանգամանքը, դատարանը գտնում է, որ նրա նկատմամբ պատիժ նշանակելիս պետք է ղեկավարվել ՀՀ քրեական օրենսգրքի 66 հոդվածի կանոններով:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց

Արմեն Բորիսի Շարոյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով և նրան դատապարտել ազատազրկման վեց (6) ամիս ժամկետով:
ՀՀ քրեական օրենսգրքի 66 հոդվածի կիրառմամբ, նշանակված պատժին լրիվ գումարել նախորդ` Երևան քաղաքի Շենգավիթ համայնքի ընդհանուր իրավասության առաջին ատյանի դատարանի 27.05.2009թ. դատավճռով նշանակված պատիժը` վեց (6) ամիս ժամկետով ազատազրկումը և վերջնական պատիժ նշանակել ազատազրկում մեկ (1) տարի ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել 2009 թվականի մայիսի 13-ից:
Արմեն Բորիսի Շարոյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված, 0,71 գրամ ափիոն տեսակի թմրամիջոցը, 10 հաբ ՙՏրամադոլ՚ տեսակի հոգեմետ դեղամիջոցը և 0,08 գրամ ՙացետիլացված ափիոն՚ տեսակի թմրամիջոց պարունակող բամբակյա խծուծը` փաթեթավորված և կնիքված փորձագետների թիվ 16 և 17800905 կնիքներով` ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակաման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` Լ.ԱՎԵՏԻՍՅԱՆ