ԵԱՔԴ 0091/01/09



ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

07.08.2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Հ.Ավագյանի
մասնակցությամբ`
մեղադրողª Գ.Հովհաննիսյանի
պաշտպան` Մ.Գինոսյանի

Դռնբաց դատական նիստում քննության առավ քր.գործն ըստ մեղադրանքի
Արտուշ Հենրիկի Հովհաննիսյանի, ծնված 22.10.1974թ., ք.Երևան, հայ, ՀՀ քաղաքացի, միջնակարգ կրթությամբ, նախկինում դատված, դատավածությունը չմարված, չկրած պատիժ չունի, չի աշխատում, ամուրի, բնակվում է ք.Երևան Վաղարշյան 24/2 շենք 38 բնակարան: Կալանքի տակ է 13.05.2009թ-ից:

Ամբաստանվում է ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 2-րդ կետով այն բանի համար, որ նա 2008թ. դեկտեմբեր ամսին քրեական գործով չպարզված օրը, Երևանի Կոմիտաս պողոտայի սկզբնամասում, ոմն Մարոյից 15.000 ՀՀ դրամով ապօրինի ձեռք է բերել, պահել, փոխադրել մոտ 1 գրամ քաշով ափիոն տեսակի թմրամիջոց և պրեկուսոր հանդիսացող քացախաթթվի անհիդրիդ, որոնցից 0,6մլ քացախաթթվի անհիդրիդը հայտնաբերվել է վերջինիս պատկանող Երևանի Վաղարշյան 24/2 շենքի 38 բնակարանում 13.05.2009թ. կատարված խուզարկությամբ, իսկ խոշոր չափ հանդիսացող 0,6 գրամ քաշով ափիոն տեսակի թմրամիջոցը` ոստիկանության Արաբկիրի բաժին բերման ենթարկելուց հետո կատարված անձնական խուզարկությամբ` անդրավարտիքի աջ գրպանից:
Վերը նշված արարքի համար Արտուշ Հովհաննիսյանին մեղադրանք է առաջադրվել ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 2-րդ կետով, որում նա իրեն լիովին մեղավոր է ճանաչել և խորհրդակցելով իր պաշտպանի հետ միջնորդեց դատարանին կիրառել արագացված դատաքննություն պատճառաբանելով, որ իրեն հայտնի է ՀՀ քր. դատ. օր-ի 3751-3754 հոդվածների կանոնները:
Միջնորդության դեմ մեղադրողը չառարկեց:
Դատարանը արագացված դատաքննության կարգի կիրառմամբ ՀՀ քր. դատ. օր-ի 3753 հոդվածի կանոներով հետազոտեց ամբաստանյալի անձը բնութագրող պատասխանատվությունը մեղմացնող և ծանրացնող հանգամանքների վերաբերյալ ապացույցները:
Քննության առնելով պատժի հարցը դատարանը հաշվի է առել արարքի բնույթն ու վտանգավորության աստիճանը, ամբաստանյալի անձը, այն որ նա բնութագրվում է դրական, նրա խնամքին գտնվում է 2-րդ խմբի հաշմանդամ մայրը, նա հանդիսանում է ընտանիքի միակ կերակրողը:
Պատասխանատվությունը մեղմացնող հանգամանք դատարանը հաշվի է առել այն, որ նա անկեղծորեն զղջում է կատարած արարքի համար:
Պատասխանատվությունը ծանրացնող հանգամանք դատարանը հաշվի է առել արարքի ռեցիդիվը:
Վերլուծելով վերը նշվածը դատարանը գտնում է, որ Արտուշ Հովհաննիսյանի նկատմամբ ՀՀ քր. օր-ի 266 հոդվածի 4-րդ մասով պետք է պատիժ նշանակվի տուգանքի ձևով, իսկ ՀՀ քր. օր-ի 268 հոդվածի 2-րդ մասի 2-րդ կետով պետք է պատիժ նշանակվի ազատազրկման ձևով, որով կվերականգնվի սոցիալական արդարությունը և նշանակված պատիժը կծառայի իր նպատակին:
Ելնելով վերոգրյալից և ղեկավարվելով ՀՀ քր. դատ. օր-ի 357-360 հոդվածները, 375 1 -375 4 հոդվածը, դատարանը

Վ Ճ Ռ Ե Ց

Ամբաստանյալ Արտուշ Հենրիկի Հովհաննիսյանին մեղավոր ճանաչել ՀՀ քր. օր-ի 266 հոդվածի 4-րդ մասով և 268 հոդվածի 2-րդ մասի 2-րդ կետով:
Ամբաստանյալ Արտուշ Հենրիկի Հովհաննիսյանին ՀՀ քր. օր-ի 266 հոդվածի 4-րդ մասով դատապարտել տուգանքի 100.000 ՀՀ դրամի չափով, իսկ ՀՀ քր. օր-ի 268 հոդվածի 2-րդ մասի 2-րդ կետով` դատապարտել ազատազրկման 1 /մեկ/ տարի ժամկետով:
ՀՀ քր. օր-ի 66 հոդվածի կանոններով Արտուշ Հովհաննիսյանի նկատմամբ վերջնական պատիժ նշանակել ազատազրկում 1 /մեկ/ տարի ժամկետով, և տուգանք 100.000 դրամի չափով: Պատժի սկիզբը հաշվել 13.05.2009թ.:
Ընտրված խափանման միջոց կալանքը թողնել անփոփոխ մինչև սույն դատավճռի օրինական ուժի մեջ մտնելը:
Իրեղեն ապացույց ճանաչված թմրանյութերը ոչնչացնել:
Դատավճիռը կարող է բողոքարկվել ՀՀ քր. դատ. օր-ի 375 4 հոդվածի կարգով ՀՀ քր. վերաքննիչ դատարան, այն հրապարակելուց հետո մեկամսյա ժամկետում:



ԴԱՏԱՎՈՐª Ս.ՂԱԶԱՐՅԱՆ