ԵԱՔԴ 0084/01/09




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

25.08.2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Հ.Ավագյանի
մասնակցությամբ`
մեղադրողª Ռ.Խաչատրյանի
պաշտպաններ` Ա.Աթարբեկյանի
Լ.Սիմոնյանի
Դռնբաց դատական նիստում քննության առավ քր.գործն ըստ մեղադրանքի

Կարեն Ֆերդինանդի Մայիլյանի, ծնված 22.02.1983թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուրի, նախկինում չդատապարտված, չի աշխատում, բնակվում է ք.Երևան Ավան Առինջ 1/3 շենք, 2 բն.:
Արթուր Գևորգի Հովհաննիսյանի, ծնված 09.10.1980թ. ք.Երևան, ազգությամբ հայ, ՀՀ քաղաքացի, ամուրի, բարձրագույն կրթությամբ, նախկինում չդատապարտված, բնակվում է ք.Երևան, Ա.Տիգրանյան 5 շենք 57 բն.:

Կարեն Ֆերդինանդի Մայիլյանը ամբաստանվում է ՀՀ քր. օր-ի 258 հոդվածի 3-րդ մասի 1-ին կետով այն բանի համար, որ նա 2008թ. դեկտեմբերի 20-ին, ժամը 14:30-ի սահմաններում, Ավետիք Վազգենի Պետրոսյանի հետ, Զեյթունի ուսանողական ավանի 8-րդ մասնաշենքի մոտ, դիտավորությամբ, կոպիտ կերպով խախտելով հասարակակն կարգը բացահայտ անհարգալից վերաբերմունք դրսևորելով հասարակության նկատմամբ, շուրջ 15 րոպե տևողությամբ վիճաբանության մեջ է մտել Արտակ և Արման Ռաֆիկի Անտոնյանների հետ, տվել սեռական բնույթի հայհոյանքներ, բռնություն գործադրել նրանց նկատմամբ, որը դրսևորվել է միմյանց ծեծի ենթարկելով:
Վերը նշված արարքի համար նրան մեղադրանք է առաջադրվել ՀՀ քր. օր-ի 258 հոդվածի 3-րդ մասի 1-ին կետով, որում նա իրեն մեղավոր է ճանաչել լիովին և խորհրդակցելով իր պաշտպանի հետ միջնորդեց դատարանին կիրառել արագացված դատաքննության կարգ:
Նրան բացատրվել է ՀՀ քր. օր-ի 3751-3754 հոդվածների պահանջները:
Արթուր Գևորգի Հովհաննիսյանը ամբաստանվում է ՀՀ քր. օր-ի 258 հոդվածի 4-րդ մասով այն բանի համար, որ 2008թ. դեկտեմբերի 20-ին, ժամը 15:00-ի սահմաններում Արտակ և Արման Ռաֆիկի Անտոնյանների հետ, Զեյթունի ուսանողական ավանի 8-րդ մասնաշենքի մոտ, դիտավորությամբ, կոպիտ կերպով խախտելով հասարակական կարգը, բացահայտ անհարգալից վերաբերմունք դրսևորելով հասարակության նկատմամբ, շուրջ 15 րոպե տևողությամբ, իր հետ բերած մահակը որպես զենք գործածելով, ծեծի են ենթարկել Ավետիք Վազգենի Պետրոսյանին, որի հետևանքով Ա.Պետրոսյանի առողջությանը պատճառվել է թեթև վնաս` առողջության կարճատև քայքայումով:
Այնուհետև, Ա.Հովհաննիսյանը շարունակելով խուլիգանական գործողությունները, որպես զենք գործածվող մահակով հարվածներ է հասցրել Կարեն Մայիլյանին պատկանող ՙՕպել-Վեկտրա՚ մակնիշի 16 ՍՍ 496 պ/հ ավտոմեքենայի տարբեր հատվածներին` պատճառելով զգալի չափերի հասնող, 321.000 ՀՀ դրամի գույքային վնաս:
Վերը նշված արարքի համար նրան մեղադրանք է առաջադրվել ՀՀ քր. օր-ի 258 հոդվածի 4-րդ մասով, որում նա իրեն մեղավոր է ճանաչել լիովին և խորհրդակցելով իր պաշտպանի հետ միջնորդեց դատարանին կիրառել արագացված դատաքննության կարգ:
Նրան բացատրվել է ՀՀ քր. օր-ի 3751-3754 հոդվածների պահանջները:
Մեղադրողը միջնորդության դեմ չառարկեց:
Դատարանը արագացված դատաքննության կարգի կիրառմամբ ՀՀ քր. դատ. օր-ի 3753 հոդվածի կանոններով քննության առավ ամբաստանյալների նկատմամբ պատժի նշանակման հարցը:
Ամբաստանյալ Կարեն Մայիլյանի նկատմամբ պատիժ նշանակելիս դատարանը հաշվի է առել ինչպես արաքի բնույթն ու վտանգավորության աստիճանը, այնպես էլ ամբաստանյալի անձը բնութագրող, պատասխանատվությունը մեղմացնող և ծանրացնող հանգամանքները:
Անձը բնութագրող հանգամանք դատարանը հաշվի է առել այն, որ նա երիտասարդ է, նախկինում դատված չի եղել, բնութագրվում է դրական, սպորտում ունի հաջողություններ, ստացել է բազմաթիվ պարգևատրումներ:
Պատասխանատվությունը մեղմացնող հանգամանք դատարանը հաշվի է առել այն, որ նա զղջում է կատարած արարքի համար:
Պատասխանատվությունը ծանրացնող որևէ հանգամանք դատարանը չի գտել:
Վերլուծելով վերը նշվածը դատարանը գտնում է ամբաստանյալ Կարեն Մայիլյանի ուղղումն ու վերադաստիարակումը հնարավոր է տուգանքի ձևով պատիժ կրելով, որը նա պետք է կրի, որով և կվերականգնվի նաև սոցիալական արդարությունը, իսկ նշանակված պատիժը կծառայի իր նպատակին:
Ամբաստանյալ Կ.Մկրտչյանի նկատմամբ ընտրված խափանման միջոցը պետք է թողնել անփոփոխ մինչև սույն դատավճռի օրինական ուժի մեջ մտնելը:
Ամբաստանյալ Արթուր Հովհաննիսյանի նկատմամբ պատիժ նշանակելիս դատարանը հաշվի է առել ինչպես արաքի բնույթն ու վտանգավորության աստիճանը, այնպես էլ ամբաստանյալի անձը բնութագրող, պատասխանատվությունը մեղմացնող և ծանրացնող հանգամանքները:
Անձը բնութագրող հանգամանք դատարանը հաշվի է առել այն, որ նա երիտասարդ է, նախկինում դատված չի եղել, բնութագրվում է դրական, ունի բարձրագույն կրթություն:
Պատասխանատվությունը մեղմացնող հանգամանք դատարանը հաշվի է առել այն, որ նա անկեղծորեն զղջում է կատարած արարքի համար:
Պատասխանատվությունը ծանրացնող որևէ հանգամանք դատարանը չի գտել:
Վերլուծելով վերը նշվածը դատարանը գտնում է ամբաստանյալ Արթուր Հովհաննիսյանի ուղղումն ու վերադաստիարակումը հնարավոր է առանց հասարակությունից մեկուսացնելու, սակայն հսկողության պայմաններում և նրա նակատմամբ նշանակված պատիժը պայմանականորեն չպետք է կիրառել, սահմանելով փորձաշրջան, որով և կվերականգնվի նաև սոցիալական արդարությունը, իսկ նշանակված պատիժը կծառայի իր նպատակին:
Ամբաստանյալ Արթուր Հովհաննիսյանի համար մուծված 1.500.000 ՀՀ դրամ գրավը պետք է վերադարձնել այն վճարած անձին սույն դատավճիռը օրինական ուժի մեջ մտնելուց հետո:
Ելնելով վերոգրյալից և ղեկավարվելով ՀՀ քր. դատ. օր-ի 357-360 հոդվածները, 375 1 -375 4 հոդվածը,դատարանը

Վ Ճ Ռ Ե Ց

Ամբաստանյալ Կարեն Ֆերդինանդի Մայիլյանին մեղավոր ճանաչել ՀՀ քր. օր-ի 258 հոդվածի 3-րդ մասի 1-ին կետով և նրան դատապարտել տուգանքի նվազագույն աշխատավարձի երկուհայուրապատիկի /200.000/ դրամի չափով :
Ընտրված խափանման միջոցը թողնել անփոփոխ մինչև սույն դատավճռի օրինական ուժի մեջ մտնելը:
Ամբաստանյալ Արթուր Գևորգի Հովհաննիսյանին մեղավոր ճանաչել ՀՀ քր. օր-ի 258 հոդվածի 4-րդ մասով և նրան դատապարտել ազատազրկման 4 /չորս/ տարի ժամկետով:
Կիրառել ՀՀ քր. օր-ի 70 հոդվածը և նշանակված պատիժը պայմանականորեն չկիրառել, նշանակելով փորձաշրջան 2 /երկու/ տարի ժամկետով:
Արթուր Հովհաննիսյանի վարքագծի նկատմամբ հսկողությունը դնել նրա բնակության վայրի այլընտրանքային պատիժների կատարման բաժնի վրա:
Արթուր Հովհաննիսյանի համար մուծված 1.500.000 ՀՀ դրամ գրավը վերադարձնել այն վճարած անձին սույն դատավճիռը օրինական ուժի մեջ մտնելուց հետո:
Դատավճիռը կարող է բողոքարկվել ՀՀ քր. դատ. օր-ի 375 4 հոդվածի կարգով ՀՀ քր. վերաքննիչ դատարան, այն հրապարակելուց հետո մեկամսյա ժամկետում:


ԴԱՏԱՎՈՐª Ս.ՂԱԶԱՐՅԱՆ