ԵԱՔԴ 0081/01/09





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

06.08.2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը հետևյալ կազմով`
նախագահող դատավորª Ս.Ղազարյան
քարտուղարությամբª Հ.Ավագյանի
մասնակցությամբ`
մեղադրողª Ա.Ավետիսյանի


Դռնբաց դատական նիստում քննության առավ քր.գործն ըստ մեղադրանքի
Կարեն Յուրիկի Մանուկյանի, ծնված 09.03.1970թ., Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, խնամքին թոշակառու ծնողներ, չի աշխատում, նախկինում չդատված, բնակվում է ք.Երևան, Շերամի 39 շենքի 37 բնակարանում, խափանման միջոցը ստորագրություն չհեռանալու մասին:
Արման Յուրիկի Մանուկյանի, ծնված 26.04.1982թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, աշխատում է ՙՄետրոպոլ՚ հյուրանոցում, որպես անվտանգության աշխատակից, նախկինում չդատված, բնակվում է ք.Երևան, Շերամի 39 շենքի 37 բնակարանում, խափանման միջոցը ստորագրություն չհեռանալու մասին:


Կարեն Մանուկյանը ամբաստանվում է ՀՀ քր.օր-ի 325 հոդվածի 2-րդ մասով այն բանի համար, որ նա նախնական համաձայնության գալով իր եղբոր Արման Մանուկյանի հետ, ՙԲիբլոս Արմենիա՚ բանկից վարկ ստանալու նպատակով, 05.11.2008թ. բանկին է ներկայացրել ՀՀ ԿԱ ԱԳԿ ՊԿ Շենգավիթի տարածքային մասնաճյուղից ոմն Աշոտ անունով անձի կողմից տրված ակնհայտ կեղծ 0034388 համարի միասնական տեղեկանքը, որից հետո օգտագործելով ակնհայտ կեղծ փաստաթուղթը, այն ներկայացրել է թիվ 1 նոտարական գրասենյակ, ՙԲիբլոս Արմենիա՚ բանկի հետ վարկային պայմանագիրը նոտարական կարգով հաստատելու նպատակով, սակայն նոտարական գրասենյակում պարզվել է միասնական տեղեկանքի կեղծված լինելու հանգամանքը:
Արման Մանուկյանը ամբաստանվում է ՀՀ քր.օր-ի 325 հոդվածի 2-րդ մասով այն բանի համար, որ նա նախնական համաձայնության գալով իր եղբոր Կարեն Մանուկյանի հետ, ՙԲիբլոս Արմենիա՚ բանկից վարկ ստանալու նպատակով, 05.11.2008թ. բանկին է ներկայացրել ՀՀ ԿԱ ԱԳԿ ՊԿ Շենգավիթի տարածքային մասնաճյուղից ոմն Աշոտ անունով անձի կողմից տրված ակնհայտ կեղծ 0034388 համարի միասնական տեղեկանքը, որից հետո օգտագործելով ակնհայտ կեղծ փաստաթուղթը, այն ներկայացրել է թիվ 1 նոտարական գրասենյակ, ՙԲիբլոս Արմենիա՚ բանկի հետ վարկային պայմանագիրը նոտարական կարգով հաստատելու նպատակով, սակայն նոտարական գրասենյակում պարզվել է միասնական տեղեկանքի կեղծված լինելու հանգամանքը:
Վերը նշված արարքների համար Կարեն և Արման Մանուկյաններին մեղադրանք է առաջադրվել ՀՀ քր.օր-ի 325 հոդվածի 2-րդ մասով, որում նրանք իրենց մեղավոր չեն ճանաչել և ցուցմունք են տվել այն մասին, որ երկար ժամանակ զբաղվել են Վրաստանի Հանրապետությունից զովացուցիչ ըմպելիքներ Հայաստանի Հանրապետություն ներկրելու աշխատանքներով: Իրենց բիզնեսն ընդլայնելու նպատակով եղբայրներով որոշել են ՙԲիբլոս Արմենիա՚ բանկից գումար վերցնել` գրավադնելով իրենց Երևան քաղաքի Շերամի 39 շենքի 37 բնակարանը: Կարեն Մանուկյանը պարտավորվել է, որ բանկի հետ կապված բոլոր փաստաթղթերը կվերցնի: Այդ ժամանակ տեղեկացել են, որ իրենց բնակարանը գտնվում է կալանքի տակ ՙԱրմենտել՚ ՓԲԸ-ին ունեցած պարտքի պատճառեով; Այնուհետև, Կարենը փորձել է ԱԳԿ Շենգավիթի մասնաճյուղից վերցրել և այդ իսկ պատճառով գնացել է կադաստրի Շենգավիթի տ/ս, որտեղ մոտեցել է մի անձնավորություն Աշոտ անունով, ներկայացել կադաստրի նախկին աշխատակից: Կարենը նրան հայտնել է, որ ցանկանում է վարկով գումար վերցնել, սակայն իրենց բնակարանը գտնվում է կալանքի տակ ՙԱրմենտել՚ ՓԲԸ-ին ունեցած պարտքի պատճառով, այդ ժամանակ Աշոտը խոստացել է օգնել և տալ առանց կալանքի նշումով միասնական տեղեկանք, որի համար իրեն պետք է վճարի 40.000 ՀՀ դրամ` 10.000 դրամը որպես պետական մուծում, իսկ 30.000 դրամը իր աշխատանքի համար և խոստացել է երկու օր հետո տալ տեղեկանքը; Երկու օր անց ինքը վերցրել է միասնական տեղեկանքը և այն փոխանցել է Արման Մանուկյանին, որն էլ փոխանցել է ՙԲիբլոս Արմենիա՚ բանկին, որից հետո բանկի աշխատակիցների հետ գնացել է թիվ 1 նոտարական գրասենյակ վարկային պայմանագիրը օրենքով նախատեսված կարգով վավերացնելու, սակայն նոտար Է.Շաբոյանը կասկածներ է հայտնել ներկայացված միասնական տեղեկանքի վերաբերյալ և հրաժարվել է այն հաստատել, նշված միասնական տեղեկանքի կեղծ լինելու մասին իրենք տեղյակ չեն եղել, այդ մասին իմացել են թիվ 1 նոտարական գրասենյակում:
Ամբաստանյալ Կարեն և Արման Մանուկյաններին մեղսագրված արարքը ապացուցվել է ինչպես իրենց ցուցմունքներով, այնպես էլ գործով ձեռք-բերված հետևյալ ապացույցներով.
Գործով վկա Էդուարդ Ներսեսի Կարապետյանի ցուցմունքներով այն մասին, որ ինքը աշխատում է ԱԳԿ ՊԿ Շենգավիթի տարածքային ստորաբաժանումում, որպես գրանցման բաժնի պետ և իր աշխատանքային պարտականություններից ելնելով ՙԲիբլոս Արմենիա՚ ՓԲԸ-ի հարցմանը հայտնել է, որ 18.09.2008թ. 0034388 համարի միասնական տեղեկանքը տրամադրվել է Սեբաստացի 141/2 շենքի 81 բնակարանի բնակիչ Գրիգոր Գրիգորյանին և այն չէր կարող տրամադրվել Շերամի 39 շենքի 37 բնակարանի համասեփականատեր Կարեն Մանուկյանին: Ինքը Կարեն և Արման Մանուկյաններին չի ճանաչել: Միաժամանակ ինքը հայտնել է, որ անհնար է, որ միևնույն համարով տրամադրվի երկու տեղեկանք, քանի որ տեղեկանքի տրամադրման դեպքում ստուգվում են տեղեկանքի հիմքերը:
Գրիգոր Հովհաննեսի Գրիգորյանի ցուցմունքներով այն մասին, որ 0034388 համարի միասնական տեղեկանքը պատկանում է իրեն, որով ինքը 2008թ. սեպտեմբեր ամսին իր աշխատանքային գործունեությունը բարելավելու համար ՙԱկբա՚ բանկից վարկ է վերցրել 18.000 ԱՄՆ դոլար գումարի չափով, ինքը Արման և Կարեն Մանուկյաններին ընդհանրապես չի ճանաչում և իրենց երբևէ չի տվել իր բնակարանի միասնական տեղեկանքը:
Վկա Վիգեն Եսայի Կարապետյանի ցուցմունքով այն մասին, որ ինքը 2007թ-ց աշխատում է ԱԳԿ ՊԿ Շենգավիթի տարածքային ստորաբաժանումում, որպես առաջատար մասնագետ, իր պարտականությունների մեջ է մտնում միասնական տեղեկանքի լրացումը, միասնական տեղեկանքի դատարկ բլանկները ինքն է ստացել արխիվից համարակալված համարներով, 0034280 համարի միասնական տեղեկանքը լրացված է իր կողմից, այն չի կեղծվել և ինքը երբեք Արման և Կարեն Մանուկյաններին չի ճանաչել և կեղծ տեղեկանք չի տվել:
Վկա Լիաննա Էդիկի Ափինյանի ցուցմունքներով այն մասին, որ ինքը աշխատում է ՙԲիբլոս բանկ Արմենիա՚ ՓԲԸ-ում որպես վարկային մասնագետ, Արման Մանուկյանին ինքը ինքը չի ճանաչել և վերջինիս վարկային գործի փաստաթղթերի նախապատրաստման հետ ընդհանրապես չի առնչվել, քանի որ վարկային գործը գտնվել է նոտարական կարգով վավերացման փուլում և ինքը հանդիսացել է ՙԲիբլոս բանկ Արմենիա՚ ՓԲԸ-ի ներկայացուցիչ նոտարական գրասենյակում: Ուստի ինքը Արման Մանուկյանի և վերջինիս ընտանիքի անդամների հետ գնացել է թիվ 1 նոտարական գրասենյակ, որտեղ ներկայացրել է վարկային պայմանագրի փաստաթղթերը, որի մեջ եղել է նաև անշարժ գույքի միասնական տեղեկանքը` առանց գույքի վրա կալանքի նշման: Նոտարը վարկային գործի նյութերը նայելու ընթացքում կասկածներ է հայտնել միասնական տեղեկանքի իսկության վերաբերյալ և հրաժարվել վավերացնել վարկային պայմանագիրը, այդ ժամանակ նոտարը իրեն ցույց է տվել ուրիշ գործարքից միասնական տեղեկանքի օրինակ, հայտնել, որ ներկայացրած տեղեկանքը հնարավոր է կեղծված է, որից հետո նոտարը ներս է հրավիրել վարկ ստացողներին` Կարեն և Արման Մանուկյաններին, հայտնել է միասնական տեղեկանքի կասկածելի լինելու և գործարքը չվավերացնելու վերաբերյալ: Կարեն Մանուկյանը վերցրել է կեղծ տեղեկանքը և իր հետ պայմանավորվել է հանդիպել բանկում, որից հետո այլևս բանկ չի ներկայացել:
Վկա Հայկ Սիմոնի Նորիկյանի ցուցմունքներով այն մասին, որ ինքը աշխատում է ՙԲիբլոս բանկ Արմենիա՚ ՓԲԸ-ում որպես վարկային մասնագետ, Արման և Կարեն Մանուկյաններին ինքը տեսել է առաջին անգամ իրենց բանկում, որոնք իրենից հետաքրքրվել են բնակարանի գրավադրմամբ վարկի տրամադրման մասին: Ինքը հայտնել է, որ նման ձևով իրենց բանկը վարկ տրամադրում է: Արման Մանուկյանը համաձայնվել է և ինքը Արամից պահանջել է մի շարք փաստաթղթեր վարկ տրամադրելու համար, որից հետո նրանից պահանջել է նաև Արման և Կարեն Մանուկյանների համատեղ սեփականության իրավունքով պատկանող Երևան քաղաքի Շերամի փողոց 39 շենքի 37 բնակարանի վերաբերյալ միասնական տեղեկանքը: Արման Մանուկյանը մի քանի անգամ ուշացումներով ներկայացրել է ժամկետն անցած միասնական տեղեկանքներ, որոնց վրա նույնպես նված չի եղել կալանքի մասին նշումներ և ամեն անգամ ներկայացնելուց Արման Մանուկյանը դժգոհել է, որ այն դժվարությամբ է վերցնում: Հետագայում իր կողմից վարկային գործը հանձնել է Լիաննա Ափինյանին, որպեսզի այն նոտարական կարգով վավերացվի, որից հետո ինքն իմացել է, որ Արման Մանուկյանի վարկային պայմանագիրը նոտարը չի վավերացրել` նրա կողմից կեղծ միասնական տեղեկանք ներկայացնելու պատճառով:
Գործով նշանակված դատափաստաթղթաբանական փորձաքննության 05.05.2009թ. ստացված թիվ 10620901 եզրակացությամբ, համաձայն որի փորձաքննության տրամադրված 05.11.2008թ. Կ.Մանուկյանի անունով տրված 0034388 համարի միասնական տեղեկանքի թվով 2 պատճենները մոնտաժվել են նմանատիպ փաստաթղթից` պատճենահանման և թվայնացնող սարքով մշակման կամ տպման միջոցով: Մոնտաժման է ենթարկվել միասնական տեղեկանքների առնվազն սերիական համարը մատնանշող 0034388 թվային գրառումը:
Դատարանը հետազոտելով գործով ձեռքբերված ապացույցները, համադրելով դրանք միմյանց հետ, տալով դրանց քրեաիրավական գնահատական, ղեկավարվելով օրենքով իրավագիտակցությամբ և ներքին համոզմամբ, հանգում է այն հետևության, որ Կարեն և Արման Մանուկյանների մեղքը ՀՀ քր.օր-ի 325 հոդվածի 2-րդ մասով ապացուցված է:
Քննության առնելով ամբաստանյալներ Կարեն և Արման Մանուկյանների նկատմամբ նշանակվող պատժի հարցը` դատարանը գնահատում է ինչպես արարքի բնույթն ու վտանգավորության աստիճանը, այնպես էլ նրանց անձը բնութագրող, պատասխանատվությունը մեղմացնող և ծանրացնող հանգամանքները:
Անձը բնութագրող հանգամանք դատարանը հաշվի է առել այն, որ նրանք նախկինում դատապարտված չեն եղել, բնութագրվում են դրական:
Պատասխանատվությունը մեղմացնող հանգամանք դատարանը դիտում է այն, որ նրանք վերջին խոսքում իրենց մեղավոր ճանաչեցին և զղջացին կատարվածի համար:
Պատասխանատվությունը ծանրացնող հանգամանք դատարանը չի գտել:
Վերլուծելով վերը նշվածը դատարանը գտնում է, որ Կարեն և Արման Մանուկյանների ուղղումն ու վերադասիարակումը հնարավոր է ազատազրկման ձևով պատիժ կրելով, որով կվերականգնվի նաև սոցիալական արդարությունը, նշանակված պատիժը կծառայի իր նպատակին:
Դատարանը քննության առնելով ՀՀ Ազգային Ժողովի 19.06.2009թ. համաներում հայտարարելու մասին որոշման կիրառման հարցը գտավ, որ համաներումը ամբաստանյալ Կարեն և Արման Մանուկյանների նկատմամբ կիրառելի է:
Ելնելով վերոգրյալից և ղեկավարվելով ՀՀ քր. դատ. օր-ի 357-360 հոդվածներով դատարանը

Վ Ճ Ռ Ե Ց

Ամբաստանյալ Կարեն Յուրիկի Մանուկյանին մեղավոր ճանաչել ՀՀ քր.օր-ի 325 հոդվածի 2-րդ մասով և նրան դատապարտել ազատազրկման 1 /մեկ/ տարի ժամկետով:
Կիրառել ՀՀ Ազգային Ժողովի 19.06.2009թ. համաներում հայտարարելու մասին որոշման 1-ին կետի 1-ին ենթակետը և Կարեն Յուրիկի Մանուկյանին ազատել նշանակված հիմնական պատժի կրումից:
Կարեն Յուրիկի Մանուկյանի նկատմամբ ընտրված խափանման միջոցը վերացնել:
Ամբաստանյալ Արման Յուրիկի Մանուկյանին մեղավոր ճանաչել ՀՀ քր.օր-ի 325 հոդվածի 2-րդ մասով և նրան դատապարտել ազատազրկման 1 /մեկ/ տարի ժամկետով:
Կիրառել ՀՀ Ազգային Ժողովի 19.06.2009թ. համաներում հայտարարելու մասին որոշման 1-ին կետի 1-ին ենթակետը և Արման Յուրիկի Մանուկյանին ազատել նշանակված հիմնական պատժի կրումից:
Արման Յուրիկի Մանուկյանի նկատմամբ ընտրված խափանման միջոցը վերացնել:
Դատավճիռը կարող է բողոքարկվել ՀՀ քրեական վերաքննիչ դատարան, այն հրապարակելուց հետո մեկամսյա ժամկետում:


ԴԱՏԱՎՈՐª Ս.ՂԱԶԱՐՅԱՆ