գործ թիվ ԵԱՔԴ 0077/01/09
Ո Ր Ո Շ ՈՒ Մ
Քրեական գործի վարույթը կարճելու մասին
Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Վ.Միլիտոնյանի
ամբաստանյալ` Վ.Ջելեբյանի
տուժողի ներկայացուցիչ` Ա.Թորոսյանի
քաղաքացիական հայցվոր` Լ.Մեսրոպյանի
քաղաքացիական հայցվորի ներկայացուցիչ` Հ.Ասատրյանի

2009թ. հուլիսի 06-ին, Երևան քաղաքում, դռնբաց դատական նիստում քննության առնելով քրեական գործն ըստ մեղադրանքի Վարդան Հակոբի Ջելեբյանի (ծնված 18.02.1957թ., Երևան քաղաքում, ազգությամբ հայ, ՀՀ քաղաքացի, թերի բարձրագույն կրթությամբ, ֆիզիկապես վատառողջ` տառապում է շաքարային դիաբետ հիվանդությամբ, ամուսնալուծված, խնամքին ոչ ոք, նախկինում դատված` Երևանի Սովետականի շրջանի ժող. դատարանի 28.02.1983թ. դատավճռով, ՀՀ քր. օր-ի 173 հոդ. 2-րդ մասով դատապարտվել է ազատազրկման 6 տարի ժամանակով, կիրառվել է 27.12.1982թ. հրամանագիրը` ժամկետը կրճատվել է և թողնվել ազատազրկում 3 տարի ժամանակով, դատվածությունը մարված, աշխատել է ՙԽասուրո Գրուպ՚ ՓԲԸ-ում` որպես վարորդ, բնակվում է ք.Երևան, Ավան, Բրյուսովի փողոցի 64 շենքի թիվ 30 բնակարանում) ՀՀ քրեական օրենսգրքի 242 հոդվածի 1-ին մասով:
Պ Ա Ր Զ Ե Ց

19.05.2009թ. ՀՀ ոստիկանության ՔԳՎ Երևան քաղաքի քննչական վարչության ՃՏՀ քննության բաժնի կողմից ՀՀ քրեական օրենսգրքի 242 հոդվածի 1-ին մասի հատկանիշներով հարուցվել է թիվ 60109409 քրեական գործը:
27.05.2009թ. Վարդան Հակոբի Ջելեբյանին` ՀՀ քրեական օրենսգրքի 242 հոդվածի 1-ին մասով մեղադրանք է առաջադրվել այն բանի համար, որ նա 2009թ. ապրիլի 18-ին ժամը 1800-ի սահմաններում, ՙԽասուրո Գրուպ՚ ՓԲԸ-ի ՙՌոյալ՚ տաքսի ծառայության ՙԳԱԶ-3110՚ մակնիշի S 00-86 պետհամարանիշի ավտոմեքենայով Երևան քաղաքի Վաղարշյան փողոցով դեպի Կոմիտաս պողոտայի ուղղությամբ երթևեկելիս, մոտենալով թիվ 26 շենքին, խախատել է ՃԵԿ-ի 67 կետի պահանջը, այն է` տառապելով շաքարային դիաբետ հիվանդությամբ, վատ ինքնազգացողության պայմաններում երթևեկելով մոտ 40 կմ/ժ արագությամբ, աչքերի առջև մթնել է, որի պայմաններում միջոցներ չի ձեռնարկել ավտոմեքենայի արգելակմամբ արագությունն իջեցնելու` ընդհուպ մինչև ավտոմեքենան կանգնեցնելը: Դրա փոխարեն այն դուրս է բերել հանդիպակաց երթևեկելի ուղեմաս, որի հետևանքով ընդհարվել է Ռազմիկ Վազգենի Սմբատյանի վարած ՙՎԱԶ-2110՚ մակնիշի 11 ԼՏ 139 պետհամարանիշի ավտոմեքենային` ինքն իրեն զրկելով ընդհանումը կանխելու տեխնիկական հնարավորությունից:
Այնուհետև, ՙԳԱԶ-3110՚ մակնիշի S 00-86 պետհամարանիշի ավտոմեքենային է ընդհարվել Լեոնիդ Մամիկոնի Մեսրոպյանի վարած ՙՖոլկսվագեն-Ջետտա՚ մակնիշի 01 ԼՏ 389 պետհամարանիշի ավտոմեքենան: Ավտովթարի հետևանքով ՙՎԱԶ-2110՚ մակնիշի ավտոմեքենայի վարորդ Ռազմիկ Վազգենի Սմբատյանի առողջությանն անզգուշությամբ պատճառվել է ծանր վնաս` կյանքին վտանգ սպառնացող և վերջինս ներկայացրել է բողոք Վարդան Ջելեբյանին քրեական պատասխանատվության ենթարկելու մասին:
20.05.2009 թվականին Վարդան Հակոբի Ջելեբյանի նկատմամբ որպես խափանման միջոց է ընտրվել ստորագրություն չհեռանալու մասին:
18.06.2009թ. թիվ 60109409 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009 թվականի հուլիսի 06-ին:
Ամբաստանյալ Վարդան Ջելեբյանը ներկայացնելով գրավոր դիմում, միջնորդել է իր նկատմամբ համաներում կիրառել:
Գործի քննության ընթացքում դատախազ Վ.Միլիտոնյանը միջնորդության դեմ չի առարկել և հիմք ընդունելով ՀՀ Ազգային ժողովի կողմից ՙՀամաներում հայտարարելու մասին՚ որոշումը, նույնպես միջնորդել է քրեական գործի վարույթը կարճել:
Նկատի ունենալով, որ ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետը սահմանում է կարճել այն անձանց կողմից կատարված հանցագործությունների վերաբերյալ գործերը, որոնք մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան երեք տարի ժամկետով ազատազրկում, իսկ ՀՀ քրեական օրենսգրքի 242 հոդվածի 1-ին մասը նախատեսում է ազատազրկում` առավելագույնը երկու տարի ժամկետով, դատարանը գտնում է, որ միջնորդությունը հիմնավոր է և ենթակա բավարարման:
Նկատի ունենալով, որ քրեական գործի վարույթը կարճվում է, դատարանը գտնում է որ տուժող Ռազմիկ Սմբատյանի, քաղաքացիական հայցվոր Լեոնիդ Մեսրոպյանի և քաղաքացիական հայցվորի ներկայացուցիչ Համլետ Ասատրյանի քաղաքացիական հայցերը քննության չպետք է առնել: Նրանք կարող են քաղաքացիական հայց ներակայացնել քաղաքացիական դատավարության կարգով:
Անդրադառնալով հնարավոր քաղաքացիական հայցն ապահովելու նպատակով գույքի վրա դրված արգելանքի հարցին և նկատի ունենալով, որ Երևան քաղաքի քննչական վարչության ՃՏՀ քննության բաժնի պետի 20.05.2009թ. գրությամբ Երևան քաղաքի, Ավան, Բրյուսովի փողոցի 64 շենքի թիվ 30 բնակարանի վրա արգելանք է դրվել նշված բնակարանը փաստացի վաճառվելուց հետո, դատարանը գտնում է, որ արգելանքը պետք է համարել վերացված:
Ղեկավարվելով ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետով, 12-րդ կետի 1) ենթակետի ա. պարբերությամբ և ՀՀ քրեական դատավարության օրենսգրքի 35 հոդվածի 1-ին մասի 13-րդ կետով, 313 հոդվածով դատարանը

Ո Ր Ո Շ Ե Ց
Վարդան Հակոբի Ջելեբյանի վերաբերյալ ՀՀ քրեական օրենսգրքի 242 հոդվածի 1-ին մասով թիվ ԵԱՔԴ 0077/01/09 քրեական գործի վարույթը կարճել` ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետի համաձայն:
Վարդան Հակոբի Ջելեբյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև որոշումն օրինական ուժի մեջ մտնելը:
Տուժող Ռազմիկ Սմբատյանի, քաղաքացիական հայցվոր Լեոնիդ Մեսրոպյանի և քաղաքացիական հայցվորի ներկայացուցիչ Համլետ Ասատրյանի քաղաքացիական հայցերը քննության չառնել:
Երևան քաղաքի, Ավան, Բրյուսովի փողոցի 64 շենքի թիվ 30 բնակարանի վրա դրված արգելանքը համարել վերացված:
Որոշումը կարող է բողոքարկվել ՀՀ վերաքննիչ քրեական դատարան` մեկամսյա ժամկետում:

ԴԱՏԱՎՈՐ` Լ. ԱՎԵՏԻՍՅԱՆ