գործ թիվ ԵԱՔԴ 0054/01/09
Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Լ.Մանուկյանի
ամբաստանյալներ` Տ.Մելիքսեթյանի, Լ.Սարգսյանի, Խ.Պողոսյանի
պաշտպաններ` Ս.Հարությունյանի, Ռ.Սաֆարյանի, Տ.Սաֆարյանի
տուժողի ներկայացուցիչ` Լ.Ներսիսյանի
տուժող` Լ.Մելքոնյանի
2009թ. հուլիսի 09-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի`
1. Տիգրան Վոլոդյայի Մելիքսեթյանի, ծնված 20.11.1968թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, գտնվում է փաստական ամուսնական հարաբերությունների մեջ, խնամքին երկու երեխա, նախկինում դատված` 1/Երևանի Արաբկիր և Քանաքեռ-Զեյթուն համայնքների առաջին ատյանի դատարանի 12.11.2002թ. դատավճռով ՀՀ քր. օր-ի 86 հոդվածի 2-րդ մասով, 15-86 հոդվածի 2-րդ մասով, 37 հոդվածի հիման վրա դատապարտվել է ազատազրկման 2 տարի 6 ամիս ժամկետով, 2/ Երևանի Արաբկիր և Քանաքեռ-Զեյթուն համայնքների առաջին ատյանի դատարանի 05.08.2004թ. դատավճռով ՀՀ քր. օր-ի 177 հոդվածի 2-րդ մասի 2-րդ կետով, 67 հոդվածի հիման վրա դատապարտվել է ազատազրկման 3 տարի ժամկետով, 06.03.2006թ. պատժի կրումից ազատվել է պայմանական վաղակետ` 10 ամիս 22 օր ժամկետով, դատվածությունը չմարած, չի աշխատել, հաշվառված է ք.Երևան, Քանաքեռ 9 փողոցի 40 տանը:
Մեղադրվում է ՀՀ քրեական օրենսգրքի 177 հոդվածի 3¬րդ մասի 3¬րդ կետով:
2. Լաերտ Հակոբի Սարգսյանի, ծնված 29.08.1976թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուրի, նախկինում դատված` 1/ Երևանի Սովետականի շրջանի ժող. դատարանի 12.08.1996թ. դատավճռով ՀՀ քր. օր-ի 86 հոդվածի 4-րդ մասով դատապարտվել է ազատազրկման 7 տարի 6 ամիս ժամանակով, 02.02.1998թ. ՀՀ քր. օր-ի 86 հոդվածի 4-րդ մասը վերաորակվել է նույն հոդվածի 3-րդ մասով և նշանակվել ազատազրկում 4 տարի ժամանակով, 20.10.1998թ. պատժի կրումից ազատվել է պայմանական վաղակետ, 2/Երևանի Արաբկիր և Քանաքեռ-Զեյթուն համայնքների առաջին ատյանի դատարանի 05.02.2003թ. դատավճռով ՀՀ քր. օր-ի 15-86 հոդվածի 1-ին մասով դատապարտվել է ազատազրկման 6 ամիս ժամկետով, ազատվել է 07.05.2003թ., դատվածությունը մարված, չի աշխատել, հաշվառված է ք.Երևան, Զ.Սարկավագի 4-րդ նրբ. 12/2 տանը:
Մեղադրվում է ՀՀ քրեական օրենսգրքի 177 հոդվածի 2-րդ մասի 1-ին, 2-րդ, 3-րդ կետերով£
Պ Ա Ր Զ Ե Ց
1.Գործի դատավարական նախապատմությունը.
22.10.2008թ. ՀՀ ոստիկանության ՔԳՎ Երևանի քննչական վարչության Քանաքեռ-Զեյթուն քննչական բաժնի կողմից ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերի հատկանիշներով հարուցվել է թիվ 09116508 քրեական գործը:
02.02.2009թ. Մաշտոցի քննչական բաժնում քննվող թիվ 10124408 քրեական գործով Տիգրան Վոլոդյայի Մելիքսեթյանի նկատմամբ հայտարարվել է հետախուզում:
16.03.2009թ. Տիգրան Վոլոդյայի Մելիքսեթյանը հայտնաբերվել է:
17.03.2009թ. Քանաքեռ-Զեյթուն քննչական բաժնի քննիչի որոշմամբ Տիգրան Վոլոդիայի Մելիքսեթյանի նկատմամբ 02.02.2009թ. ընտրված խափանման միջոցը` կալանավորումը, թողնվել է անփոփոխ:
14.11.2008թ. Լաերտ Հակոբի Սարգսյանի նկատմամբ որպես խափանման միջոց է ընտրվել կալանավորումը:
2.Գործի փաստական հանգամանքները.
14.11.2008թ. Լաերտ Հակոբի Սարգսյանին մեղադրանք է առաջադրվել, 26.03.2009թ., ապա 23.04.2009թ. առաջադրված մեղադրանքը փոփոխվել, լրացվել և Լաերտ Սարգսյանին` ՀՀ քրեական օրենսգրքի 177 հոդվածի 2¬րդ մասի 1-ին, 2¬րդ և 3-րդ կետերով մեղադրանք է առաջադրվել, 17.03.2009թ. Տիգրան Վոլոդյայի Մելիքսեթյանին մեղադրանք է առաջադրվել, իսկ 23.04.2009թ. առաջադրված մեղադրանքը փոփոխվել, լրացվել և Տիգրան Մելիքսեթյանին` ՀՀ քրեական օրենսգրքի 177 հոդվածի 3¬րդ մասի 3¬րդ կետով մեղադրանք է առաջադրվել, 19.03.2009թ. Խաչատուր Ալբերտի Պողոսյանին մեղադրանք է առաջադրվել, իսկ 27.04.2009թ. առաջադրված մեղադրանքը փոփոխվել, լրացվել և Խաչատուր Ալբերտի Պողոսյանին` ՀՀ քրեական օրենսգրքի 334 հոդվածի 1-ին մասով մեղադրանք է առաջադրվել այն բանի համար, որ Տիգրան Մելիքսեթյանը Լաերտ Սարգսյանի հետ նախնական համաձայնության գալով, որոշել են ՙԱլեքստա՚ ՍՊԸ-ին պատկանող, Մ.Մելիքյան փողոցի 6-րդ շենքի հարևանությանբ գտնվող խանութից գողություն կատարել:
2008թ. հոկտեմբերի 22-ին, ժամը 0130-ի սահմաններում, ամբաստանյալներ Տիգրան Մելիքսեթյանը և Լաերտ Սարգսյանը գնացել են Երևան քաղաքի Ֆանարջյան 40 հասցեում բնակվող Խաչատուր Պողոսյանի տուն և վերջինիս չհայտնելով իրենց նպատակի մասին, խնդրել են, որպեսզի նա իր անձնական ՙՎազ 2121՚ Նիվա մակնիշի 62su840 պետհամարանիշի ավտոմեքենայով իրենց տանի Երևան քաղաքի Մ.Մելիքյան փողոցի թիվ 6 շենքի մոտ:
Հասնելով այնտեղ Տիգրան Մելիքսեթյանն ու Լաերտ Սարգսյանը դուրս գալով ավտոմեքենայից խնդրել են Խաչատուր Պողոսյանին, որպեսզի իրենց սպասի շենքի մոտ: Տիգրան Մելիքսեթյանն ու Լաերտ Սարգսյանն անցել են ՙԱլեքստա՚ ՍՊԸ-ի Մ.Մելիքյան փողոցի 6-րդ շենքի հարևանությանբ գտնվող խանութի հետնամաս, ապա խանութի ճաղավանդակը կոտրելու եղանակով, ապօրինի մուտք են գործել խանութ, որտեղից գաղտնի հափշտակել են 242.280 ՀՀ դրամ ընդհանուր արժողության տարբեր տեսակի ծխախոտներ, 126.250 ՀՀ դրամ ընդհանուր արժողության տարբեր տեսակի հյութեր և սննդամթերք, 152.750 ՀՀ դրամ ընդհանուր արժողության տարբեր տեսակի ալկոհոլային խմիչքներ, 15.000 ՀՀ դրամ արժողության ՙՍամսունգ՚ տեսակի բջջային հեռախոս` 094-65-61-58 հեռախոսաքարտով, 72.000 ՀՀ դրամ կանխիկ գումար` ՙԱլեքստա՚ ՍՊԸ-ին պատճառելով խոշոր չափերի հասնող` 719.200 ՀՀ դրամ գումարի նյութական վնաս, ինչպես նաև հափշտակել են խանութի վաճառողուհի Լիաննա Մելքոնյանի` 7.000 ՀՀ դրամ ընդհանուր արժողության, 099-480-488, 099-480-489, 093-983-498, 094-310-383 բջջային հեռախոսաքարտերը:
Գողոնը լցնելով պարկի մեջ, ամբաստանյալներ Տիգրան Մելիքսեթյանն ու Լաերտ Սարգսյանը վերադարձել են ու այն տեղավորել Խաչատուր Պողոսյանի ավտոմեքենայի բեռնախցում` նրան չհայտնելով կատարած գողության մասին: Ապա գնացել են Խաչատուր Պողոսյանի տուն, որտեղ գողոնը տեղափոխել են Տիգրան Մելիքսեթյանի ավտոմեքենայի մեջ: Այդ ընթացքում Տիգրան Մելիքսեթյանը Խաչատուր Պողոսյանին հայտնել է, կատարված գողության մասին: Այսինքն, Խաչատուր Պողոսյանը արդեն տեղյակ լինելով Տիգրան Մելիքսեթյանի և Լաերտ Սարգսյանի կատարած գողության մասին, հաջորդ օրը, պայմանավորվածության համաձայն, երեքով, Տիգրան Մելքիսեթյանի տաքսի ավտոմեքենայով գնացել են վերջինիս ընկեր Արթուր Խանզադյանի Երևան քաղաքի Ավանի Դուրյան թաղամասի 47 շենքի մոտ տեղակայված խանութ, որտեղ գողոնը 90.000 դրամով վաճառել են Արթուր Խանզադյանի մորը` Սվետլանա Համբարձումյանին:
2009 թվականի մայիսի 12-ին, թիվ 09116508 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009 թվականի հունիսի 04-ին:
3. Արագացված դատական քննություն .
Մինչև դատաքննությունն սկսելն ամբաստանյալներ Տիգրան Մելիքսեթյանը, Լաերտ Սարգսյանը և Խաչատուր Պողոսյանը միջնորդություն են ներկայացրել արագացված դատական քննություն կիրառելու վերաբերյալ և հայտարարել, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո:
Նշված հանգամանքը հաստատել են նաև ամբաստանյալների պաշտպաններ Սիրանուշ Հարությունյանը, Ռաֆիկ Սաֆարյանը և Տիգրան Սաֆարյանը:
Մեղադրող Լ.Մանուկյանը դատական քննության արագացված կարգ կիրառելու դեմ չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3753 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
Ամբաստանյալ Խաչատուր Պողոսյանը դատական վիճաբանությունների ընթացքում ներկայացնելով գրավոր դիմում, միջնորդել է իր նկատմամբ համաներում կիրառել:
Դատարանը 09.07.2009թ. որոշմամբ Խաչատուր Ալբերտի Պողոսյանի վերաբերյալ ՀՀ քրեական օրենսգրքի 334 հոդվածի 1-ին մասով թիվ ԵԱՔԴ 0054/01/09 քրեական գործի վարույթը կարճել է` համաձայն ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետի:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Տիգրան Վոլոդյայի Մելիքսեթյանին առաջադրված մեղադրանքը ՀՀ քրեական օրենսգրքի 177 հոդվածի 3¬րդ մասի 3¬րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 3¬րդ մասի 3¬րդ կետի հատկանիշներին և արարքի որակումը ճիշտ է:
Ամբաստանյալ Լաերտ Հակոբի Սարգսյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 1-ին, 2րդ, 3-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 1-ին, 2-րդ, 3-րդ կետերի հատկանիշներին և արարքի որակումը ճիշտ է:
Ամբաստանյալներ Տիգրան Վոլոդյայի Մելիքսեթյանի և Լաերտ Հակոբի Սարգսյանի, նկատմամբ պատիժ նշանակելիս, դատարանը հաշվի է առնում կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Տիգրան Վոլոդյայի Մելիքսեթյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, խնամքին են գտնվում երկու մանկահասակ երեխաները:
Ամբաստանյալ Տիգրան Մելիքսեթյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Լաերտ Հակոբի Սարգսյանի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, տառապում է աջ թոքի վ/բ ինֆիլտրատիվ տուբերկուլյոզ քայքայման և սերմնացրման շրջանում, ԲԿ+ ախտորոշմամբ, ս.թ. հուլիսի 03-ին մահացել է նրա հարազատ եղբայրը և ընտանիքի միակ կերակրողն ինքն է մնացել:
Ամբաստանյալ Լաերտ Հակոբի Սարգսյանի պատասխանատվությունը և պատիժը ծանրացնող հանգամանքներ չկան:
Նկատի ունենալով, որ ամբաստանյալները չեն ընդունել քաղաքացիական հայցը, դատարանը գտնում է, որ ՀՀ քրեական դատավարության օրենսգրքի 3751 հոդվածի 6-րդ մասի համաձայն, քաղաքացիական հայցվորի ներկայացուցիչ Լալա Ներսեսյանի քաղաքացիական հայցը` 678.400 ՀՀ դրամ գումարի չափով, պետք է թողնել առանց քննության և նրան իրավունք վերապահել, քաղաքացիական դատավարության կարգով պահանջելու հանցագործության հետևանքով պատճառված վնասի փոխհատուցումը:
Նկատի ունենալով նաև, որ տուժող Լիաննա Մելքոնյանը հրաժարվել է քաղաքացիական հայցի պահանջից, դատարանն այդ հարցը համարում է լուծված:
Դատարանն անդրադառնալով հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցին, գտնում է, որ համատեղ սեփականության իրավունքով Լաերտ Սարգսյանին պատկանող` Զ.Սարկավագի փողոցի 12 շենքի (Քանաքեռ կայարան 1 շենք) թիվ 2 բնակարանի վրա դրված արգելանքը պետք է պահպանել, մինչև քաղաքացիական դատավարության կարգով այդ հարցի լուծումը:
Դատարանն անդրադառնալով գործով իրեղեն ապացույցների տնօրինման հարցին, գտնում է, որ գործով իրեղեն ապացույց ճանաչված` 3 տուփ կապույտ ՙ40՚ տեսակի ծխախոտը, 1 տուփ սպիտակ ՙ40՚ տեսակի ծխախոտը, 3 տուփ կարմիր ՙՉեստերֆիլտ՚ տեսակի ծխախոտը, 3 տուփ կապույտ ՙՉեստերֆիլտ՚ տեսակի ծխախոտը, 9 տուփ ՙԼԱ՚ տեսակի ծխախոտը, 1 տուփ կապույտ ՙԼԱ՚ տեսակի ծխախոտը, 3 տուփ կարմիր ՙԿարելիա՚ տեսակի ծխախոտը, 5 տուփ սպիտակ ՙԿարելիա՚ տեսակի ծխախոտը, 2 տուփ կապույտ ՙԿարելիա՚ տեսակի ծխախոտը, 5 տուփ մանուշակագույն ՙՆեքստ՚ տեսակի ծխախոտը, 3 տուփ մոխրագույն ՙՆեքստ՚ տեսակի ծխախոտը, 4 տուփ կարմիր ՙՍՍ՚ տեսակի ծխախոտը, 1 տուփ կապույտ ՙՍՍ՚ տեսակի ծխախոտը, 9 հատ մեծ տուփով ՙՊրիմա Լյուքս՚ տեսակի ծխախոտը, 5 հատ փոքր տուփով ՙՊրիմա Լյուքս՚ տեսակի ծխախոտը, 8 հատ մեծ կապույտ տուփով ՙՊրիմա Լյուքս՚ տեսակի ծխախոտը, 1 հատ փոքր կապույտ տուփով ՙՊրիմա Լյուքս՚ տեսակի ծխախոտը, 4 տուփ կանաչ ՙՔիսս՚ տեսակի ծխախոտը, 4 տուփ վարդագույն ՙՔիսս՚ տեսակի ծխախոտը, 3 տուփ փիրուզագույն ՙՔիսս՚ տեսակի ծխախոտը, 11 տուփ ՙՍլիմ՚ տեսակի ծխախոտը, 3 տուփ ՙԱսոս Սլիմս՚ տեսակի ծխախոտը, 8 տուփ ՙԺիտան՚ տեսակի ծխախոտը, 5 տուփ ՙՍլիմ Լինե՚ տեսակի ծխախոտը, 4 տուփ կապույտ ՙՍուպեր Սլիմս՚ տեսակի ծխախոտը, 3 տուփ մանուշակագույն ՙՍուպեր Սլիմս՚ տեսակի ծխախոտը, 2 տուփ ՙԿրիստալ՚ տեսակի ծխախոտը, 1 շիշ ՙԱրենի՚ ապրանքանիշի 0.75լ տարողության գինին, 1 շիշ ՙԿագոր՚ ապրանքանիշի 0.75լ տարողության գինին, 1 շիշ ՙՕդեսսա՚ ապրանքանիշի 0.75լ տարողության շամպայնը, 1 շիշ ՙԶոլոտոյ Կոլոս՚ ապրանքանիշի 1լ տարողության օղին,1 շիշ ՙԶոլոտոյ Կոլոս՚ ապրանքանիշի 0.7լ տարողության օղին, 1 հատ ծիրանի ՙՆոյան՚ ապրանքանիշի 1լ բնական հյութը, 1 հատ սև հաղարջի ՙՆոյան՚ ապրանքանիշի 1լ բնական հյութը, 1 հատ նարնջի ՙՋաֆա՚ ապրանքանիշի 1լ բնական հյութը, 1 հատ խնձորի ՙՍադաչոկ՚ ապրանքանիշի 1.5լ բնական հյութը, 1 հատ անանասի ՙՄոյ՚ ապրանքանիշի 1.5լ բնական հյութը, որոնք ի պահ են հանձնվել տուժող Արայիկ Ավետիսյանին պետք է վերադարձնել քաղաքացիական հայցվորի ներկայացուցիչ Լալա Ներսեսյանին:
02.02.2009թ. Մաշտոցի քննչական բաժնի քննիչի որոշմամբ Տիգրան Վոլոդյայի Մելիքսեթյանին մեղադրանք է առաջադրվել, իսկ 30.03.2009թ. առաջադրված մեղադրանքը փոփոխվել և նրան ՀՀ քրեական օրենսգրքի 177 հոդվածի 3¬րդ մասի 3¬րդ կետով և 235 հոդվաշի 4-րդ մասով մեղադրանք է առաջադրվել այն արարքների համար, որ նա, նախկինում ուրիշի գույքի հափշտակություն կատարելու համար երկու դատվածություն ունենալով, կրկին անգամ, ուրիշի գույքի գաղտնի հափշտակություն կատարելու դիտավորությամբ, 2008թ. դեկտեմբերի 16-ին, ժամը 2230-ի սահմաններում, նախնական համաձայնության գալով Տ.Չավուշյանի և Ա.Նարոյանի հետ, Երևան քաղաքի Շիրազի փողոցի 20 շենքի մոտ կայանված ՙՖորդ Տրանզիտ՚ մակնիշի 938ՏՍ65 պետհամարանիշի ավտոմեքենայի սրահից գաղտնի հափշտակել է Վ.Ավագյանին պատկանող` 12 600 ՀՀ դրամ ընդհանուր արժողութայն 12 շիշ 1 լիտր տարողությամբ, 14 400 ՀՀ դրամ ընդհանուր արժողության 24 շիշ 0.5 լիտր տարողությամբ ՙԽորտիցա՚ տեսակի օղիներ և 195 000 ՀՀ դրամ ընդհանուր արժողության 30 զույգ տղամարդու կոշիկներ:
Դատարանը, հաշվի առնելով այն հանգամանքը, որ վերը նշված արարքների համար ամբաստանյալ Տիգրան Մելիքսեթյանը Երևան քաղաքի Աջափնյակ և Դավթաշեն համայնքների ընդհանուր իրավասության առաջին ատյանի դատարանի 26.05.2009թ. դատավճռով ՀՀ քրեական օրենսգրքի 177 հոդվածի 3-րդ մասի 3-րդ կետով և 235 հոդվածի 4-րդ մասով, ՀՀ քրեական օրենսգրքի 66 հոդվածի կիրառմամբ, դատապարտվել է ազատազրկման 5 տարի ժամկետով, գտնում է, որ նրա նկատմամբ պատիժ պետք է նշանակել ՀՀ քրեական օրենսգրքի 66 հոդվածի կանոններով:
Դատարանը քննության առնելով ամբաստանյալ Տիգրան Վոլոդիայի Մելիքսեթյանի նկատմամբ որպես լրացուցիչ պատիժ գույքի բռնագրավում կիրառելու հարցը, նպատակահարմար չի գտնում կիրառել լրացուցիչ պատիժ:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց

Տիգրան Վոլոդյայի Մելիքսեթյանին մեղավոր ճանաչել ՀՀ քրեական օրենսգրքի 177 հոդվածի 3¬րդ մասի 3¬րդ կետով և նրան դատապարտել ազատազրկման հինգ (5) տարի ժամկետով` առանց գույքի բռնագրավման:
ՀՀ քրեական օրենսգրքի 66 հոդվածի կիրառմամբ, նշանակված պատժին մասնակիորեն գումարել նախորդ` Երևան քաղաքի Աջափնյակ և Դավթաշեն համայնքների ընդհանուր իրավասության առաջին ատյանի դատարանի 26.05.2009թ. դատավճռով նշանակված պատիժը և վերջնական պատիժ նշանակել ազատազրկում հինգ (5) տարի վեց (6) ամիս ժամկետով` առանց գույքի բռնագրավման:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել 2009 թվականի մարտի 16-ից:
Տիգրան Վոլոդյայի Մելիքսեթյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Լաերտ Հակոբի Սարգսյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին, 2-րդ, 3-րդ կետերով և նրան դատապարտել ազատազրկման երեք (3) տարի վեց (6) ամիս ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել 2008 թվականի նոյեմբերի 13-ից:
Լաերտ Հակոբի Սարգսյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
17.02.2009թ. գույքի վրա կալանք դնելու մասին որոշմամբ (գ.թ. 217) Լաերտ Սարգսյանի անվամբ համատեղ սեփականության իրավունքով գրանցված Երևան քաղաքի Զ.Սարկավագի փողոցի 12 շենքի (Քանաքեռ կայարան 1 շենք) թիվ 2 բնակարանի վրա դրված կալանքը պահպանել, մինչև քաղաքացիական դատավարության կագով այդ հարցի լուծումը:
Գործով իրեղեն ապացույց հանդիսացող, տուժող Արայիկ Ավետիսյանին ի պահ հանձնված` 3 տուփ կապույտ ՙ40՚ տեսակի ծխախոտը, 1 տուփ սպիտակ ՙ40՚ տեսակի ծխախոտը, 3 տուփ կարմիր ՙՉեստերֆիլտ՚ տեսակի ծխախոտը, 3 տուփ կապույտ ՙՉեստերֆիլտ՚ տեսակի ծխախոտը, 9 տուփ ՙԼԱ՚ տեսակի ծխախոտը, 1 տուփ կապույտ ՙԼԱ՚ տեսակի ծխախոտը, 3 տուփ կարմիր ՙԿարելիա՚ տեսակի ծխախոտը, 5 տուփ սպիտակ ՙԿարելիա՚ տեսակի ծխախոտը, 2 տուփ կապույտ ՙԿարելիա՚ տեսակի ծխախոտը, 5 տուփ մանուշակագույն ՙՆեքստ՚ տեսակի ծխախոտը, 3 տուփ մոխրագույն ՙՆեքստ՚ տեսակի ծխախոտը, 4 տուփ կարմիր ՙՍՍ՚ տեսակի ծխախոտը, 1 տուփ կապույտ ՙՍՍ՚ տեսակի ծխախոտը, 9 հատ մեծ տուփով ՙՊրիմա Լյուքս՚ տեսակի ծխախոտը, 5 հատ փոքր տուփով ՙՊրիմա Լյուքս՚ տեսակի ծխախոտը, 8 հատ մեծ կապույտ տուփով ՙՊրիմա Լյուքս՚ տեսակի ծխախոտը, 1 հատ փոքր կապույտ տուփով ՙՊրիմա Լյուքս՚ տեսակի ծխախոտը, 4 տուփ կանաչ ՙՔիսս՚ տեսակի ծխախոտը, 4 տուփ վարդագույն ՙՔիսս՚ տեսակի ծխախոտը, 3 տուփ փիրուզագույն ՙՔիսս՚ տեսակի ծխախոտը, 11 տուփ ՙՍլիմ՚ տեսակի ծխախոտը, 3 տուփ ՙԱսոս Սլիմս՚ տեսակի ծխախոտը, 8 տուփ ՙԺիտան՚ տեսակի ծխախոտը, 5 տուփ ՙՍլիմ Լինե՚ տեսակի ծխախոտը, 4 տուփ կապույտ ՙՍուպեր Սլիմս՚ տեսակի ծխախոտը, 3 տուփ մանուշակագույն ՙՍուպեր Սլիմս՚ տեսակի ծխախոտը, 2 տուփ ՙԿրիստալ՚ տեսակի ծխախոտը, 1 շիշ ՙԱրենի՚ ապրանքանիշի 0.75լ տարողության գինին, 1 շիշ ՙԿագոր՚ ապրանքանիշի 0.75լ տարողության գինին, 1 շիշ ՙՕդեսսա՚ ապրանքանիշի 0.75լ տարողության շամպայնը, 1 շիշ ՙԶոլոտոյ Կոլոս՚ ապրանքանիշի 1լ տարողության օղին,1 շիշ ՙԶոլոտոյ Կոլոս՚ ապրանքանիշի 0.7լ տարողության օղին, 1 հատ ծիրանի ՙՆոյան՚ ապրանքանիշի 1լ բնական հյութը, 1 հատ սև հաղարջի ՙՆոյան՚ ապրանքանիշի 1լ բնական հյութը, 1 հատ նարնջի ՙՋաֆա՚ ապրանքանիշի 1լ բնական հյութը,1 հատ խնձորի ՙՍադաչոկ՚ ապրանքանիշի 1.5լ բնական հյութը, 1 հատ անանասի ՙՄոյ՚ ապրանքանիշի 1.5լ բնական հյութը, վերադարձնել քաղաքացիական հայցվորի ներկայացուցիչ Լալա Ներսեսյանին:
Քաղաքացիական հայցվորի ներկայացուցիչ Լալա Ներսեսյանի քաղաքացիական հայցը` 678.400 ՀՀ դրամ գումարի չափով, թողնել առանց քննության և նրան իրավունք վերապահել քաղաքացիական դատավարության կարգով պահանջելու հանցագործության հետևանքով պատճառված վնասի փոխհատուցումը:
Տուժող Լիաննա Մելքոնյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` Լ.ԱՎԵՏԻՍՅԱՆ

գործ թիվ ԵԱՔԴ 0054/01/09

Ո Ր Ո Շ ՈՒ Մ

Քրեական գործի վարույթը կարճելու մասին
Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Լ.Մանուկյանի
ամբաստանյալներ` Տ.Մելիքսեթյանի, Լ.Սարգսյանի, Խ.Պողոսյանի
պաշտպան` Տ.Սաֆարյանի

2009թ. հուլիսի 09-ին, Երևան քաղաքում, դռնբաց դատական նիստում քննության առնելով քրեական գործն ըստ մեղադրանքի Խաչատուր Ալբերտի Պողոսյանի (ծնված 12.03.1966թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ երեխա, նախկինում դատված` Կենտրոն և Նորք-Մարաշ համայնքների առաջին ատյանի դատարանի 16.02.2006թ. դատավճռով, ՀՀ քր. օր. 268 հոդվածի 2-րդ մասով, 271 հոդվածի 1-ին մասով, 266 հոդվածի 1-ին և 4-րդ մասերով դատապարտվել է ազատազրկման 3 տարի ժամկետով և տուգանքով 200.000 ՀՀ դրամի չափով, 05.09.2008թ. պատժի կրումից ազատվել է պայմանական վաղակետ` 7 ամիս 1 օր ժամանակով, դատվածությունը չմարված, բնակվում է Երևան քաղաքի, Ֆանարջյան փողոցի 40 տանը) ՀՀ քրեական օրենսգրքի 334 հոդվածի 1-ին մասով£

Պ Ա Ր Զ Ե Ց

22.10.2008թ. ՀՀ ոստիկանության ՔԳՎ Երևանի քննչական վարչության Քանաքեռ-Զեյթուն քննչական բաժնի կողմից ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերի հատկանիշներով հարուցվել է թիվ 09116508 քրեական գործը:
19.03.2009թ. Խաչատուր Ալբերտի Պողոսյանին մեղադրանք է առաջադրվել, իսկ 27.04.2009թ. առաջադրված մեղադրանքը փոփոխվել, լրացվել և Խաչատուր Պողոսյանին ՀՀ քրեական օրենսգրքի 334 հոդվածի 1-ին մասով մեղադրանք է առաջադրվել այն արարքի համար, որ Տիգրան Մելիքսեթյանը Լաերտ Սարգսյանի հետ նախնական համաձայնության գալով, որոշել են ՙԱլեքստա՚ ՍՊԸ-ին պատկանող, Մ.Մելիքյան փողոցի 6-րդ շենքի հարևանությանբ գտնվող խանութից գողություն կատարել:
2008թ. հոկտեմբերի 22-ին, ժամը 0130-ի սահմաններում, ամբաստանյալներ Տիգրան Մելիքսեթյանը և Լաերտ Սարգսյանը գնացել են Երևան քաղաքի Ֆանարջյան 40 հասցեում բնակվող Խաչատուր Պողոսյանի տուն և վերջինիս չհայտնելով իրենց նպատակի մասին, խնդրել են, որպեսզի նա իր անձնական ՙՎազ 2121՚ Նիվա մակնիշի 62su840 պետհամարանիշի ավտոմեքենայով իրենց տանի Երևան քաղաքի Մ.Մելիքյան փողոցի թիվ 6 շենքի մոտ:
Հասնելով այնտեղ Տիգրան Մելիքսեթյանն ու Լաերտ Սարգսյանը դուրս գալով ավտոմեքենայից խնդրել են Խաչատուր Պողոսյանին, որպեսզի իրենց սպասի շենքի մոտ: Տիգրան Մելիքսեթյանն ու Լաերտ Սարգսյանն անցել են ՙԱլեքստա՚ ՍՊԸ-ի Մ.Մելիքյան փողոցի 6-րդ շենքի հարևանությանբ գտնվող խանութի հետնամաս, ապա խանութի ճաղավանդակը կոտրելու եղանակով, ապօրինի մուտք են գործել խանութ, որտեղից գաղտնի հափշտակել են 242.280 ՀՀ դրամ ընդհանուր արժողության տարբեր տեսակի ծխախոտներ, 126.250 ՀՀ դրամ ընդհանուր արժողության տարբեր տեսակի հյութեր և սննդամթերք, 152.750 ՀՀ դրամ ընդհանուր արժողության տարբեր տեսակի ալկոհոլային խմիչքներ, 15.000 ՀՀ դրամ արժողության ՙՍամսունգ՚ տեսակի բջջային հեռախոս` 094-65-61-58 հեռախոսաքարտով, 72.000 ՀՀ դրամ կանխիկ գումար` ՙԱլեքստա՚ ՍՊԸ-ին պատճառելով խոշոր չափերի հասնող` 719.200 ՀՀ դրամ գումարի նյութական վնաս, ինչպես նաև հափշտակել են խանութի վաճառողուհի Լիաննա Մելքոնյանի` 7.000 ՀՀ դրամ ընդհանուր արժողության, 099-480-488, 099-480-489, 093-983-498, 094-310-383 բջջային հեռախոսաքարտերը:
Գողոնը լցնելով պարկի մեջ, ամբաստանյալներ Տիգրան Մելիքսեթյանն ու Լաերտ Սարգսյանը վերադարձել են ու այն տեղավորել Խաչատուր Պողոսյանի ավտոմեքենայի բեռնախցում` նրան չհայտնելով կատարած գողության մասին: Ապա գնացել են Խաչատուր Պողոսյանի տուն, որտեղ գողոնը տեղափոխել են Տիգրան Մելիքսեթյանի ավտոմեքենայի մեջ: Այդ ընթացքում Տիգրան Մելիքսեթյանը Խաչատուր Պողոսյանին հայտնել է, կատարված գողության մասին: Այսինքն, Խաչատուր Պողոսյանը արդեն տեղյակ լինելով Տիգրան Մելիքսեթյանի և Լաերտ Սարգսյանի կատարած գողության մասին, հաջորդ օրը, պայմանավորվածության համաձայն, երեքով, Տիգրան Մելքիսեթյանի տաքսի ավտոմեքենայով գնացել են վերջինիս ընկեր Արթուր Խանզադյանի Երևան քաղաքի Ավանի Դուրյան թաղամասի 47 շենքի մոտ տեղակայված խանութ, որտեղ գողոնը 90.000 դրամով վաճառել են Արթուր Խանզադյանի մորը` Սվետլանա Համբարձումյանին:
19.03.2009թ. Խաչատուր Ալբերտի Պողոսյանի նկատմամբ որպես խափանման միջոց է ընտրվել ստորագրություն չհեռանալու մասին: Նույն օրը նրա նկատմամբ հայտարարվել է հետախուզում: 30.03.2009թ. Խաչատուր Ալբերտի Պողոսյանը հայտնաբերվել է:
12.05.2009թ. թիվ 09116508 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009 թվականի հունիսի 04-ին:
Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանի 09.07.2009թ. դատավճռով Տիգրան Վոլոդյայի Մելիքսեթյանը` ՀՀ քրեական օրենսգրքի 177 հոդվածի 3¬րդ մասի 3¬րդ կետով և Լաերտ Հակոբի Սարգսյանը` ՀՀ քրեական օրենսգրքի 177 հոդվածի 2-րդ մասի 1-ին, 2-րդ, 3-րդ կետերով դատապարտվել են համապատասխան պատիժների:
Ամբաստանյալ Խաչատուր Պողոսյանը ներկայացնելով գրավոր դիմում, միջնորդել է իր նկատմամբ համաներում կիրառել:
Միջնորդությանը միացել է նաև ամբաստանյալի պաշտպան Տ.Սաֆարյանը:
Գործի քննության ընթացքում դատախազ Լ.Մանուկյանը, հայտնաբերելով քրեական հետապնդումը բացառող հանգամանքներ, հիմք ընդունելով ՀՀ Ազգային ժողովի կողմից ՙՀամաներում հայտարարելու մասին՚ որոշումը և ամբաստանյալ Խաչատուր Պողոսյանի միջնորդությունն իր նկատմամբ համաներում կիրառելու մասին, ՀՀ քրեական դատավարության օրենսգրքի 35 հոդվածի 4-րդ մասի համաձայն հայտարարել է ամբաստանյալի նկատմամբ քրեական հետապնդում իրականացնելուց հրաժարվելու մասին և միջնորդել քրեական գործի վարույթը կարճել:
Նկատի ունենալով, որ ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետը սահմանում է կարճել այն անձանց կողմից կատարված հանցագործությունների վերաբերյալ գործերը, որոնք մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան երեք տարի ժամկետով ազատազրկում, իսկ ՀՀ քրեական օրենսգրքի 334 հոդվածի 1-ին մասը նախատեսում է ազատազրկում` առավելագույնը երեք տարի ժամկետով, դատարանը գտնում է, որ միջնորդությունը հիմնավոր է և ենթակա բավարարման:
Ղեկավարվելով ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետով, 12-րդ կետի 1) ենթակետի ա. պարբերությամբ և ՀՀ քրեական դատավարության օրենսգրքի 35 հոդվածի 1-ին մասի 13-րդ կետով և 4-րդ մասով, 313 հոդվածով դատարանը

Ո Ր Ո Շ Ե Ց
Խաչատուր Ալբերտի Պողոսյանի վերաբերյալ ՀՀ քրեական օրենսգրքի 334 հոդվածի 1-ին մասով թիվ ԵԱՔԴ 0054/01/09 քրեական գործի վարույթը կարճել` ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 5-րդ կետի 1) ենթակետի համաձայն:
Խաչատուր Ալբերտի Պողոսյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև որոշումն օրինական ուժի մեջ մտնելը:
Որոշումը կարող է բողոքարկվել ՀՀ վերաքննիչ քրեական դատարան` մեկամսյա ժամկետում:

ԴԱՏԱՎՈՐ` Լ. ԱՎԵՏԻՍՅԱՆ