գործ թիվ ԵԱՔԴ 0029/01/09

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը`

նախագահությամբ դատավոր` Լ.Ավետիսյանի
քարտուղարությամբ` Ե.Կարապետյանի
մասնակցությամբ`
դատախազ` Ռ.Խաչատրյանի
ամբաստանյալ` Հ.Հակոբյանի
պաշտպան` Վ.Գրիգորյանի

2009 թվականի մայիսի 29-ին, Երևան քաղաքում, դռնբաց դատական նիստում, արագացված դատաքննության կարգով, քննելով քրեական գործն ըստ մեղադրանքի Հայկ Վահանի Հակոբյանի, ծնված 20.06.1987թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, նախկինում չդատված, զինապարտ, աշխատում է Բագրատ Կիրակոսյան Ա/Ձ-ում` որպես վարորդ, հաշվառված և բնակվում է Երևան քաղաքի, Շովրոյան փողոցի թիվ 68 տանը:
Մեղադրվում է ՀՀ քրեական օրենսգրքի 258 հոդվածի 2-րդ մասով:
Պ Ա Ր Զ Ե Ց

1.Գործի դատավարական նախապատմությունը.
06.02.2009 թվականին ՀՀ ոստիկանության ՔԳՎ Երևանի քննչական վարչության Քանաքեռ-Զեյթուն քննչական բաժնի կողմից հարուցվել է թիվ 09102309 քրեական գործը:
30.03.2009 թվականին Հայկ Վահանի Հակոբյանի նկատմամբ որպես խափանման միջոց է ընտրվել ստորագրություն չհեռանալու մասին:
30 մարտի 2009 թվականին Հայկ Վահանի Հակոբյանին մեղադրանք է առաջադրվել ՀՀ քրեական օրենսգրքի 258 հոդվածի 2-րդ մասով այն բանի համար, որ նա 2009թ. հունվարի 26-ին, ժամը 0830-ի սահմաններում Ռուբինյանց 30 հասցեում տեղակայված ՙՄուլտի Գազ՚ ՍՊԸ-ին պատկանող գազալցակայանում, իր կողմից վարվող ՎԱԶ 2107 մակնիշի 705SU42 պետհամարանիշի ավտոմեքենան անկանոն ձևով կայանել է լցակայանի 5-րդ շարքում, հերթից դուրս լիցքավորելու նպատակով, որի պատճառով էլ անհիմն վիճաբանել է Ռուբեն Ռազմիկի Հովհաննիսյանի հետ: Այդ ընթացքում կոպիտ կերպով խախտել է հասարակական կարգը, բացահայտ անհարգալից վերաբերմունք դրսևորել հասարակության նկատմամբ, որը զուգորդվել է Ռազմիկ Հովհաննիսյանի և նրա կնոջ` Անահիտ Մուկուչի Չիթչյանի նկատմամբ բռնություն գործադրելով, այն է` բռունցքով հարվածել է Ռազմիկ Հովհաննիսյանի դեմքին` պատճառելով առողջության թեթև վնաս` առողջության կարճատև քայքայումով, իսկ Անահիտ Չիթչյանի ձեռքերից բռնելով ու հետ հրելով վերջինիս պատճառել է առողջության թեթև վնասի հատկանիշներ չպարունակող մարմնական վնասվածք, որից հետո շարունակել է խուլիգանական արարքը` քարեր շպրտելով գազալցակայանի աշխատողների ուղղությամբ և լկտի հայհոյանքներ տալով ներկաների հասցեին:
06.04.2009 թվականին թիվ 09102309 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:
Քրեական գործը նշանակվել է դատաքննության 2009 թվականի ապրիլի 17-ին:
2. Արագացված դատական քննություն .
Մինչև դատաքննությունն սկսելն ամբաստանյալ Հայկ Հակոբյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Վ.Գրիգորյանը:
Մեղադրող Ռ.Խաչատրյանը դատական քննության արագացված կարգ կիրառելու դեմ չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հայկ Վահանի Հակոբյանին առաջադրված մեղադրանքը` ՀՀ քրեական օրենսգրքի 258 հոդվածի 2-րդ մասով, հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 258 հոդվածի 2-րդ մասի հատկանիշներին և արարքի որակումը` ճիշտ է:
3.Դատարանի իրավական վերլուծությունները.
Ամբաստանյալ Հայկ Վահանի Հակոբյանի նկատմամբ պատիժ նշանակելիս, դատարանը հաշվի է առնում կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա նախկինում դատված չի եղել, հանցանքն ընդունել և անկեղծորեն զղջում է կատարած արարքի համար, բնութագրվում է դրական:
Ամբաստանյալի պատասխանատվությունը և պատիժը ծանրացնող հանգամանքներ չկան:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3751-3754 հոդվածներով, դատարանը

Վ Ճ Ռ Ե Ց
Հայկ Վահանի Հակոբյանին մեղավոր ճանաչել ՀՀ քրեական օրենսգրքի 258 հոդվածի 2-րդ մասով և նրան դատապարտել կալանքի երկու (2) ամիս ժամկետով:
Հայկ Վահանի Հակոբյանի նկատմամբ ընտրված խափանման միջոցը` ստորագրություն չհեռանալու մասին, փոխել և նրան կալանքի վերցնել դատական նիստերի դահլիճում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակաման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով:
ԴԱՏԱՎՈՐ` Լ.ԱՎԵՏԻՍՅԱՆ