ՈՐՈՇՈՒՄ
ՀԱՄԱՆԵՐՈՒՄ ԿԻՐԱՌԵԼՈՒ ՄԱՍԻՆ

29.06.2009թ. ք.Երևան

Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարանը հետևյալ կազմով`
նախագահող դատավոր`
քարտուղարությամբ`
մասնակցությամբ`
մեղադրող`
տուժող`
տուժողի ներկայացուցիչ`
պաշտպան` Ս.Ղազարյան
Հ.Ավագյան

Գ.Հովհաննիսյան
Վ.Հովնիկյան
Հ.Գալյան
Հ.Գևորգյան
Դռնբաց դատական նիստում քննության առավ քր.գործն ըստ մեղադրանքի
Գագիկ Շուրայի Ֆարմանյանի, ծնված 03.11.1964թ., Երևան քաղաքում, հայ, ՀՀ քաղաքացի, միջնակարգ մասնագիտական կրթությամբ, ամուսնացած, խնամքին երեք անձ, չի աշխատում նախկինում չդատված, ֆիզիկապես առողջ, բնակվում է ք.Երևան Հր.Քոչարի 139/1 տանը:
Ամբաստանվում է ՀՀ քր. օր-ի 113 հոդվածի 1-ին մասով այն բանի համար, որ նա 2008թ. մայիսի 18-ին ժամը 1400-ի սահմաններում Երևանի Հր.Քոչար փ. 139/1 տան և Հր.Քոչար 88/1,2 շինարարական նյութերի խանութի միջանցիկ հատվածում կենցաղային հարցերի շուրջ վիճաբանել է իր հարևան Վարդան Հովնիկյանի հետ, մի քանի անգամ հարվածել է նրա դեմքին ու մարմնի տարբեր մասերին, այնուհետև կտրող կամ ծակող-կտրող գործիքով դիտավորությամբ հարվածել է վերջինիս աջ ձեռքին, պատճառելով նրա առողջությանը միջին ծանրության վնաս` առողջության տևական քայքայումով:
Վերը նշված արարքի համար նախաքննության մարմինը Գ.Ֆարմանյանին մեղադրանք է առաջադրել ՀՀ քր.օր-ի 113 հոդվածի 1-ին մասով, որում նա իրեն մեղավոր է ճանաչել և դատաքննության փուլում, պաշտպանի հետ խորհրդակցելով, միջնորդել է իր նկատմամբ կիրառել ՀՀ Ազգային Ժողովի 19.06.2009թ. համաներման ակտը:
Մեղադրողը միջնորդության դեմ չառարկեց, իսկ տուժողը և նրա ներկայացուցիչը առարկեցին միջնորդության դեմ պատճառաբանելով, որ Գ.Ֆարմանյանի նկատմամբ համաներման ակտը չի կարող կիրառվել, քանի որ իրենք, չնայած այս պահին քաղ. հայց չեն ներկայացրել, սակայն նպատակ ունեն ներկայացնելու 1,5մլն դրամի քաղ. հայց, և միաժամանակ միջնորդեց տալ ժամանակ քաղ. հայցի չափը հստակեցնելու, այն հինավորելու և դատարան ներկայացնելու համար:
Դատարանը խորհրդակցական սենյակում քննության առնելով միջնորդությունը, վերլուծելով այն, տալով քրեաիրավական գնահատական, հանգում է այն հետևության, որ ամբաստանյալ Գագիկ Շուրայի Ֆարմանյանի նկատմամբ պետք է կիրառվի ՀՀ Ազգային Ժողովի 19.06.2009թ. համաներման մասին որոշման 5-րդ կետի 1-ին ենթակետը, հետևյալ պատճառաբանությամբ.
1. Ամբաստանյալ Գ.Ֆարմանյանին մեղսագրվել է արարք ՀՀ քր.օր-ի 113 հոդվածի 1-ին մասով, որի համար առավելագույն պատիժ է նախատեսված ազատազրկում մինչև 3 տարի ժամկետով,
2. Գ.Ֆարմանյանը իրեն մեղավոր է ճանաչել և խնդրել է կիրառել համաներման ակտը,
3. ՀՀ ԱԺ 19.06.2009թ. համաներում հայտարարելու մասին որոշման 5-րդ կետը սահմանում է նյութերով քրեական հետապնդում չիրականացնել, ինչպես նաև կարճել այն անձանց կատարած հանցագործությունների վերաբերյալ հետաքննության մարմնի, նախաքննության մարմնի կամ դատարանի վարույթում գտնվող մինչև 2009թ. հունիսի 1-ը կատարած հանցագործություններով քր. գործերը, որոնցով անձինք կարող են կամ մեղադրվում են այնպիսի հանցագործությունների կատարման մեջ, որոնց համար նախատեսված է պատիժ ոչ ավելի քան երեք տարի ժամկետով ազատազրկում: Այսինքն, Գ.Ֆարմանյանին մեղսագրված արարքի քրեական հետապնդումը պետք է դադարեցվի:
ՀՀ ԱԺ 19.06.2009թ. համաներման ակտի 8-րդ կետի 6-րդ ենթակետով սահմանված է համաներում չկիրառել մինչև օրինական ուժի մեջ մտած դատական ակտով սահմանված, տուժողին հասցված նյութական վնասի հատուցումը: Այս իրավանորմը Գ.Ֆարմանյանի նկատմամբ կիրառելի չէ, քանի որ նրա նկատմամբ օրինական ուժի մեջ մտած դատական ակտ դեռևս չկա, բացի այդ տուժողը այս պահի դրությամբ նույնիսկ քաղ. հայց չի ներկայացրել և նա կարող է այդ հարցը վիճարկել քաղաքաղիական դատավարության կարգով: Այդ իրավանորմը տարածվում է մինչ համաներման ակտի ընդունումը ուժի մեջ մտած դատական ակտով սահմանված վնասներին:
Նույն ակտի 7-րդ ենթակետի թվարկված արարքների թվում ՀՀ քր. օր-ի 113 հոդվածի 1-ին մասը բացակայում է, և համաներում կիրառելու որևէ արգելք չկա:
Ելնելով վերոգրյալից և ղեկավարվելով ՀՀ քր. դատ. օր-ի 35 հոդվածի 13 կետով, 313 հոդվածով, 102 հոդվածով, ՀՀ Ազգային Ժողովի 19.06.2009թ. համաներում հայտարարելու մասին որոշման 5-րդ կետի 1-ին ենթակետով դատարանը

Ո Ր Ո Շ Ե Ց

Գագիկ Շուրայի Ֆարմանյանի նկատմամբ ՀՀ քր. օր-ի 113 հոդվածի 1-ին մասով թիվ 14117908 քր. գործի վարութը կարճել և դադարեցնել քրեական հետապնդումը:
Ընտրված խափանման միջոցը վերացնել:
Իրեղեն ապացույցները վերադարձնել ըստ պատկանելիության:
Որոշման դեմ կարող է բերվել վերաքննիչ բողոք այն հրապարակելուց հետո մեկամսյա ժամկետում:


ԴԱՏԱՎՈՐ Ս.ՂԱԶԱՐՅԱՆ