ԵԱՔԴ/0014/01/08

Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ՎԵՐՍԿՍԵԼՈՒ ՄԱՍԻՆ


«15» սեպտեմբերի 2021թ. ք.Երևան


Երևան քաղաքի ընդհանուր իրավասության դատարանի դատավոր Ա.Մաթևոսյանս, ուսումնասիրելով ԵԱՔԴ/0014/01/08 (09102806) քրեական գործն ըստ մեղադրանքի Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ կետերով,

Պ Ա Ր Զ Ե Ց Ի


2006 թվականի մարտի 07-ին Քանաքեռ-Զեյթուն քննչական բաժանմունքում որոշում է կայացվել 09102506 քրեական գործի նյութերով ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով նոր քրեական գործ հարուցելու, առանձին վարույթում առանձնացնելու և 09102806 քրեական գործի համարը շնորհելու մասին:
2006 թվականի մարտի 09-ին որոշում է կայացվել Դավիթ Աղաբեկի Հայրիկյանի նկատմամբ խափանման միջոց ընտրել ծնողի հսկողությանը հանձնելը:
2006 թվականի մայիսի 11-ին Դավիթ Աղաբեկի Հայրիկյանին 09102806 քրեական գործով մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, այն բանի համար, որ նա, նախապես համաձայնության գալով Ռոբերտ Աշոտի Գրիգորյանի և Վահե Ռուբիկի Հայրիկյանի հետ, 2005 թվականի նոյեմբեր-դեկտեմբեր ամսին, փականը կոտրելու և դարպասը բացելու եղանակով ապօրինի մուտք են գործել Գևորգ Հովհաննեսի Հարությունյանի Դրոյի 4-րդ նրբանցքի 17-րդ տան ավտոտնակ և այնտեղից գողացել 17.000 ՀՀ դրամ ընդհանուր արժողության իրեր` տուժող Գ.Հարությունյանին պատճառելով զգալի չափերի նյութկան վնաս:
2006 թվականի հոկտեմբերի 10-ին 09102806 քրեական գործն ըստ մեղադրանքի Ռոբերտ Աշոտի Գրիգորյանի` ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, Վահե Ռուբիկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, հաստատված մեղադրական եզրակացությամբ, ուղարկվել է Արաբկիր և Քանաքեռ-Զեյթուն համայնքների առաջին ատյանի դատարան և 1-215 համարի ներքո հանձնվել է դատավոր Մ.Ռեհանյանին:
Դատավոր Մ.Ռեհանյանի 2006 թվականի հոկտեմբերի 10-ի որոշմամբ 1-215 քրեական գործն ըստ մեղադրանքի Ռոբերտ Աշոտի Գրիգորյանի` ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, Վահե Ռուբիկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, ընդունվել է վարույթ:
2006 թվականի հոկտեմբերի 25-ին որոշում է կայացվել 1-215 քրեական գործը դատական քննության նշանակելու մասին:
2006 թվականի նոյեմբերի 28-ին որոշում է կայացվել թիվ 1-215 (09102806) քրեական գործից անչափահաս ամբաստանյալ Դավիթ Աղաբեկի Հայրիկյանի վերաբերյալ մասն անջատելու և նրա նկատմամբ հետախուզում հայտարարելու մասին: Նույն որոշմամբ Դավիթ Հայրիկյանի նկատմամբ ընտրված խափանման միջոցը` ծնողի հսկողությանը հանձնելը, թողնվել է անփոփոխ, իսկ անջատված 1-52 քրեական գործի վարույթը կասեցվել է:
2007 թվականի դեկտեմբերի 25-ին որոշում է կայացվել քրեական գործն ըստ մեղադրանքի Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, ըստ ընդդատության Երևանի քրեական դատարան ուղարկելու մասին:
2008 թվականի հունվարի 23-ին ԵԱՔԴ/0014/01/18 քրեական գործն ըստ մեղադրանքի Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, հանձնվել է Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր Լ.Ավետիսյանին:
ՀՀ նախագահի 2016 թվականի մարտի 22-ի թիվ ՆՀ-243-Ա հրամանագրով դադարեցվել է Լ.Ավետիսյանի` Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի դատավորի լիազորությունները:
2016 թվականի ապրիլի 25-ին ԵԱՔԴ/0014/01/08 քրեական գործը վերամակագրվել և նույն թվականի ապրիլի 26-ին հանձնվել է դատավոր Ա.Մխիթարյանին:
Դատավոր Ռ.Մխիթարյանի 2016 թվականի ապրիլի 26-ի որոշմամբ ԵԱՔԴ/0014/01/08 քրեական գործն ընդունվել է վարույթ:
2016 թվականի մայիսի 23-ի ՆՀ-440-Ա հրամանագրով դադարեցվել է Ռ.Մխիթարյանի` Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի դատավորի լիազորություները:
2016 թվականի հունիսի 24-ին ԵԱՔԴ/0014/01/08 քրեական գործը վերամակագրվել և նույն թվականի հունիսի 27-ին հանձնվել է դատավոր Ա.Մաթևոսյանին:
Նույն օրը որոշում է կայացվել ԵԱՔԴ/0014/01/08 քրեական գործը վարույթ ընդունելու մասին:
Դատարանի 2016 թվականի հուլիսի 12-ի որոշմամբ ԵԱՔԴ/0014/01/08 քրեական գործն ըստ մեղադրանքի Դավիթ Աղաբեկի Հայրիկյանի` ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կետերով, թողնվել է կասեցված մինչև Դավիթ Աղաբեկի Հայրիկյանին հայտնաբերելը:
2021 թվականի սեպտեմբերի 14-ին Երևան քաղաքի ընդհանուր իրավասության դատարանում ստացվել է Դավիթ Աղաբեկի Հայրիկյանի պաշտպան Գեղամ Հակոբյանի միջնորդությունը, որով վերջինս խնդրել է ԵԱՔԴ/0014/01/08 քրեական գործով կասեցված վարույթը վերսկսել և Դավիթ Հայրիկյանի նկատմամբ ՀՀ քրեական օրենսգրքի 177-րդ հոդվածի 2-րդ մասի 1-ին և 3-րդ կեըերով քրեական հետապնդումը դադարեցնել` քրեական պատասխանատվության վաղեմության ժամկետն անցած լինելու հիմքով:
2021 թվականի հունիսի 30-ին ընդունվել և նույն թվականի օգոստոսի 28-ին ուժի մեջ է մտել «ՀՀ քրեական դատավարության օրենսգրքում փոփոխություններ և լրացումներ կատարելու մասին» ՀՀ օրենքը, որը նախատեսում է մեղադրյալի բացակայությամբ իրականացվող վարույթի կարգը:
Մասնավորապես.
ՀՀ քրեական դատավարության օրենսգրքի 375.19 հոդվածի համաձայն`
«1. Մեղադրյալի բացակայությամբ վարույթը (այսուհետ` հեռակա վարույթ) իրականացվում է միայն այն դեպքում, երբ մեղադրյալը խուսափում է քրեական վարույթին մասնակցելուց:
2. Հեռակա վարույթ չի կարող իրականացվել, եթե`
1) մեղադրյալը պատշաճ ծանուցված չէ իր նկատմամբ հարուցված քրեական հետապնդման մասին, կամ վարույթին մասնակցելն անհնարին է` իր կամքից անկախ հանգամանքներով.
2) չեն ձեռնարկվել անհրաժեշտ և բավարար միջոցներ գործի քննությանը մեղադրյալի մասնակցությունն ապահովելու համար.
3) մեղադրյալն անչափահաս է.
4) մեղադրյալն արարքը կատարելու պահին եղել է անմեղսունակ վիճակում կամ հանցագործությունը կատարելուց հետո հիվանդացել է հոգեկան հիվանդությամբ, որը զրկել է նրան իր գործողությունների համար իրեն հաշիվ տալու կամ այդ գործողությունները ղեկավարելու հնարավորությունից, կամ առկա է մեղադրյալի այդպիսի վիճակում լինելու վերաբերյալ ողջամիտ կասկած:
3. Հեռակա վարույթ իրականացնելու մասին որոշում կայացնելու պահից քրեական գործով վարույթին պաշտպանի մասնակցությունը պարտադիր է: Այս դեպքում վարույթն իրականացնող մարմինը չի ընդունում պաշտպանից մեղադրյալի հրաժարումը և սույն օրենսգրքով սահմանված կարգով նշանակում է պաշտպան կամ պահպանում է նշանակված պաշտպանի լիազորությունները:»
ՀՀ քրեական դատավարության օրենսգրքի 375.23 հոդվածի համաձայն`
«1. Մինչև մեղադրյալի նկատմամբ հեռակա կարգով դատական քննություն իրականացնելու մասին մեղադրողի միջնորդության քննությունն սկսելը դատարանը պարզում է, թե արդյոք խուսափող մեղադրյալի պաշտպանին հանձնվել է մեղադրական եզրակացության պատճենը: Այդ փաստաթուղթը պաշտպանին հանձնված չլինելու դեպքում դատական նիստը հետաձգվում է երեք օրով` պաշտպանին հանձնելով մեղադրական եզրակացության պատճենը:
2. Մեղադրյալի նկատմամբ հեռակա կարգով դատական քննություն իրականացնելու մասին մեղադրողի միջնորդության քննությունն սկսվում է մեղադրողի կողմից սույն օրենսգրքի 375.19-րդ հոդվածի 1-ին մասով նախատեսված հիմքի և նույն հոդվածի 2-րդ մասով նախատեսված պայմանների բացակայության մասին տվյալների ներկայացմամբ:
3. Դատարանը, լսելով կողմերի կարծիքները, բավարարում է մեղադրյալի նկատմամբ հեռակա կարգով դատական քննություն իրականացնելու մասին միջնորդությունը, եթե`
1) առկա է հեռակա վարույթ իրականացնելու` սույն օրենսգրքով նախատեսված հիմքը.
2) բացակայում են հեռակա վարույթի իրականացումը բացառող` սույն օրենսգրքով սահմանված պայմանները.
3) հեռակա վարույթ իրականացնելու մասին որոշում կայացնելու պահին մեղադրյալն ունեցել է քրեական գործով վարույթին ներգրավված պաշտպան, կամ հեռակա վարույթ իրականացնելու մասին որոշում կայացնելուց հետո պաշտպանը քրեական գործով վարույթին ներգրավվել է սույն օրենսգրքի 375.20-րդ հոդվածի 4-րդ մասով նախատեսված կարգով:
4. Սույն հոդվածի 3-րդ մասով նախատեսված հանգամանքներից որևէ մեկը չհաստատվելու դեպքում դատարանը որոշում է կայացնում տվյալ մեղադրյալի նկատմամբ հեռակա կարգով դատական քննություն իրականացնելը մերժելու մասին:
5. Եթե ամբաստանյալի նկատմամբ հեռակա վարույթ իրականացնելու` սույն օրենսգրքով նախատեսված հիմքն ի հայտ է եկել դատաքննության ընթացքում, և միաժամանակ բացակայում են հեռակա վարույթի իրականացումը բացառող` սույն օրենսգրքով սահմանված պայմանները, ապա դատարանը, լսելով կողմերի կարծիքները, սեփական նախաձեռնությամբ կամ մեղադրողի միջնորդությամբ կարող է մինչև դատավճիռ կայացնելու համար խորհրդակցական սենյակ հեռանալը որոշում կայացնել ամբաստանյալի նկատմամբ հեռակա վարույթ իրականացնելու մասին: Այս որոշումը կայացնելու դեպքում վարույթը չի վերսկսվում:»
Նկատի ունենալով, որ քրեական գործի վարույթի կասեցման հիմք ծառայած հանգամանքը վերացել է և ղեկավարվելով ՀՀ քրեական դատավարության օրենսգրքի 31-րդ հոդվածի 5-րդ մասով`

Ո Ր Ո Շ Ե Ց Ի

1. Դավիթ Աղաբեկի Հայրիկյանի վերաբերյալ ԵԱՔԴ/0014/01/08 քրեական գործով կասեցված վարույթը վերսկսել:
2. Քրեական գործի դատական քննությունը նշանակել 2021 թվականի սեպտեմբերի 27-ին, ժամը 16:00-ին, Երևան քաղաքի ընդհանուր իրավասության դատարանում (ք.Երևան, Տիգրան Մեծի պող. 23/1), դատական նիստերի թիվ 7 դահլիճում:


ԴԱՏԱՎՈՐ Ա. ՄԱԹԵՎՈՍՅԱՆ