N-ԵԱՔԴ/0008/01/08
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

՚05ՙ սեպտեմբերի 2017թ. ք.Երևան

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐª Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲª Ժ.ԿՈԾԻՆՅԱՆԻ

ՄԱՍՆԱԿՑՈՒԹՅԱՄԲª
ՄԵՂԱԴՐՈՂ Գ.ԱՂԱՋԱՆՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Գագիկ Ռաֆիկի Առաքելյանի` ծնված 01.02.1962թվականին,ք.Երևան, ազգությամբ հայ, Իսրայելի Հանրապե-
տության քաղաքացի, բարձրագույն կրթությամբ, ամուսնացած, չի աշխատում, նախկի-
նում չդատված, բնակվում է ք.Երևան, Կ.Ուլնեցու փողոց 59/2տուն հասցեում, 28.03.2006
թվականին որպես խափանման միջոց է ընտրվել ստորագրություն չհեռանալու մասին:
07.11.2007թվականին դատարանի որոշմամբ հայտարարվել է հետախուզում:
Մեղադրվում է ՀՀ Քրեական օրենսգրքի 258հոդվածի 1-ին մասով:
Դատաքննությամբ և գործի տվյալներով դատարանը

Պ Ա Ր Զ Ե Ց

Գործով ամբաստանյալ Գագիկ Ռաֆիկի Առաքելյանը մեղադրվում է այն բանում, որ նա 2005թվականի նոյեմբերի 25-ին, ժամը 11.00-ի սահմաններում, կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության նկատմամբ, սեռական բնույթի հայհոյանքներ է տվել Ք.Դանիելյանի հասցեին:
Վերը նշված հանցավոր արարքը կատարելու համար նախաքննական մարմինը Գագիկ Ռաֆիկի Առաքելյանին մեղադրանք է առաջադրել ՀՀ Քրեական օրենսգրքի 258հոդվածի 1-ին մասով և 27.09.2007թվականին մեղադրական եզրակացությամբ քրեական գործն ուղարկվել է ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
27.09.2007թվականին քրեական գործը մակագրվել է դատավոր Մ.Ռեհանյանին, ում կողմից քրեական գործն ընդունվել է վարույթ և նշանակվել է դատաքննության: Դատական նիստի օրվա և ժամի վերաբերյալ ամբաստանյալը պատշաճ կարգով ծանուցվել է, սակայն չի ներկայացել, ինչի համար 12.10.2007թվականին դատարանի կողմից որոշում է կայացվել ամբաստանյալ Գագիկ Առաքելյանին բերման ենթարկելու մասին, սակայն վերջինս դատարան չի ներկայացվել: 07.11.2007թվականին դատարանը ՚Հետախուզում հայտարարելու և քրեական գործի վարույթը կասեցնելու մասինՙ որոշում է կայացրել, որի համաձայն ամբաստանյալ Գագիկ Առաքելյանի նկատմամբ հայտարարվել է հետախուզում և քրեական գործի վարույթը կասեցվել էª մինչև նրան հայտնաբերելը: ՀՀ Նախագահի 2007թվականի դեկտեմբերի 07-ի հրամանագրով դադարեցվել է Մ.Ռեհանյանիª Արաբկիր և Քանաքեռ-Զեյթուն համայնքների առաջին ատյանի դատարանի դատավորի լիազորությունները և քրեական գործը 10.01.2008թվականին վերամակագրվել է դատավոր Լ.Ավետիսյանին: ՀՀ Նախագահի 2016թվականի մարտի 22-ի թիվ ՆՀ-243-Ա հրամանագրով դադարեցվել է Լ.Ավետիսյանիª Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի դատավորի լիազորությունները և քրեական գործը 25.04.2016թվականին վերամակագրվել է դատավոր Մ.Մելքոնյանին:
15.08.2017թվականին ՀՀ Ոստիկանության Երևան քաղաքի վարչության Քանաքեռ-Զեյթունի բաժնից դատարան է ստացվել Գագիկ Ռաֆիկի Առաքելյանի միջնորդությունը հետևյալ բովանդակությամբ. ՚Եսª Գագիկ Ռաֆիկի Առաքելյանս, ծնվածª 02.01.1962թվականին, Իսրայելի պետության քաղաքացի, արտասահմանյան անձնագիրª 21982383, տրված Իսրայելի Ներքին գործերի նախարարության բաժնի կողմից Ռեխովոտ քաղաքում 12.02.2015թվականին, No.10840694համարով արտասահմանյան անձնագրի ժամկետը լրանալու կապակցությամբ, տրվածª Իսրայելի Ներքին գործերի նախարարության բաժնի կողմից Ռեխովոտ քաղաքում, 23.05.2005թվականին, ներկայումս բնակվողª Իսրայել, ք. Ռեխովոտ, Յակոբի Իցխակ փողոց, շենք 4, բնակարան 15հասցեում, հայտնում եմ, որ ես հանդիսանում եմ Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում հարուցված թիվ 09108405քրեական գործով մեղադրյալ: Ես համաձայն եմ և չեմ առարկում, որպեսզի վաղեմության ժամկետը լրանալու կապակցությամբ իմ նկատմամբ հարուցված քրեական գործը դադարեցվի: Չեմ ցանկանում ծանոթանալ այդ քրեական գործի նյութերի հետ: /Ամսաթիվª 07 օգոստոսի 2017թ. /ստորագրված է/ Գագիկ Ռաֆիկի Առաքելյան/ Հայտարարողª Գագիկ Ռաֆիկի Առաքելյան, հայտարարությունը ստորագրված է քաղ. Գագիկ Ռաֆիկի Առաքելյանի կողմից նոտար Լեոնիդ Պրոյեկտովի ներկայությամբ, երկու հագար տասնյոթ թվականի օգոստոսի յոթին: Անձը հաստատված է, գործունակությունըª ստուգված: Գրանցված է գրանցամատյանումՙ:
Մեղադրողը չառարկեց Գագիկ Առաքելյանի միջնորդության դեմ:
ՀՀ Քրեական դատավարության օրենսգրքի 35հոդվածի 1-ին մասի 6-րդ կետի համաձայնª (...) քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` անցել են վաղեմության ժամկետները (...):
ՀՀ Քրեական դատավարության օրենսգրքի 35հոդվածի 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադարեցում չի թույլատրվում, եթե դրա դեմ առարկում է մեղադրյալը: Այս դեպքում գործի վարույթը շարունակվում է սովորական կարգով (…):
ՀՀ Քրեական օրենսգրքի 75հոդվածի 1-ին մասի համաձայնª անձն ազատվում է քրեական պատասխանատվությունից, եթե հանցանքն ավարտված համարելու օրվանից անցել են հետևյալ ժամկետները. 1) երկու տարի` ոչ մեծ ծանրության հանցանքն ավարտված համարելու օրվանից, ...:
ՀՀ Քրեական օրենսգրքի 75հոդվածի 2-րդ մասի համաձայնª վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը: Տևող հանցագործության դեպքում վաղեմության ժամկետը հաշվարկվում է արարքը դադարելու, իսկ շարունակվող հանցագործության դեպքում` վերջին արարքը կատարելու պահից:
ՀՀ Քրեական օրենսգրքի 75հոդվածի 3-րդ մասի համաձայնª վաղեմության ժամկետի ընթացքն ընդհատվում է, եթե մինչև նշված ժամկետներն անցնելն անձը կատարում է միջին ծանրության, ծանր կամ առանձնապես ծանր նոր հանցանք: Այս դեպքում վաղեմության ժամկետի հաշվարկն սկսվում է նոր հանցանքի ավարտված համարելու պահից:
ՀՀ Քրեական օրենսգրքի 75հոդվածի 4-րդ մասի համաձայնª վաղեմության ժամկետի ընթացքը կասեցվում է, եթե անձը խուսափում է քննությունից կամ դատից: Այս դեպքում վաղեմության ընթացքը վերսկսվում է անձին ձերբակալելու կամ մեղայականով նրա ներկայանալու պահից: Ընդ որում, անձը չի կարող քրեական պատասխանատվության ենթարկվել, եթե ոչ մեծ ծանրության կամ միջին ծանրության հանցանքն ավարտված համարելու օրվանից անցել է տասը տարի, իսկ ծանր կամ առանձնապես ծանր հանցանքն ավարտված համարելու օրվանիցª քսան տարի, և վաղեմության ժամկետի ընթացքն ընդհատված չի եղել նոր հանցագործությամբ:
ՀՀ Քրեական օրենսգրքի 19հոդվածի համաձայնª
1. Ըստ բնույթի և հանրության համար վտանգավորության աստիճանիª հանցագործությունները դասակարգվում ենª ոչ մեծ ծանրության, միջին ծանրության, ծանր և առանձնապես ծանր հանցագործությունների:
2. Ոչ մեծ ծանրության հանցագործություններ են համարվում դիտավորությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը, կամ որոնց համար նախատեսված է ազատազրկման հետ կապ չունեցող պատիժ:
ՀՀ Քրեական օրենսգրքի 258հոդվածի 1-ին մասի համաձայն` Խուլիգանությունըª դիտավորությամբ հասարակական կարգը կոպիտ կերպով խախտելը, որն արտահայտվել է հասարակության նկատմամբ բացահայտ անհարգալից վերաբերմունքովª պատժվում է տուգանքով` նվազագույն աշխատավարձի առավելագույնը հիսնապատիկի չափով, կամ կալանքովª մինչև մեկ ամիս ժամկետով:
Վերը շարադրված իրավադրույթների վերլուծությունից ակնհայտ է, որ քրեական օրենսդրությամբ, կապված արարքի բնույթից և հանրության համար վտանգավորության աստիճանից, նախատեսված են քրեական պատասխանատվության ենթարկելու տարբեր ժամկետներ, որոնց անցնելու դեպքում կատարված արարքը կորցնում է իր վտանգավորությունը, և անձն ազատվում է քրեական պատասխանատվությունից: Վերոգրյալի հիման վրա քրեադատավարական օրենքը վաղեմության ժամկետն անցնելը դիտում է որպես քրեական գործի վարույթը և քրեական հետապնդումը բացառող հանգամանք` սահմանելով, որ քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները: Միևնույն ժամանակ քրեադատավարական օրենքը վաղեմության ժամկետն անցնելու հիմքով քրեական պատասխանատվությունից ազատելու պարտադիր նախապայման է դիտում մեղադրյալի համաձայնությունը, որի բացակայությունը ենթադրում է վարույթի շարունակում ընդհանուր կարգով: Վերլուծելով ՀՀ Քրեական դատավարության օրենսգրքի 35հոդվածի պահանջները, դատարանը հանգում է այն հետևության, որ համաներման ակտ ընդունվելու և վաղեմության ժամկետներն անցնելու հիմքերով քրեական գործի վարույթի կարճման և քրեական հետապնդման դադարեցման հիմքերը դասվում են ՚ոչ արդարացնողՙ հիմքերի շարքին: Հետևաբար, նման հիմքերով քրեական հետապնդման դադարեցման պարագայում նախապես անձի համաձայնությունն ստանալու օրենսդրական պահանջը նպատակ է հետապնդում պարզելու իր նկատմամբ ՀՀ Քրեական դատավարության օրենսգրքի 35հոդվածի 1-ին մասի 6-րդ և 13-րդ կետերում նշված հիմքերով քրեական հետապնդում կիրառելու կամ չկիրառելու վերաբերյալ անձի դիրքորոշումը:
Մեջբերված քրեաիրավական նորմերի վերլուծությունից պարզվում է, որ ՀՀ Քրեական օրենսգրքի 258հոդվածի 1-ին մասով նկարագրված արարքը դիտավորյալ հանցագործություն է, որի համար առավելագույն պատիժ է նախատեսված կալանք մեկ ամիս ժամկետով, ուստի այն համարվում է ոչ մեծ ծանրության հանցանք: Հետևաբար վերոնշյալ արարքը կատարած անձն ազատվում է քրեական պատասխանատվությունից, եթե հանցանքն ավարտված համարելու օրվանից մինչև դատավճռի օրինական ուժի մեջ մտնելու պահն անցել է երկու տարի, իսկ խուսափելու դեպքումª հանցանքն ավարտված համարելու օրվանից անցել է տասը տարի, և այդ ընթացքում վերջինս քրեական օրենսգրքով նախատեսված որևէ այլ արարք չի կատարել, այսինքն` վաղեմության ժամկետի ընթացքը չի ընդհատվել:
Քրեական գործի նյութերի ուսումնասիրությունից պարզ է դառնում, որ ամբաստանյալ Գագիկ Առաքելյանը ոչ մեծ ծանրության հանցանքը կատարել է 25.11.2005թվականին, խուսափել է քննությունից և նրա նկատմամբ հետախուզում է հայտարարվել 07.11.2007թվականին: ՀՀ-ում ՚ԻՆՏԵՐՊՈԼՙ ազգային կենտրոնական բյուրոյի կողմից 14.08.2017թվականին տրված և ՀՀ Ոստիկանության ինֆորմացիոն կենտրոնի կողմից 14.08.2017թվականին տրված պահանջագրերի համաձայնª Գագիկ Առաքելյանի կողմից քրեական օրենսգրքով նախատեսված որևէ այլ արարք չի կատարվել, այսինքն` վաղեմության ժամկետի ընթացքը չի ընդհատվել, իսկ հանցանքն ավարտված համարելու օրվանից անցել է տասը տարուց ավելի ժամանակ, նաև դատարան է ստացվել ամբաստանյալի համաձայնությունըª վաղեմության ժամկետն անցնելու հիմքով քրեական գործի վարույթի կարճման և քրեական հետապնդման դադարեցման վերաբերյալ:
Վերը շարադրված իրավադրույթները, իրավական վերլուծությունները սույն գործի փաստերի նկատմամբ կիրառելովª դատարանն արձանագրում է, որ քրեական գործի նյութերում առկա է քրեական վարույթը բացառող հանգամանք, այն է անցել են անձին քրեական պատասխանատվության ենթարկելու վաղեմության ժամկետները, իսկ համաձայն ՀՀ Քրեական դատավարության օրենսգրքի 35հոդվածի 5-րդ մասիª դատարանը, հայտնաբերելով քրեական հետապնդումը բացառող հանգամանքներ, լուծում է ամբաuտանյալի նկատմամբ քրեական հետապնդումը դադարեցնելու հարցը, հետևաբար քրեական գործի վարույթը ենթակա է կարճման, իսկ քրեական հետապնդումը` դադարեցման:
Գագիկ Ռաֆիկի Առաքելյանի նկատմամբ ընտրված խափանման միջոցըª ստորագրություն չհեռանալու մասին, պետք է վերացնել, քանի որ վերացել է դրա անհրաժեշտությունը:
Գործով քաղաքացիական հայցի պահանջ չկա:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 35 և 313հոդվածներով դատարանը

Ո Ր Ո Շ Ե Ց

Գագիկ Ռաֆիկի Առաքելյանի վերաբերյալ ՀՀ Քրեական օրենսգրքի 258հոդվածի 1-ին մասով թիվ ԵԱՔԴ/0008/01/08քրեական գործի վարույթը կարճել և նրա նկատմամբ քրեական հետապնդումը դադարեցնել` վաղեմության ժամկետն անցնելու հիմքով:
Գագիկ Ռաֆիկի Առաքելյանի նկատմամբ ընտրված խափանման միջոցըª ստորագրություն չհեռանալու մասին, վերացնել:
Քաղաքացիական հայցի պահանջ չկա:
Որոշումը կարող է բողոքարկվել ՀՀ Վերաքննիչ քրեական դատարանª հրապարակման պահից մեկամսյա ժամկետում:
ԴԱՏԱՎՈՐ` Մ.ՄԵԼՔՈՆՅԱՆ