գործ ԵԿԴ/0004/01/18
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Անի Ավագյանի
Մարիամ Սողոմոնյանի

մասնակցությամբ`
մեղադրող` Աբգար Առաքելյանի
տուժող՝ Նվարդ Տեր-Թովմասյանի
տուժողի ներկայացուցիչ՝ Գոռ Վերմիշյանի
պաշտպան` Կարինե Խաչատրյանի

2018 թվականի հունիսի 07-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Արման Արշավիրի Մնացականյանի` ծնված 14.04.1981 թվականին, Կապան քաղաքում, ազգությամբ հայ, ՀՀ քաղաքացի, նախկինում դատված, չի աշխատել, խնամքին 2 անձ, հաշվառված և բնակվել է ք. Կապան Բաղաբերդ թաղամաս 19-րդ շենքի 19-րդ բնակարանում:
Արման Արշավիրի Մնացականյանը մեղադրվում է ՀՀ քրեական օրենսգրքի 175-րդ հոդվածի 2-րդ մասի 4-րդ կետով:
2018 թվականի հունվարի 08-ի որոշմամբ մեղադրյալ Արման Արշավիրի Մնացականյանի նկատմամբ որպես խափանման միջոց է ընտրվել կալանավորումը:
Գործի դատավարական նախապատմությունը.
2018 թվականի հունվարի 04-ին ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից որոշում է կայացվել ՀՀ քրեական օրենսգրքի 175-րդ հոդվածի 2-րդ մասի 4-րդ կետով թիվ 13100218 քրեական գործը հարուցելու մասին:
2018 թվականի հունվարի 04-ին ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից որոշում է կայացվել թիվ 13100218 քրեական գործով ՙՎագա-Ֆարմ՚ ՍՊ ընկերությանը տուժող ճանաչելու մասին:
2018 թվականի հունվարի 04-ին ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից որոշում է կայացվել թիվ 13100218 քրեական գործով Նվարդ Տեր-Թովմասյանին որպես տուժողի ներկայացուցիչ ճանաչելու մասին:
2018 թվականի հունվարի 08-ին ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից որոշում է կայացվել թիվ 13100218 քրեական գործով Արման Արշավիրի Մնացականյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 4-րդ կետով այն բանի համար, որ նա 2018 թվականի հունվարի 04-ին ժամը 19:37-ի սահմաններում, Երևան քաղաքի Զաքյան փողոցի թիվ 10 հասցեում գործող ՙՎագա-Ֆարմ՚ սահմանափակ պատասխանատվությամբ ընկարությանը պատկանող դեղատանը, դեղագործ Նվարդ Արմենի Տեր-Թովմասյանի կյանքի և առողջության համար վտանգավոր բռնութուն գործադելու սպառնալիքով, ձախ ձեռքով բռնել է վերջինիս աջ ձեռքից, ապա՝ որպես զենք օգտագործվող առարկայով՝ նախապես իր հետ վերցրած դանակով, Ն.Տեր-Թովմասյանի վնասվածքներ հասցնելու սպառնալիքով՝ ավազակությամբ հափշտակել է դրամարկղում գտնվող ՍՊ ընկերությանը պատկանող զգալի չափի՝ 177.000 ՀՀ դրամ գումարը և դիմել փախուստի:
2018 թվականի հունվարի 08-ի Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացված որոշման համաձայն Արման Մնացականյանի նկատմամբ որպես խափանման միջոց է ընտրվել կալանավորումը:
2017 թվականի հունվարի 09-ի ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից թիվ 13100218 քրեական գործով կայացված որոշման համաձայն Գոռ Վերմիշյանը ճանաչվել է որպես տուժողի ներկայացուցիչ:
2017 թվականի հունվարի 09-ի ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից թիվ 13100218 քրեական գործով որոշում է կայացրել Արման Մնացականյանի անվամբ սեփականության կամ համասեփականության իրավունքով հաշվառված անշարժ և շարժական գույքի կամ գույքի վրա կալանք դնելու մասին:
2018 թվականի հունվարի 11-ին ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից որոշում է կայացվել թիվ 13100218 քրեական գործով դեպքի փաստը ֆիքսած տեսագրությունը կրող լազերային սկավառակը որպես այլ փաստաթուղթ ճանաչելու մասին:
2018 թվականի հունվարի 16-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան:
Արագացված դատական քննություն.
Մինչ դատաքննության սկսվելը` ամբաստանյալ Արման Արշավիրի Մնացականյանը միջնորդություն է ներկայացրել` դատական քննությունն արագացված կարգով անցկացնելու մասին` հայտարարելով, որ առաջադրված մեղադրանքը իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Մեղադրողը մեղադրական եզրակացությունը հաստատելու մասին որոշմամբ առարկել է արագացված կարգով դատաքննություն անցկացնելու դեմ, սակայն դատարանում օգտվելով իր դատավարական իրավունքներից չի առարկել արագացված կարգով դատական քննություն անցկացնելու կարգ կիրառելու դեմ:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2018 թվականի հունիսի 06-ին որոշում է կայացվել արագացված կարգով դատական քննություն անցկացնելու մասին:
Տուժող Նվարդ Տեր-Թովմասյանը և տուժողի ներկայացուցիչ՝ Գոռ Վերմիշյանը ամբաստանյալի դեմ սահմանված կարգով քաղաքացիական հայց չներկայացրեցին, ինչպես նաև չառարկեցին արագացված կարգ կիրառելու կարգի դեմ:
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Արման Արշավիրի Մնացականյանը կատարել է ՀՀ քրեական օրենսգրքի 175-րդ հոդվածի 2-րդ մասի 4-րդ կետով նախատեսված հանցագործություն` որպիսի արարքի համար նա պետք է պատասխանատվության ենթարկվի:
Արման Մնացականյանը ենթակա է պատժի կատարած արարքի համար:
Դատարանի իրավական վերլուծությունները.
ՀՀ քրեական օրենսգրքի 61-րդ հոդվածի 2-րդ մասի համաձայն ՙՊատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Արման Մնացականյանը առաջադրված մեղադրանքում իրեն մեղավոր է ճանաչել, զղջացել է կատարած արարքի համար:
Ամբաստանյալ Արման Մնացականյանի պատասխանատվությունը և պատիժը մեղմացնող հանգամանքներ առկա չեն:
ՀՀ քրեական օրենսգրքի 63-րդ հոդվածի 1-ին մասի 1-ին կետի համաձայն` ՙՊատասխանատվությունը և պատիժը ծանրացնող հանգամանքներ են հանցանքը կատարելու ռեցիդիվը, հանցանքը որպես արհեստ կատարելը՚:
ՀՀ քրեական օրենսգրքի 84-րդ հոդվածի 1-ին մասը սահմանում է` ՙԱնձը դատվածություն ունեցող է համարվում մեղադրական դատավճիռն օրինական ուժի մեջ մտնելու օրվանից մինչև դատվածությունը մարվելու կամ հանվելու պահը՚:
Նույն հոդվածի 2-րդ մասը սահմանում է` ՙԴատվածությունը, սույն օրենսգրքին համապատասխան, հաշվի է առնվում հանցագործության ռեցիդիվի դեպքում և պատիժ նշանակելիս՚:
Նույն հոդվածի 4-րդ մասի 2-րդ կետը սահմանում է` ՙԱզատազրկումից ավելի մեղմ պատժի դատապարտված անձանց նկատմամբ` նշանակված պատիժը կրելուց մեկ տարի անցնելուց հետո՚:
Նույն հոդվածի 4-րդ մասի 3-րդ կետը սահմանում է` ՙԴատվածությունը մարվում է` ոչ մեծ կամ միջին ծանրության հանցագործության համար ազատազրկման դատապարտված անձանց նկատմամբ` պատիժը կրելուց երեք տարի անցնելուց հետո՚:
Նույն հոդվածի 5-րդ մասի համաձայն` ՙԵթե անձն օրենքով սահմանված կարգով պայմանական վաղաժամկետ ազատվել է պատիժը կրելուց, կամ պատժի չկրած մասը փոխարինվել է ավելի մեղմ պատժով, ապա դատվածությունը մարելու ժամկետը հաշվարկվում է հիմնական պատիժը և լրացուցիչ պատիժը կրելուց ազատելու պահից՚:
Նույն հոդվածի 7-րդ մասը սահմանում է` ՙԵթե անձը մինչև դատվածությունը մարվելը նոր հանցանք է կատարում, ապա դատվածության մարման ժամկետն ընդհատվում է: Առաջին հանցագործության համար դատվածությունը մարվելու ժամկետը հաշվարկվում է վերստին` վերջին հանցագործության համար պատիժը (հիմնական և լրացուցիչ) փաստորեն կրելուց հետո: Այդ դեպքում անձը երկու հանցագործությունների համար էլ դատված է համարվում մինչև դրանցից առավել ծանր հանցագործության համար դատվածությունը մարվելու ժամկետը լրանալը՚:
ՀՀ քրեական օրենսգրքի 22-րդ հոդվածի 1-ին մասի համաձայն` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚:
ՀՀ քրեական օրենսգրքի 67.1 հոդվածը սահմանում է`
1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները:
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Ամբաստանյալ Արման Մնացականյանը, կատարելով ոչ մեծ ծանրության հանցագործություն, Սյունիքի մարզի ընդհանուր իրավասության դատարանի 19.08.2016 թվականի դատավճռով ՀՀ քրեական օրենսգրքի 185-րդ հոդվածի 1-ին մասով դատապարտվել է տուգանքի 60.000 ՀՀ դրամի չափով, սակայն դեռևս դատվածությունը չմարված` 2018 թվականի հունվարի 04-ին Արման Մնացականյանը կատարել է նոր ծանր հանցագործություն, որով էլ Արման Մնացականյանի դատվածության մարման ժամկետն ընդհատվել է, հետևաբար Արման Մնացականյանի նախկին դատվածությունը մարված չէ և ՀՀ քրեական օրենսգրքի 22-րդ հոդվածի 1-ին մասի ուժով, այն է` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚:
Սույն քրեական գործով Արման Մնացականյանին մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 4-րդ կետով, որի սանկցիան նախատեսում է միայն ազատազրկում` առավելագույնը վեցից տասը տարի ժամկետով՝ գույքի բռնագրավմամբ կամ առանց դրա:
Ամբաստանյալ Արման Մնացականյանի նկատմամբ պատժի տեսակը որոշելիս դատարանը հաշվի առնելով ամբաստանյալի անձը, կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, այն որ կատարել է սեփականության դեմ ուղղված հանցագոծություն, պատասխանատվությունը և պատիժը մեղմացնող հանգամանքի բացակայությունը և պատասխանատվությունը և պատիժը ծանրացնող հանգամանքի առկայությունը՝ հանցանքը կատարելու ռեցիդիվը, հանցանքը որպես արհեստ կատարելը` դատարանը հանգում է այն համոզման, որ Արման Մնացականյանի ուղղվելը հնարավոր է միայն՝ նշանակված պատիժը փաստացի կրելու դեպքում, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Դատարանը գտնում է, որ Արման Մնացականյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
2017 թվականի հունվարի 09-ի ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից թիվ 13100218 քրեական գործով կայացված որոշմամբ Արման Մնացականյանի անվամբ սեփականության կամ համասեփականության իրավունքով հաշվառված անշարժ և շարժական գույքի կամ գույքի վրա դրված կալանքը պետք է վերացնել՝ դատավճիռն օրինական ուժի մեջ մտնելուց հետո:
Դատավճիռն օրինական ուժի մեջ մտնելուց հետո այլ փաստաթուղթ ճանաչված դեպքի փաստը ֆիքսած տեսագրությունը կրող լազերային սկավառակը պետք է թողնել քրեական գործի նյութերին կցված դրա պահելու ամբողջ ժամանակաշրջանում:
Դատարանը գտնում է, որ դատական ծախսերն ամբաստանյալներից ենթակա չեն բռնագանձման, քանի որ տուժողը և տուժողի ներկայացուցիչը հնարավորություն ունենալով ամբաստանյալների դեմ ներկայացնելու պահանջ այն չեն ներկայացրել, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:

Եզրափակիչ մաս.
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 357-360-րդ, 3751-րդ և 3753-րդ հոդվածներով, դատարանը

Վ Ճ Ռ Ե Ց`

Արման Արշավիրի Մնացականյանին մեղավոր ճանաչել ՀՀ քրեական օրենսգրքի 175-րդ հոդվածի 2-րդ մասի 4-րդ կետով և դատապարտել ազատազրկման 6 /վեց/ տարի ժամկետով:
ՀՀ քրեական օրենսգրքի 67-րդ հոդվածով սահմանված կարգով` սույն դատավճռով նշանակված պատժին մասնակիորեն գումարել ՀՀ Սյունիքի մարզի ընդհանուր իրավասության առաջին ատյանի դատարանի 2018 թվականի մարտի 22-ի դատավճռով Արման Արշավիրի Մնացականյանի նկատմամբ նշանակված պատժի չկրած մասից` 1 /մեկ/ տարի ժամկետով ազատազրկումից 3 /երեք/ ամիս ժամկետով ազատազրկումը և տուգանք նվազագույն աշխատավարձի հիսունապատիկի 50.000 /հիսուն հազար/ ՀՀ դրամ գումարը ու Արման Արշավիրի Մնացականյանի նկատմամբ վերջնական պատիժ նշանակել ազատազրկում` 6 /վեց/ տարի 3 /երեք/ ամիս ժամկետով և տուգանք նվազագույն աշխատավարձի հիսունապատիկի 50.000 /հիսուն հազար/ ՀՀ դրամ գումարի չափով:
Արման Արշավիրի Մնացականյանի պատժի սկիզբը հաշվել 2018թ. հունվարի 07-ից:
Արման Արշավիրի Մնացականյանի նկատմամբ ընտրված խափանման միջոց` կալանավորումը, թողնել անփոփոխ մինչև դատավճռի օրինական ուժի մեջ մտնելը:
2017 թվականի հունվարի 09-ի ՀՀ քննչական կոմիտեի Երևան քաղաքի վարչության Կենտրոն և Նորք-Մարաշ վարչական շրջանների քննչական բաժնի քննիչ Ա.Թովմասյանի կողմից թիվ 13100218 քրեական գործով կայացված որոշմամբ Արման Մնացականյանի անվամբ սեփականության կամ համասեփականության իրավունքով հաշվառված անշարժ և շարժական գույքի կամ գույքի վրա դրված կալանքը վերացնել՝ դատավճիռն օրինական ուժի մեջ մտնելուց հետո:
Դատավճիռն օրինական ուժի մեջ մտնելուց հետո այլ փաստաթուղթ ճանաչված դեպքի փաստը ֆիքսած տեսագրությունը կրող լազերային սկավառակը թողնել քրեական գործի նյութերին կցված դրա պահելու ամբողջ ժամանակաշրջանում:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման պահից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ` Ա. ԲԵԿԹԱՇՅԱՆ